Lajmet

Nëntogere Bunjaku nderohet me Shpatën Ndërkombëtare në Britani, diplomon edhe nëntoger Deliu

Published

5 years ago

on

Nëntogere Ilirianë Bunjaku nga Forca e Sigurisë së Kosovës, ka përfunduar me sukses shkollimin njëvjeçar në Akademinë Mbretërore Ushtarake në Mbretërinë e Bashkuar. Në ceremoninë e diplomimit në “Sandhurst”, ajo mori çmimin e parë si oficerja më e mirë ndërkombëtare, për çka edhe u nderua me Shpatën Ndërkombëtare. Gjithashtu sot, në akademinë prestigjioze të Mbretërisë së Bashkuar ka diplomuar edhe nëntoger Ardit Deliu, kadet në FSK.

Në hapësirat e Akademisë Mbretërore Ushtarake të Mbretërisë së Bashkuar, është mbajtur sot ceremonia e diplomimit të gjeneratës 202.

Përveç atyre nga Mbretëria e Bashkuar, aty diplomuan 25 kadetë nga 15 vende të ndryshme të botës.

Për dallim nga ceremonitë e viteve të kaluara, kadetët diplomuan pa praninë e familjarëve të tyre në pjesën e publikut, krejt kjo për shkak situatës me pandeminë COVID-19.

Megjithatë, nuk mungoi ceremonia tradicionale e diplomimit në këtë akademi ku ndër të tjera u zhvillua edhe Parada e Sovranit.

Nëntoger Ilirianë Bunjaku, e cila një vit më parë e filloi trajnimin bazik në “Sandhurst”, ku u zhvillua në aspektin e karrierës në nivelin taktik dhe atë të lidershipit, sot ishte në qendër të ceremonisë. Ajo mori Shpatën Ndërkombëtare, që përmban çmimin e parë si oficeri më i mirë ndërkombëtar për këtë vit në këtë akademi. Ishte shefi i Shtabit të Mbrojtjes, gjeneral Sir Nicholas Carter ai që i dorëzoi çmimin.

“Ky është një moment domethënës, ka të bëjë me festimin e asaj që keni arritur deri më tani, por gjithashtu ka të bëjë edhe me parashikimin e asaj që mund të arrini në një jetë kushtuar shërbimit vetëmohues. Ju jeni gati të pranoni një përgjegjësi të madhe për të udhëhequr ushtarët dhe për të respektuar kërkesat e kompetencës, angazhimit dhe karakterit të pandërprerë çdo ditë. Si oficerë ju jeni zgjedhur individualisht për të udhëhequr bashkatdhetarët tuaj në betejë, në mbrojtje të vlerave që ne i çmojmë. Dhe vendi juaj mund t’ju bëjë një nder më të lartë. Çfarëdo që të ndodhë me ju, çfarëdo niveli që të arrini, çfarëdo njohje që të merrni nuk do të merrni kurrë një kompliment më të madh. Dhe në këmbim të këtij nderi dhe besimi, kur të largoheni nga këtu do të jetoni në përputhje me traditat e shkëlqyera të një oficeri të ushtrisë tonë”, tha Carter.

Për suksesin e Bunjakut ka shkruar edhe Ambasada e Britanisë në Kosovë, sipas së cilës, një gjë e tillë dëshmon profesionalizimin dhe aftësinë e FSK-së.

“Ajo (Ilirianë Bunjaku) triumfoi përballë një konkurrence shumë të fortë për të fituar çmimin, e cila reflekton performancën e saj të jashtëzakonshme, duke demonstruar qëndrueshmëri fizike, guxim dhe aftësi të vërteta drejtuese gjatë gjithë kursit. Urime për një arritje të jashtëzakonshme, Iliriana”, thuhet në shkrimin e ambasadës.

Nëntogere Ilirianë Bunjaku është pjesë e Forcës së Sigurisë së Kosovës tash e 6 vjet. Ajo ka përfunduar Akademinë Ushtarake në Qendrën për Studime Universitare në Kosovë, pas së cilës është emëruar udhëheqëse e togut.

Çmimi i sotëm i ndarë për nëntogere Bunjakun, nga akademia e ushtrisë britanike, është vetëm një prej sukseseve që kanë treguar pjesëtarët e FSK-së në akademi të ndryshme të botës. Pesë vjet më parë ishte Ismail Hoxha, oficeri i FSK-së, që kishte marrë Shpatën nga Princi Charles, si oficeri më i mirë ndërkombëtar.Pas kësaj, Hoxha i cili kishte arritur gradën e kapitenit, u bë instruktor brenda Akademisë Mbretërore Ushtarake Sandhurst.

Mbretëria e Bashkuar dhe Republika e Kosovës kanë bashkëpunim të ngushtë në fushën e sigurisë ku deri më tani 23 pjesëtarë të FSK-së janë trajnuar në Akademinë Ushtarake Mbretërore “Sandhurst”.

Related Topics:
Continue Reading

Vendi

Tensione te Kuvendi për ndryshimet në ligjin për Specialen

Published

6 hours ago

on

October 5, 2026

By

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Continue Reading

Aktualitet

Përfundon takimi mes Kurtit dhe Hamzës

Published

7 hours ago

on

October 5, 2026

By

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Continue Reading

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

7 hours ago

on

October 5, 2026

By

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/

Continue Reading

Lajmet

Kurti dhe Hamza takohen në Kuvend

Published

8 hours ago

on

October 5, 2026

By

Ka filluar takimi mes kryetarit të Lëvizjes Vetëvendosje, Albin Kurti, dhe kryetarit të PDK-së, Bedri Hamza, raporton Ekonomia Online.

Takimi mes dy liderëve politikë po zhvillohet në objektin e Kuvendit të Kosovës.

Takimi vjen në një kohë kur në Kuvend po zhvillohen diskutime për çështje të rëndësishme politike dhe institucionale./EO/A.K/

 

Continue Reading

Të kërkuara