Janë bërë 11 vjet që kur në ndeshjen Serbi-Shqipëri të zhvilluar më 14 tetor 2014, nga qielli sipër tifozëve u shfaq droni, flamuri i së cilës ishte me hartën e viseve etnike shqiptare, me portretet e Ismail Qemalit e të Isa Boletinit dhe me mbishkrimin “AUTOCHTHONOUS”.

Ndeshja mes dyjave vendeve po luhej në kuadër të kualifikimeve për kampionatin Evropian France 2016.

Në atë ndeshje ishte e ndaluar pjesëmarrja e tifozëve të Kombëtares shqiptare në Beograd, ndërsa tifozët serbë në stadium me fishkëllima e britma penguan intonimin normal të Himnit Kombëtar Shqiptar.

Arbitri britanik Martin Atkinson nuk e kishte të lehtë të ndante gjyqësinë që sidomos nga lojtarët, tifozët, por edhe zyrtarë serbë që gjendeshin aty, konsiderohej betejë lufte.

Droni me flamurin “AUTOCHTHONOUS”, zbret në fushën e lojës në Serbi

Ndonëse situata e tensionuar, ndeshja vazhdoi kështu deri në minutën 42, kur nga qielli sipër tifozëve një dron u shfaq në fushën e lojës.

Aty po afrohej flamuri me hartën e viseve etnike shqiptare, me portretet e Ismail Qemalit e të Isa Boletinit dhe me mbishkrimin “AUTOCHTHONOUS”.

Në ato momente një futbollist serb e mori në hapësirë, pa rënë në tokë, flamurin me simbole shqiptare por që lojtarët e kombëtares vrapuan menjëherë pas tij duke ia rrëmbyer nga duart.

Pas kësaj, topi u “harrua” dhe filloi beteja fizike ndërmjet lojtarëve të dy ekipeve, sepse edhe nga tribunat e shikuesve zbriten spektatorët serbë të cilët mësyn lojtarët shqiptarë.

Një konfrontim fizik i pabarabartë të cilin lojtarët e kombëtares e braktisen duke kërkuar shpëtim në zhveshtoren e vet.

Në kushte të tilla nuk kishte si të vazhdohej loja, dhe lojtarët shqiptarë e dorëzuan flamurin e rënë në fushë te zyrtarët e UEFA-s.

Zhvillimi i ndeshjes së ndërprerë Serbi – Shqipëri në tryezat politike.

Politikanë serbë na quajtën të pa civilizuar e vizita e paraparë e Edi Ramës në Beograd u shty për më shumë se tri javë, pasi vëllai i tij akuzohej ta kishte lëshuar dronin. Kur shkoi Edi Rama në Serbi, në konferencën e shtypit me Aleksandar Vuçiqin, natyrisht se nuk u harruan droni, ndeshja e as Kosova.

Komisioni Disiplinor i UEFA-së vendosi më 24 tetor 2014 që ndeshjen e ndërprerë ta regjistrojnë në favor të Serbisë, derisa dy kombëtaret të dënoheshin me nga 100 mijë euro, Serbisë t’i hiqeshin dy pikë dhe dy ndeshje t’i luante pa tifozë.

Pas ankesës së Shqipërisë në Gjykatën e Arbitrazhit Sportiv (CAS) në Lozanë, më 10 korrik të këtij viti, 3 pikët e ndeshjes kaluan në anën e Shqipërisë.

Në ndërkohë ishte zbuluar edhe autori i dronit, Ismail Morina, “Ballisti” i cili ishte në famën e flamurit të tij e në dyshimin që ai të jetë vërtet autori i lansimit.

Ndeshja Serbi-Shqipëri në Elbasan

Kështu deri në prag të ndeshjes që u zhvillua më 8 tetor në Elbasan Arena ndërmjet Shqipërisë e Serbisë, kur Ismail Morina u burgos me akuzë për armëmbajtje pa leje dhe me posedim të biletave të falsifikuara për këtë ndeshje.

Takimi Shqipëri -Serbi përfundoi me rezultatin 0:2 dhe la shumë për të dëshiruar, sidomos për angazhimin e lojtarëve në fushë dhe të spektatorëve në tribuna.

Edhe këtë radhë në ndeshje u përzie politika: Edi Rama uroi fitoren e ekipit serb ndërsa tifozë të kuqezinjve, bashkë me udhëheqjen e lojtarët u “armatosen” për betejën në Erevan.

