

Bota
“Nuk ka iluzione” për takimin Biden-Putin
Nuk pritet të jetë një takim tejet miqësor në mes të Biden dhe Putin.
Published
4 years agoon
By
Betim GashiNuk pritet të jetë një takim tejet miqësor kur presidenti i Shteteve të Bashkuara, Joe Biden, dhe presidenti i Rusisë, Vladimir Putin, të përballen sot me njëri-tjetrin.
Takimi i tyre i fundit u zhvillua dhjetë vjet më parë, kur Biden ishte nënpresident dhe Putin kryeministër.
Atëbotë, dy palët u shfaqën optimiste për përmirësimin e lidhjeve.
“Lajm shumë i mirë është se presidenti [amerikan, Barack Obama] dhe unë pajtohemi 100 për qind për nevojën që të vazhdojmë të ndërtojmë marrëdhënie më të ngushta me Rusinë”, tha Biden një dekadë më parë.
Putin u përgjigj, duke thënë se “do të ishte një hap historik” nëse Rusia dhe SHBA-ja vendosin regjimin e lëvizjes pa viza.
Atmosfera përpara samitit të sotëm në Gjenevë të Zvicrës është krejtësisht ndryshe.
Kremlini nuk pret marrëveshje në samitin Putin-Biden
Në vend të lidhjeve më të ngrohta, dy palët drejtojnë gishtin kah njëra-tjetra.
“Ne nuk i bëmë hapat e parë – mendoj për hapat që bënë që marrëdhëniet tona të përkeqësohen. Ne nuk jemi ata që vendosëm sanksione kundër nesh. Ishin Shtetet e Bashkuara që e bënë këtë dhe vazhdojnë ta bëjnë në çdo rast, madje edhe pa arsye, vetëm sepse vendi ynë ekziston”, tha Putin ditë më parë.
“Ia kam bërë të qartë presidentit Putin, në një mënyrë shumë të ndryshme nga paraardhësi im, se ditët kur Shtetet e Bashkuara kanë qenë toleruese përballë veprimeve agresive të Rusisë, si ndërhyrja në zgjedhjet tona, sulmet kibernetike, helmimi i qytetarëve të saj, kanë mbaruar. Ne nuk do të hezitojmë të rrisim koston ndaj Rusisë dhe t’i mbrojmë interesat tona jetësore dhe popullin tonë”, tha Biden.
Mosbesimi i ndërsjellë u rrit qëkur Rusia aneksoi Krimenë nga Ukraina në vitin 2014.
Muaj më parë, rritja e pranisë ushtarake ruse pranë kufijve me Ukrainën tërhoqi kritika të reja nga Uashingtoni.
Biden: Do t’i them Putinit se nuk lejojmë shkeljen e të drejtave të njeriut
Biden tha se dëshiron të bëjë presion mbi Moskën për të ndaluar kërcënimet ndaj sovranitetit të Ukrainës dhe për të ndaluar shkeljet e të drejtave të njeriut, që kanë në shënjestër kundërshtarët politikë të Kremlinit.
Në prill, Shtetet e Bashkuara vendosën sanksione të reja ndaj Rusisë për ndërhyrjet e pretenduara në zgjedhjet në SHBA dhe për sulme kibernetike në mesin e çështjeve të tjera.
“Unë kam miratuar disa hapa, përfshirë dëbimin e disa zyrtarëve rusë, si pasojë e veprimeve të tyre”, tha atëbotë Biden.
Rusia u hakmor po ashtu me sanksione dhe dëbime diplomatike.
Putin tha se veprimet e Shteteve të Bashkuara kundër Rusisë kanë për qëllim të kufizojnë zhvillimin rus.
Presidentët shkëmbyen edhe akuza personale kundër njëri-tjetrit.
Në një rast, Biden u pajtua kur një gazetar e pyeti nëse Putin është vrasës. Putin u përgjigj:
“Më kujtohet nga fëmijëria, kur debatonim në oborr e thoshim: ‘Duhet të jesh i tillë pa ta njohur tjetrin’”.
Zyrtarët tani thonë se ka pak pritje që samiti të prodhojë ndonjë marrëveshje midis Bidenit dhe Putinit.
