Aktualitet

Në 2020-tën u anuluan 95 aktivitete të prokurimit, Prishtina anuloi më së shumti tenderë

Raporti thotë se 39 prej aktiviteteve nuk kanë qenë fare të planifikuara.

Published

on

Iniciativa për Progres (INPO), me përkrahje të Departamentit të Shtetit Amerikan – Byrosë së Narkotikëve Ndërkombëtar dhe Çështjeve të Zbatimit të Ligjit (INL), ka publikuar raportin “(Pa) Ligjshmëria e tenderëve të anuluar”.

Nga ky raport del se nga 20 komunat e monitoruara gjatë vitit 2020 përfundimisht janë anuluar 95 aktivitete të prokurimit apo mesatarisht 4.75 aktivitete të anuluar për çdo komunë.

Në një konferencë për medie, Qëndrim Arifi, hulumtues në INPO në shumicën e anulimit të tenderëve është bërë në kundërshtim me ligjin.

Arbenita Topalli thotë se në 20 komuna janë anuluar 95 aktivitete me vlerë 14 milionë e 276 mijë e 697 euro.

Komunat më numrit me të mëdha të tenderëve të anuluar prinë Prishtina, Ferizaj, Dragashi, Prizreni ndërsa komunat me më pak anulime janë Deçan, Gjakova, Kaçaniku, Leposaviqi Mitrovica e Veriut dhe Shtimja. Ndërsa komuna e Rahovecit nuk ka anuluar asnjë aktivitet.

Ajo tha se nga 96 aktivitetet e anuluara vetëm 11 prej tyre janë anuluar para hapjes së ofertave pjesa tjetër janë anuluar pasi që janë hapur ofertat.

Tutje raporti thotë se 39 prej aktiviteteve nuk kanë qenë fare të planifikuara me plane të prokurimit të komunave.

Diell Haxhimusa nga INPO rekomandon që komunat të kujdesen që numri i aktiviteteve të anuluara të jetë sa më i vogël ndërsa kur anulimi i aktiviteteve është i pashmangshëm i njëjti të jetë i bazuar në ligj.

Dhe komunat të sigurohen se aktivitetet e iniciuar janë të planifikuara ne plane të prokurimit në mënyrë që të mos përballen me situata të paparashikueshme.

INPO po ashtu ka rekomanduar që komunat të kujdesen që aktivitetet e iniciuara janë në përputhje të plotë me legjislacionin e prokurimit publik dhe të respektojnë vendimet e OSHP-së.

Bota

Rutte: Shpenzimet për mbrojtje duhet të rriten përballë kërcënimeve nga Rusia

Published

on

By

Sekretari i Përgjithshëm i NATO-s, Mark Rutte, ka deklaruar se nuk ekziston alternativë tjetër përveç rritjes së shpenzimeve për mbrojtje, për shkak të kërcënimeve të vazhdueshme nga Rusia dhe sfidave të tjera globale të sigurisë.

“Duke pasur parasysh kërcënimin afatgjatë nga Rusia, shtimin masiv të ushtrisë në Kinë dhe faktin që Koreja e Veriut, Kina dhe Irani po mbështesin përpjekjet luftarake të Rusisë në Ukrainë, është thelbësore të shpenzojmë më shumë për mbrojtjen tonë,” tha Rutte, i cili sot merr pjesë në Samitin e NATO-s.

Ai theksoi se kjo do të jetë tema kryesore në agjendën e samitit të sotëm.

Presidenti amerikan Donald Trump, i cili ka kërkuar vazhdimisht që vendet anëtare të NATO-s të rrisin kontributin financiar, ka shtuar presionin që aleanca të miratojë një objektiv më të lartë të shpenzimeve ushtarake — deri në 5% të Prodhimit të Brendshëm Bruto (PBB).

Continue Reading

Bota

Trump këmbëngul: Objektet bërthamore në Iran janë shkatërruar plotësisht

Published

on

By

Presidenti amerikan Donald Trump këmbëngul se vendet bërthamore në Iran u “shkatërruan plotësisht” nga sulmet ushtarake amerikane, pavarësisht një raporti të inteligjencës që hedh dyshime mbi suksesin e tyre.

Vlerësimi i dëmeve të rrjedhura nga Agjencia e Inteligjencës së Mbrojtjes e Pentagonit vlerëson se sulmi e ktheu programin bërthamor të Iranit vetëm “disa muaj prapa”, shkruan BBC, transmeton KosovaPress.

Armëpushimi midis Izraelit dhe Iranit duket se po mbahet, me të dy kombet që pranojnë se është në fuqi.

Jeta e iranianëve, siç e dinë, ka ndryshuar dhe e ardhmja ndihet e pasigurt, raporton Lyse Doucet e BBC-së nga brenda Iranit.

Ndërkohë, presidenti amerikan po bashkohet me udhëheqësit e NATO-s në Hagë për një samit, vetëm disa ditë pasi mori vendimin për të nisur sulme ndaj Iranit.

Continue Reading

Bota

Irani ekzekuton 3 persona të akuzuar për spiunazh për Izraelin

Published

on

By

Tre iranianë të akuzuar për spiunazh për agjencinë e inteligjencës izraelite, Mossad, janë ekzekutuar, sipas një agjencie lajmesh iraniane të lidhur me gjyqësorin.

Tre të dyshuarit u ekzekutuan të mërkurën në mëngjes në burgun e Urmisë në zonën kufitare veriperëndimore të vendit me Turkiyen, sipas faqes së lajmeve Mizan Online.

Të dyshuarit dyshohet se kanë kontrabanduar “pajisje për vrasje” në vend nën maskën e një “ngarkese me pije alkoolike”.

Raporti nuk tha se kur u arrestuan të dyshuarit, vetëm se ata u ekzekutuan me akuzat për “luftë kundër Zotit dhe përhapje të korrupsionit në Tokë përmes bashkëpunimit me Izraelin”.

Irani kishte ekzekutuar të paktën tre persona të akuzuar për spiunazh që kur Izraeli nisi operacionin e tij ushtarak kundër Iranit më 13 qershor.

Continue Reading

Bota

Shefi i NATO-s lavdëron sulmet e SHBA-së ndaj Iranit

Published

on

By

Sekretari i Përgjithshëm i NATO-s, Mark Rutte, tha se i qëndron besnik mesazhit të tij të urimit drejtuar Presidentit të SHBA-së, Donald Trump, për “veprimin e tij vendimtar në Iran”.

Rutte e përgëzoi Trumpin dhe e quajti sulmin e SHBA-së ndaj Iranit “vërtet të jashtëzakonshëm”, në mesazhet me tekst të postuara nga presidenti në mediat sociale të martën.

Duke folur me gazetarët në samitin e NATO-s në Holandë të mërkurën në mëngjes, Rutte tha se nuk po e rishqyrtonte vlerësimin e tij për sulmet amerikane, pasi raportet e medias vunë në pikëpyetje efikasitetin e tyre.

CNN raportoi të martën se sulmet ushtarake amerikane ndaj tre prej objekteve bërthamore të Iranit nuk shkatërruan komponentët kryesorë të programit bërthamor të vendit dhe me shumë gjasa vetëm e vonuan atë me muaj, sipas një vlerësimi të hershëm të inteligjencës amerikane që u përshkrua nga shtatë persona të informuar mbi të.

Megjithatë, Rutte vazhdoi të lavdëronte Trumpin dhe veprimin ushtarak të SHBA-së në Iran të mërkurën.

Continue Reading

Të kërkuara