Sport

Pak ditë para Evropianit, Kosova planifikon kamp dhe miqësore

Published

5 years ago

February 4, 2021

Betim Gashi

Përfaqësuesja e Kosovës në futboll dështoi të kualifikohet në Kampionatin Evropian, që nis më 11 qershor dhe përfundon më 11 korrik të këtij viti. Por, Kosova, muajin qershor do ta shfrytëzojë për një kamp stërvitor, përfshirë edhe zhvillimin e një ndeshjeje miqësore pak ditë para se të nisë Evropiani, që është dashur të mbahej verën e vitit të kaluar, por për shkak të pandemisë së koronavirusit është shtyrë për verën e këtij viti.

Datat e lira për përgatitje të përfaqësueseve pjesëmarrëse në “Euro 2020” dhe ndeshje miqësore janë nga 31 maji deri më 8 qershor.

“Dardanët” planifikojnë që grumbullimin ta organizojnë në shtetin e Austrisë, ndërsa janë në kërkim të një kundërshtari, ka mësuar të enjten KOHA nga burimet e saj brenda Federatës së Futbollit të Kosovës (FFK). Por, në FFK kanë edhe planin B, që në rast se nuk mund të organizohen në Austri, atëherë grumbullimin dhe miqësoren do ta zhvillojnë në Prishtinë.

“Në qershor kemi planifikuar të organizojmë një kamp, ku do ta shfrytëzojmë edhe për një ndeshje miqësore. Jemi duke punuar që ta gjejmë kundërshtarin, kurse si ndeshjen e po ashtu edhe kampin planifikojmë ta mbajmë në Austri. Por, nëse nuk është e mundur, atëherë kampi dhe miqësorja do të zhvillohen në Prishtinë. Kemi kapacitet edhe në Kosovë, por synimi është që ta mbajmë jashtë vendit tonë, pra si opsion e kemi Austrinë. Do ta definojmë brenda pak ditësh”, ka thënë një zyrtar i FFK-së në kushte anonimiteti.

Mundësinë e grumbullimit të përfaqësueses në muajin qershor nuk e ka mohuar as kryetari i Federatës së Futbollit të Kosovës, Agim Ademi. Por, Ademi nuk ka dhënë më shumë detaje, duke thënë se janë duke punuar maksimalisht për t’i realizuar kërkesat e drejtuesve të përfaqësueses. Në fakt, Kosova humbi mundësinë që të luajë në Evropian nëpërmjet plejofit. Humbi në Shkup nga Maqedonia e Veriut, duke u eliminuar në gjysmëfinale. Maqedonia e Veriut është kualifikuar në “Euro 2020” dhe në mesin e saj do t’i ketë disa futbollistë shqiptarë. Me shqiptarë do të paraqitet edhe Zvicra, ndërsa ka gjasa që të ftohet te Belgjika edhe Adnan Januzaj. Kosova në mars do t’i luajë tri ndeshje, një miqësore dhe dy kualifikuese për kampionatin botëror “Katari 2022”. Miqësoren do ta luajë më 24 mars në stadiumin “Fadil Vokrri” në Prishtinë, kundër Lituanisë. Po ashtu, në Prishtinë, më 28 mars, do ta luajë edhe ndeshjen e parë të ciklit të dytë të saj kualifikues për botërorin që mbahet vitin tjetër në Katar. Përballë do ta ketë Suedinë, ndërsa më 31 mars në Sevilla do të përballet kundër gjigantes botërore, Spanjës.

Përveç Suedisë e Spanjës, “Dardanët” në Grupin B eliminator për botërorin e vitit të ardhshëm e kanë edhe Greqinë dhe Gjeorgjinë. Pas ndeshjeve të para, Kosova në shtator luan në udhëtim ndaj Gjeorgjisë, derisa e pret Greqinë. Pastaj, në shtator, saktësisht më datë 8, e pret Spanjën në Prishtinë. Në tetor luan në udhëtim kundër Suedisë, derisa e pret më 12 tetor Gjeorgjinë dhe ciklin e dytë kualifikues e mbyll me ndeshjen që e luan në Athinë kundër Greqisë më 14 nëntor.

Për grumbullin e muajit mars, Kosova shpreson në disa lojtarë të rinj, në mesin e tyre edhe sulmuesin Astrit Selmani dhe mesfushorin Orges Bunjaku. Për të dy futbollistët, më herët për KOHËN, zyrtarë të FFK-së kanë thënë se janë duke punuar në rregullimin e dokumentacionit për ta pasur të drejtën e paraqitjes.