“Nuk kemi asnjë iluzion. Nuk përpiqemi të japim përshtypjen se do të ketë përparim ose vendime të rëndësishme historike”, tha ministri i Jashtëm rus, Sergei Lavrov.
Megjithatë, samiti paraqet mundësi për të dyja palët.
Në udhëtimin e tij të parë jashtë SHBA-së si president, Biden do që të shënojë fillimin e një epoke të re në politikën e jashtme amerikane.
Takimi i tij me Putinin pason takimet me udhëheqësit e grupit të vendeve më të industrializuara G7 dhe me udhëheqësit e NATO-s, të cilat i ofruan mundësinë për t’i riafirmuar këto aleanca dhe për të paraqitur një front të bashkuar ndaj rivalëve globalë – përfshirë Rusinë.
Në fillim të udhëtimit të tij jashtë SHBA-së, Biden tha se me Putinin do të bisedojë për fushat ku mund të ketë bashkëpunim, si dhe për dallimet që i ndajnë dy vendet.
“Do të udhëtoj në Gjenevë për të biseduar me një burrë, të cilin e kam takuar kohë më parë – presidentin Vladimir Putin. Ne nuk po kërkojmë konflikt me Rusinë; ne duam marrëdhënie të qëndrueshme të parashikueshme. Dy vendet tona ndajnë përgjegjësi të jashtëzakonshme”, tha Biden më 9 qershor.
Kremlini tha se çështjet globale, të tilla si siguria strategjike dhe lufta kundër pandemisë COVID-19, do të jenë në agjendë të bisedimeve.
Bota
Putini: Përfshirja e fuqive të huaja në Lindjen e Mesme e ka sjellë botën në një pikë të rrezikshme
Published
1 hour agoon
June 23, 2025By
UBTnews
Presidenti i Rusisë, Vladimir Putin tha se situata në Lindjen e Mesme po ndikohet nga forca nga jashtë rajonit dhe se kjo po e çon botën në një pikë të rrezikshme, transmeton Anadolu.
Në një njoftim nga Pallati i Kremlinit thuhet se Putini është takuar me të diplomuarit e shkollave dhe universiteteve ushtarake ruse.
Lidhur me situatën në Lindjen e Mesme, Putini tha: “Situata në Lindjen e Mesme është përkeqësuar në mënyrë të mprehtë. Në këtë situatë janë përfshirë edhe forcat nga jashtë rajonit. Të gjitha këto po e çojnë botën në një pikë të rrezikshme”.
Ai theksoi se vendet perëndimore po përpiqen të mposhtin Rusinë dhe të vazhdojnë mbështetjen e tyre ushtarake dhe financiare për Ukrainën. Putin deklaroi se NATO nuk ka hequr dorë nga planet e saj për të forcuar potencialin ushtarak dhe po provokon militarizimin global dhe garën e armatosjes.
“Duke marrë parasysh tensionin gjeopolitik në rritje, ne do të vazhdojmë të marrim masat e nevojshme për të forcuar sigurinë e Rusisë dhe aleatëve tanë dhe për të zhvilluar Forcat tona të Armatosura, të cilat janë garancia e zhvillimit sovran dhe të pavarur të Rusisë“, tha Putin.
Presidenti rus tha se kanë filluar të formojnë njësi të mjeteve ajrore pa pilot dhe se do të vazhdojnë punën për të rritur potencialin ushtarak të trupave ruse.
Ai shtoi se i kushtojnë rëndësi triadës bërthamore të Rusisë dhe se do të vazhdojnë ta pajisin atë me sisteme moderne ndërsa vuri në dukje se do të fillojnë prodhimin masiv të sistemit të raketave balistike “Oreshnik”.
Ministri rus i Mbrojtjes, Andrey Belousov tha se ata kanë fituan përvojë në “operacionin special ushtarak” që kanë kryer në Ukrainë. “Kjo na jep avantazh. Është e rëndësishme ta mbrojmë këtë burim, ta transferojmë atë te brezat e ardhshëm të ushtarëve dhe ta integrojmë atë në procesin e stërvitjes së ushtarëve“, tha Belousov.
