Lajmet

Një peshkatar pranon vrasjen e dy burrave në rajonin e Amazonës

Pritet të ketë më shumë arrestime për rastin e dy viktimave, që janë zhdukur më 5 qershor.

Published

3 years ago

June 16, 2022

Betim Gashi

Një peshkatar ka pranuar se ka vrarë gazetarin britanik, Dom Phillips dhe ekspertin indigjen, Bruno Pereira, në rajonin e Amazonës në Brazil.

Një hetues federal ka thënë se burri e ka dërguar policinë në zonën ku kanë qenë trupat e viktimave, duke u dhënë fund kërkimeve 10-ditore.

Autoritetet kanë thënë në mbrëmjen e së mërkurës se pritet të ketë më shumë arrestime për rastin e dy viktimave, që janë zhdukur më 5 qershor.

Në një konferencë për media në qytetin e Amazonës, Manaus, hetuesit policorë kanë thënë se burri që është rrëfyer ka qenë i dyshuari kryesor.

Hetuesi, Eduardo Alexandre Fontes, ka thënë se Amarildo da Costa de Oliveira, 41-vjeçar, i njohur me nofkën Pelado, u ka thënë zyrtarëve policorë se e ka përdorur armën e zjarrit për të vrarë burrat.

“Ne nuk do të kishim mundësi që të arrinim në atë vend kaq shpejt, pa pasur dëshmi”, ka thënë Torres për vendin ku janë gjetur trupat e viktimave, sipas deklaratës së Pelados.

Torres ka thënë se trupat do të identifikohen brenda ditësh edhe nëse konfirmohet identiteti, “ata do t’iu kthehen familjarëve”.

“Ne kemi gjetur trupat tre kilometra në pyll”, ka thënë hetuesi, duke shtuar se zyrtarët policorë kanë udhëtuar mbi një orë e gjysmë me anije në lum dhe 25 të tjerë nëpër pyje, për të gjetur vendin ku janë varrosur viktimat.

Familja e Pelados ka thënë më parë se peshkatari ka mohuar çfarëdo keqbërje dhe ka pretenduar se policia e ka torturuar atë për ta detyruar që të pranojë fajësinë./REL

Lajmet

Osmani krah Zelenskyt në Kopenhagë: Siguria e Evropës është e ndërlidhur ngushtë me sigurinë e Ballkanit Perëndimor

Published

44 minutes ago

October 3, 2025

UBTnews

Presidentja e Kosovës, Vjosa Osmani po merr pjesë në Samitin e Liderëve të EPC-së në Kopenhagë.

Përmes një postimi në Facebook, Osmani ulur afër presidentit ukrainas, Zelensky thotë se ka theksuar rëndësinë e sigurisë së Ballkanit Perëndimor për Evropën.

Osmani tha se Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë.

“Në Samitin e Liderëve të EPC-së në Kopenhagë, në tryezën me liderë evropianë të fokusuar në temën e sigurisë, theksova se siguria e Evropës është e ndërlidhur ngushtë me sigurinë e Ballkanit Perëndimor.Prandaj, Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë“, ka shkruar Osmani./D.B/KP

Lajmet

Shpaloset lista e Shqipërisë për ballafaqim me Serbinë

Published

52 minutes ago

October 3, 2025

UBT News

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

Lajmet

Shaqiri shkëlqen në fitoren e Baselit ndaj Stuttgartit

Published

1 hour ago

October 3, 2025

UBT News

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Lajmet

Zhduket një person në Suharekë, Policia: Doli nga shtëpia me 1 tetor 25

Published

2 hours ago

October 3, 2025

UBTnews

Zhduket një person në Suharekë. Sipas raportit të policisë, viktima mashkull ka dalë nga shtëpia dhe nuk dihet për vendndodhjen.

“Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj. Rasti nën hetime”, thuhet në raportin 24 orësh të Policisë së Kosovës./D.B/KP