Lajmet

Once Upon a Time in Hollywood – A e vrau Cliff gruan e tij Billie?

Published

5 years ago

on

Aksident apo vrasje?

Ky ishte misteri i madh i Once Upon a Time in Hollywood: A e vrau Cliff Booth (luajtur nga Brad Pitt) gruan e tij Billie apo ishte një aksident? Nëse në filmin artistik, Quentin Tarantino e la të dyshohej, ai bëri zgjedhjen për të zbuluar gjithçka në një libër, të shkruar nga ai vetë.

Ndërsa libri del në Shtetet e Bashkuara, faqja e internetit e SlashFilm detajon një pjesë ku më në fund mësojmë të vërtetën: Ishte me të vërtetë një vrasje, goditja me fuzhnjë nuk shkoi vetvetiu. Tarantino shkruan: “Cliff qëlloi gruan e tij me fuzhnjën e peshkaqenit, ai e dinte se ishte një ide e keqe“.

Fuzhnja goditi gruan e Cliff “pak poshtë kërthizës, duke e shqyer atë në gjysmë, çdo pjesë e saj binte mbi kuvertën e anijes, duke e spërkatur atë. Regjisori-romancier vazhdon të shpjegojë se ndërsa Cliff “e urrente këtë grua për ato që dukeshin si vite”, “në momentin që ai e sheh atë të prerë në dy … vjet armiqësi dhe inat menjëherë zhduken”.

Gjithashtu, Cliff Booth përpiqet të mbajë trupin së bashku… ndërsa gruaja e tij është ende gjallë. Agonia e tij do të zgjasë shtatë orë, gjatë së cilës ata do të kenë një diskutim të gjatë në lidhje me marrëdhëniet e tyre dhe jetën e tyre së bashku.

Cliff është shumë i frikësuar për të thirrur për ndihmë, por më në fund rojet bregdetare arrijnë, duke u përpjekur për të marrë Billie në anije e tyre, por ajo përfundon duke vdekur. Cliff u tregon të gjithëve se ishte një aksident i pastër.

“Por mund të largohej Cliff nga kjo?” pyet Tarantino. “Lehtë. Historia e tij ishte e besueshme dhe askush nuk mund të dëshmonte të kundërtën. Cliff ndihej tmerrshëm për atë që i bëri asaj. Por, me gjithë keqardhjen dhe pendimin që ndjeu, nuk i shkoi ndërmend të mos përpiqej t’i shpëtonte drejtësisë” përfundon ai.

(Përktheu dhe përshtati UBTNews)

Related Topics:
Continue Reading

Lajmet

Nuk ka ndryshim: Çmimi i naftës mbetet i njëjtë.

Published

5 hours ago

on

April 30, 2026

By

Çmimet e derivateve në Kosovë nuk kanë pësuar lëvizje gjatë 24 orëve të fundit. Sipas tavanit të përcaktuar nga Ministria e Industrisë, Ndërmarrësisë dhe Tregtisë (MINT), vlerat maksimale të shitjes për sot janë: Nafta: 1.68 euro për litër; Benzina: 1.47 euro për litër; Gazi: 0.85 euro për litër

Shtrenjtimi i theksuar i naftës erdhi si pasojë e tensioneve gjeopolitike që nisën më 28 shkurt, pas shpërthimit të konfliktit mes SHBA-së, Izraelit dhe Iranit.

Situata u rëndua veçanërisht me mbylljen e Ngushticës së Hormuzit nga ana e Iranit, një pikë strategjike përmes së cilës qarkullon rreth 20% e furnizimit botëror me naftë.

Continue Reading

Lajmet

Raste të dhunës dhe lëndimeve në disa qytete

Published

5 hours ago

on

April 30, 2026

By

Sipas raportit të fundit të policisë, gjatë 29 prillit  janë regjistruar disa raste të dhunës fizike dhe lëndimeve trupore në disa qytete të Kosovës, ku disa persona janë arrestuar dhe janë marrë masa nga prokuroria.

Në Prishtinë, në rrugën “Garibaldi”,  janë arrestuar tre të dyshuar meshkuj kosovarë, të cilët pas një mosmarrëveshjeje dyshohet se janë përleshur fizikisht mes vete. Si pasojë, dy prej tyre kanë pësuar lëndime trupore dhe kanë pranuar tretman mjekësor. Me vendim të prokurorit, pas intervistimit, njëri i dyshuar është dërguar në mbajtje, ndërsa dy të tjerët janë liruar në procedurë të rregullt.

Në një rast tjetër në Prishtinë, në rrugën “Agim Hajrizi”, një femër kosovare është sulmuar fizikisht nga një mashkull kosovar pas një mosmarrëveshjeje. I dyshuari, pas intervistimit, me vendim të prokurorit është dërguar në mbajtje.

Ndërkohë, në Prizren, në rrugën “Edit Durham” , janë arrestuar dy meshkuj kosovarë të dyshuar se kanë sulmuar dhe therur me thikë një viktimë mashkull kosovar. Viktima është dërguar për trajtim mjekësor, ndërsa të dyshuarit, pas intervistimit, me vendim të prokurorit janë dërguar në mbajtje.

Continue Reading

Lajmet

Sulm me thikë në Mitrovicë, e dyshuara dërgohet në spitalin psikiatrik

Published

6 hours ago

on

April 30, 2026

By

Një grua është arrestuar pasditen e së mërkurës në jug të Mitrovicës, pasi dyshohet se ka therë me thikë një burrë.

Viktima është dërguar menjëherë për mjekim, ndërsa e dyshuara, me vendim të prokurorit, është dërguar për trajtim në Klinikën e Psikiatrisë.

Policia po e heton rastin si “lëndim i rëndë trupor”.

Continue Reading

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

6 hours ago

on

April 30, 2026

By

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.
Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.
Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.
Ky koncert është më shumë se një paraqitje artistike  është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.

Continue Reading

Të kërkuara