Bota
Kancelari gjerman: Nuk ka “arsye për ne” të kritikojmë Izraelin ose SHBA-në për sulmet ndaj Iranit
Published
1 hour agoon
June 23, 2025By
UBTnews
Kancelari gjerman Friedrich Merz shprehu mbështetje të fortë për Izraelin dhe SHBA-në për sulmet e tyre ajrore që synojnë programin bërthamor dhe aftësitë e raketave balistike të Iranit, transmeton Anadolu.
Duke folur në një aktivitet të organizuar nga Federata e Industrive Gjermane (BDI) në Berlin, Merz tha se qeveria e tij po punon për të adresuar sfidat e politikës së jashtme, veçanërisht shpërthimin e fundit të konfliktit në Lindjen e Mesme.
“Dua ta them këtë përsëri shumë qartë dhe pa mëdyshje. Nuk ka asnjë arsye për ne, dhe asnjë arsye për mua personalisht, për të kritikuar atë që Izraeli filloi një javë më parë, as ndonjë arsye për të kritikuar atë që bëri SHBA-ja fundjavën e kaluar”, tha Merz. “Po, nuk është pa rrezik, por lënia e saj ashtu siç ishte, nuk mund të jetë një opsion“, shtoi ai.
Komentet e udhëheqësit konservator erdhën një javë pasi ai tha se Izraeli po bënte “punën e ndyrë” të nevojshme në emër të kombeve perëndimore përmes operacioneve të tij ushtarake kundër programit bërthamor të Iranit, të cilin ai e karakterizoi si një kërcënim të njëjtë për izraelitët, vendet rajonale dhe kombet evropiane.
Disa politikanë të opozitës e kritikuan ashpër udhëheqësin konservator, duke mbrojtur idenë se pretendimi i Izraelit për “vetëmbrojtje parandaluese” nuk është i vlefshëm dhe se sulmet e tij shkelin të drejtën ndërkombëtare, veprime këto që qeveritë gjermane i kanë dënuar vazhdimisht në konflikte të ngjashme.
Bota
Rutte: S’do lejojmë Iranin të zhvillojë armë bërthamore
Published
2 hours agoon
June 23, 2025By
UBTnews
Në prag të Samitit të NATO-s, Mark Rutte, ka theksuar se aleatët e NATO-s janë të bashkuar në qëndrimin e tyre kundër zhvillimit të armëve bërthamore nga Irani. Duke folur përpara gazetarëve, ai u shpreh se aleatët kanë kërkuar vazhdimisht që Irani të respektojë detyrimet e tij sipas Traktatit të Mospërhapjes Bërthamore.
Rutte gjithashtu ka diskutuar zhvillimin e forcave të armatosura të NATO-s, duke paralajmëruar për pasojat që mund të sjellë një mosinvestim të mëtejshëm.
Rutte theksoi rëndësinë e forcimit të kapaciteteve ajrore dhe ushtarake të NATO-s, duke përmendur gjithashtu rritjen e fuqisë ushtarake të Kinës, e cila tani ka një marinë që rivalizon atë amerikane.
“Në këtë moment kemi shqetësime të mëdha dhe shumë agjensi inteligjencash dhe forca të armatosura po diskutojnë situatën. Nëse nuk fillojmë të investojmë në forcat tona të armatosura atëherë do të kemi vështirësi, nëse nuk nisim të investojmë për fuqinë tonë ajrore, 3 deri në 74 vjet më pas nga sot, ne duhet të kemi rritur kapacitetet e NATO-s. Duhet të shohim edhe atë çfarë po ndodh në Kinë, fuqinë e saj ushtarake, me marinën e tyre që ka filluar të krahasohet, të rivalizojë atë amerikane, duhet të jemi të sigurtë që të vetëmbrohemi”, tha ai.
Shefi i NATO-s u pyet nga gazetarët lidhur me krizën në Ukrainë, nga ku Rutte theksoi se sulmet ndaj civilëve të pafajshëm janë të papranueshme dhe se Rusia është përgjegjëse për këtë shkelje të rregullave ndërkombëtare.
