Sport

Neymar te United? Ja fjalët e Ten Hag

“Kur kemi lajme, ne do të ju tregojmë”, ishin fjalët e Ten Hag.

Publikuar

Së fundmi nuk kanë të ndalur spekulimet që po e lidhin Neymar me një transferim te gjiganti anglez, Manchester United.

Neymar ka kontratë aktuale me Paris Saint-Germain deri në vitin 2025, por largimi i tij nga kampioni francez duket gjithnjë e më i mundshëm për shkak se besohet se marrëdhëniet mes brazilianit dhe klubit janë prishur.

Besohet se PSG do të konsiderojë oferta për Neymar këtë verë, dhe se nuk do ta pengojë largimin e yllit brazilian nga “Parc des Princes”.

Ditëve të fundit Neymar është lidhur fuqishëm me një kalim në “Old Trafford” te Manchester United.

Ndërkaq, trajneri i United, Erik Ten Hag refuzoi të jepte përgjigje konkrete kur u pyet për spekulimet me Neymarin.

“Kur kemi lajme, ne do të ju tregojmë”, ishin fjalët e Ten Hag.

Neymar ka kontratë me PSG-në deri në qershor të vitit 2025, me opsionin për ta rinovuar kontratën edhe për një vit në “Parc des Princes”.

Sport

Akil Gjakova në çerekfinale të Grand Prix Austria

Në kuadër të kategorisë deri në 73 kilogramë, Gjakova ka mposhtur në raundin e tretë të kësaj gare xhudistin slloven, Martin Hojak.

Publikuar

nga

Xhudisti ynë, Akil Gjakova ka siguruar pjesëmarrjen në çerekfinalen e Grand Prix Upper që po mbahet në Austri.

Në kuadër të kategorisë deri në 73 kilogramë, Gjakova ka mposhtur në raundin e tretë të kësaj gare xhudistin slloven, Martin Hojak. Tani, në çerekfinale, Akili do të përballet me xhudistin nga Moldavia, Adil Osmanov. Ndërkaq, në rrugëtimin e tij deri te çerekfinalja Akili regjistroi tri fitore radhazi.

Në raundin e parë triumfoi kundër xhudistit nga Kazakistani, Darkhan Koibagar, në raundin e dytë kundër austriakut, Herbert Wicker, kurse në raundin e tretë e mposhti sllovenin, Martin Hojak.

Vazhdo të lexosh

Sport

United siguron Ligën e Kampionëve, mposht Chelsean

Manchester United mposhti 4:1 skuadrën e Chelseat.

Publikuar

nga

Ka përfunduar ndeshja tejet interesante mes Manchester United dhe Chelseat, ku “Djajtë e Kuq” e kanë siguruar Ligën e Kampionëve për sezonin e ardhshëm.

Pas plot 90’ minutave lojë të zhvilluara në stadiumin “Old Trafford”, Manchester United mposhti 4:1 skuadrën e Chelseat.

Golat për “Djajtë e Kuq” i shënuan Casemiro (minuta e 6’), Martial (minuta e 45+5’), Fernandes (minuta e 73’) dhe Rashford (minuta e 79’), kurse golin e nderit për Chelsean e shënoi Joao Felix në minutën e 89’.

Me pikët e reja, United zë pozitën e katërt në kuotën e 72 pikëve, krahas Chelseat që renditet në pozitën e 12 me 43 pikë të arkëtuara.

Rezultati final i ndeshjes, 4:1 në favor të United.

Vazhdo të lexosh

Sport

Mourinho zbulon klubin që nuk i pëlqen

Ai pranoi se Tottenhami ishte i vetmi klub me të cilin ai nuk arriti të mbante një marrëdhënie të mirë.

Publikuar

nga

Java e Tottenhamit sa shkon e bëhet më e keqe, pasi që Jose Mourinho ka thënë që “Spurs” janë skuadra e vetme në karrierën e tij që ai nuk ka një lidhje të ngushtë me të.

Në një konferencë për shtyp për finalen e Ligës së Evropës kundër Sevillas, trajneri i Romës, Mourinho pranoi se Tottenhami ishte i vetmi klub me të cilin ai nuk arriti të mbante një marrëdhënie të mirë.

“Unë e kam krijuar një lidhje tejet të mirë me të gjitha klubet që kam udhëhequr. Ata tallen me mua kur them se jam tifoz i Realit, Interit dhe Romës. Kur të largohem nga ‘Giallorossi’ do të jetë e vështirë. E vetmja skuadër me të cilën nuk kam këtë marrëdhënie është Tottenham”, tha Mourinho.

“Shpresoj që fjalët e mija të mos keqinterpretohen nga tifozët e Tottenhamit, por ky është klubi i vetëm që nuk kam marrëdhënie të mira. Ndoshta sepse stadiumi ishte bosh në kohën e Covid dhe sepse presidenti Levu nuk dha shumë”, shtoi më tej Mourinho.

Aventura e Mourinhos te Tottenhami mori një fund dramatik në prill të vitit 2021, vetëm disa ditë para se skuadra kishte planifikuar të luante finalen e Carabao Cup kundër Manchester Cityt.

Vazhdo të lexosh

Sport

Potter harron Chelsea-n, shumë afër punës së re si trajner

Potter ka qenë pa punë që prej se u shkarkua nga Chelsea në muajin prill.

Publikuar

nga

Graham Potter thuhet se është afër që të rikthehet në pozitën e trajnerit, me të shkarkuarin nga Chelsea që është favoriti kryesorë për të marrë drejtimin e skuadrës së Nice.

Potter ka qenë pa punë që prej se u shkarkua nga Chelsea në muajin prill, por tani thuhet se është në krye të listës së favoritëve të Nice për ta zëvendësuar Didider Digard.

Sipas “L’Equipe”, Potter është i interesuar në rolin në fjalë dhe e ka përkrahjen nga bordi i krerëve të Nice, ku veçse ka pasur bisedime mes dy palëve për rolin e trajnerit.

Po ashtu, në listën e skuadrës së Nice gjendet edhe Thiago Motta, por që ky i fundit thuhet se është i preferuari i Paris Saint-Germain për të qenë zëvendësuesi i Christophe Galtier.

Vazhdo të lexosh

Të kërkuara