Lajmet

“Ndaloni së kërcënuari Tajvanin”, i thotë Kinës presidenti i ri William Lai

Publikuar

Presidenti i sapo inauguruar i Tajvanit, William Lai, ka bërë thirrje Kinës që të ndalojë së kërcënuari ishullin dhe të pranojë ekzistencën e demokracisë së tij. Ai i kërkoi Pekinit të zëvendësojë konfrontimin me dialogun, duke theksuar se Tajvani nuk do të tërhiqej kurrë përballë frikësimit nga Kina, e cila ka pretenduar prej kohësh ishullin si të vetin. Inkursionet ushtarake nga Kina rreth ujrave dhe hapësirës ajrore të Tajvanit janë bërë një çështje rutinë në vitet e fundit, duke shkaktuar frikë nga konflikti.

Presidenti Lai, i cili fitoi një garë presidenciale trepalëshe në janar, ka premtuar të vazhdojë politikën e forcimit të mbrojtjes së Tajvanit, duke marrë në konsideratë suksesin e politikës së përparuar të Tsai Ing-wen. Shtoi se do të dëshironte të shihte një rihapje të shkëmbimeve nëpër ngushticat e Tajvanit, duke përfshirë grupe turistike kineze që vijnë në Tajvan, por nuk duhet të ketë asnjë iluzion për kërcënimin nga Kina. Kështu, ai u shpreh se Tajvani duhet të forcojë më tej mbrojtjen e tij.

Ndërsa Presidenti Lai përsëriti se nuk do të bënte asgjë për të ndryshuar status quo-në, ai gjithashtu kërkoi të mbajë një komunikim të mirë me Kinën. Tensionet midis Kinës dhe Tajvanit kanë qenë të lartë për vite të tëra, dhe mungesa e komunikimit zyrtar ka bërë situatën edhe më delikate. Çështja e marrëdhënieve me Kinën pritet të jetë një nga sfidat kryesore për Presidentin Lai, duke pasur parasysh tensionet aktuale dhe nevojën për dialog në vend të konfrontimit.

Ndërkohë, miqtë dhe aleatët e Tajvanit po vëzhgojnë me kujdes zhvillimet e reja, duke qenë të shqetësuar për të ardhmen e stabilitetit në rajon. Sfidat për Presidentin Lai janë të shumta, dhe mënyra se si ai do të trajtojë marrëdhëniet me Kinën do të jetë një nga pikat kyçe që do të përcaktojnë presidencën e tij./UBTNews/

Lajmet

​Media britanike “Daily Express”: Shqipëria – zbuloni disa nga brigjet më të bukura të vendit ballkanik

Publikuar

nga

E fshehur pas “Perdes së Hekurt” për vite me radhë, Shqipëria mirëpriti turistët në fillim të shekullit XXI, duke i shndërruar blloqet e zymta komuniste në peizazhe urbane të gjalla të mbushura me kafene në modë, shkruan Aurora Bosotti në një artikull të botuar në të përditshmen britanike “Daily Express”.

Brigjet e vendit ballkanik – të cilat dikur qëndronin nën hijen e destinacioneve më të njohura – tani konsiderohen si disa nga më të bukurat e Evropës.

Fshati bregdetar i Ksamilit – në Rivierën Shqiptare – është krahasuar me Maldivet nga përdoruesit e TikTok-ut dhe blogerët e udhëtimit.

Plazhet me rërë të bardhë të Ksamilit, ujërat e qeta dhe kasollet e kashtës buzë plazhit sigurisht që i bëjnë jehonë joshjes së parajsës së famshme tropikale – të cilat ofrohen me një çmim shumë më miqësor me buxhetin.

Sektori i turizmit në rritje në Ksamil ofron një sërë opsionesh akomodimi, duke përfshirë dhoma që fillojnë nga vetëm 19 paund nata.

Përdoruesja e TikTok, “@The Travel Mum”, ishte mahnitur me destinacionin mesdhetar, duke e krahasuar vendin evropian me Maldivet – ‘shumë më të njohura dhe më të shtrenjta’.

“Kur njerëzit shohin foto të këtij vendi, ata menjëherë mendojnë për Maldivet! Por për fat për ne, është shumë më afër shtëpisë”, tha ajo.

“Shtojeni atë në listën e destinacioneve tuaja për 2024”, rekomandoi një turist tjetër.

Aktivitetet e njohura përgjatë bregdetit përfshijnë zhytje dhe not – por për ata që kërkojnë një qëndrim më të gjatë duke u relaksuar, ka shumë shelzongë të vendosura përreth bregdetit për të shijuar rrezet e diellit.

