Në një ceremoni solemne, UBT shënoi 17-vjetorin e Pavarësisë së Kosovës, një ditë me rëndësi të veçantë për kombin shqiptar dhe historinë e vendit. Me këtë rast, Këshilli Akademik i UBT-së ndau çmimin më të lartë institucional për dy personalitete me kontribut të jashtëzakonshëm në paqe, siguri dhe zhvillim: ish-presidentin e Republikës së Kosovës, Dr. Fatmir Sejdiu, dhe Presidentin dhe Themeluesin e R.I. Group dhe “Hospitals Without Borders”, Salvatore Tafuro.

Në këtë ngjarje të rëndësishme morën pjesë Rektori i UBT-së, Prof. Dr. Edmond Hajrizi, Ambasadori i Italisë në Kosovë, Antonello De Riu, përfaqësues të institucioneve vendore dhe ndërkombëtare, profesorë, studentë dhe të ftuar të shumtë.

Rektori Hajrizi, theksoi rëndësinë e vlerësimit të personaliteteve që kanë dhënë një kontribut të jashtëzakonshëm për të ardhmen e Kosovës.

“Në këtë ditë të shënuar, UBT ka nderin të vlerësojë dy personalitete të cilët kanë dhënë një kontribut të veçantë në paqe, siguri dhe zhvillim: ish-presidentin e Republikës së Kosovës, Dr. Fatmir Sejdiu, dhe Salvatore Tafuro, President dhe Themelues i R.I. Group dhe “Hospitals Without Borders”. Presidenti Sejdiu ka luajtur një rol kyç në konsolidimin e shtetit të Kosovës, duke udhëhequr me vizion në momentet më të rëndësishme të historisë sonë dhe duke forcuar pozitën ndërkombëtare të vendit. Salvatore Tafuro, nga ana tjetër, ka treguar një përkushtim të jashtëzakonshëm në ndihmën humanitare ndaj shqiptarëve gjatë krizave më të vështira, duke krijuar kushte ekzistenciale për refugjatët shqiptarë të larguar nga Kosova drejt Shqipërisë në vitin 1999. Ai ka ndihmuar popullin tonë në periudha kritike dhe ka themeluar Hospitals Without Borders, një iniciativë që synon të ofrojë ndihmë shëndetësore dhe humanitare në zonat e krizës. Ky çmim është një shenjë mirënjohjeje për kontributin e tyre të madh ndaj Kosovës dhe njerëzimit”, tha Rektori Hajrizi.

Në vijim, Rektori Hajrizi theksoi rëndësinë e arsimimit dhe formimit të brezave të rinj, si një garanci për të ardhmen e vendit.

“Ne të gjithë kemi një përgjegjësi të madhe për të edukuar një brez të ri profesionistësh të ardhshëm, njerëz të pasur shpirtërisht dhe qytetarë të denjë të Kosovës. Vetëm përmes diturisë, inovacionit dhe përkushtimit do të arrijmë ta bëjmë Kosovën një vend më të mirë dhe një atdhe të dashur për të gjithë”, u shpreh ai.

Në fjalën e tij, ish-presidenti i Republikës së Kosovës, Dr. Fatmir Sejdiu, u shpreh thellësisht i nderuar nga ky vlerësim dhe reflektuar mbi rrugëtimin e shtetit të Kosovës:

“Ndihem i prekur, pozitivisht, dhe i nderuar nga ky çmim, veçanërisht në këtë përvjetor të Pavarësisë së Kosovës. Sot, ne kujtojmë të kaluarën tonë të vështirë dhe shikojmë drejt të ardhmes me vizion dhe shpresë. Historia jonë ndahet në dy epoka të rëndësishme: periudha para pavarësisë, e mbushur me sakrifica dhe përpjekje për të siguruar lirinë tonë, dhe periudha pas shpalljes së pavarësisë, e cila ka hapur horizonte të reja për zhvillimin dhe përparimin tonë. Nuk mund të mos përmend presidentin historik Ibrahim Rugova dhe komandantin legjendar Adem Jashari, të cilët përbëjnë një binom të pashkëputshëm në historinë tonë. Rugova, me diplomacinë dhe vizionin e tij, e çoi të vërtetën e Kosovës në çdo cep të botës, ndërsa Adem Jashari, me sakrificën e tij sublime, mbrojti pragun e shtëpisë dhe nderin e kombit”, u shpreh Dr. Sejdiu.