“Jemi duke i përcjellë të gjithë futbollistët dhe kontaktet janë të mira. Nuk mund të konfirmojmë ardhjen e asnjërit derisa t’i kemi në grumbullim. Por, ajo që mund të them është se proceset janë shumë mirë. Do të jenë lojtarë që na shërbejnë për të ardhmen, sepse projektin e kemi jo vetëm për këtë cikël, por edhe për ciklet e ardhshme kualifikuese”, ka thënë drejtori i Përfaqësueses së Kosovës, Muharrem Sahiti.

Sahiti, para se ta merrte postin e drejtorit te Përfaqësuesja e Kosovës, ishte ndihmëstrajner i përzgjedhësit Bernard Challandes. Gjatë afatit kalimtar të janarit nuk pati shumë lëvizje nga futbollistët e Kosovës dhe paraqitja në kualifikimet e Botërorit do të jetë në nivelin e njëjtë. Forma e tyre nuk është më e mira e mundshme. Disa po luajnë, e disa po kanë pak hapësirë në klubet e tyre. Herolind Shala është pa skuadër, ndërsa Benjamin Kololli mungon shkaku i lëndimit. Edhe të tjerët kanë pasur disa probleme të ndryshme me lëndime.

Up Next

Ronaldo pritet të rinovojë me Juventusin deri në vitin 2023

Don't Miss

Borussia Dortmund ulë çmimin e kërkuar për Sanchon

Sport

Messi vazhdon të shkruajë histori, vendos rekord të ri në Kupën e Botës

Published

10 minutes ago

June 23, 2026

UBTNews

Shënimi i golave dhe thyerja e rekordeve janë bërë sinonim i Lionel Messit, dhe superylli argjentinas e dëshmoi këtë edhe një herë të hënën në Kupën e Botës 2026.

Kapiteni i Argjentinës, të cilin shumë e konsiderojnë futbollistin më të mirë të të gjitha kohërave, realizoi dy gola në fitoren 2:0 ndaj Austrisë, duke e çuar në 18 numrin e golave të shënuar në historinë e Kupës së Botës dhe duke vendosur një rekord të ri në turneun më prestigjioz të futbollit.

“Përtej gjithçkaje, jam shumë i lumtur për fitoren. Ishte një ndeshje e vështirë dhe shumë e luftuar. Kjo fitore na jep qetësi për sfidat që na presin. Të gjitha ndeshjet në këtë Kupë Bote janë të barabarta dhe shumë intensive. Po e shijoj këtë moment dhe dua ta ndaj me shokët e ekipit”, tha Messi pas ndeshjes.

Golin e parë ndaj Austrisë, Messi e realizoi në minutën e 38-të, vetëm dy ditë para se të festojë ditëlindjen e 39-të. Me këtë gol, ai shënoi në ndeshjen e gjashtë radhazi në Kupën e Botës, duke iu bashkuar francezit Just Fontaine dhe legjendës braziliane Jairzinho si futbollistët e vetëm që kanë arritur këtë sukses.

Messi kishte barazuar rekordin e gjermanit Miroslav Klose me “hat-trickun” e realizuar në fitoren 3:0 ndaj Algjerisë në ndeshjen hapëse të Grupit J. Kundër Austrisë pati mundësinë ta thyente rekordin që në minutën e nëntë, por humbi një penallti, duke e dërguar topin jashtë portës.

“Pati momente kur isha shumë i zemëruar që humba penalltinë, por arrita ta kompensoja më vonë”, u shpreh ai.

Argjentina siguroi kualifikimin në fazën eliminatore pas dy fitoreve në po aq ndeshje në grup, ndërsa Messi ka realizuar të pesë golat e skuadrës deri tani në Botërorin e tij të gjashtë.

Rekordi historik u vendos me golin e tij të parë ndaj Austrisë, të shënuar në minutën e 38-të pas asistimit të Facundo Medina. Më pas, në kohën shtesë, Messi realizoi edhe golin e dytë personal dhe të 18-tin në Kupat e Botës.

Austria, e cila e nisi turneun me fitore 3:1 ndaj Jordanisë, do ta kërkojë kualifikimin në ndeshjen e fundit të grupit kundër Algjerisë në Kansas City.

Ndërkohë, Argjentina do të rikthehet në stadiumin AT&T për t’u përballur me Jordaninë në sfidën e fundit të fazës grupore.

D.L

Sport

Mbappe shkëlqen me dy gola, Franca kalon në fazën nokaut

Published

22 minutes ago

June 23, 2026

UBTNews

Kylian Mbappé realizoi dy gola, ndërsa Ousmane Dembélé kontribuoi me një gol dhe një asistim në fitoren e sigurt 3:0 të Francës ndaj Irakut, në një ndeshje të zhvilluar në Philadelphia.

