

Ekonomi
OAK vazhdon aktivitetin “Kafja e Mëngjesit” me bizneset në Prizren
Published
4 years agoon
By
Betim GashiAktivitetin “Kafja e Mëngjesit”, Oda e Afarizmit të Kosovës këtë radhë e organizoi me bizneset e Regjionit të Prizrenit, me ç’rast u diskutuan disa nga sfidat me të cilat bizneset e këtij regjioni po përballen.
Informimi i bizneseve pjesëmarrëse me aktivitetet e fundit të OAK-së, diskutimi rreth problemeve të bizneseve qoftë në nivel lokal apo qendror, diskutimi rreth infrastrukturës ligjore e cila po pengon operimin e biznesit në vend, e diskutimi rreth hapësirave në zonën ekonomike, ishin disa nga ҫështjet kryesore të cilat u diskutuan në kuadër të këtij takimi.
Ymrane Fusha nga biznesi Er Abi, duke përgëzuar OAK-në për punën e saj, ngriti disa shqetësime me të cilat po përballet si biznes. Barra e pushimit të lehonisë për bizneset që kanë të punësuara femra, përkrahja e prodhimeve vendore në institucione dhe tendere publike, ofrimi kredive me grejsperiudhë së paku 1 vjet për bizneset prodhuese, e përkrahja për bizneset që drejtohen nga gratë ishin vetëm disa nga cështjet që u ngritën nga Fusha.
Liridon Kalanderi nga kompania LIRI, theksoi si shumë të rëndësishme sigurinë në realizimin e transfereve ndërkombëtare dhe mbrojtjen nga sulmet kibernetike, duke ofruar bashkëpunim më të ngushtë nga BQK në dhënien e informacioneve të nevojshme para se kompania të realizojë transferin. Kalanderi, gjithashtu si problematikë detyrimin nga Aeroporti i Prishtinës për testim edhe në rastet kur shteti në të cilin po udhëtojnë nuk kërkon një dëshmi të tillë.
Edin Gashi nga biznesi Dallas Shpk theksoi rëndësinë që bizneseve të Prizrenit, sidomos ato që kanë tendenca që të hyjnë në prodhim, të iu jepen hapësira në Parkun e Biznesit, për ushtrimin e veprimtarisë së tyre.
Ndërsa, Sefer Susuri nga Vëllezërit e Bashkuar theksoi që institucionet duhet të përfillin kërkesat që vijnë nga bizneset.
Ramadan Gashi nga Agi Dani, ngriti problemin e stafit profesional, ku aktualisht të rinjët nuk i posedojnë aftësitë në përputhje me diplomën që zotërojnë. Andaj, kërkoi që ti kushtohet më shumë rëndësi shkollave profesionale dhe të inkorporohet edhe puna praktike krahas teorisë.
E Tafil Kalimashi nga Kosova Pack ngriti problemet me ndaljet e shumta të energjisë elektrike, të cilat po shkaktojnë vështirësi në prodhim.
Fatmir Qerreti nga Industria e Mishit Doel theksoi që si kompani kanë bërë furnizimet për sektorin e Horeca-së, andaj me hyrjen në fuqi të masave të reja do të kenë grumbullim të stoqeve, siç ka ndodhur edhe herën e kaluar, duke shkaktuar kështu humbje tek biznesi.
Në fund të takimit palët u dakorduan që duhet të jenë unike në kërkesat që parashtrojnë dhe për të njëjtat të lobohet tek institucionet relevane me qëllim të trajtimit të tyre dhe eleminimit të barrierave që hasen gjatë të bërit biznes.
You may like

Tregu global i artit ka shënuar një rënie prej 12% në vitin 2024, duke arritur në një vlerë prej 57.5 miliardë dollarësh, sipas raportit të publikuar nga banka zvicerane UBS dhe Art Basel.
Kjo rënie vjen pas një uljeje prej 4% të regjistruar në vitin 2023.
Raporti ia atribuon këtë tkurrje pasigurisë ekonomike globale dhe tensioneve në rritje gjeopolitike.
Kina, dikur kishte rol të fuqishëm në tregtinë ndërkombëtare të artit, ka pësuar rënien më të madhe, me një ulje prej 31% në shitjet vjetore.
Tashmë, Kina ka zbritur në vendin e tretë, pas Britanisë së Madhe, e njohur për shtëpitë e saj të ankandeve prestigjioze si Sotheby’s dhe Christie’s, transmeton albinfo.ch.
Shtetet e Bashkuara mbeten udhëheqësja dominuese, me 43% të pjesës së tregut botëror të artit.
Pas tyre renditet Britania e Madhe me 18%, ndërsa Kina ka rënë në 15%.
Ekonomi
Diaspora për dy muaj solli rreth 175 milionë euro në Kosovë
Published
4 weeks agoon
April 7, 2025
Banka Qendrore e Kosovës njoftoi se remitancat, si kategoria kryesore në kuadër të ardhurave dytësore, arritën vlerën 86.14 milionë euro në janar 2025, një vlerë afërsisht të njëjtë me periudhën e njëjtë të vitit 2024.
Sipas vlerësimeve preliminare, remitancat për shkurt 2025 arritën në 88.12 milionë euro, duke sjellë një total prej 174.26 milionë euro (preliminare) për dy muajt e parë të vitit 2025.
“Sipas vlerësimeve preliminare remitancat për shkurt 2025 ishin rreth 88.12 milionë euro, duke arritur vlerën 174.26 milion euro (preliminare) për dy muajt e parë të 2025. Prurjet më të mëdha edhe gjatë shkurtit 2025 kanë qenë përmes IFJB-ve me 62.65%, bankave komerciale me 16.45% dhe kanaleve tjera me 20.90%”, thuhet në raportin për statistikat e Sektorit të Jashtëm për tremujorin e katër 2024 dhe Bilancit të Pagesave për muajin janar 2025.
Sipas BQK-së, bilanci i pagesave në fund të janarit 2025 u karakterizua me deficit të llogarisë rrjedhëse në vlerë prej 21.36 milionë euro, i cili tregon thellim të deficitit krahasuar me periudhën e njëjtë të vitit të kaluar kur llogaria rrjedhëse kishte suficit prej 6.78 milionë euro.
Shkaktari kryesor i këtij deficiti është rritja e deficitit në bilancin tregtar. Investimet direkte në Kosovë për janar 2025 arritën në 90.96 milionë euro, duke shënuar një rritje prej 12.19% krahasuar me të njëjtën periudhë të vitit të kaluar, përderisa investimet direkte jashtë Kosovës arritën në 16.19 milionë euro, me një rritje prej 19.12% krahasuar me janar 2024.
“Asetet rezervë deri janar 2025 janë rritur për 45.95 milionë euro, kurse në periudhën e njëjtë të vitit paraprak ishin 15.21 milionë euro. Rritjes së aseteve rezervë i ka kontribuar rritja e depozitave për 45.95 milionë euro, nuk ka pas investime në letra me vlerë gjatë muajit janar 2025”, njofton tutje BQK-ja.

