Bota

OKB-ja: Krime të pashembullta janë kryer sistematikisht në Siri në periudhën e Asadit

Published

5 months ago

on

Kreu i Mekanizmit Ndërkombëtar të Paanshëm dhe të Pavarur të Kombeve të Bashkuara (IIIM) që heton krimet në Siri, Robert Petit, njoftoi se gjatë periudhës së regjimit të Bashar Asadit në Siri janë kryer krime të pashembullta sistematikisht.

Petit iu përgjigj pyetjeve të gazetarit të Anadolus, lidhur me atë se çfarë ndodhi pas përmbysjes së regjimit të Asadit në Siri më 8 dhjetor 2024, krimet e kryera gjatë regjimit dhe llogaridhënies.

Duke nënvizuar se në vend ende po përjetohet një periudhë tranzicioni, Petit thotë se “zyrtarët e qeverisë kalimtare” janë shumë aktivë dhe se po përpiqen që të sigurojnë kontrollin.

“Mendoj se ka shumë arsye për të qenë me shpresë në përgjithësi, por në të njëjtën kohë ka shumë sfida përpara dhe një situatë e veçantë humanitare që është ende shumë e rëndë“, tha ai.

Ai rikujtoi se institucioni që ai përfaqëson IIIM më 21 dhjetor 2024 ka zhvilluar një vizitë në Siri, duke treguar se ata kanë hyrë në një zonë specifike ku ka shumë dokumente.

“Jemi në dijeni për një sasi të pabesueshme informacioni ende atje pavarësisht se shumica janë shkatërruar, vjedhur dhe humbur. Ka shumë dëshmi se regjimi vite të tëra ka kryer brutalitet duke përdorur të gjithë mjetet e tij. Ende ekziston një situatë shumë e brishtë ku dëshmitë mund të humbasin“, tha Petit, duke shtuar se presin leje nga autoritetet në Siri për të mundur të fillojnë punën atje.

Petit tha se ata shpresojnë të kenë akses në zonat ku ndodhen këto dëshmi të rëndësishme, duke theksuar se këto janë prova që tregojnë për ata që janë më përgjegjës për të gjitha krimet e kryera në Siri.

“Në vitet e regjimit të Asadit nuk u nisën procese ligjore për ata që i kanë kryer këto krime. Nuk kishte drejtësi në Siri për ata që i kryejnë këto krime. Kishte një imunitet të plotë“, tha ai.

“Është thelbësisht e rëndësishme që arkitektët kryesorë të këtyre krimeve të mbahen në mënyrë të qartë përgjegjëse dhe të ndiqen penalisht siç duhet. Në këtë mënyrë mund të zbulohet e vërteta dhe të sigurohet llogaridhënia e duhur. I gjithë komuniteti ndërkombëtar duhet të mbështesë një proces në të cilin sirianët do të udhëheqin dhe vendosin vetë“, shtoi Petit.

Duke vënë në dukje se OKB-ja ka shumë përvojë në mjediset pas konfliktit, Petit kujtoi se kjo është arsyeja pse u krijua IIIM, për të ndihmuar në sigurimin e përgjegjësisë për mizoritë masive në Siri.

“Është e vërtetë që këto krime ishin të shumta dhe sistematike. Llojet e krimeve ishin të pashembullta nga disa aspekte. Mund të mendojmë vetëm për përdorimin e armëve kimike kundër civilëve, por edhe sistemi i burgjeve është pjesë e kësaj“, tha Petit.

Duke folur për një raport që ata përgatitën dy ditë para rënies së regjimit, duke dokumentuar më shumë se 100 qendra paraburgimi ku sirianë u burgosën, u torturuan dhe ishin pjesë e këtij sistemi për vite me radhë, Petit tha se 3 javë pas rrëzimit të regjimit në Siri i ka parë njerëzit me shumë shpresë.

Related Topics:
Continue Reading

Bota

Trump thotë ‘është mirë që jam në Skoci’, zbarkon për një udhëtim katër-ditor

Published

20 hours ago

on

July 26, 2025

By

Presidenti amerikan Donald Trump tha se “është shumë mirë të jesh në Skoci” teksa zbarkoi për një vizitë private katër-ditore.

Pasi Air Force One zbarkoi në Aeroportin e Prestwick, pak para orës 20:30, presidenti amerikan u prit nga Sekretari Skocez Ian Murray dhe Warren Stephens, Ambasadori i SHBA-së në Mbretërinë e Bashkuar.

Trump foli me gazetarët përpara se autokolona presidenciale të nisej për në resortin e tij Turnberry, në South Ayrshire, ku pritet të luajë golf të shtunën, shkruan BBC.

Duke folur për Sir Keir Starmer, të cilin do ta takojë të hënën, ai tha: “Më pëlqen kryeministri juaj. Ai është pak më liberal se unë – siç ndoshta e keni dëgjuar – por është një njeri i mirë. Ai arriti një marrëveshje tregtare.”

