Aktualitet

Një familje e tërë dhe çifte të reja u shuan tragjikisht! 14 viktimat pas rënies së teleferikut në Itali

Published

5 years ago

on

Ditën e djeshme një aksident tragjik ndodh në veri të Italisë, pranë liqenit Maggiore, ku si pasojë e rënies së një teleferiku humbën jetën 14 persona, si dhe një i mitur është duke luftuar për jetën në spital .

Mediet italiane kanë zbuluar emrat e viktimave ku rezulton se një familje e tërë është shumuar dhe pjesa tjetër kanë qenë çifte.

Viktimat:

-Çifti, Silvia Malnati ishte 26 vjeç dhe Alessandro Merlo 29 vjeç jetonin në Varese, të Italisë. Prindërit dhe vëllai i Silvias tregojnë se vajza e tyre sapo ishte diplomuar në degën Ekonomi dhe Menaxhim, ndërsa për lajmin e kobshëm rrëfejnë se e kishin mësuar nga lajmet në faqet online.

“Ajo sapo ishte diplomuar, ajo shkoi në një udhëtim me të dashurin e saj. Ne mësuam për rrëzimin duke lexuar faqet e internetit”, thonë ata të tronditur.

-Çifti, Serena Costantino, 27 vjeçe dhe i dashuri i saj iranian Mohammadreza Shahaisavandi, 23 vjeç ishin banorë të qytetit kalabrez, por jetonin jashtë vendit. Ajo ishte transferuar kohët e fundit në Verbania.

-Çifti, Roberta Pistolato dhe burri i saj Angelo Vito Gasparro ishin përgatitur dhe kishin shkuar të festonin ditëlindjen e saj. Ata ishin larguar nga Emilia për vetëm dy ditë, në mënyrë që ta kalonin disa momente pushimi.

-Familja që u shua, Vittorio Zorloni, 54 vjeç, gruaja e tij Elisabetta Persanini, 38 vjeç dhe djali i tyre Mattia, 5 vjeç.

-Mes viktima ishte edhe Amit Biran, 30 vjeç, i cili ishte zhvendosur në Pavia në vitin 2018 për të studiuar mjekësi, gruaja e tij, Tal Peleg, 27 vjeç dhe Tom, djali i vogël i çiftit vetëm dy vjeç, i cili lindi në Itali, në qytetin ku çifti kishte zgjedhur të jetonte.

-Me ta, gjithashtu ishin edhe dy të afërm që erdhën nga Izraeli për t’i vizituar ata. I vetmi i mbijetuar është fëmija më i madh i familjes, një 5-vjeçar, i cili ndodhet në gjendje të rëndë në spital.

Related Topics:
Continue Reading

Vendi

Arrestohet i dyshuari për tentim vrasje në Prizren

Published

8 minutes ago

on

May 25, 2026

By

Një rast i tentim vrasjes është raportuar mbrëmjen e së shtunës në Prizren, ku një person dyshohet se ka sulmuar me thikë një tjetër.

Sipas raportit të Policisë së Kosovës, ngjarja ka ndodhur rreth orës 20:30 në rrugën “Rexhep Kabashi”.

I dyshuari, burrë, është arrestuar nga policia pasi dyshohet se ka therur viktimën pas një konflikti.

Viktima ka marrë trajtim mjekësor në spital, ndërsa gjendja e tij nuk është bërë e ditur.

Me urdhër të prokurorit, i dyshuari është dërguar në mbajtje dhe rasti po hetohet si “vrasje në tentativë”.

Continue Reading

Aktualitet

Arrestohet një person në Aeroportin “Adem Jashari” për kanosje

Published

26 minutes ago

on

May 25, 2026

By

Policia e Kosovës ka arrestuar një person të dyshuar për kanosje në Aeroportin Ndërkombëtar të Prishtinës, Adem Jashari.

Sipas raportit policor, rasti ka ndodhur të shtunën rreth orës 17:20, pas një mosmarrëveshjeje mes dy personave, ku i dyshuari, dyshohet se ka kanosur një tjetër burrë.