Në një klimë globale gjithnjë e më të paqëndrueshme ekonomikisht dhe ambientalisht, çmimet e produkteve ushqimore kanë filluar të shfaqin një tendencë të qëndrueshme në rritje gjatë vitit 2024, me projeksione që sugjerojnë një vazhdimësi të kësaj rritjeje edhe në 2025.
Burime të ndryshme, si “The Wall Street Journal”, “Reuters” dhe raportet nga bursat ndërkombëtare sinjalizojnë se kjo nuk është një lëvizje e përkohshme, por pjesë e një cikli më të gjerë me shkaqe të shumta.
Kafeja në fokus: Arabica dhe Robusta në çmime të reja rekorde
Ndër produktet më të ndjeshme ndaj kësaj rritjeje është kafeja – si Arabica, e cila tregtohet në New York Stock Exchange (NYSE), ashtu edhe Robusta, e cila ndjek bursën e Londrës. Të dhënat e fundit nga tregjet tregojnë një ngjitje të fortë të çmimeve:
Arabica: nga rreth 3,637 dollarë/ton në janar 2024 në mbi 6,062 dollarë/ton në mars 2025, një rritje mbi 60%
Robusta: nga 2400 dollarë/ton në mbi 3500 dollarë/ton, një rritje mbi 45% në të njëjtën periudhë.
Grafiku më sipër tregon qartë se si kjo lëvizje është përshpejtuar në muajt e fundit, duke reflektuar ndikimet e faktorëve të jashtëm, si: thatësira në Brazil, reshjet e dendura në Vietnam, ndërprerjet në zinxhirët e furnizimit dhe rritja e kostove të punës dhe energjisë.
Produkte të tjera në rritje të çmimit:
Kafeja nuk është rasti i vetëm. Tregjet globale kanë shënuar rritje çmimesh edhe për:
Drithërat (gruri, orizi) – të ndikuar nga luftërat dhe kufizimet në eksport
Qumështi dhe produktet e tij – për shkak të kostove më të larta të transportit dhe ushqimit për bagëtitë
Yndyrat bimore (vaj luledielli, vaj palme) – të ndikuara nga krizat klimatike në vendet prodhuese.
Sipas raportimeve të fundit të “Bloomberg”, çmimet e këtyre produkteve pritet të vazhdojnë të jenë në nivele të larta për pjesën e parë të vitit 2025, me disa sinjale që kjo mund të jetë “normalja e re” në tregun global.

Banka Qendrore e Republikës së Kosovës (BQK), njofton se parashikimet e saj sugjerojnë se norma e përgjithshme e inflacionit pritet të jetë rreth 1.8% në vitin 2025.
“Presionet inflacioniste në çmimet e ushqimit në tregun vendor mbeten një nga faktorët kryesorë përcaktues të ecurisë së inflacionit; megjithëse, rënia e parashikuar e çmimeve të ushqimeve në tregjet ndërkombëtare mund të ushtrojë presion për rishikim të inflacionit për poshtë”, thuhet në raportin e BQK-së për vlerësimin tremujor të ekonomisë.
Sipas raportit, përkundër kësaj, ecuria e inflacionit vazhdon të minohet kryesisht nga goditjet potenciale si pasojë e tensioneve gjeopolitike, kufizimeve tregtare dhe kushteve klimatike.

Shefi i NATO-s, Rutte paraqet planin e rritjes së shpenzimeve për mbrojtjen

Etika mediatike në fokus të debatit në UBT, me pjesëmarrje të personaliteteve të njohura nga fusha e gazetarisë dhe komunikimit

Kina shqyrton ofertat e SHBA, Ministria e Tregtisë: Pekini i hapur për bisedime

Festivali i parë Mesdhetar i Filmit, aktorë e regjisorë nga bota “zbresin” në Tiranë

Një tërmet me magnitudë 7.4 ballë godet jugun e Argjentinës

Rubio: SHBA-të vazhdojnë përpjekjet për të zgjidhur konfliktin në Ukrainë

Shkencëtarët kanë arritur të kultivojnë dhëmbë zëvendësues në laborator

Anija me aktivistë pro-palestinezë sulmohet nga dronët izraelit

Sunny Hill 2025: Dita e fundit për biletat “Believers”- fillon zbulimi i emrave të artistëve që do të performojnë sivjet
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Lajmet nga UBT5 days ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”