Kulturë

Një pasqyrë e gjerë e Gjuhës Shqipe: Përpjekja për 120 mijë fjalë

Published

1 year ago

on

Fjalori i madh i gjuhës shqipe është në fazën përfundimtare të punësimit dhe pritet të publikohet online në fund të këtij viti, me një variant të shtypur që do të jetë në dispozicion në vitin e ardhshëm, bën të ditur Prof. Dr. Shezai Rrokaj, në një intervistë për RTSH 24.

Kjo përpjekje është e përqendruar në të rritur numrin e fjalëve në fjalor, duke pritur të arrijë rreth 120 mijë fjalë, shumë më shumë se numri i parashikuar fillimisht prej 90 mijë fjalësh.

Përpjekja për hartimin e këtij fjalori ka mbështetur nga një numër i madh i punonjësve shkencorë të niveleve të ndryshme, duke përfshirë punonjës nga Institutet e Albanologjisë dhe akademikë të shquar si Prof. Dr. Jani Thomai dhe Prof. Dr. Valter Memushaj. Puna është planifikuar të përfundojë në qershor të këtij viti, ndërsa pas kësaj do të kryhet një proces i shtimit të emërtimeve të njësive të caktuara për të përshpejtuar përfundimin e fjalorit.

Qëllimi i këtij fjalori është të reflektojë gjuhën shqipe sot, duke e përshkruar atë në një periudhë kohore prej vitit 2000 deri në 2030. Fjalori do të përmbajë një pjesëmarrje të konsiderueshme të fjalëve të gegërishtes, për të pasqyruar diversitetin gjuhësor të trevave shqiptare. Përveç kësaj, do të përfshijë edhe fjalë të huaja të përdorura nga folësit, por është vënë në dukje që përdorimi i tyre duhet të bëhet me kujdes për të ruajtur integritetin e gjuhës shqipe.

Përpjekja për hartimin e “Fjalorit të madh të gjuhës shqipe” përshkruhet si një fotografim i gjuhës shqipe në këtë periudhë kohore, duke përforcuar normat dhe standardet e gjuhës së përdorur në shkrim dhe bisedë./UBTNews/

Related Topics:
Continue Reading

Magazinë

E papritur! DiCaprio zbulon se u pendua për rolin e famshëm të Jack në ‘Titanic’

Published

17 minutes ago

on

August 18, 2025

By

Ylli kinematografik Leonardo DiCaprio ka zbuluar pendesën më të madhe që ka nga karriera e tij, në një rrëfim të sinqertë.

Fituesi i çmimit Oscar ka luajtur në disa nga hitet më të mëdha të Hollivudit, nga Titanic te The Wolf of Wall Street por ka rol që pendohet që e ka refuzuar.

Duke folur për Variety, Leo zbuloi se filmi nga i cili u detyrua të tërhiqej ishte Boogie Nights, i regjisorit Paul Thomas Anderson.

Leo duhej të hiqte dorë nga roli në filmin e vitit 1997, sepse tashmë kishte firmosur kontratën për të luajtur personazhin ikonik Jack Dawson në filmin historik Titanic. Në vend të tij, rolin e Eddie Adams e mori Mark Wahlberg, një rol që u nominua për tre çmime Oscar dhe u vlerësua nga Variety si një nga filmat më të mirë të të gjitha kohërave.

Ndërkohë, Titanic u nominua për 14 çmime Oscar dhe fitoi 11 prej tyre.

“Do ta them, edhe pse je këtu, pendesa ime më e madhe është që nuk luajta në Boogie Nights, ishte një film i thellë për gjeneratën time. Nuk mund ta imagjinoj askënd tjetër përveç Mark-ut në atë rol. Kur më në fund e pashë atë film, thashë me vete që ishte një kryevepër”.

Continue Reading

Magazinë

Vdes Terence Stamp, ylli i filmave “Superman”

Published

1 hour ago

on

August 18, 2025

By

Aktori britanik Terence Stamp, një figurë e shquar e kinemasë, i njohur për rolin e tij si superkeqbërësi me emrin gjenerali Zod në filmat “Superman”, ka vdekur në moshën 87 vjeç, sipas “The Independent”.

Aktori i nominuar për çmimin Oscar, i cili luajti në më shumë se 60 filma gjatë karrierës së tij, duke përfshirë “The Limey dhe The Adventures of Priscilla, Queen of the Desert” vdiq sot mëngjes, bëri të ditur familja e tij.