Salvatore Tafuro, personalitet i shquar i fushës së filantropisë dhe ndihmës humanitare, shprehu mirënjohjen e tij për këtë vlerësim dhe përcolli një mesazh të fuqishëm për të rinjtë kosovarë.

“Është një nder i veçantë për mua të jem vlerësuar nga UBT, një institucion që mishëron dijen dhe përparimin e Kosovës. Gjatë viteve të vështira të luftës dhe pas saj, Kosova tregoi se është një popull i vogël, por me një zemër të madhe, me një dëshirë të madhe për t’u bërë një shtet i zhvilluar dhe i fuqishëm. Dua t’u përcjell një mesazh të veçantë të rinjve dhe akademikëve të UBT-së: sukseset më të mëdha në jetë arrihen kur përdorim trurin, duart dhe zemrën. Vetëm duke kombinuar dijen, punën dhe humanizmin, mund të krijojmë një të ardhme më të mirë për veten dhe për shoqërinë tonë”, potencoi Tafuro.

Në fjalën e tij, Ambasadori i Italisë në Kosovë, Antonello De Riu, e vlerësoi këtë nismë të UBT-së si një akt të rëndësishëm për nderimin e personaliteteve që kanë dhënë kontribut të çmuar në fusha të ndryshme.

Përmes kësaj ceremonie, UBT edhe një herë dëshmoi përkushtimin e saj ndaj vlerave të lirisë, dijes dhe humanizmit, duke nderuar figura që kanë lënë gjurmë të pashlyeshme në historinë dhe zhvillimin e Kosovës.

UBT do të vazhdojë misionin e tij për të formuar liderë të rinj dhe për të ndërtuar ura bashkëpunimi, duke mbetur një nga institucionet më të rëndësishme akademike dhe zhvillimore në Kosovë dhe më gjerë.

Programi i Gjuhës Angleze në UBT është një mundësi e shkëlqyer për të zhvilluar aftësi gjuhësore dhe kulturore që janë thelbësore për suksesin në një botë gjithnjë në rritje globale dhe ndërkombëtare. UBT është lider në ofrimin e mundësive për shkëmbime studentore dhe përvojë ndërkombëtare, duke ofruar një platformë të shkëlqyer për studentët që duan të ndërtojnë karrierën e tyre në një nivel global.

Çfarë ofron ky program?

Përvoja ndërkombëtare dhe shkëmbime studentore: UBT ka krijuar mundësi të shumta për studentët që të marrin pjesë në shkëmbime akademike me universitete të njohura në Evropë dhe në mbarë botën. Ky program do t’ju mundësojë të studioni për periudha të caktuara në universitete partnere dhe të përfitoni nga një përvojë akademike dhe kulturore ndërkombëtare që do t’ju pasurojë si individ dhe profesionist.

Kurrikula e ndërkombëtarizuar dhe e fokusuar në tregun global: Programi i Gjuhës Angleze në UBT është i projektuar për t’ju përgatitur për një karrierë të suksesshme në fusha që kërkojnë njohuri të thella të gjuhës angleze, përfshirë përkthimin, gazetarinë, komunikimin ndërkombëtar, dhe shumë më tepër. Me një kurrikulë që është e përditësuar dhe e ndërkombëtarizuar, studentët tanë janë të përgatitur për të konkurruar në një treg të pasur me mundësi profesionale në nivel global.

Pjesëmarrje në programe evropiane dhe mundësi për zhvillim profesional: Përmes partneriteteve me universitete dhe institucione të njohura evropiane, studentët mund të marrin pjesë në programe shkëmbimi që u mundësojnë të zhvillojnë aftësi dhe të krijojnë lidhje profesionale në një kontekst ndërkombëtar. Mundësitë për internshipe dhe punësim në nivele ndërkombëtare janë të shumta dhe u ofrohen studentëve si një mundësi për t’u futur në tregun e punës evropian.

Arsim i orientuar nga zhvillimet ndërkombëtare: UBT investon në zhvillimin e një mjedisi akademik që përgatit studentët për sfidat e një bote të interkonektuar. Me mundësi të shumta për pjesëmarrje në konferenca, punëtori dhe aktivitete ndërkombëtare, studentët e Gjuha Angleze janë të mbështetur në rrugëtimin e tyre për të arritur suksese ndërkombëtare.