“Së pari sulmet ndaj civilëve të pafajshëm dhe komuniteteve i konsideroj të paparanueshëm. Rusia është përgjegjëse për këtë, po shkel të gjitha rregullat ndërkombëtare. Konflikti i nisur në shkurt të 2022 është i paprovokuar dhe duhet të jemi në gjendje që ta kundërshtojmë dhe të bëjmë kontrast. Ndaj vitin e kaluar në Uashington, aleatët e NATO-s shprehën vullnetin për të mbështetur anëtarësimin e pakthyeshëm të Ukrainës në NATO.
Do të investojmë dhjetra miliarda për forcat e armatosura, shifra do të shkojë në 35 miliardë, një investim mes BE-së dhe Kandasë për ti bërë ballë krizës në Ukrainë”.
Gazetarët e pyetën gjithashtu Rutte se sa i fortë është NATO për të reaguar në rast të një sulmi të mundshëm nga Rusia. Ai siguroi se “Aleanca jonë është aq e fortë, sa që çdo përpjekje nga Rusia për të ndërmarrë një veprim të tillë do të gjejë një reagim të menjëhershëm.”
Rutte përfundoi duke theksuar se NATO duhet të shohë përpara dhe të investojë në forcën e saj për të siguruar që, edhe pas tre apo pesë vitesh, do të mbetet një aleancë më e fortë dhe më e gatshme për t’u përballur me kërcënimet e ardhshme.
Bota
Erdogan: Po bëjmë përpjekje intensive për të shmangur përhapjen e luftës Izrael-Iran
Published
3 hours agoon
June 23, 2025By
UBTnews
Presidenti i Turqisë, Recep Tayyip Erdogan, deklaroi se vendi i tij është angazhuar me përpjekje intensive për të parandaluar përkeqësimin e konfliktit mes Izraelit dhe Iranit, duke paralajmëruar rrezikun e një “katastrofe më të madhe” në rajon.
Duke folur gjatë një aktiviteti të sindikatave në Ankara, kreu i shtetit turk theksoi rëndësinë e ruajtjes së stabilitetit rajonal dhe dënimit të çdo sulmi që shkel sovranitetin e shteteve.
“Turqia bën përpjekje intensive për të parandaluar që sulmet e Izraelit dhe mbështetësve të tij kundër Iranit të shndërrohen në një katastrofë më të madhe”, u shpreh Erdogan, sipas agjencisë Anadolu.
Ai shtoi më tej: “Nuk i aprovojmë kurrë sulmet kundër sovranitetit të Iranit, sigurisë së rajonit, pavarësisht se nga vijnë ato, dhe ne shprehim qartë reagimin tonë.”
Deklarata e presidentit turk vjen në një kohë kur tensionet në Lindjen e Mesme janë rritur ndjeshëm pas shkëmbimeve të fundit ushtarake mes Izraelit dhe Iranit, duke ngjallur shqetësime për një përshkallëzim të mundshëm të konfliktit në nivel rajonal.

Llapi “blindon” yllin e skuadrës

Pas 18 vitesh martesë, çifti i njohur i showbiz-it i jep fund martesës

Putini: Përfshirja e fuqive të huaja në Lindjen e Mesme e ka sjellë botën në një pikë të rrezikshme

Shishe plastike apo qelqi në punë? Ja çfarë thonë faktet!

Kancelari gjerman: Nuk ka “arsye për ne” të kritikojmë Izraelin ose SHBA-në për sulmet ndaj Iranit

Brad Pitt: Do të punoja përsëri me Tom Cruise me një kusht

Rutte: S’do lejojmë Iranin të zhvillojë armë bërthamore

Rektori Hajrizi për Albanian Post: Metaversi është përgjigjja e njerëzimit për të rritur produktivitetin dhe zhvillimin

Darwin Nunez jep sinjale pozitive për kalimin te Napoli
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore