Lajmet

Opozita kërkon të rikthehet në komisione Projektligji për KPM-në, refuzohet nga VV-ja

Published

on

Me 25 vota për, 50 kundër dhe tri abstenime nuk ka kaluar propozimi i deputeti të LDK-së, Driton Selmanaj, që projektligji për Komisionin e Pavarur për Media të tërhiqet nga rendi i ditës për votim dhe t’i kthehet komisioneve.

Deputeti Selmanaj, tha se letra e BE-së sa i përket këtij projekligji thotë se nuk janë marr për bazë rekomandimet e tyre.

“Zyra BE ka thënë se nëse këto nuk reflektohen do të shkruhen në raportin e progresit”, ka thënë ai.

Deputeti i VV-së Valon Ramadani, ka thënë se në amendamente e këtij projektligji janë marr parasysh rekomandimet e BE-së.

“93 amendamente janë marr parasysh edhe komente e BE-së, OSBE si dhe raportet e Këshillit të Evropës. Nuk është e vërtetë që më këtë projektligj cenohet pavarësia e mediave. Ato amendamente janë marr parasysh çështjet kryesore”.

Me propozimin e Selmanajt u pajtuar, edhe deputeti i PDK, Abelard Tahiri.

“Ligji për KPM të tërhiqet, kemi reagim zyrtar nga BE që ky projektligj të tërhiqet. Unë besoj që sot ju duhet me pasur kurajo pas reagimit që ky projektligj të tërhiqet nga rendi i ditës. Është e pa logjikshme që ne të vazhdojmë punën nëse këto tri kërkesa që janë edhe të BE-së të mos largohen nga rendi i ditës dhe ne të vazhdojmë të qëndrojmë këtu”, ka thënë ai.

Deputeti i AAK-së Pal Lekaj, ka thënë se janë të pa vërteta deklarata e deputetit Ramadani se janë marr për bazë rekomandimet e BE.

“Mendoj që ajo që u tha nga kryetari i Komisionit (Valon Ramadani) nuk qëndron sepse kemi kundërshtim të fuqishëm nga BE-ja”, ka thënë Lekaj.

Aktualitet

Parashikimi i motit

Published

on

Sot në vendin tonë do të mbajë mot kryesisht i vranët ka njoftuar Instituti Hidrometeorologjik i Kosovës.

Sipas IHMK-së, temperaturat minimale do të sillen mes 4 dhe 7 gradë Celsius, ndërsa ato maksimale mes 11 dhe 15 gradë Celsius.

Era do të fryjë kryesisht nga perëndimi, e lehtë deri mesatare. /S.K/KP/

Continue Reading

Lajmet

Vazhdon sot procesi gjyqësor në Hagë

Published

on

E përditësuar:

07:45

Vazhdon edhe sot procesi gjyqësor ndaj ish-krerëve të Ushtrisë Çlirimtare të Kosovës. Në këtë seancë do të vazhdojë paraqitja e provave, nga dëshmitarët që janë ftuar nga ana e mbrojtjes.

Seanca parashihet të nisë nga ora 09:00.

Gjatë dy javëve të kaluar kanë dëshmuar tre dëshmitarë të thirrur nga Mbrojtja. John Duncan ishte dëshmitari i tretë i cili ishte një ish-punonjës i shërbimit diplomatik të Britanisë së Madhe, ku ai dha dëshmi kryesisht në seancë publike.

Në çështjen gjyqësore Thaçi dhe të tjerët për krime lufte, Trupi Gjykues më 18 shtator urdhëroi vazhdimin e paraburgimit për Rexhep Selimin, Kadri Veselin dhe Jakup Krasniqin, duke konstatuar se vazhdojnë të ekzistojnë rreziqet që të akuzuarit mund të pengojnë ecurinë e procesit ose të kryejnë vepra penale të tjera.

Trupi Gjykues gjykoi se lirimi i të akuzuarve në posedim të informacionit të ndjeshëm nuk do të ndihmonte mbrojtjen efikase të dëshmitarëve që kanë dhënë dëshmi tashmë ose të atyre që mund të dëshmojnë në procese paralele. Në rastin e z. Selimi, Trupi Gjykues rikujtoi se duket se z. Selimi nxori informacion konfidencial për palë të treta të paautorizuara, çka përforcoi konstatimin e Trupit Gjykues se ekziston rreziku që z. Selimi të pengojë ecurinë e procesit.

Sipas mendimit të Trupit Gjykues, rreziqet e identifikuara mund të zvogëlohen vetëm përmes kornizës për monitorimin e komunikimeve që zbatohet në objektin e paraburgimit të Dhomave të Specializuara./S.K/EO/

Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

on

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

on

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Të kërkuara