Përse të zgjidhni Gjuhë Angleze në UBT?

Mundësi të jashtëzakonshme për shkëmbime studentore: UBT ka krijuar mundësi të shumta për shkëmbime studentore me universitete dhe institucione të njohura në Evropë dhe më gjerë, duke ofruar mundësi për zhvillim profesional dhe akademik ndërkombëtar.

Rrjet ndërkombëtar i partneriteteve dhe mundësive: Duke qenë pjesë e UBT, ju mund të shfrytëzoni lidhje të forta me universitete dhe institucione ndërkombëtare, duke krijuar mundësi të shkëlqyera për studime dhe punë në Evropë dhe në mbarë botën.

Përgatitje e plotë për një karrierë ndërkombëtare: Ky program do t’ju ndihmojë të zhvilloni një kuptim të thellë të gjuhës dhe kulturës angleze, dhe do t’ju ofrojë mundësitë për t’u integruar në një treg global të punës, duke qenë të aftë të konkuroni në një mjedis shumëkombësh.

Alma Lama, Dekane e Fakultetit të Gjuhës Angleze në UBT, thotë: “Studimi i Gjuhës Angleze në UBT është një mundësi e shkëlqyer për të zhvilluar aftësi që janë të kërkuara në një botë gjithnjë e më globale. Ne e dimë rëndësinë e ofrimit të mundësive për shkëmbime studentore dhe përvojë ndërkombëtare dhe jemi të angazhuar të sigurojmë që studentët tanë të jenë të përgatitur për të udhëhequr në tregun ndërkombëtar të punës. UBT ofron një platformë unike për t’u zhvilluar profesionalisht dhe akademikisht në një mjedis ndërkombëtar”.

Nëse dëshironi të bëheni pjesë e një bote të ndërkombëtarizuar dhe të zhvilloni aftësitë tuaja për një karrierë globale, Gjuha Angleze në UBT është zgjedhja e duhur për ju. Bëhuni pjesë e një programi që ofron mundësi të jashtëzakonshme për zhvillim dhe karrierë ndërkombëtare!/UBTNews/D.E.

Fakulteti Inxhinieri e Energjisë në UBT ka një program për arsimimin e brezave të rinj në fushën e energjisë, me fokus në zhvillimin e zgjidhjeve inovative dhe të qëndrueshme për energjinë, sistemet elektro-energjetike, smart-grid, burimet e ripërtëritshme  dhe fusha të tjera në prodhmin e energjisë.

Fakulteti është themeluar në një bazë të fortë akademike dhe profesionale, duke ofruar mundësi të shkëlqyera për studentët që synojnë të bëhen liderë të industrisë energjetike globale. Programi i studimit është dizajnuar për të përgatitur studentët për sfidat e energjisë së së ardhmes, ku qëndrueshmëria dhe inovacioni janë në qendër të zhvillimeve globale.

Çfarë do të fitoni nga ky program?

Arsim i thelluar dhe ndërkombëtar: Fakulteti ofron një edukim që bazohet në teknologjitë më të fundit dhe praktikat më të avancuara të industrisë energjetike ndërkombëtare. Kurrikula është e dizajnuar për t’ju përgatitur për të udhëhequr projekte madhore dhe për të kontribuar në zhvillimin e energjisë së qëndrueshme dhe inovative. Ekspertët e industrisë dhe mësimdhënësit do të ndihmojnë që ju të zhvilloni njohuri thelbësore që do t’ju mundësojnë të jeni konkurrues në tregun global.

Përvojë praktike në projekte ndërkombëtare: Fakulteti ofron mundësi për t’u angazhuar në projekte reale dhe për të punuar në kompani dhe institucione ndërkombëtare që operojnë në fushën e energjisë. Kjo përvojë praktike është thelbësore për t’u përgatitur për karrierën tuaj, duke përdorur teknologjitë e fundit dhe duke zbatuar njohuritë teorike në terren.

Përgatitje për karrierë ndërkombëtare: Ky program është projektuar për të ofruar mundësi të shkëlqyera për zhvillimin e karrierës suaj ndërkombëtare. Përmes mundësive të internshipit dhe punësimit në partneritet me kompani dhe projekte globale, ky fakultet do t’ju ndihmojë të ndërtoni një rrugë karriere që është gjithnjë në rritje dhe me mundësi të mëdha punësimi në sektorin energjetik.

