Kronikë e zezë

Një grua humb jetën pasi u sulmua nga një peshkaqen teksa po zhytej në Bahamas

Plazhi ku ndodhi sulmi është mbyllur, thanë autoritetet dhe ngjarja është nën hetim.

Published

3 years ago

on

Një pasagjere e një anije lundrimi nga Pensilvania vdiq të martën pasi u sulmua nga një peshkaqen teksa po zhytej me familjen e saj në Bahamas, thanë autoritetet.

Pasagjerja, një nënë rreth të 50-tave, e cila ishte në bordin e anijes ‘Royal Caribbean, Harmony of the Seas’ u sulmua në brigjet e Nassau, sipas kreut të policisë në Bahamas, Chrislyn Skippings.

Ndërsa anija e lundrimit ishte ankoruar në Nassau, familja rezervoi një ekskursion me një kompani turistike lokale që i çoi në një zonë të njohur për zhytje, tha Skippings.

Më pas anëtarët e familjes panë një peshkaqen që sulmonte gruan dhe nxituan në ndihmë të saj. Nëna kishte pësuar lëndime në nivele ekstreme, tha ajo.

Sipas saj, punëtorët nga kompania dhe anëtarët e familjes kishin arritur ta tërhiqnin gruan në varkë dhe kishinnxituar në spitalin më të afërt, ku mjekët u përgjigjën dhe nuk raportuan shenja jete.

“Royal Caribbean po ofron mbështetje dhe ndihmë për të dashurit e mysafirëve gjatë kësaj kohe të vështirë”, thuhet në një deklaratë nga linja e lundrimit.

Plazhi ku ndodhi sulmi është mbyllur, thanë autoritetet dhe ngjarja është nën hetim.
Sulmet e peshkaqenëve mbeten jashtëzakonisht të rralla. Shanset për t’u sulmuar fatalisht nga peshkaqeni mbeten më pak se 1 në 4 milionë, sipas International Shark Attack File./UBTNews/

Related Topics:
Continue Reading

Vendi

Vdes një grua në Dragash pas shpërthimit të bombolës së gazit

Published

11 hours ago

on

October 10, 2025

By

Një grua ka humbur jetën në Dragash, si pasojë e shpërthimit të një bombole gazi në shtëpinë e viktimës.

Sipas Policisë, vdekjen e viktimës e ka konstatuar mjeku, derisa trupi i saj është dërguar në IML për obduksion.

“Raportohet se viktima femër kosovare ka mbetur pa shenja jete, dyshohet si pasojë e shpërthimit të një bombole gazi në dhomën e shtëpisë ku kishte qenë duke qëndruar. Njësitet policore dhe ekipi mjekësor kanë dalë në vendin e ngjarjes dhe nga mjeku është konstatuar vdekja e viktimës. Lidhur me rastin është informuar prokurori me urdhrin e të cilit trupi i pajetë i viktimës është dërguar në IML për obduksion”, thuhet në njoftimin e PK-së./S.K/EO/PK/

Continue Reading

Lajmet

​Parandalohet një rast kontrabande në Morinë, arrestohen dy persona

Published

13 hours ago

on

October 10, 2025

By

Policia e Shtetit ka arrestuar shtetasit F. M. (52) dhe B.L. (55) pasi gjatë kontrollit në automjetet e tyre në Morinë janë gjetur mallra kontrabandë në vlerë mbi gjysmë milionë euro.

Gjatë operacionit Tarifa, në dalje të Shqipërisë, shërbimet e Policisë Kufitare Morinë kaluan në vijë të dytë për kontroll të detajuar, automjetin furgon me drejtues shtetasin B. L. dhe automjetin tip “Volkswagen”, me drejtues shtetasin F. M.

Gjatë kontrollit në automjetin me drejtues shtetasin F. M., u gjetën 1006 kuti me medikamente mjekësore të ndryshme, disa arka me 41.000 tableta dhe 2.194 telefona mobilë, ndërsa gjatë kontrollit në furgonin me drejtues shtetasin B. L., u gjetën 62 thasë me duhan, me peshë 930 kg.

Mallrat me vlerë rreth 54 milionë e 350 mijë lekë (562 mijë euro), u sekuestruan në cilësinë e provës materiale bashkë me dy automjetet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./S.K/KP/

Continue Reading

Vendi

Arrestohet një person në Prizren, dyshohet se sulmoi fizikisht një shtetase gjermane

Published

1 day ago

on

October 9, 2025

By

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

“Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Lajmet

Gjendet pa shenja jete një person në Prishtinë

Published

1 day ago

on

October 9, 2025

By

Policia e Kosovës ka njoftuar se është gjetur një person mashkull kosovar pa shenja jete në Prishtinë.

Pas konstatimit të vdekjes, trupi i viktimës është dërguar në IML për obduksion.

Në raportin e policisë thuhet se rasti është duke u hetuar edhe më tej.

“Prishtinë 08.10.2025 – 20:10. Raportohet se viktima mashkull kosovar, është gjetur pa shenja jete. Trupi i pa jetë i viktimës është dërguar në IML për obduksion. Rasti është duke u hetuar“, thuhet në raportin e Policisë së Kosovës./S.K/KP/PK/

Continue Reading

Të kërkuara