Lajmet

OBSh: Omicron me përhapje të stuhishme në Evropë

Deri në mes të marsit mund të jetë infektuar më shumë se gjysma e evropianëve nga varianti Omicron.

Published

4 years ago

January 12, 2022

Betim Gashi

Organizata Botërore e Shëndetësisë (OBSh) parashikon një situatë të zymtë lidhur me pandeminë e coronavirusit. Deri në mes të marsit mund të jetë infektuar më shumë se gjysma e evropianëve nga varianti Omicron.

Omicron është si një stuhi, që po kalon nga Perëndimi në Lindje përmes rajonit evropian dhe po i shtohet shifrave të rritura të variantit Delta, tha drejtori rajonal i OBSh-së, Hans Kluge. Varianti Omicron i coronavirusit po shndërrohet shpejt në variantin dominant në Evropën Perëndimore dhe po përhapet tani edhe në Ballkan.

Në sfondin e ritmit aktual të përhapjes Institutit Studimor, IHME bazuar në kalkulimin e modeleve të mundshme parashikon, që mbi 50 përqind e popullsisë në rajonin evropian mund të infektohen me Omicron në gjashtë deri në tetë muajt e ardhshëm. Në një raport të institutit më 8 janar thuhet shprehimisht; „Modelet tona për rajonin evropian parashikojnë, që në mes të janarit me mbi 12 milionë infeksione në ditë të arrihet niveli më i lartë – por kuotat më të larta në nivel kombëtar mund të variojnë dukshëm nga njëra-tjetra”.

“Të shfrytëzohet hapësira e mbetur kohore

Vetëm në javët e parat ë 2022 në rajonin evropian janë regjistruar më shumë se shtatë milionë raste me coronavirus, që do të thotë se ka një dyfishim brenda një harku kohor dyjavor, tha drejtori rajonal i OBSh-së, Kluge. Omicron ndërkohë është raportuar në 50 nga 53 vendet në Europë dhe në Azinë Qendrore.

Kluge u bëri thirrje vendeve pa rritje të shifrave me variantin Omicron, që ta shfrytëzojnë hapësirën kohore për të marrë masat – omicron përhapet më shpejt se të gjitha variantet e mëparshme të virusit Sars-CoV-2. Kluge megjithatë bën thirrje që shkollat të qendrojnë të hapura. Kjo është jashtëzakonisht e rëndësishme për fëmijët, ndaj shkollat duhet të jenë vendet e fundit që duhet të mbyllen në rast nevoje dhe të parat që duhen hapur sërish me zbutjen e situatës.

A do ta mbingarkojë Omicron sistemin gjerman të shëndetësisë?

Edhe në Gjermani Instituti Robert Koch (RKI) ndërkohë ka regjistruar një rritje të dukshme të variantit Omicron. Gjatë javëve të fundit të vitit të kaluar janë regjistruar 31.000 raste me Omicron, në javët e parat ë 2022 shifra ka arritur në gati 53.000. Se çfarë pasojash mund të ketë një rritje e fuqishme ende nuk është e qartë.

Në raportin javor të RKI-së të 6 janarit thuhet, se studimet lenë të kuptohet, që numri i njerëzve që duhet të shtrohen në spital prej variantit Omicron do të jetë më i ulët.

Deri tani janë të pamjaftueshme të dhënat për të vlerësuar saktësisht, se sa e rëndë mund të jetë sëmundja nga varianti Omicron. E qartë është, që numri i të infektuarve në Gjermani gjatë ditëve të fundit është rritur. Incidenca shtatë ditore (numri i personave të infektuar ndër 100.000 banorë në shtatë ditë) është rritur. Aktualisht në nivel federate kjo kuotë është gati 388.

Rajoni

Rektori Hajrizi viziton UniMarconi në Romë

Published

4 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

22 hours ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

22 hours ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

23 hours ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.