Lajmet nga UBT
Në UBT u organizua konferenca “Kosova and New Urbanism: Resilience, Innovation, Technology, Sustainability and Investments”
Rektori i UBT-së, Prof. Dr. Edmond Hajrizi falënderoi të pranishmit për pjesëmarrje në këtë konferencë me karakter shkencor.
“Kosova and New Urbanism: Resilience, Innovation, Technology, Sustainability and Investments”, ishte konferenca e parë e cila u mbajt në Parkun Shkencor Inovativ të UBT-së në Lipjan, në prag të shënimit të 15-të vjetorit të Pavarësisë së Kosovës, nën organizimin e UBT-së, Rrjetit të Bizneseve të Diasporës Shqiptare dhe Federatës Panshqiptare të Amerikës “VATRA”.
Në këtë konferencë me karakter shkencor u prezantuan disa punime dhe u dhanë rekomandime të shumta për urbanizmin e ri, duke i dhënë theks të veçantë qëndrueshmërisë, inovacionit, teknologjisë dhe investimeve strategjike.
Rektori i UBT-së, Prof. Dr. Edmond Hajrizi falënderoi të pranishmit për pjesëmarrje në këtë konferencë me karakter shkencor, njëherit theksoi se urbanizmi i ri është një qasje dhe praktikë shumë e rëndësishme e cila mund t’u shërbejë të gjithë profesionistëve të fushës për të planifikuar qytetet, vendbanimet e lagjet në bazë të këtyre premisave.
Rektori Hajrizi potencoi se UBT ka ndërtuar një ekosistem në vlera dhe cilësi, duke i dhënë hapësirë të veçantë krijimit të programeve të reja, të cilat i japin karakter tjetër nivelit të studimeve akademike në fushën e urbanizmit.
“Programet Arkitekturë dhe Planifkim Hapësinor; Inxhnieri e Ndërtimit dhe Infrastrukturës; Inxhinieri e Energjisë dhe Menaxhment; Menaxhimi i Patundshmërive dhe Infrastrukturës; Agrikultura dhe Inxhinieria e Mjedisit janë të gjitha programe aktive në UBT, e të cilat i shërbejnë vizionit tonë për të ofruar programe të veçanta studimi në temat dhe fushat që trajtojmë në këtë konferencë. Përveç kësaj, ne në UBT kemi bërë bashkë fushat Zhvillimi i Qëndrueshëm dhe Planifikimi Urban, duke dizajnuar dhe akredituar një program të veçantë që integron këto dy komponente. Ndërsa këtë vit do të jemi dëshmitar të diplomimit të gjeneratës së parë master të programit master Planifikim Urban dhe Zhvillim i Qëndrueshëm- në gjuhën shqipe”, tha rektori Hajrizi.
Themeluesi i kompanisë “Christopher Hyland Inc.”, njëherit drejtori i “Hylandtown”, Christopher Hyland vlerësoi lart angazhimin e profesorëve universitarë dhe të studentëve për të kontribuuar në fushën e urbanizmit, teksa njëherit prezantoi para të pranishmëve rreth impaktit të trafikut dhe standardeve arkitektonike.
Mes tjerash, Hyland theksoi se Kosova ka një arkitekturë unike dhe bashkëkohore, duke ofruar në të njëjtën kohë edhe një nderim të së kaluarës, apo historisë, e me këtë rast kjo e bën të veçantë.
“Janë të panumërta rrëfimet e dizajnit arkitekturor dhe urban të Kosovës që, së bashku, ofrojnë themelin nga i cili, për të krijuar arkitekturë unike e bashkëkohore, në shkallë të ndryshme, duhet nderuar të kaluarën, duke ofruar mundësi të reja stilistike, të gjitha për të gjetur vend në urbanizmin e ri”, theksoi Hyland.
Profesori ndërkombëtar nga Universiteti i Lisbonës në Portugali, Jorge de Brito, diskutoi para të pranishmëve rreth temës “The Past and Future of Sustainable Concrete”, duke shtjelluar detaje rreth të kaluarës dhe të ardhmes së betonit të qëndrueshëm.
Profesori Jorge de Brito theksoi se shtyllat e qëndrueshmërisë janë kryesisht mjedisore, ekonomike dhe sociale, teksa për kufizimet e përbashkëta për analizat ekzistuese të qëndrueshmërisë konsiderohen kufijtë (fazat e ciklit jetësor), si dhe llogaridhënia e ndikimeve (ndikimet e shmangura).