Takimi u shndërrua në një maratonë të vërtetë. Ai nisi në orën 23:00 të së hënës, por përfundoi pak para orës 03:00 të mëngjesit të së martës, pasi fillimi i pjesës së dytë u shty për afro dy orë për shkak të kushteve të pafavorshme atmosferike.

Mbappe hapi serinë e golave me një supergol në minutën e 14-të për epërsinë 1:0. Sulmuesi francez realizoi edhe golin e dytë në minutën e 54-t, pas asistimit të Dembeles.

Dembélé vulosi fitoren me golin për 3:0 në minutën e 66-të. Në golin e parë të Mbappes dhe në atë të Dembeles asistoi Michael Olise.

Me këtë fitore, Franca siguroi kualifikimin nga Grupi I në fazën nokaut të Kupës së Botës, ndërsa Iraku mbeti pa pikë dhe u eliminua nga gara.

Mbappe vazhdon të shkruajë histori. Me dy golat e shënuar ndaj Irakut, ai arriti kuotën e 16 golave në Kupat e Botës, duke barazuar rekordin e Miroslav Klose. Vetëm dy gola më shumë ka rekordmeni aktual, Lionel Messi.

Kjo ishte paraqitja e 100-të e Mbappes me fanellën e Francës, ndërsa ai tashmë numëron 60 gola me kombëtaren. Sulmuesi 27-vjeçar kishte shënuar dy herë edhe në fitoren 3:1 ndaj Senegalit në ndeshjen e parë të grupit.

Franca do ta zhvillojë ndeshjen e radhës më 26 qershor, kur përballet me Norway në duelin për vendin e parë në grup.

D.L

Sport

Norvegjezët festuan avancimin në fazën nokaut me festën virale vikinge

Published

28 minutes ago

June 23, 2026

UBTNews

Fitoren ndaj Senegalit, e cila ia siguroi Norvegjisë kualifikimin në fazën nokaut të Kupës së Botës, futbollistët norvegjezë e festuan në mënyrë të veçantë dhe spektakolare.

Pas ndeshjes, lojtarët dhe stafi teknik u rreshtuan në dhjetë radhë brenda zonës së penalltisë në skajin verior të stadiumit MetLife Stadium, përballë tifozëve të tyre të veshur me fanellat e kuqe të kombëtares.

Në krye të grupit ishte sulmuesi Erling Haaland, ndërsa kapiteni Martin Ødegaard i binte një daulleje “bongo”. Të gjithë së bashku interpretuan festën e njohur vikinge, në koordinim me tifozët.

Kjo festë realizohet duke thirrur “Ro” dhe duke imituar lëvizjet e vozitësve në një varkë, një ritual që është bërë simbol i unitetit mes ekipit dhe tifozëve.

“Të gjithë e kemi parë në internet dhe është bërë plotësisht virale. Martin më tha para ndeshjes: ‘Çfarë mendon? A duhet t’u bashkohemi?’”, ka treguar Haaland, i cili shënoi dy gola në fitoren 3:2 të Norvegjisë.

“Thashë me vete: nëse fitojmë, pse jo? Dhe ja ku jemi. Mendoj se ishte momenti i përkryer për ta bërë këtë”, shtoi superylli norvegjez.

Festa vikinge ka fituar popullaritet të madh në Norvegji. Javën e kaluar, madje edhe deputetët e parlamentit norvegjez e realizuan atë në shenjë mbështetjeje për kombëtaren në Botëror.

“Ishte argëtuese”, u shpreh selektori i Norvegjisë, Ståle Solbakken.

D.L

Foto: Reuters

Sport

Gara e Çmendur për “Këpucën e Artë”: Messi, Mbappe dhe Haaland thyejnë rekorde historike

Published

59 minutes ago

June 23, 2026

UBTNews

Botërori i futbollit po dhuron një skenar epik që nuk shihej që nga viti 1954. Pas vetëm dy ndeshjeve të para, Lionel Messi kryeson listën e golashënuesve me pesë gola, i ndjekur këmba-këmbës nga Kylian Mbappe dhe Erling Haaland me nga katër gola secili.

Në një “ditë superyjesh”, 38-vjeçari Messi shënoi dy herë kundër Austrisë duke çuar rekordin e tij historik në 18 gola në Kupën e Botës. Mbappe u përgjigj menjëherë me dy gola në ndeshjen e tij të 100-të me Francën, duke u barazuar me Miroslav Klose-n me 16 gola totalë.

Ndërkohë, makineria e golave, Erling Haaland, shkëlqeu me dygolësh ndaj Senegalit, duke konfirmuar se është i pandalshëm para porte. Me Harry Kane që pret radhën për t’iu bashkuar festës, kjo po shndërrohet me shpejtësi në garën më magjepsëse që ka parë historia e futbollit. /E.A/