Mrekullia ndodhi në kryeqytetin armen: Ndeshja Armeni – Shqipëria përfundoi me rezultatin 3:0 dhe Serbia, tash, ashtu siç tha kapiteni i Kombëtares Lorik Cana, kampionatin evropian France 2016, e shikoi nga televizioni e me këtë edhe ndeshjet e Shqipërisë në këtë garë në të cilën ishte për herë të parë.

Ndeshja Serbi-Shqipëri në Leskovc, Serbi

Së fundmi, më 11 tetor 2025, Shqipëria mundi Serbinë në Leskovc.

Kombëtarja shqiptare po avancoi pas 45 minutave të parë me golin e bukur të Rej Manajt në finish të kësaj pjesë loje.

45 minutat e para u karakterizuan me tensione në shkallët e stadiumit në Leskovc.

Tifozët vendas kanë bërë thirrje antishqiptare dhe asnjëherë spikeri në stadium nuk ka kërkuar prej tyre që të ndalojnë, për çka edhe Serbia duhet të dënohet nga FIFA./S.K/KP/

Kosova ka arritur një fitore historike në udhëtim, duke mposhtur Suedinë me rezultat minimal 1-0 në ndeshjen e vlefshme për kualifikimet e Botërorit 2026.

Golin e vetëm të takimit e realizoi Fisnik Asllani në pjesën e parë, pas një aksioni të shpejtë që përfundoi me goditje precize në rrjetën suedeze.

Dardanët treguan organizim të shkëlqyer në mbrojtje gjatë gjithë ndeshjes, duke përballuar presionin e vazhdueshëm të suedezëve në minutat e fundit dhe duke ruajtur epërsinë deri në fishkëllimën përfundimtare.

Pas kësaj fitoreje të madhe, Kosova ngjitet në vendin e dytë të Grupit B me 7 pikë pas katër ndeshjeve, tre më pak se liderja Zvicra që kryeson me 10 pikë.

Slovenia renditet e treta me 3 pikë, ndërsa Suedia mbetet në fund të tabelës me vetëm 1 pikë të fituar.

Fitorja e sotme e mban gjallë plotësisht ëndrrën e Kosovës për një kualifikim historik në Kupën e Botës, ndërsa ndeshjet e radhës kualifikuese do të zhvillohen muajin e ardhshëm./S.K/KP/FFK/

Kepi i Gjelbër ka shkruar historinë duke u kualifikuar për herë të parë në një Kupë Bote në futboll.

Shteti afrikan me mbi 500 mijë banorë arriti suksesin e madh pas një fitoreje bindëse 3-0 ndaj Etsuatinit, duke siguruar vendin e parë në Grupin D me 23 pikë dhe duke lënë pas vetes madje edhe Kamerunin, një nga emrat më të mëdhenj të futbollit afrikan.

Kjo arritje shënon një moment historik jo vetëm për futbollin e Kepit të Gjelbër, por për të gjithë rajonin, duke treguar se edhe kombet e vogla mund të bëjnë mrekulli në arenën ndërkombëtare.

Kepi i Gjelbër do të jetë një nga përfaqësueset afrikane që do të marrin pjesë në Kampionatin Botëror “FIFA World Cup 2026”, i cili do të zhvillohet në SHBA, Kanada dhe Meksikë, me numrin e ekipeve të kualifikuara që shkon në 22./S.K/KP/BBC/

Lionel Messi është rikthyer në dispozicion të Kombëtares së Argjentinës pas mungesës në dy ndeshjet e fundit: miqësoren e së shtunës kundër Venezuelës dhe ndeshjen kualifikuese të Botërorit 2026 kundër Ekuadorit.

“Albiceleste” do të përballen të martën me Porto Rikon, duke filluar nga ora 02:00 pas mesnate me kohën tonë lokale.

Kjo ndeshje shërben për selektorin Lionel Scaloni për të testuar skemat dhe lojtarët para Kupës së Botës, që do të zhvillohet verën e ardhshme në SHBA, Kanada dhe Meksikë.

Messi ka pasur mundësinë të luajë së fundmi në MLS me Inter Miamin, ku ndihmoi skuadrën të mposhtë Atlanta United.

Argjentina do të luajë këtë miqësore në Fort Lauderdale, Florida, që për Messin do të ndjehet si një ndeshje në shtëpi.

Megjithatë, nuk është e sigurt nëse tetë herë fituesi i “Topit të Artë” do të marrë pjesë në këtë ndeshje, por ai do të jetë në dispozicion të trajnerit. Scaloni nuk do të mund të llogarisë në mesfushorët e lënduar, Franco Mastantuono dhe Enzo Fernandez. /A.Z/UBT News/