Lajmet

Ndërlidhja e qytetarit me adresën një hapi i rëndësishëm për Kosovën

Published

1 year ago

October 1, 2024

UBTnews

Nga sot ka filluar ndërlidhja e qytetarit me adresë. Ky projekt ka si qëllim evidentimin e saktë të adresave për qytetarët e Republikës së Kosovës.

Në takimin e organizuar nga Agjencia Kadastrale e Kosovës dhe Agjencia e Regjistrimit Civil me kryetarë të komunave, me temën “Ndërlidhja e qytetarit me adresë zyrtare”, është theksuar se zbatimi i këtij projekti është i rëndësishëm për shtetin, funksionimin e institucioneve, e sidomos edhe për shërbimet e ndryshme për qytetarët.

I pranishëm në këtë takim ishte edhe ministri i Mjedisit, Planifikimit Hapësinor dhe Infrastrukturës, Liburn Aliu, i cili u shpreh i kënaqur me arritjen në këtë fazë të këtij projekti, duke shtuar se i njëjti po shkon në vazhdimësi duke u azhurnuar dhe vetëm në këto kohët e fundit janë edhe 70 mijë adresa të reja që janë shtuar.

Ai gjithashtu tha se janë edhe shumë kilometra rrugë të shtuara në kode të reja.

“Kam kënaqësinë që kemi arrit në këtë fazë për një projekt që është mjaftë i rëndësishëm për shtetin, funksionimin e institucioneve, e sidomos edhe për shërbimet e ndryshme për qytetarët, qoftë në nivelin lokal, qoftë qendror e që është ndërlidhja e sistemit të adresave me qytetarët. Ky projekt është i rëndësisë jo vetëm për sigurinë, por pothuajse për gjitha shërbimet për qytetarët dhe është projekt i cili kërkon angazhim të madh të gjithëve që mund të kemi të realizuar siç duhet. Agjencia Kadastrale, bashkë me komunat deri tash kanë arrit që pothuaj gjitha rrugëve në vend t’i vendosin emrat, kodet e duhura dhe numrat në adresat e qytetarëve. Ky projekt po shkon në vazhdimësi duke u azhurmu dhe vetëm në këto kohët e fundit janë edhe 70 mijë adresa të reja që janë shtuar, po ashtu edhe shumë kilometra rrugë të shtuara në kode të reja…Pa e pas të qartë secili qytetar ku e ka shtëpinë dhe ku lëviz ai nuk mund të dimë as migrimin e brendshëm të qytetarëve në vend“, tha ai.

Ndërsa, drejtori i Agjencisë për Regjistrim Civil, Blerim Camaj tha se gjitha detyrat që kanë sipas marrëveshjes, do të bëjnë me kohë, derisa është zotuar se do të kenë bashkëpunim të mirë edhe me agjencionet përkatëse por edhe me komunat në këtë drejtim.

“Popullimin dhe përditësimin e të dhënave me ligj dhe akte nënligjore e kanë zyrtarët e gjendjes civile që janë nëpër komuna, ku në këtë rast adresat e sakta zyrtare do t’i marrin nga Agjencioni Kadastral dhe do të bëhet përditësimi i një sistemi i gjendjes civile përkatësisht në regjistrin qendror. Kjo ashtë për herë të parë, kemi të bëjmë me adresat zyrtare që marrim nga Agjencioni Kadastral e jo në kompani publike. Andaj, ne si Agjencion i Regjistrimit Civil gjitha detyrat që kemi sipas marrëveshjes, monitorimin, trajnimin dhe informimin e opinionit publik me sistemin e adresave do të bëjmë me kohë dhe ju garantojmë, do të kemi bashkëpunim të mirë edhe me agjencionet përkatëse por edhe me komunat“, tha ai.

Eksperti për çështjen e adresave në Agjencinë Kadastrale të Kosovës, Ahmet Sogujeva derisa ka prezantuar rezultatet e arritura deri më tani sa i përket krijimit të sistemit të adresave në Kosovë, ka thënë se ndërlidhja e qytetarit me adresë është një prej projekteve kulminante të këtij aktiviteti, derisa ka shtuar se në vazhdimësi do të zhvillojmë edhe një aplikacion për shërbime të brendshme të Kosovës, për kompani të ndryshme dhe komuna me të dhëna zyrtare të adresave me një aplikacion apo navigacion qe mund të shërbejë sa i përket adresave, gjetjes së lokacionit të dëshiruar.