“Ai lë pas një vepër të jashtëzakonshme, si aktor dhe si shkrimtar, që do të vazhdojë të prekë dhe frymëzojë njerëzit për vite me radhë”, tha familja.

Stamp u lind në East End të Londrës në vitin 1938, bir i një punëtori rimorkiatorësh.

Ai i mbijetoi bombardimeve gjatë Luftës së Dytë Botërore dhe, menjëherë pas përfundimit të shkollës, ndoqi një karrierë në reklama, ku punoi për disa vite.

Continue Reading

Magazinë

Paralajmërimi i pavdekshëm i Dianas për Harryn dhe Williamin

Published

2 hours ago

on

August 18, 2025

By

Harry dhe William kanë përjetuar humbjen më të madhe në gusht 1997, me vdekjen e nënës së tyre, Princeshës Diana. Megjithatë, edhe pse marrëdhënia mes vëllezërve është ftohur ndjeshëm me kalimin e viteve, ndikimi dhe mësimet e Dianas mbeten të pranishme në jetën e tyre.

Ish-sekretari privat i Princeshës, Patrick Jephson, thekson se Diana i ka lënë djemve këshilla të vlefshme dhe paralajmërime të rëndësishme, duke u kujtuar se pushteti dhe dashuria e publikut fitohen vetëm përmes shërbimit dhe sakrificës.

Fryma e saj, shton Jephson, vazhdon t’i shoqërojë Harryn dhe Williamin çdo ditë, duke u ofruar mbështetje, udhëzim dhe frymëzim.

Ekspertët mbretërorë, theksojnë se ndarja mes vëllezërve është e thellë dhe e zgjatur, dhe pajtimi mund të ndodhë vetëm nëse Harry bën hapin e parë për të kërkuar falje. Historiania Amanda Foreman shpjegon se sfida kryesore qëndron tek fakti se secili dëshiron që pajtimi të ndodhë sipas kushteve të veta.

Megjithatë, ekziston një fushë ku Harry dhe William gjejnë gjuhë të përbashkët: prindërimi. Të dy janë të përkushtuar që fëmijëve të tyre t’u ofrojnë një fëmijëri sa më të natyrshme dhe të shëndetshme, ashtu siç kishte ëndërruar Diana.

Ky përkushtim i përbashkët shihet si një nga sukseset më të mëdha të tyre dhe një dëshmi se trashëgimia e Princeshës jeton përmes kujdesit që tregojnë ndaj familjeve të tyre.

Continue Reading

Lifestyle

Mëngjesi i shëndetshëm – hapat e parë drejt një dite produktive

Published

3 hours ago

on

August 18, 2025

By

Nisja e ditës në mënyrë të shëndetshme është një nga faktorët më të rëndësishëm për mirëqenien fizike dhe mendore. Mënyra si e kalojmë orën e parë të mëngjesit ndikon drejtpërdrejt në energjinë, përqendrimin dhe humorin tonë gjatë gjithë ditës.

Studimet kanë treguar se krijimi i një rutine të rregullt mëngjesi mund të përmirësojë performancën e njeriut, të rrisë produktivitetin dhe të reduktojë stresin.

Zgjimi i ngadaltë dhe ekspozimi ndaj dritës natyrore

Sipas hulumtimeve të botuara në Sleep Health, zgjimi natyral, pa alarme të zhurmshme dhe ekspozimi ndaj dritës së diellit brenda 30 minutave pas zgjimit ndihmon në rregullimin e ritmit cirkadian dhe përmirëson gjendjen shpirtërore.

Hidratimi menjëherë pas zgjimit

Natën, trupi humbet lëngje përmes frymëmarrjes dhe djersës. Një gotë ujë në mëngjes ndihmon në hidratimin e trupit e në nisjen e funksioneve metabolike.

Aktiviteti fizik i lehtë

Edhe 10-15 minuta aktivitet fizik në mëngjes mund të përmirësojë qarkullimin e gjakut, të rrisë energjinë dhe të çlirojë endorfinë, hormonet e mirëqenies.

Mëngjes i pasur dhe i balancuar ushqyes

Një mëngjes i shëndetshëm është çelësi për tru aktiv dhe trup të fuqishëm. Kombinimi i karbohidrateve komplekse, proteinave dhe yndyrave të shëndetshme është ideal.

Praktika mendore – meditim ose shkrim reflektiv

Praktika të tilla si meditimi, frymëmarrja e thellë apo mbajtja e një ditari ndihmojnë në menaxhimin e stresit dhe vendosjen e qëllimeve ditore.

Continue Reading

Të kërkuara