Autokolona – e cila përmbante më shumë se dy duzina automjetesh – hyri në resortin e golfit Turnberry të Trump rreth orës 21:30, i shoqëruar nga automjete të Policisë së Skocisë dhe ekipe ambulancash.

Ndërsa mbërriti në hotelin luksoz, automjeti i presidentit – i njohur si Bisha – kaloi pranë një grupi të vogël protestuesish.

Trump do të qëndrojë në Turnberry gjatë fundjavës përpara se të shkojë në pronën e tij të dytë në Aberdeenshire, ku do të hapë një fushë të re me 18 vrima në Menie.

Ai u tha gazetarëve se një yll i ndjerë i James Bond luajti një rol vendimtar në projekt.

Trump tha: “Sean Connery më ndihmoi të merrja lejet – nëse nuk do të ishte për Sean Connery nuk do t’i kishim ato fusha të shkëlqyera.”

Continue Reading

Bota

Monumenti për viktimat e gjenocidit të Srebrenicës u përurua në Paris

Published

2 days ago

on

July 25, 2025

By

Anëtari boshnjak i Presidencës së Bosnjës dhe Hercegovinës, Denis Beçiroviq dhe kryetarja e Bashkisë së metropolit francez, Anne Hidalgo përuruan sot në Paris monumentin kushtuar viktimave të gjenocidit të Srebrenicës.

Monumenti ndodhet në rrugicën e monumenteve përkujtimore në varrezat Père Lachaise, pranë atyre të dedikuara për viktimat e gjenocidit në Ruandë dhe ushtarëve francezë të vrarë në Luftën e Dytë Botërore.

Ai u ngrit me rastin e 30-vjetorit të gjenocidit kundër boshnjakëve, dhe iniciativa për ndërtimin e tij erdhi nga organizata joqeveritare Solidariteti me Bosnjën dhe Hercegovinën (SIBH-Francë), me mbështetjen e autoriteteve të qytetit të Parisit, transmetojnë mediat boshnjake.

“Kujtimi i gjenocidit të Srebrenicës duhet të jetë themeli për ndërtimin e një të ardhmeje më të mirë, më të sigurt dhe më të drejtë, sepse vetëm me të vërtetën, respektin për viktimat dhe përgjegjësinë mund të sigurohemi që gjenocidi të mos ndodhë më kurrë“, tha Beçiroviq.

Gjenocidi i Srebrenicës, i kryer nga forcat serbe të Bosnjës, konsiderohet krimi më i keq i luftës i kryer në Evropë që nga Lufta e Dytë Botërore. Më shumë se 8 mijë burra dhe djem boshnjakë u vranë në masakrën serbe në vitin 1995.

Continue Reading

Bota

ShBA kundërshton propozimin e Macron për njohjen e shtetit palestinez: Vendim i njëanshëm

Published

2 days ago

on

July 25, 2025

By

Kreu i diplomacisë amerikane e bëri të qartë të enjten se “kundërshton fuqishëm” vendimin e presidentit francez Emmanuel Macron për të njohur shtetin e Palestinës gjatë Asamblesë së Përgjithshme të OKB-së në shtator.

Ai e ka cilësuar si një vendim të njëanshëm dhe që, sipas tij, e largon paqen.

“Ky vendim i njëanshëm nuk shërben për asgjë tjetër përveçse për propagandën e Hamasit dhe përbën një hap prapa për procesin e paqes. Është një shuplakë në fytyrën e viktimave të 7 tetorit 2023,” deklaroi Sekretari amerikan i Shtetit, Marco Rubio, përmes një postimi në platformën X.

Ndërkohë, ambasadori amerikan në Izrael, Mike Huckabee, kishte deklaruar në muajin qershor se nuk e konsideron më prioritet të politikës së jashtme amerikane krijimin e një shteti të pavarur palestinez.

Continue Reading

Bota

​Macron thotë se Franca do ta njohë Palestinën si shtet

Published

2 days ago

on

July 25, 2025

By

Presidenti francez Emmanuel Macron njoftoi sonte se vendi i tij do ta njohë Palestinën si shtet.

Në një deklaratë të postuar në rrjetin X, Macron tha se vendimi do të formalizohet në Asamblenë e Përgjithshme të OKB-së në muajin shtator.

“Duke pasur parasysh angazhimin e saj historik për një paqe të drejtë dhe të qëndrueshme në Lindjen e Mesme, kam vendosur që Franca të njohë shtetin e Palestinës. Paqja është e mundur”, ka shkruar ai.

“Gjëja urgjente sot është që lufta në Gaza të ndalet dhe popullsia civile të shpëtohet”, thuhet në deklaratën e Macron, e cila përfshinte edhe një letër dërguar presidentit palestinez Mahmoud Abbas në lidhje me vendimin.

Aktualisht, mbi 140 vende njohin shtetin palestinez. Macron në qershor shprehu një vendosmëri për të njohur shtetin e Palestinës dhe mbështeti një lëvizje më të gjerë drejt një zgjidhjeje me dy shtete.

Continue Reading

Të kërkuara