“Deri më tani në Kosovë i kemi identifikuar rreth 22 mijë rrugë të cilat 99 për qind të këtyre rrugëve janë të emërtuara, përpos njëra prej komunave që ende nuk e ma bërë aprovimin e këtyre rrugëve në Asamblenë Komunale, dhe ekzistojnë rreth 540 mijë pika të adresave, ose numra të adresave në sistemin tonë zyrtar të adresave…Njëri prej aktiviteteve është matja e rrugëve në terren për rrugët e reja që nuk kanë ekzistuar në sistemin tonë, ne e kemi bërë një projekt e kemi realizuar në bashkëpunim me komunat. Kompletimi i emrave të rrugëve dhe numrat e adresave me tabela adekuate, që d.m.th ne jemi në fazën e realizimit të këtij projekti. Ndërlidhja e qytetarit me adresë është një prej projekteve kulminante të këtij aktiviteti dhe ne vazhdimësi ne do të zhvillojmë edhe një aplikacion për shërbime të brendshme të Kosovës, për kompani të ndryshme dhe komuna me të dhëna zyrtare të adresave me një aplikacion apo navigacion qe mund të shërbejë sa i përket adresave, gjetjes së lokacionit të dëshiruar…Planifikimi për sinjalizimin e adresave është që në komunat të cilat Agjencia Kadastrale nuk ka ofruar mbështetje, të ofrojë tashmë mbështetje dhe janë planifikuar rreth 1 mijë e 530 tabela të emrave të rrugëve për t’u vendosur në katër komuna dhe planifikohet edhe vendosja e rreth 380 mijë tabela të numrave, adresave deri në 22 komuna të cilat nuk kanë tabela të numrave“, tha ai.

Shefja e kabinetit të MPB-së, Jeta Delaj ka thënë se ky projekt është i një rëndësie të veçantë edhe për rritjen e sigurisë publike.

“Deklarimi i adresave zyrtare është jetik, thelbësor për institucionet shtetërore, për gjitha komunat, si dhe i një rëndësie të veçantë edhe për institucionet e sigurisë dhe drejtësisë duke garantuar kështu se informacioni për adresat e qytetarëve të regjistrohet saktë në sistemet shtetëror. Për MPB-në është i një rëndësie të veçantë edhe për rritjen e sigurisë publike, por, pa dyshin edhe për ofrimin më të shpejtë edhe të shërbimeve emergjente. Si ministri edhe do të vazhdojmë më tutje të ofrojmë gjithë infrastrukturën ligjore, teknike për zbatimin e marrëveshjes dhe natyrisht në fazën e mëvonshme do të fillojmë me organizimin e trajnimit për gjithë zyrtarët e gjendjes civile të cilët do të jenë në shërbim të implementimit të kësaj nisme“, tha ajo.

Procesi i ndërlidhjes së qytetarit me adresë zyrtare dhe unike realizohet në dy mënyra: duke deklaruar adresën zyrtare në platformën E-Kosova. Me ç’rast qytetarët do të pajisen fillimisht me “Formularin për Identifikim të adresës”, përmes së cilit pastaj do të përditësohet adresa zyrtare në Sistemin e Gjendjes Civile, dhe duke deklaruar adresën zyrtare në zyrat e gjendjes civile komunale.

Të dhënat e adresës zyrtare (komunës, rrugës, numrit të adresës etj.) do të mblidhen nga Agjencia Kadastrale e Kosovës, ndërsa të dhënat e qytetarëve do të mblidhen nga Agjencia e Regjistrimit Civil.

Ndërkaq, përftimet e qytetarëve me përdorimin e adresës zyrtare janë se pas realizimit të këtij procesi, në sistemin e gjendjes civile, të njëjtit do të kenë adresën zyrtare dhe unike, përmes së cilës do të ketë shumë përfitime, si, adresë unike në të gjitha shërbimet komunale (faturat e ujit, rrymës, mbeturinave etj), planifikimi i shërbimeve shëndetësore adekuate sa më afër qytetarëve, planifikimi i duhur i çerdheve dhe shërbimeve tjera komunale, pranimi i dokumenteve të ndryshme si letërnjoftim, pasaportë, në adresë./UBTnews/