Gjatë intervenimit, policia ka sekuestruar nga i dyshuari një pistoletë me leje dhe 45 fishekë.

Ndërsa, me vendim të prokurorit, i dyshuari është liruar në procedurë të rregullt, ndërsa rasti po hetohet më tej.

Continue Reading

Live

Bien çmimet e naftës pas sinjaleve për marrëveshje SHBA-Iran

Published

36 minutes ago

on

May 25, 2026

By

Çmimet e naftës kanë rënë ndjeshëm, ndërsa tregjet aziatike të aksioneve kanë shënuar rritje, pas shpresave për një marrëveshje që mund t’i japë fund konfliktit mes SHBA-së, Izraelit dhe Iranit, raporton BBC, sot më 25.05.2026.

Të shtunën, presidenti amerikan Donald Trump deklaroi se një marrëveshje me Teheranin ishte “kryesisht e negociuar” dhe se detajet do të bëhen publike së shpejti. Megjithatë, një ditë më vonë ai u kërkoi negociatorëve amerikanë të mos nxitojnë me finalizimin e saj.

Të hënën në mëngjes në Azi, çmimi i naftës Brent ra me 5.5%, duke zbritur në 97.90 dollarë për fuçi, ndërsa nafta amerikane pësoi rënie prej 5.8%, në 90.99 dollarë.

Trump kishte deklaruar më herët se marrëveshja do të përfshinte edhe rihapjen e Ngushticës së Hormuzit, një rrugë detare shumë e rëndësishme për transportin global të naftës dhe gazit të lëngshëm natyror. Kjo rrugë, nga e cila kalon rreth një e pesta e furnizimit botëror me naftë, është bllokuar që nga fillimi i konfliktit më 28 shkurt.

Indeksi japonez Nikkei 225 u rrit mbi nivelin 65 mijë pikë për herë të parë, pasi investitorët shpresojnë se ngushtica do të rihapet së shpejti. Japonia dhe Koreja e Jugut janë ndër vendet më të prekura nga konflikti, pasi varen shumë nga energjia që vjen nga Gjiri Persik.

Trump gjithashtu tha se kishte zhvilluar biseda me liderët e Arabisë Saudite, Emirateve të Bashkuara Arabe dhe Katarit lidhur me një memorandum për paqen. Ai shtoi se marrëveshja synon të pengojë Iranin të sigurojë armë bërthamore.

Ndërkohë, zëdhënësi i Ministrisë së Jashtme të Iranit, Esmaeil Baqaei, deklaroi se qëndrimet e SHBA-së dhe Iranit janë afruar gjatë javës së fundit, por paralajmëroi se ende nuk ka pajtim për çështjet kryesore dhe akuzoi amerikanët për deklarata kontradiktore.

Continue Reading

Lajmet

Javë me mot të qëndrueshëm në Kosovë, fundjava sjell reshje lokale shiu

Published

44 minutes ago

on

May 25, 2026

By

Gjatë kësaj jave në Kosovë pritet të mbajë mot kryesisht i qëndrueshëm, me periudha të gjata me diell dhe vranësira të lehta në pjesën më të madhe të vendit. Temperaturat do të mbeten relativisht të larta për këtë periudhë, ku maksimalet do të sillen nga 22 deri në 29 gradë Celsius.

Ditët e para të javës, nga e hëna deri të mërkurën, parashihen më të ngrohta dhe me më shumë kthjellime. Në disa zona malore mund të ketë shtim të vranësirave, por pa reshje të theksuara.

Ndërkaq, nga e enjtja moti pritet të ndryshojë gradualisht, me vranësira më të dendura dhe mundësi për reshje lokale shiu të shoqëruara herë pas here edhe me shkarkime elektrike. Edhe dita e premte pritet të sjellë mot më të paqëndrueshëm, me intervale dielli dhe riga të izoluara shiu në disa pjesë të vendit.

Continue Reading

Të kërkuara