Kostoja mesatare e një birre në Shqipëri është vetëm 1,78 paund, ndërsa sezoni veror priret të jetë i këndshëm dhe i ngrohtë, me temperatura mesatare deri në 25°C.

Në Ksamil do të keni gjithashtu të gjithë Rivierën Shqiptare “në pragun tuaj”, një zonë e bukur, relativisht ende e paprekur nga turizmi ndërkombëtar, e cila krenohet me vendet e trashëgimisë botërore të UNESCO-s, qytetet magjepsëse dhe vendasit miqësorë.

Pikat kryesore turistike përfshijnë Lagunën e Kripës në liqenin e Butrintit, Shpellën enigmatike të Kreshmoit dhe qytetin antik bizantin të Gjirokastrës.

Një qytet historik i vendosur mes maleve, kryeqyteti, Tirana ia vlen të vizitohet për ata që duan të shijojnë pushime në qytet, me ndërthurjen e tij të gjallë – të së vjetrës dhe modernes – i jep një hyrje të shkëlqyer Shqipërisë përpara se të zbulosh pjesën tjetër të vendit./ATSH/

Vazhdo të lexosh

Kulturë, Lifestyle

Spanja fillon mbylljen e fondacionit të simpatizantëve të Francos

Publikuar

nga

Ministri i Kulturës, Ernest Urtasun njoftoi se Qeveria e Spanjës ka filluar mbylljen e fondacionit Francisco Franco, një organizatë jofitimprurëse e krijuar nga simpatizantët e diktatorit të ndjerë.

Ligji i “kujtesës demokratike” i miratuar në vitin 2022 nga qeveria socialiste e Spanjës ndalon çdo organizatë, e cila regjimin e Frankos 1939-1975.

Ministria e Kulturës njoftoi se gjykata do ta marrë vendimin përfundimtar për mbylljen e Fondacionit Kombëtar të Franciso Francos.

Ligji synon të bëjë dëmshpërblime për viktimat e diktaturës dhe të luftës civile trevjeçare që i parapriu, në të cilën vdiqën më shumë se gjysmë milioni njerëz.

Historianët vlerësojnë se rreth 150 mijë e njerëz u vranë nga qeveria e Francos, ndërsa 450 mijë të tjerë u detyruan të largoheshin nga vendi./UBTNews/

Vazhdo të lexosh

Lajmet

Japonia sanksionon disa kompani kineze

Publikuar

nga

Japonia ka vendosur kufizime tregtare kundër firmave në Kinë, Indi, Kazakistan dhe Uzbekistan për mbështetjen e tyre të supozuar për luftën e Rusisë kundër Ukrainës.

Këto janë saksionet e para të cilat u vendosën nga Ministria e Punëve të Jashtme të Japonisë për kompanitë kineze, të cilat dyshohet se kanë lidhje me luftën.

Sipas këtyre sanksioneve, kompanive japoneze u ndalohet të eksportojnë mallra nga firmat e sanksionuara, sikurse Asia Pacific Links Ltd me bazë në Hong Kong dhe Yilufa Electronics Limited, me bazë në Shenzhen.

Sanksionet erdhën në periudhën kur Japonia dhe Koreja e Jugut sanksionuan muajin e kaluar kompani dhe individë të akuzuar për furnizimin e Rusisë me armë për përdorim në Ukrainë./UBTNews/

Vazhdo të lexosh

Lajmet

Spanja do të eliminojë taksën për vajin e ullirit për të lehtësuar rritjen e çmimeve

Publikuar

nga

Qeveria e kryeministrit socialist, Pedro Sanchez nga muaji korrik do të përfshijë “përgjithmonë” vajin e ullirit në listën e “nevojave bazë” të cilat janë të përjashtuara nga taksa, njoftoi Ministria e Financave përmes një deklarate.

Ky është “lajm i mrekullueshëm për të gjithë spanjollët”, tha zëdhënësja e qeverisë, Pilar Alegria, gjatë një interviste për stacionin televiziv privat Antena 3.

Kjo masë, e cila do të miratohet gjatë një takimi të kabinetit i cili pritet të mbahet javën e ardhshme, do të “lehtësojë barrën mbi portofolin e spanjollëve” si dhe të mbështesë sektorin e ullirit dhe të stimulojë konsumin e një produkti që është kaq i rëndësishëm.

Supermarketet kanë raportuar rritje të vjedhjeve të shisheve të vajit të ullirit pasi çmimi i tyre është rritur, duke shtyer disa shitës me pakicë t’i vendosin ato me etiketa sigurie që zakonisht shihen në artikuj të kushtueshëm si alkooli, ndërsa shitjet e alternativave më të lira si vaji i farave të lulediellit janë rritur./UBTNews/

Vazhdo të lexosh

Të kërkuara