Related Topics:Republika e Kosoves qytetari Adresa

Up Next

Kompanitë në Gjermani presin produktivitet më të lartë falë Inteligjencës Artificiale

Don't Miss

Osmani takohet me Baerbock: Gjermania mbetet aleate kyçe për rrugëtimin tonë euroatlantik

Lajmet

Mes kritikash, Komuna e Prishtinës vendos t’i japë në shfrytëzim 5288 prona

Published

1 hour ago

December 30, 2025

UBTnews

Në mes të kritikave, Komuna e Prishtinës në seancën e jashtëzakonshme ka vendosur për dhënien në shfrytëzim të 5288 pronave publike, raporton Ekonomia Online. Aty asamblisti i VV-së ka kërkuar sqarime dhe për parcelën në lagjen “Marigona Hill” që është e përfshirë në këtë listë.

Asamblistja nga LDK, Jeta Rafuna ka thënë se kjo është çështje me rëndësi për menaxhimin e pronës publike dhe për zhvillimin ekonomik të kryeqytetit.

“Para nesh është vendimi për miratimin e pronave të veçanta për dhënie në shfrytëzim për vitin 2026-të, një çështje me rëndësi të veçantë për menaxhimin e pronës publike dhe zhvillimin ekonomik dhe shoqëror të kryeqytetit. Pronat komunale janë pasuri e qytetarëve dhe si të tilla kërkojnë trajtim të përgjegjshëm, transparent dhe në përputhje të plotë me legjislacionin në fuqi. Lista që po shqyrtojmë sot janë rezultat i procesit profesional me qëllim që këto prona të bien në funksion të interesit publik dhe mos të mbeten të pashfrytëzuara. Dhënia në shfrytëzim i e këtyre pronave, krijon mundësi për zhvillim ekonomik, për mbështetje dhe iniciativa lokale si dhe për rritjen e të hyrave vetanake të komunës të cilat më pas kthehen në shërbime më të mira për qytetarët tanë. Miratimi i vendimit sot i hap rrugë planifikimit me kohë për vitin 2026 dhe siguron një proces të rregull, të barabartë dhe transparent për të gjithë të interesuarit”, tha ajo.

Ndërsa asamblisti i PDK-së, Leutrim Retkoceri pret që kjo të jetë në dobi të kryeqytetit.

“Është një nga pikat kyçe të ligjit për dhënien në shfrytëzim dhe këmbim të pronës së paluajtshme të Komunës e cila kërkohet pikërisht në nenin 13-të i cili specifikon edhe vitin dhe datën 31 dhjetor dueht të bëhet publikimi i pronave të paluajtshme të Komunës së Prishtinës, Uroj që lista të përmbajë të gjitha elementet e kërkesa me ligj dhe të gjitha dhëniet e pronave të jenë në zhvillim ekonomik të komunës dhe të bazuara mirë në interesin publik. Arsyeshmërinë tjetër besoj që të dhënat që i kërkon ligji, po besoj që Drejtoria e Pronës i ka të përmbajtura dhe shpresoj të jetë në dobi të kryeqytetit”, tha ai.

Asamblisti i LVV-së, Gëzim Sveçla ka thënë se nëse nuk miratohet kjo listë, i bie që komuna e Prishtinës vitin e ardhshëm nuk mund ta jep asnjë pronë në shfrytëzim, duke e quajtur jo në rregull faktin se kërkohet vota për të mbështetur një listë me mbi 5 mijë e 288 prona e që nuk ka dokumentacion të plotësuar.

Ai shton këtu se asamblistët nuk janë makineri votash që të votojnë prona që nuk e dinë kush i zotëron, e as kush i shfrytëzon.

“Kjo mund të shërbejë për shumë veprime të tjera të jashtëligjshme. Mund të ketë qytetarë që kanë ndërtu dhe është një lloj shantazhi kundër tyre. unë kërkoj që dokumentacioni të plotësohet sot dhe lista të miratohet”, ka thënë ai. “Në këtë listë janë 17 parcela në të cilat është ndërtu një lagje luksoze, lagjja ‘Marigona’, sponsorëve të Ramës. Kjo është tentativë që të legjitimohet keqpërdorimi i pronës publike”, ka thënë ai.

Ai kërkoi edhe disa sqarime.

“17 parcela të cilat janë pjesë e listës që na e keni sjellë në Kuvend Komunal, në këto parcela është e ndërtuar një lagje luksoze ‘Marigona Hill’. Qytetarët kanë ble prona dhe shtëpi. A na tregoni pse këto parcela janë pjesë e kësaj liste. A na tregoni se si ka mundësi që është ndërtu në ato parcela nëse këto janë të gatshme për dhënie në shfrytëzim. E kam parasysh që është listë e gjerë por me ditë cila prej këtyre është e gatshme me u dhënë shfrytëzim ose këmbim. Cila është e uzurpuar, cila është dhënë me një kontratë qoftë me komunën apo çfarëdo kontrate tjetër. Për katër vjet komuna nuk e ka formuar komisionin për vlerësimin e pronave të cilat pastaj do të ipen për këmbim apo shfrytëzim. Duke ditë praktikat e deritanishme e kemi të pamundur ta votojmë një listë të tillë nëse e njëjta nuk korrigjohet dhe nuk marrim përgjigjet që parashtruam”, u shpreh Sveçla.

Lajmet

Kush janë më të votuarit për deputetë në zgjedhjet e 28 dhjetorit?

Published

3 hours ago

December 30, 2025

UBTnews

Dy ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë se kush do të jenë 120 anëtarët e rinj të Kuvendit të Kosovës.

Komisioni Qendror i Zgjedhjeve (KQZ) është duke i numëruar votat për kandidatët për deputetë qysh nga e hëna dhe deri më tani janë numëruar mbi 27 për qind të tyre.

Në zgjedhje morën pjesë rreth 45 për qind të gati 2 milionë qytetarëve me të drejtë vote.

Zgjedhjet i fitoi bindshëm Lëvizja Vetëvendosje e kryeministrit në detyrë, Albin Kurti.

Më mposhtë mund të shihni se kush janë pesë kandidatët më të votuar në secilën parti kur janë numëruar pak më shumë se një e katërta e votave.

Nga Lëvizja Vetëvendosje (LVV):

Albin Kurti 92.090 vota
Glauk Konjufca 71.756 vota
Albulena Haxhiu 37.236 vota
Hekuran Murati 37.136 vota
Donika Gërvalla 32.585 vota

Nga Partia Demokratike e Kosovës (PDK):

Bedri Hamza 41.587 vota
Arian Tahiri 19.894 vota
Përparim Gruda 18.487 vota
Uran Ismaili 14.712 vota
Sala Jashari 13.309 vota

Nga Lidhja Demokratike e Kosovës (LDK):

Lumir Abdixhiku 19.951 vota
Hykmete Bajrami 12.921 vota
Ukë Rugova 11.174 vota
Avdullah Hoti 9.953 vota
Doarsa Kica Xhelili 9.917 vota

Nga Lista Serbe:

Sllavko Simiq 12.174 vota

Igor Simiq 12.162 vota

Liljana Stefanoviq 11.744 vota

Nemanja Bishevac 10.391 vota

Zllatan Ellek 9.841 vota

Nga Aleanca për Ardhmërinë e Kosovës (AAK):

Ramush Haradinaj 10.449 vota
Daut Haradinaj 6.447 vota
Besnik Tahiri 6.284 vota
Bekë Berisha 4.607 vota
Time Kadrijaj 4.334 vota

Sipas të dhënave paraprake, LVV-ja do t’i ketë 56 ulëse në Kuvend, pasuar nga PDK-ja me 23, LDK-ja me 15, Lista Serbe 9 dhe AAK-ja 6.

Personi më i votuar në Kosovë është Albin Kurti, i cili në zgjedhjet e rregullta të 9 shkurtit i fitoi 337.791 vota, duke thyer rekordin e deriatëhershëm të presidentes Vjosa Osmani (300.756 vota).

Mbetet të shihet nëse Kurti do ta forcojë këtë rekord apo jo.

Lajmet

ZRRE-ja e ul çmimin për ngrohje në Prishtinë dhe Gjakovë

Published

3 hours ago

December 30, 2025

UBTnews

Zyra e Rregullatorit të Energjisë Elektrike (ZRrE) ka miratuar të hyrat e lejuara maksimale për Termokosin, në batë të cilave të hyrave nuk do të ketë ngritje të tarifave për vitin 2026 për qytetaret që ngrohen nga ‘Termokos’ në Prishtinë, raporton Ekonomia Online. Ndërsa është bërë e ditur se ZRrE do t’i ulë tarifat për ata që ngrohen nga ngrohtorja “Termokos” dhe “Gjakova”,

Pas mbledhjes së Zyrës së Rregullatorit të Energjisë Elektrike, kryetari i bordit të kësaj zyre, Ymer Fejzullahu tha se kjo ulje bëhet për shkak kursimit që është bërë.

“Me propozimin e këtij viti të hyrat e lejuara maksimale për NQ ‘Gjakova’ dhe NQ ‘Termokos’ do të rezultojnë që për ‘Termokos’ do të kemi zbritje të tarifave për rreth 4 për qind, ndërsa për NQ Gjakova për 5 për qind. Kjo duhet të theko jomë që është vetëm për konsumatorë për matje, meqë kemi konsideruar që ka pasë kursim te kjo kategori e konsumatorëve dhe si rezultat i këtij kursimi është refklektu edhe në tarifat e këtyre dy ndërmarrjeve për vitin 2025/2026. Iu bëjmë thirrje konsumatorëve se ZRRE nëse kemi kursim në sektor ato do të reflektohen gjithmonë në vitin pasues meqenëse sipas edhe pedologjisë ne duhet të reflektojmë vetëm kostot e arsyeshme. në këtë rast kemi pasë kursim dhe është kthyer në zbritje të tarifave dhe rrjedhimisht edhe me benifit për të gjithë konsumatorët që kanë kursyer”, tha ai.

Ai ka sqaruar se ulje do të ketë për konsumatorët me matje.

“Gjithë konsumatorët me majte do të kenë zbritje të tarifave, ndërsa për konsumatorët pa matje apo sipërfaqe do të mbeten tarifat e njëjtat, siç kanë qenë ato në sezonën e kaluar. Kursimi ka qenë vetëm te kjo kategori e konsumatorëve”, shpjegoi ai.

Ndërsa gjatë mbledhjes, Astrit Saraqini, udhëheqës i Departamentit për Energji Termike dhe Gaz në ZRrE ka treguar se të hyrat e lejuara që do të mblidhen nga tarifat janë mbi 11 milionë euro.

“Kostot operative janë përcaktuar në vlerën e 7 milionë e 49 mijë euro, të cilat madje ndahen në kosto fikse dhe variabile. Kosto fikse janë 3 milion e 307 mijë euro, kurse kostot variabile janë 3 milionë 741 mijë euro, përafërsisht 50 për qind sepse këtu hyjnë edhe vlera e energjisë…Të hyrat që do të grumbullohen dhe të mblidhen nga tarifat e ngrohjes qendrore është 11 milionë e 463 mijë e 803 euro që është një rritje nga sezoni në sezon e cila madje është kryesisht për shkak që secilën sezon ‘Termokos’ ka nga një zgjerim të rrjetit të sistemit dhe andaj kemi të hyra dhe energjisë shtesë”, tha ai.

Lajmet

Zjarr në Prizren, humb jetën një fëmijë njëvjeçar

Published

4 hours ago

December 30, 2025

UBTnews

Në Prizren, në afërsi të Shtëpisë së Kulturës ka shpërthyer një zjarr i madh në një objekt, ku si pasojë ka ndërruar jetë një fëmijë njëvjeçar.

Zëdhënësi i Policisë për rajonin e Prizrenit, Shaqir Bytyqi ka bërë të ditur për KosovaPress se edhe tre fmëijë të tjerë janë shpëtuar dhe po marrin trajtim mjekësor.

“Sot, më datën 30.12.2025, rreth orës 10:00, është raportuar për një zjarr në një shtëpi banimi në qendër të qytetit të Prizrenit. Si pasojë e zjarrit, një fëmijë rreth moshës 1 vjeç ka humbur jetën, ku dyshohet se vdekja ka ardhur si pasojë e thithjes së tymit. Tre fëmijë të tjerë janë shpëtuar dhe janë dërguar për trajtim mjekësor në Emergjencë, ku po marrin kujdesin e nevojshëm shëndetësor”, ka bërë të ditur ai.

Bytyqi ka bërë të ditur se njësitë emergjente kanë reaguar menjëherë dhe zjarri është lokalizuar pothuajse plotësisht.

Ekipet përkatëse vazhdojnë të jenë në vendin e ngjarjes.

KosovaPress do t’iu mbajë të informuar lidhur me rastin.