Lajmet
Osmani në Budapest: Zgjedhjen e Trump nuk e shoh si kërcënim për Kosovën
Presidentja Vjosa Osmani në fjalimin e saj në Samitin e Komunitetit Politik Evropian në Budapest, ka deklaruar se Kosova ka pasur mbështetjen e çdo administrate të SHBA-së qe nga fillimi i viteve ’90 dhe beson se kjo mbështetje do të vazhdojë edhe me administratën e presidentit Donald Trump.
Osmani ka thënë se Kosova do të kontribuojë në forcimin e marrëdhënieve euro-atlantike pasi një gjë e tillë është në dobi të sigurisë dhe paqes botërore.
“Është një iniciativë që beson fort në partneritetin midis vendeve evropiane si dhe Shteteve të Bashkuara, pra ajo beson në vlerat e përbashkëta euroatlantike. Besoj, si një vend që ka përfituar kaq thelbësisht nga ky partneritet euroatlantik, që zgjedhja e presidentit Trump do të vazhdojë të forcojë këtë marrëdhënie dhe sigurisht që të gjithë do të japim një kontribut në këtë drejtim. Unë besoj fuqishëm se ky bashkëpunim i fortë mes Evropës dhe Shteteve të Bashkuara do të vazhdojë, është në dobi të sigurisë dhe paqes botërore”, ka thënë Osmani.
Duke folur mbi dialogun mes Kosovës dhe Serbisë në Bruksel, Osmani ka shtuar se diskutimet po vazhdojnë mes kryenegociatorëve për mënyrën e zbatimit të marrëveshjeve të arritura, teksa bëri thirrje për vazhdimin e mbështetjes për Ukrainën.
“Po vazhdojnë diskutimet në Bruksel mes kryenegociatorëve, kryesisht se si mund të vazhdojmë me zbatimin e marrëveshjeve që janë arritur. Këtu siç e dini, temat janë vendosur, kryesisht është se si mund të bashkohemi të gjithë si vende evropiane në gjetjen e zgjidhjeve për çështje si paqja, stabiliteti, siguria ekonomike, si dhe kriza energjetike. Pra, ne do të japim kontributin tonë të vogël, por mendoj të rëndësishëm, dhe në të njëjtën kohë, sigurisht, do të bëjmë thirrje për vazhdimin e mbështetjes për Ukrainën, sepse ne besojmë se ky nuk është vetëm një kërcënim për sovranitetin e Ukrainës, por një kërcënim për sigurinë e të gjithëve ne, dhe sa më të fortë të jemi, aq më të bashkuar të jemi në përballjen me këtë sfidë të sigurisë në kontinentin tonë, aq më mirë për të gjithë ne”, ka thënë Osmani.
Ndërsa, për fitoren e republikanit Donald Trump, presidentja e Kosovës ka theksuar se nuk e sheh si kërcënim.
“Nuk e shoh si kërcënim, Kosova në fakt ka përfituar për dekada nga një mbështetje mbi partizane nga Shtetet e Bashkuara. Ne u bëmë të pavarur kur republikanët ishin në pushtet, ne u bëmë të lirë kur demokratët ishin në pushtet, ne punuam shumë ngushtë me çdo administratë dhe unë besoj fuqimisht që do të vazhdojë të jetë kështu”, ka theksuar ajo.
Presidentja ka potencuar se është një mundësi për të përmirësuar marrëdhëniet tona dhe për të pasur një rol të fortë të Shteteve të Bashkuara për çështjet që kanë të bëjnë me paqen, stabilitetin, sigurinë dhe prosperitetin në Ballkanin Perëndimor.
Komuniteti Politik Evropian u themelua mbi parimin e pozitës së barabartë të të gjithë anëtarëve, të gjitha vendeve brenda kontinentit evropian, me qëllim jo vetëm diskutimin, por edhe gjetjen e zgjidhjeve për sfidat e përbashkëta.
Një grua ka ndërruar jetë në Qendrën Klinike Universitare të Kosovës (QKUK) pasi gjendja e saj shëndetësore është përkeqësuar gjatë trajtimit mjekësor. Lidhur me rastin, Policia e Kosovës ka nisur hetime për të sqaruar rrethanat që çuan në vdekjen e saj.
Ngjarja ka ndodhur në Prishtinë, ndërsa viktima, një femër kosovare, ishte dërguar në Emergjencën e QKUK-së në gjendje të rënduar shëndetësore. Pavarësisht përpjekjeve të stafit mjekësor për ta stabilizuar, ajo nuk ka mundur të mbijetojë.
“Një femër kosovare është dërguar në QKUK për trajtim mjekësor në gjendje të rëndë shëndetësore. Gjatë trajtimit mjekësor gjendja e viktimës është përkeqësuar dhe mjekët kanë konfirmuar vdekjen e saj. Me vendim të prokurorit, trupi i pajetë është dërguar në Institutin e Mjekësisë Ligjore për obduksion”, thuhet në raportin e Policisë së Kosovës.
Autoritetet kanë bërë të ditur se hetimet janë në zhvillim e sipër për të përcaktuar shkaqet e saktë të vdekjes dhe nëse ka pasur ndonjë neglizhencë ose faktor tjetër që mund të ketë ndikuar në këtë humbje jete.
Në pritje të rezultateve të obduksionit, rasti mbetet i klasifikuar si “hetim mbi vdekjen”, ndërkohë që familjarët e viktimës janë njoftuar dhe janë duke bashkëpunuar me hetuesit./UBTNews/
Një incident i rëndë ka ndodhur të mërkurën në Fushë-Kosovë, ku një person është therur me thikë pas një mosmarrëveshjeje.
Sipas raportit të Policisë së Kosovës, një burrë është arrestuar pasi ka sulmuar një tjetër me thikë, duke i shkaktuar lëndime trupore. Viktima është dërguar menjëherë për trajtim mjekësor, ndërsa i dyshuari është ndaluar me vendim të prokurorit.
“Është arrestuar i dyshuari mashkull kosovar për shkak se pas një mosmarrëveshje ka sulmuar me thikë viktimën mashkull kosovar duke i shkaktuar lëndime trupore. Viktima është dërguar për trajtim mjekësor, ndërsa i dyshuari pas inicimit të rastit me vendim të prokurorit është dërguar në mbajtje”, thuhet në raportin e Policisë.
Hetimet për rrethanat e sakta të rastit janë duke vazhduar./UBTNews/
Kina vendos tarifa 84% për mallrat amerikane, paraqet ankesë të re në OBT
Champions League: Barcelona ‘poker’ ndaj Dortmundit, PSG përmbys Aston Villën
SHBA-ja i kundërpërgjigjet Kinës me tarifa prej 125 për qind
Vdiq në QKUK pas përkeqësimit të gjendjes, Policia nis hetim
Merz njofton për marrëveshjen për Qeverinë, synon të bëhet kancelar në maj
Theret një person në Fushë-Kosovë
Sot nis regjistrimi i deputetëve të rinj në Kuvendin e Kosovës
Pretendon se është njeriu më i vjetër në botë, fermeri feston 125-vjetorin
Gjethet e lakrës si kurë kundër dhembjeve të kokës – Si t’i përdorni?
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë