Lajmet

Nga do të dalë koronavirusi i ri, që do të shkaktojë pandeminë e radhës?

Debati mbi origjinën e virusit është ende i hapur.

Published

on

Për gati dy vjet, në imagjinatën e zakonshme lakuriqi i natës nuk është më vetëm ajo kafsha e çuditshme që fle varur me kokë poshtë. Kjo specie është mbi të gjitha bartësi që lejoi SARS-CoV-2 , koronavirusin që shkakton Covid-19, të bëjë përhapjen nga kafsha tek njeriu (edhe pse debati mbi origjinën e virusit është ende i hapur).

Për të parandaluar përhapjen e ardhshme të koronavirusëve të ngjashëm, dhe për të parandaluar çdo lloj pandemie në të ardhmen, është e rëndësishme të kuptohet se cilat specie janë duke bartur aktualisht viruse që janë potencialisht të rrezikshëm për njerëzit.

Kësaj perspektive parandaluese i përshtatet një studim i botuar në ”Lancet Microbe“ pjesë e një përpjekjeje më të gjerë kërkimore ndërkombëtare të quajtur VERENA (Nisma e Kërkimit mbi Shfaqjen e Viruseve), e cila synon të parashikojë se cilat viruse mund të infektojnë njerëzit, duke filluar nga cilat rezervuarë, kafshë, dhe në cilat vendet të botës mund të ndodhë kaapërcimi i viruseve nga kafshët tek njerëzit.

Njohja e mirë e bartësit

Në 4 muajt e parë të vitit 2020, studiuesit kanë zhvilluar 8 modele të ndryshme statistikore, të cilat janë të afta të parashikojnë se cilat kafshë mund të strehojnë betakoronaviruse (një grup koronavirusësh që është përgjegjës për SARS-in dhe Covid-19).

Çuditërisht, modelet që shfrytëzonin të dhënat në lidhje me ekologjinë dhe evolucionin e lakuriqëve të natës, dhanë rezultate më të sakta se modelet më të avancuara, të cilat përfshinin më pak të dhëna për biologjinë e kafshëve. Në këtë drejtim, “në rast se duam që t’i identifikojmë këto viruse, fillimisht duhet të përvijojmë në detaje profilin e bartëve” shprehet Kolin Karlson, një nga autorët e studimit.

Rezervuarë të tjerë nën monitorim

Modelet e zhvilluara nga studiuesit ishin në gjendje të identifikonin  si rezervuarë të mundshëm të betakoronavirusit  mbi 400 lloje lakuriqë nate, të përhapura jo vetëm në Azinë Juglindore, por edhe në Afrikën Sub-Sahariane dhe në Hemisferën Perëndimore.

“Është thelbësore të investohet në monitorimin e këtyre kafshëve, për të kuptuar se ku dhe kur mund të bëjnë kapërcimin nga njëra species tek tjetra betakoronaviruset e ndryshme”– thekson Daniel Beker, koordinator i studimit, që shpjegon se si kërkimi ofron “një listë të shkurtër të llojeve kryesore të lakuriqëve të natës, që duhen mbajtur nën vëzhgim, për t’u studiuar më tej”. / Focus – Bota.al

Lajmet

Presidenti i Malit të Zi nuk e dekreton ligjin për Plazhin e Madh të Ulqinit

Published

on

By

Presidenti i Malit të Zi, Jakov Millatoviq, ia ka kthyer Kuvendit për rishqyrtim njërën nga dy marrëveshjet që Qeveria e Malit të Zi i kishte nënshkruar me Emiratet e Bashkuara Arabe – atë që i hapte rrugë dhënies me qira të Plazhit të Madh në Ulqin.

Sipas asaj marrëveshjeje, Mali i Zi do t’ia jepte Plazhin e Madh me qira për 99 vjet kompanisë Emmar të biznesmenit arab, Mohamed Alabbarit, që do të ndërtonte një kompleks megaturistik në Ulqin.

Alabbar ka marrë pjesë edhe në projekte rajonale në Kroaci, Shqipëri dhe në “Beogradin mbi ujë” në Serbi.

Por, Millatoviq, i cili dekretoi Ligjin për ratifikimin e Marrëveshjes për bashkëpunim ekonomik, nuk e bëri të njëjtën edhe për Ligjin për ratifikimin e Marrëveshjes për bashkëpunim në fushën e turizmit dhe zhvillimit të pasurive të paluajtshme. Këtë të fundit ai ua ktheu deputetëve për ta votuar sërish.

Që marrëveshjet e nënshkruara nga kryeministri Millojko Spajiq në fund të marsit me zyrtarët e Emirateve të hyjnë në fuqi, Kuvendi i Malit të Zi i miratoi dy ligjet me procedurë të përshpejtuar më 23 prill, me propozim të Qeverisë.

Ato u mbështetën nga deputetët e shumicës parlamentare – lëvizja e Spajiqit “Evropa tani”, partia “Demokracia e Re Serbe” e kryetarit të Kuvendit, Andrija Mandiq, Demokratët dhe Partia Boshnjake.

Ditëve para miratimit, Millatoviq dhe një pjesë e sektorit joqeveritar paralajmëruan se me miratimin e Marrëveshjes për bashkëpunim në turizëm dhe zhvillim të pasurive të paluajtshme po pezullohet Kushtetuta dhe një pjesë e ligjeve të Malit të Zi.

Kthimi i këtij ligji nga Millatoviq e detyron Kuvendin që të votojë sërish për të. Nëse ligji miratohet përsëri, ai do t’i dërgohet sërish Millatoviqit për nënshkrim. Sipas Kushtetutës, në atë rast ai është i detyruar ta nënshkruajë, dhe ligji hyn në fuqi./REL/

Continue Reading

Lajmet

Rama: Buxheti për vitin 2025 po sabotohet, kërkojmë zgjidhje alternative

Published

on

By

Kryetari i Prishtinës, Përparim Rama, pas dështimit të seancës së Kuvendit Komunal, ka deklaruar se buxheti i kryeqytetit për vitin 2025 po përballet me pengesa serioze.

Sipas tij, ndonëse buxheti është votuar që në dhjetor 2024 dhe është planifikuar për projektet madhore të qytetit, Parlamenti i Kosovës ende nuk ka miratuar atë.

Rama akuzoi institucionet për shmangie të vazhdueshme dhe tentim sabotimi. “Do të vazhdojmë të punojmë me projekte të reja dhe të kërkojmë fonde nga instanca të tjera”, u shpreh ai.

“Buxhetin e dini që ne e kemi votuar në dhjetor të vitit 2024, i cili është planifikuar për të gjitha projektet madhore të kryeqytetit. Kemi kërkuar që atëherë që Parlamenti i Kosovës ta miratojë, por asnjëherë nuk është ftuar seanca. Tani kemi një çështje tjetër që ende nuk është konstituar. Ne kemi shqyrtuar në mënyrë ligjore se si Ministria e Financave të kërkojë buxhetin, e kemi kërkuar tashmë dy herë, por është shmangur. Tani ne duhet të gjendemi në mënyra të ndryshme, duhet t’i gjejmë fondet përmes projekteve të reja. Është tentuar të sabotohet edhe buxheti, por ne kemi arritur që të bëhet. Nuk po shfrytëzohet mundësia që buxheti i vitit 2025 të aprovohet. Ne vazhdojmë me projektet, nuk do të ndalemi dhe do të vazhdojmë të kërkojmë instanca të tjera”, tha Rama.

 

Continue Reading

Lajmet

Emërohet ambasadori i ri i Italisë në Kosovë

Published

on

By

Maurizio Antonini do të jetë ambasadori i ri i Italisë në Kosovë. Këtë e ka bërë të ditur ambasada e Italisë në Kosovë.

Lajmi është bërë i ditur nëpërmjet një njoftimi në rrjetin social “X”.

I nderuar që të marr detyrën e Ambasadorit të Italisë në Kosovë. I vendosur që të fuqizoj lidhjet mes dy shteteve në të gjitha fushat e bashkëpunimit, duke përfshirë edhe për hir të perspektivës së Prishtinës për integrim evropian”, citohet se ka thënë ai.

Continue Reading

Lajmet

Murati: Bllokada e Kuvendit po pengon dorëzimin e Kornizës Afatmesme të Shpenzimeve dhe ndarjen e granteve komunale

Published

on

By

Ministri në detyrë i Financave, Hekuran Murati, ka thënë se moskonstituimi i kuvendit ka pasoja edhe në procese tjera.

Sipas tij në mungesë të një kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Në mungesë të një Kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Murati ka përmendur edhe komisionin për Grante Komunale.

Ngjashëm është puna edhe me Komisionin për Grante Komunale, ku ligji e kërkon pjesëmarrjen edhe të Kryetarit të Komisionit Parlamentar për Buxhet – në mungesë të Kuvendit funksional, nuk ka as Komision për Buxhet dhe s’ka kush të marrë pjesë në Komisionin e Granteve, gjë që e vonon edhe ndarjen e granteve komunale.”

Murati thotë se është e domosdoshme që opozita “të heqë dorë nga bllokada”.

Prandaj është e domosdoshme që partitë opozitare të heqin dorë nga bllokada dhe të ndihmojnë konstituimin e Kuvendit sa më parë.

Continue Reading

Të kërkuara