

Lajmet nga UBT
Në sesione të ndara, studiues të Energjisë Efiçiente prezantojnë punime në Konferencën Shkencore të UBT-së
Konferenca e Energjisë Efiçiente për synim kishte promovimin dhe ndërgjegjësimin e njohurive lidhur me energjinë e ripërtërishme dhe efikasitetin energjitik në ndërtim.
Published
2 years agoon
By
Betim GashiKonferenca Ndërkombëtare për Shkencë, Teknologji, Biznes dhe Inovacion vazhdoi punimet me aktivitetin në fushës së Energjisë Efiçiente, në prani të shumë pjesëmarrësve të interesuar, shumica prej të cilëve edhe prezantuan online punimet e tyre shkencore dhe dhanë rekomandime mbi temat që trajtuan.
Konferenca e Energjisë Efiçiente për synim kishte promovimin dhe ndërgjegjësimin e njohurive lidhur me energjinë e ripërtërishme dhe efikasitetin energjitik në ndërtim.
Në këtë konferencë u trajtuan temat si: ndikimi i direktivës EPBD (Energy Performance of Building Directive) në sistemin e energjisë dhe vlerën e sistemeve fotovoltaike, tranzicioni i energjisë në mbështetje të kushteve klimatike për Burimet e Rinovueshme të Energjisë (RENE) dhe eksplorimi i tendencave aktuale, inovacioneve dhe përparimeve në energjinë e erës, zhvillimi i arkitekturës së ndërtesave të efikshme energjetike dhe kontrolli i ndotjes, si dhe trajtimi i ujërave të ndotura urbane.
Sesioni i parë
- “The new European Directive EPBD (Energy Performance of Building Directive) and the added value of the photovoltaic system”- Kliton Bylykbashi, Besa Veseli, Shqiprim Ahmeti, Vehebi Sofiu, Luca Rubini;
- “Evaluating the impact of demand-side response in Kosovo during the energy crisis: What can we learn?” – Arven Syla, Avni Alidemaj, Martin Patel;
- “Historic solar thermal development”-Drita Qerimi, Ardita Jusaj;
- “Possibilities of utilizing the potential of solar energy in Kosovo” – Nexhmi Krasniqi, Armend Ymeri, Blinera Bislimi;
- “Solar Energy and Smart Grids: Analyzing the integration of solar energy within smart grid systems, encompassing aspects such as demand response, energy management, and grid stability” – Arbesa Nikaj, Agron Bislimi;
Sesioni i dytë
- “Energy transition in support of climate conditions for Renewable Energy Sources” – Vehebi Sofiu; Sami Gashi, Besa Veseli, Armend Ymeri, Muhaxherin Sofiu;
- “Exploring Current Trends, Innovations, and Advancements in Wind Energy, as well as its Potential and Future Prospect” – Agron Bislimi, Rrezarta Jetullahu, Arbesa;
- “Reforming the energy sector through transition”- Avni Alidemaj, Adlum Ramadani, Dasar Gashi;
- “The new EPBD directive, A case study of a renovation of a country house in Kosovo” – Kliton Bylykbashi, Besa Veseli, Visar Krelani;
- Distance protection and the importance of precision measuring equipment” – Qendresa Syla.
Sesioni i tretë
- “Advantages of a Gas Insulated Substation (GIS)”- Armend Ymeri, Nexhmi Krasniqi, Gentian Kicaj, Diellza Morina;
- “learning adaptive modeling buildings and their impact on creation of the smart cities in Kosovo, challenges and opportunities” – Fuat Pallaska, Visar Hoxha.
- “Efficient energy building and pollution control”- Afrim Syla.
- “Urban wastewater before and after treatment at the Plant of Skenderaj” – Sami Gashi, Vehebi Sofiu, Shkëlzim Ukaj, Besa Veseli;
- “Advancing Toward Net-Zero Cities: Integrating Solar Energy Systems for Sustainable Urban Development – Exploring Challenges, Opportunities, and Innovation” – Agron Bislimi, Blinera Bislimi;
- “The impact of renewable energy sources and their impact on the energy system”- Rexhep Shaqiri, Vezir Rexhepi;
- “The new nzeb homes set by europe and a case study for Kosovo” – Kliton Bylykbashi, Besa Veseli, Shqiprim Ahmeti, Vehebi Sofiu, Luca Rubini.
You may like
-
Mbyllet me sukses Java e Dizajnit në UBT – prezantohen koleksione me vlera artistike dhe kulturore
-
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
UBT – Institucioni privat me më së shumti programe të akredituara nga Agjencia e Akreditimit të Kosovës