Ai vlerësoi se janë disa masa për të nxitur betonin e qëndrueshëm, ndër to: masat për përmirësimin e qëndrueshmërisë (qëndrueshmëria ndihmon në ruajtjen e mjedisit), masat për të ndalur varësinë e rezistencës së betonit nga procedurat e projektimit strukturor (rezistenca dëmton mjedisin), materialet jo konvencionale (përkatësisht ato që mund të zëvendësojnë lidhësit konvencionalë), marrja e të dhënave të besueshme për ndikimet dhe kostot mjedisore, si dhe dizajn i bazuar në performancë.
Qëllimi i konferencës “Kosova and New Urbanism: Resilience, Innovation, Technology, Sustainability and Investments”, ishte ndarja e njohurive dhe pikëpamjeve të ekspertëve dhe profesionistëve mbi parimet e urbanizmit të ri, si mundësi unike për të ndikuar në të ardhmen e Kosovës.
Aktualitet
UBT sjell modelin e suksesshëm austriak të arsimit në turizëm: Dy diploma për studentët e Kosovës dhe rajonit
Turizmi është një sektor kyç për zhvillimin ekonomik dhe të qëndrueshëm të Kosovës, që kërkon profesionistë të përgatitur sipas praktikave më të mira ndërkombëtare. Për ta bërë këtë të mundur, UBT ka nënshkruar një marrëveshje për Diplomë të Dyfishtë (Double Degree) me IMC Krems – University of Applied Sciences në Austri, një nga modelet më të suksesshme evropiane në arsimin për turizëm.
Në bazë të kësaj marrëveshjeje, studentët e Turizmit në UBT do të studiojnë dy vite në Kosovë dhe vitin e fundit në Austri, duke u pajisur me dy diploma universitare – një nga UBT dhe një nga IMC Krems.
Marrëveshja u nënshkrua nga Presidenti i UBT-së, Prof. Dr. Edmond Hajrizi, në Austri, ku ai u prit nga themeluesi dhe kryetari i bordit mbikëqyrës të IMC Krems, Heinz Boyer, drejtori ekzekutiv Udo Brändle, si dhe nga Iris Waringer, drejtuese e Marrëdhënieve Ndërkombëtare, dhe Chen Yang, përgjegjës për projektet ndërkombëtare.
“Ky bashkëpunim është dëshmi e orientimit ndërkombëtar të UBT-së dhe përkushtimit tonë për t’u ofruar studentëve mundësi unike që e rrisin cilësinë e studimeve dhe hapin dyert e karrierës ndërkombëtare”, tha Rektori Hajrizi.
Ky program Double Degree do të shndërrohet në një nga shtyllat kryesore të zhvillimit të turizmit në Kosovë, duke përgatitur gjenerata të reja profesionistësh që do të kontribuojnë në promovimin e vendit si destinacion turistik dhe në rritjen e standardeve të industrisë së mikpritjes.
Austria konsiderohet si një ndër modelet më të suksesshme në fushën e arsimit profesional për turizëm dhe hotelieri, duke ofruar një sistem shkollimi të avancuar dhe të orientuar drejt praktikës.
Aktualitet
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
E papritur! Charlie Sheen zbulon sekrete nga jeta private
Zbulim i ri për hipertensionin: Ilaçi inovativ që mund të mposhtë ‘vrasësin e padukshëm’
Këto veprime nuk duhet t’i bëni në avion
Turqi: Kufizohet qasja në rrjete sociale
Kur kamera mashtron: Reagimi i Frankie Grande bëhet viral në MTV VMA
Kushtetuesja për akuzat e VV-së: Deklarime të pamatura, të dëmshme për zhvillimin demokratik
Votëbesimi në Francë trondit obligacionet, aksionet mbeten të pandryshuara
Më 12 shtator, seanca e parë e Kuvendi të ri në Shqipëri, Begaj mesazh deputetëve
Kreu i të drejtave të njeriut të OKB-së paralajmëron situatën “katastrofale” në Sudan
-
Aktualitet2 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months agoUBT shpall konkurs për pranimin e studentëve të rinj për vitin akademik 2025/26