Përse duhet të zgjidhni Fakultetin e Inxhinierisë së Energjisë në UBT?

• Infrastruktura moderne dhe teknologjia e avancuar: Fakulteti është i pajisur me laboratorë më të avancuara për energjinë. Teknologjia e fundit dhe pajisjet përkatëse për energjinë e rinovueshme, menaxhimin energjetik dhe energjinë elektrike janë të disponueshme për studentët, duke u mundësuar atyre të zhvillojnë aftësi praktike dhe të jenë të përgatitur për sfidat e industrisë globale.
• Lidhje të forta me industrinë dhe mundësi për përfshirje në projekte ndërkombëtare: Fakulteti ka krijuar partneritete të forta me kompani vendore e ndërkombëtare që operojnë në sektorin e energjisë. Këto lidhje ofrojnë studentëve mundësi për vizita studimore, internship, trajnime dhe mundësi punësimi, duke hapur dyer për karrierë ndërkombëtare dhe mundësi për të punuar në projekte që kanë impakt në zhvillimin e industrisë energjetike.

Dekani i Fakultetit, Prof. Ass. Dr. Armend Ymeri, thekson: “Fakulteti i Inxhinierisë së Energjisë në UBT është në përputhje me standardet dhe praktikat më të avancuara ndërkombëtare. Ne ofrojmë mundësi për zhvillimin e aftësive dhe njohurive që i bëjnë studentët të konkurrojnë në një industri energjetike globale dhe të kontribuojnë në zhvillimin e energjisë së qëndrueshme dhe inovative për të ardhmen”.

Nëse jeni të interesuar të bëheni lider në fushën e inxhinierisë së energjisë dhe të kontribuoni në një të ardhme energjetike më të qëndrueshme dhe më të pastër, Fakulteti i Inxhinierisë së Energjisë në UBT është vendi ku mund të zhvilloni potencialin tuaj dhe të bëni një ndryshim të vërtetë në botën e energjisë. Bëhuni pjesë e këtij fakulteti dhe kontribuoni në një të ardhme energjetike globale dhe të qëndrueshme!/UBTNews/D.E/

Profesori i Agrikulturës dhe Mjedisit në UBT, Ismet Babaj, po merr pjesë në një seminar ndërkombëtar dyjavor në Izrael, i cili përqendrohet në temën e “Rritjes së Resiliencës në Sektorin e Agrokulturës”. Ky trajnim është një mundësi e jashtëzakonshme për profesionistët e fushës të thellojnë njohuritë dhe të zhvillojnë strategji të reja për përballimin e sfidave të ndryshme globale që prekin sektorin e bujqësisë.

Seminari ka mbledhur 19 profesionistë të fushave të ndryshme nga vende të ndryshme të botës, përfshirë Botsvanën, Kamerunin, Ekuadorin, Eswatinin, Etiopinë, Gjeorgjinë, Ganën, Indinë, Kenian, Kosovën, Liberinë, Nepalin, Ukrainën dhe Zambinë. Ky program trajnim është organizuar nga MASHAV dhe MATC – Qendra e Trajnimit Bujqësor MASHAV, në bashkëpunim me IRIS – Institutin Ndërkombëtar të Resiliencës së Sderot.

Qëllimi kryesor i këtij seminari është ndarja e përvojave dhe strategjive që ka Izraeli për zhvillimin e qëndrueshëm të agrokulturës dhe përballimin e krizave që mund të ndikojnë në këtë sektor. Me anë të këtij trajnimi, pjesëmarrësit do të kenë mundësinë të shkëmbejnë ide dhe qasje të ndryshme për adresimin e sfidave që ndikojnë në bujqësinë globale, duke përfshirë ndryshimet klimatike, menaxhimin e burimeve natyrore dhe zhvillimin e qëndrueshëm të zonave rurale.

Përvoja dhe ekspertiza e profesorit Ismet Babaj do të kontribuojnë në avancimin e mësimdhënies dhe praktikat e reja në fushën e bujqësisë së qëndrueshme në UBT. Ai ka ndërmend të ndajë këtë përvojë me kolegët e fakultetit dhe studentët, duke krijuar mundësi për përmirësimin e mësimdhënies dhe promovimin e inovacionit në sektorin e agrokulturës në Kosovë./UBTNews/