Lajmet nga UBT
UBT, Akademia e Shkencave të Shqipërisë dhe Fondacioni Musei Civici di Venezia, prezantojnë në Tiranë trashëgiminë e Karl Gegës në një ekspozitë unike
Published
6 days agoon
June 13, 2025By
UBTNews
Në Pallatin e Kongreseve në Tiranë, u bë hapja e ekspozitës kushtuar jetës dhe veprës së inxhinierit vizionar Karl Gega, një ngjarje kulturore dhe shkencore me rëndësi të veçantë. Ekspozita është organizuar nga UBT në bashkëpunim me Akademinë e Shkencave të Shqipërisë dhe Fondacionin Musei Civici di Venezia, duke sjellë në vëmendje trashëgiminë evropiane të kësaj figure kyçe të shekullit XIX.
Në ceremoninë e hapjes morën pjesë përfaqësues të lartë nga UBT, Akademia e Shkencave, Fondacioni, si dhe Ambasada e Hungarisë në Shqipëri dhe institucione të tjera kulturore dhe shkencore. Rektori dhe Presidenti i UBT-së, Prof. Dr. Edmond Hajrizi, në fjalën e tij nënvizoi rëndësinë e bashkëpunimit ndërinstitucional për promovimin e dijes dhe kulturës, si dhe rolin e rëndësishëm që luajnë studentët dhe stafi akademik i Fakulteteve të Artit dhe Medias Digjitale, Arkitekturës dhe Planifikimit Hapësinor dhe Dizajnit të Integruar në realizimin e kësaj ekspozite.
Ekspozita përmbledh jo vetëm dimensionin historik të veprës së Karl Gegës, por edhe ndikimin e tij kulturor në lidhjen e komuniteteve evropiane. Përveç ekspozitës në Tiranë, e njëjta do të vijë në Kosovë, në Parkun Shkencor, Inovativ dhe Teknologjik të UBT-së në korrik, duke shënuar një ngjarje me rëndësi rajonale dhe globale.
Angazhimi i studentëve dhe profesorëve të UBT-së në fushat e artit, medias digjitale, arkitekturës dhe dizajnit është kyç për përgatitjen dhe prezantimin e kësaj ekspozite. Puna e tyre profesionale dhe kreative jo vetëm që pasuron ngjarjen, por edhe forcon kapacitetet institucionale të UBT-së për të organizuar ekspozita ndërkombëtare me ndikim të gjerë.
Ky organizim nënvizon edhe një herë rëndësinë e bashkëpunimeve ndërkombëtare dhe rolin e universiteteve si ura lidhëse mes kulturave dhe shkencave të ndryshme, duke kontribuar në ruajtjen dhe promovimin e trashëgimisë historike dhe teknologjike.
Lajmet nga UBT
UBT merr pjesë në konferencën e organizuar nga Binance
Published
6 days agoon
June 13, 2025By
UBTNews
Rektori i UBT-së, Prof. Dr. Edmond Hajrizi, ishte pjesë e panelit të rëndësishëm “Kosovo – The Heart of Crypto Communities in the Balkans”, në kuadër të konferencës së organizuar nga Binance, platforma më e madhe qendrore për shkëmbim të kriptomonedhave në botë, me mbi 275 milionë përdorues aktivë globalisht.
Konferenca mblodhi liderë të industrisë, përfaqësues të institucioneve dhe anëtarë të komunitetit kripto nga Kosova dhe rajoni i Ballkanit, për të diskutuar mbi zhvillimet më të fundit në fushën e teknologjive blockchain, mundësitë që ofron Binance për përdoruesit dhe të ardhmen e ekosistemit kripto në Evropën Juglindore.
Në panelin ku mori pjesë Rektori Hajrizi, së bashku me Shkëlqim Dushi (Shine), Memli Krasniqi dhe Sandro Slukan, u diskutua gjerësisht për pozicionin gjithnjë e më të rëndësishëm që po merr Kosova në skenën ndërkombëtare të kriptomonedhave, si dhe për ndikimin që komunitetet lokale kanë në nxitjen e inovacionit digjital dhe zhvillimit ekonomik.
Në fjalën e tij, Prof. Dr. Edmond Hajrizi theksoi rolin e edukimit dhe institucioneve akademike në ndërtimin e një kulture të qëndrueshme digjitale. Ai vuri në pah përkushtimin e UBT-së për të përfshirë teknologjitë më të avancuara, përfshirë blockchain dhe kriptovalutat, në proceset mësimore dhe kërkimore, me qëllim fuqizimin e brezit të ri në epokën digjitale.
Tematika e përgjithshme e konferencës u përqendrua rreth veçorive inovative të Binance dhe rritjes së komunitetit të kriptovalutave në Kosovë dhe Ballkan, duke e shndërruar këtë event në një pikë takimi të rëndësishme për ide, vizione dhe bashkëpunime të reja në sektorin e teknologjisë financiare.
Lajmet nga UBT
Rektori i UBT-së mori pjesë në Tech Fest
