Shëndet

Në rast dehidratimi – këto janë ushqimet dhe pijet që duhen konsumuar

Dehidratimi ndodh për shumë shkaqe, duke përfshirë nxehtësinë.

Published

4 years ago

August 2, 2021

Betim Gashi

Dehidratimi ndodh kur ju humbisni më shumë lëngje nga sa konsumoni dhe etja është sinjali paralajmërues që tregon se po filloni të dehidratoheni.

Dehidratimi ndodh për shumë shkaqe, duke përfshirë nxehtësinë, ilaçet ose shqetësimet me tretjen.

Si pasojë ju mund të ndiheni të trullosur, të etur, të lodhur, të keni probleme me fokusin ose të keni një gjendje të fikëti.

Për fat të mirë, krahas konsumit të ujit , ka më shumë mënyra të tjera për t’u hidratuar, AgroWeb.org ju njeh më poshtë me disa prej tyre.

Supa

Supa ka përmbajtje të lartë të ujit dhe elektroliteve, ky kombinim është thelbësor për t’u hidratuar.

Për më tepër, lëngu i kockave dhe supërave me proteina shtazore sigurojnë kolagjen.

Një proteinë e rëndësishme për nyjet, që ndihmon në riparimin e indeve, shëndetin e nyjeve dhe është shumë dobishme në rast dehidratimi.

Shalqiri dhe pjepri

Frutat si shalqiri dhe pjepri, kanë një përmbajtje të lartë uji dhe mund të jenë një mundësi e shkëlqyer për t’u hidratuar.

Një filxhan me shalqi të prerë në kubikë, përmban gati 92% ujë. Pjepri është gjithashtu i ngjashëm me rreth 90% përmbajtje të ujit.

Ruajtja e tyre në frigorifer mund t’ju ndihmojë të qetësoheni nëse dehidrimi është shkaktuar nga nxehtësia.

Lëngjet e frutave

Lëngjet e frutave janë gjithashtu në mënyrë shumë efikase për t’u hidratuar.

Ato jo vetë që janë të ëmbëla dhe freskuese por përmbajnë shumë vitamina, si për shembull vitamina C, e cila është thelbësore për një sistem të shëndetshëm imunitar.

Qumështi

Qumështi është një opsion i mirë për t’u hidratuar sepse përmban shumë elektrolite të dobishme për organizmin.

Një gotë qumësht përmban proteina, karbohidrate, kalcium, kalium, magnez dhe pak yndyrë.

Çfarë mund ta shkaktojë dehidrimin?

Disa njerëz janë më të rrezikuar nga dehidratimi se të tjerët. Grupet me rrezik më të lartë përfshijnë fëmijët, të moshuarit, atletët dhe njerëzit që punojnë në ambientet e jashtshme ose jetojnë në lartësi të mëdha.

Ethet, të vjellat, diarrhea, djersitja, ilaçe të caktuara, të tilla si diuretikët, që mund të bëjnë të urinoni tepër, janë disa nga shkaktarët e zakonshëm.

Për të parandaluar dehidratimin, sigurohuni që të pini mjaftueshëm ujë, të hani ushqime të pasura me ujë dhe të vëzhgoni ngjyrën e urinës.

Ngjyra e urinës duhet të variojë nga e verdha e lehtë tek qelibari i zbehtë. Urina e errët është një shenjë e dehidratimit.

Shmangni alkoolin, kafeinën ose pijet e ëmbëlsuara me sheqer, sepse këto mund t’ju dehidratojnë edhe më shumë.

Nëse keni probleme me veshkat, ushqimet në këtë listë mund të mos jenë të përshtatshme për ju. Nëse jeni të dehidratuar rëndë, kërkoni ndihmë menjëherë nga një profesionist i kujdesit shëndetësor. Dehidratimi i rëndë është një urgjencë mjekësore/AgroWeb.org

Shëndet

Si të kuptoni nëse trupi juaj nuk e duron glutenin?

Published

43 minutes ago

November 3, 2025

UBT News

Për shumë njerëz, konsumimi i glutenit mund të shkaktojë probleme të fshehta shëndetësore, të cilat shpesh interpretohen gabimisht si lodhje ose shqetësime të zakonshme të tretjes.

Më poshtë janë pesë shenja paralajmëruese që mund të tregojnë se trupi juaj nuk e duron mirë glutenin:

1. Probleme të tretjes

Simptoma si fryrja e barkut pas vakteve, gazrat, dhimbjet e barkut, diarreja e shpeshtë ose kapsllëku mund të jenë tregues të intolerancës ndaj glutenit. Kur gluteni irriton zorrët, përthithja e ushqimit ndikohet, duke shkaktuar shqetësime të vazhdueshme dhe problemet e tretjes.

2. Lodhje e vazhdueshme

Nëse ndiheni të lodhur edhe pas gjumit, shkaku mund të jetë mungesa e përthithjes së hekurit dhe lëndëve tjera ushqyese, për shkak të dëmtimeve në zorrë nga gluteni. Kjo çon në anemi, ulje të energjisë dhe ndjesi të përgjithshme të dobësisë gjatë ditës.

3. Dhimbje koke dhe “mjegull mendore”

Disa persona përjetojnë dhimbje koke, vështirësi për t’u përqendruar ose ndjesinë e “mjegullimit” në tru pas konsumimit të ushqimeve që përmbajnë gluten. Këto simptoma lidhen me proceset inflamatore që gluteni mund të shkaktojë në trup.

4. Probleme me lëkurën

Lëkura shpesh reflekton shëndetin e brendshëm. Skuqjet, aknet e papritura ose dermatiti herpetiformis mund të jenë tregues të intolerancës ndaj glutenit. Në shumë raste, këto probleme të lëkurës përmirësohen ose zhduken kur gluteni hiqet nga dieta.

5. Ndryshime të pashpjegueshme në peshë

Humbja e peshës pa arsye, ose përkundrazi shtimi i pashpjegueshëm, mund të ndodhë kur zorrët nuk funksionojnë siç duhet dhe trupi nuk përthith lëndët ushqyese mjaftueshëm. Kjo është një tjetër shenjë që mund të tregojë se gluteni është një problem. /A.Z/UBT News/

Shëndet

Ushqimet që ndihmojnë në largimin e nikotinës nga trupi

Published

2 hours ago

November 3, 2025

UBT News

Mushkëritë janë të ndjeshme ndaj shumë kimikateve, ndër të cilat nikotina është një nga më të dëmshmet.

Kjo substancë futet në gjak dhe mund të qëndrojë aty 6-8 orë, ndërsa për t’u larguar plotësisht nga trupi duhen 2-3 ditë. Nikotina shkakton varësi, por disa ushqime mund të ndihmojnë pastrimin e organizmit dhe eliminimin e toksinës.

Lëngu i karotës

Karrota është burim i pasur i vitaminave A, C, K dhe B, dhe ndihmon ushqimin e lëkurës. Konsumimi i lëngut të karrotës ndihmon në largimin e nikotinës dhe rivendos gjallërinë e lëkurës.

Lëngu i limonit

Një litër lëng limoni në ditë përmirëson funksionin e veshkave dhe ndihmon pastrimin e trupit nga nikotina.

Brokoli

I pasur me vitamina C dhe B5. Duhanpirja ul nivelin e vitaminës C, dhe konsumimi i brokolit e rrit atë, duke neutralizuar toksinat dhe duke dhënë energji.

Shega dhe frutat e pyllit

Janë të pasura me antioksidantë dhe acide që ndihmojnë në eliminimin më të shpejtë të toksinave dhe zbutin simptomat e lënies së duhanit.

Xhenxhefili

Xhenxhefili ndihmon në reduktimin e dëshirës për duhan, largimin e toksinave nga gjaku dhe mund të kontribuojë edhe në humbjen e peshës.

Portokalli

Ky agrum rikthen nivelin e vitaminës C, i cili ulet nga nikotina, dhe ndihmon në reduktimin e stresit dhe ankthit që shoqëron lënien e duhanit.

Uji

Pini shumë ujë për të qëndruar të hidratuar, pasi duhanpirja shkakton dehidratim dhe uji ndihmon në largimin e nikotinës nga trupi.

Për të mbrojtur shëndetin dhe për të ndihmuar pastrimin natyral të trupit, përfshini këto ushqime në dietën tuaj të përditshme. /A.Z/UBT News/

Shëndet

7 arsye pse duhet të shtoni kanellë në ushqimet tuaja

Published

3 hours ago

November 3, 2025

UBT News

Kanella, dikur një erëz luksoze që vetëm të pasurit mund ta blinin gjatë Mesjetës, sot gjendet pothuajse në çdo kuzhinë.

Përveç aromës së saj të veçantë, kanella ka shumë përfitime për shëndetin dhe lëkurën tuaj.

Ja disa mënyra se si mund t’ju ndihmojë:

1. Pakëson aknet

Ka veti antimikrobike që ndihmojnë në luftimin e akneve, duke eliminuar bakteret dhe kërpudhat që shkaktojnë njolla, burim antioksidantësh të fuqishëm.

2. Parandalon shenjat e plakjes

Radikalet e lira kontribuojnë në plakjen e lëkurës. Antioksidantët në kanellë ngadalësojnë këtë proces dhe mbrojnë qelizat nga dëmtimi. Ajo gjithashtu mund të nxisë prodhimin e kolagjenit, duke mbajtur lëkurën më të fortë dhe të shëndetshme.

3. Përmirëson dukshmërinë e lëkurës

Rrit qarkullimin e gjakut, duke sjellë më shumë oksigjen dhe lëndë ushqyese në lëkurë. Ajo përmban përbërës që zvogëlojnë ose ngushtojnë indet e trupit, duke e bërë lëkurën më të butë dhe më të njëtrajtshme.

4. Ka veti anti-inflamatore

Inflamacioni i kontrolluar është i dobishëm, por kur shkon kundër indeve të trupit mund të shkaktojë dëme. Kanella ka veprim anti-inflamator, duke ndihmuar në reduktimin e ënjtjeve dhe inflamacionit.

5. Mbështet shëndetin e zemrës

Shtimi i kanellës në dietë mund të ndihmojë të mbani zemrën të shëndetshme. Studimet tregojnë se tek minjtë që konsumuan kanellë, rreziku i fitimit të peshës dhe sëmundjeve të zemrës ishte më i ulët, krahasuar me ata që konsumuan ushqime të yndyrshme pa kanellë.

6. Ndihmon në humbjen e peshës

Kanella është e pasur me fibra, që rrisin ndjesinë e ngopjes dhe reduktojnë dëshirën për ushqim. Gjithashtu, rrit metabolizmin, sepse trupi përdor më shumë energji për ta përpunuar, duke kontribuar në humbjen e peshës.

7. Përmirëson kujtesën

Kanella mund të ulë stresin e qelizave të trurit e stimulon plasticitetin e hipokampës, pjesë e trurit e lidhur me kujtesën dhe mësimin. Shtimi i kanellës në çajin tuaj, kafenë, drithërat ose ëmbëlsirat mund të jetë një mënyrë e thjeshtë për të përfituar nga këto avantazhe shëndetësore. /A.Z/UBT News/

Shëndet

Vitaminat dhe ushqyesit që mbrojnë shëndetin e syve

Published

4 hours ago

November 3, 2025

UBT News

Shëndeti i syve neglizhohet ose merret si i mirëqenë, megjithëse ndikohet nga ushqyerja, përdorimi i pajisjeve elektronike dhe procesi natyral i plakjes.

Një nga faktorët më të rëndësishëm që ndikon në shikim është mungesa e vitaminave thelbësore. Këto përbërës luajnë rol mbrojtës kundër dëmtimeve oksiduese dhe inflamacionit që mund të dëmtojnë sytë.

Më poshtë gjeni vitaminat dhe ushqyesit më të rëndësishëm për ruajtjen e shëndetit të syve:

Vitamina A

Vitaminë jetike për funksionin normal të syve. Ajo ndihmon shikimin në kushte me ndriçim të ulët dhe parandalon tharjen e syve. Mungesa e saj shkakton dëmtime të kornesë dhe dobësim të shikimit.

Vitamina E

E njohur si antioksidant i fuqishëm, vitamina E mbron qelizat nga radikalet e lira që dëmton proteinat e syrit, duke shkaktuar mjegullim të shikimit.

Vitamina C

Një tjetër antioksidant i rëndësishëm, mbron sytë nga dëmtimet oksiduese dhe forcon enët e gjakut në retinë. Studimet tregojnë se ul me 33% rrezikun e problemeve me shikimin.

Kompleksi i Vitaminave B (B6, B9, B12)

Ky kombinim ndihmon në uljen e rrezikut të degjenerimit të syve, sidomos tek gratë. Ato luajnë rol kyç në qarkullimin e duhur të gjakut dhe funksionin nervor të syve.

Zinku

Ndihmon në transportimin e vitaminës A nga mëlçia drejt retinës, ku prodhohet melanina, pigmenti që mbron sytë nga rrezet ultraviolet. Marrja e 40-80 mg zink në ditë, e kombinuar me antioksidantë, mund të ngadalësojë përkeqësimin e shikimit deri në 25%, sipas ekspertëve.

Acidet yndyrore Omega-3

Janë të domosdoshme për shëndetin e retinës, përmirësojnë qarkullimin e gjakut drejt syve. Ato ndihmojnë në parandalimin e tharjes së syve e inflamacionit.

Këto vitamina dhe ushqyes të përfshihen në dietë për të mbajtur shikimin e qartë dhe sytë të shëndetshëm për sa më gjatë. /A.Z/UBT News/