Published
6 days agoon
June 13, 2025By
UBTNews
Rektori i UBT-së, Prof. Dr. Edmond Hajrizi mori pjesë në Tech Fest 2025, një ngjarje e madhe e organizuar nga London School në bashkëpunim me DKA dhe DKRS në Universitetin e Mitrovicës.
Në këtë ngjarje u diskutuan temat më të fundit mbi programimin, robotikën dhe inteligjencën artificiale.
Gjatë pjesëmarrjes së tij, Prof. Dr. Edmond Hajrizi foli për mundësitë e shumta që ofron tregu i punës në Kosovë dhe më gjerë, veçanërisht në sektorin e teknologjisë së informacionit dhe inovacionit digjital.
Ai theksoi angazhimin e UBT-së për t’i përgatitur studentët dhe të rinjtë me aftësitë dhe njohuritë më të avancuara, duke i pajisur ata me kapacitete të nevojshme për t’u integruar me sukses në tregun e punës dhe për të kontribuar në zhvillimin ekonomik dhe teknologjik të rajonit.
Tech Fest 2025 mblodhi një grup të madh folësish të nivelit të lartë – nga drejtues institucionesh, CEO dhe inxhinierë, deri te ekspertë të edukimit dhe zhvillimit teknologjik. Ata ndanë përvojat dhe njohuritë e tyre, duke frymëzuar brezin e ri të profesionistëve në Kosovë.
Lajmet nga UBT
Rektori i UBT-së, Prof. Dr. Edmond Hajrizi, i ftuar në Ditën Botërore të Akreditimit
Published
1 week agoon
June 10, 2025By
UBTNews
Me rastin e shënimit të Ditës Botërore të Akreditimit, Rektori i UBT-së, Prof. Dr. Edmond Hajrizi, ishte i ftuar si një nga figurat kyçe që ka kontribuar në themelimin dhe zhvillimin e infrastrukturës së cilësisë dhe akreditimit në Kosovë. Në adresimin e tij, Rektori Hajrizi ndau përvojën dhe angazhimin e tij profesional dhe akademik që nga fazat e para të standardizimit në vend, duke theksuar rëndësinë strategjike të integrimit të standardeve ndërkombëtare në fushat me interes vital për cilësinë e jetës dhe edukimit në përgjithësi.
Rektori Hajrizi vuri në pah mënyrën se si UBT ka inkorporuar standardet e cilësisë në të gjitha ciklet e studimit, përmes përfshirjes së tyre në kurikula, si dhe në zhvillimin institucional. Një ndër aspektet më të rëndësishme që u theksua ishte roli proaktiv i UBT-së në anëtarësimin dhe përfaqësimin e saj – dhe të entiteteve të tjera të themeluara nga Rektori – në organizata prestigjioze evropiane dhe ndërkombëtare të cilësisë, si një mënyrë për të ndërtuar ura bashkëpunimi dhe shkëmbim përvojash me partnerë globalë.
Drejtori i Drejtorisë së Akreditimit në MINT, në fjalën e tij, theksoi nevojën për bashkëpunim të vazhdueshëm me institucionet e arsimit të lartë, duke kërkuar nga Rektori Hajrizi që studentët e UBT-së, të pajisur me njohuri bashkëkohore në fushën e menaxhimit të cilësisë dhe standardizimit, të angazhohen aktivisht në mbështetje të objektivave të Drejtorisë së Akreditimit në nivel vendi.
Në përmbyllje, prof. Hajrizi konfirmoi përkushtimin e tij personal, si dhe mbështetjen e plotë të komunitetit akademik që ai udhëheq, për të fuqizuar më tej rolin e akreditimit si mekanizëm thelbësor për garantimin dhe avancimin e cilësisë në arsimin e lartë, jo vetëm në nivel kombëtar, por edhe ndërkombëtar.
Në shënim të kësaj dite morën pjesë edhe anëtar të stafit akademik të UBT-së, Prof. Dr. Muhamet Ahmeti – Anëtar i Këshilt të Akreditimit në MINT dhe Prof. Dr. Fisnik Laha – Drejtor i Qendrës së Laboratorëve Testuese në UBT.

I dënuar me 30 vite burg: R. Kelly dërgohet me urgjencë në spital

Ky gabim i zakonshëm me kondicionerin dëmton shëndetin tuaj

YouTube penalizon përdoruesit që nuk duan reklama

Osmani: Aleanca me SHBA, BE e partneriteti me NATO janë në ADN-në e shtetësisë sonë

FSK-ja zhvillon stërvitje të përbashkët me ushtarët e Iowas

Podujeva me ndërprerje të furnizimit me ujë nesër e pasnesër, shkak punimet teknike

Çeku pret në takim ekipin e xhudos pas suksesit në Kampionatin Botëror

Kallas: Rusia s’ka shanse kundër NATO-s, aleanca qëndron e bashkuar

Erdogan sulmon Izraelin: Netanyahu ka tejkaluar Hitlerin, po monitorojmë zhvillimet
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore