Sport

Napoli nis negociatat me mbrojtësin e Kombëtares së Shqipërisë

Bëhet fjalë për 27-vjeçarin Ardian Ismajli.

Published

on

Lajm i bujshëm vjen nga Italia, Napoli po monitoron situatën e mbrojtësit të Kombëtares shqiptare, Ardian Ismajli, i cili aktualisht u aktivizua te Empoli.

Drejtori sportiv i napoletanëve, Mauro Meluso, e njeh mjaft mirë Ismajlin, pasi ka punuar më herët te Empoli dhe thuhet se tanimë ka nisur negociatat me menaxherin e fuutbollistit.

Mbrojtësi 27-vjeçar po mbyll sezonin e tij të tretë te Empoli, ku ka qenë një nga pikat më të forta të mbrojtjes.

Mediat italiane bëjnë të ditur se agjenti i Ismajlit, Serxho Mezi ka qenë disa ditë më parë në ambientet e klubit të Napolit, ku edhe kanë diskutuar për mundësitë dhe kushtet e transferimit të tij./UBTNews/

Sport

​Zyrtare: U konfirmuan gjyqtarët për ndeshjen Kosovë – Slloveni

Published

on

By

Federata Evropiane e Futbollit (UEFA) ka zyrtarizuar ekipin e arbitrave që do të drejtojë ndeshjen Kosovë – Slloveni, e cila do të zhvillohet të premten në stadiumin “Fadil Vokrri” në Prishtinë.

Takimi do të gjykohet nga italiani Marco Guida, i cili është caktuar si gjyqtar kryesor i sfidës.

Atij do t’i asistojnë bashkëkombasit Giorgio Peretti dhe Giuseppe Perrotti, ndërsa gjyqtar i katërt do të jetë Daniele Chiffi.

Në dhomën e VAR-it do të jenë Marco Di Bello si Video Assistant Referee dhe Valerio Marini si Assistant VAR.

Ky ekip arbitrash italian pritet të drejtojë një nga ndeshjet më të rëndësishme të raundit kualifikues, ku Kosova do të kërkojë një rezultat pozitiv përballë Sllovenisë në “Fadil Vokrri”./D.B/KP

Continue Reading

Lajmet

​Peshëngritësi iranian debuton sot për Kosovën në Kampionatin Botëror të Peshëngritjes

Published

on

Kampioni Olimpik i Rio 2016, Kianoush Rostami, do të garojë sot për herë të parë nën flamurin e Kosovës.

Peshëngritësi me famë botërore pritet të debutojë në Kampionatin Botëror që po mbahet në Forde të Norvegjisë.

Rostami do të garojë në kategorinë deri në 94 kilogramë, me nisjen e garës së tij të parashikuar për në orën 19:30.

Peshëngritësi iranian, i cili ka zgjedhur të përfaqësojë Kosovën në fillim të këtij viti, ka qenë më parë pjesë e përfaqësueses së Iranit deri në vitin 2022.

Pas mosmarrëveshjeve me Federatën e vendit të tij, ai vendosi të ndryshojë përfaqësim dhe t’i bashkohet ekipit të Kosovës.

Rostami ka një karrierë të jashtëzakonshme ndërkombëtare pasi që është fitues i medaljes së artë në Lojërat Olimpike “Rio 2016” dhe i medaljes së argjendtë në “Londër 2012”.

Po ashtu, numëron tri medalje botërore: dy të arta dhe një të argjendtë.

Bazuar në rezultatet dhe përvojën e tij, Rostami është një nga kandidatët kryesorë për të siguruar një medalje botërore për Kosovën./S.K/KP/

Continue Reading

Lajmet

​Son pranë një arritjeje historike

Published

on

Kapiteni i Koresë së Jugut, Son Heung-min, është pranë një arritjeje historike, pasi pritet të thyejë rekordin e vendit të tij për më shumë paraqitje me ekipin kombëtar, në ndeshjen miqësore kundër Brazilit.

Sulmuesi i Los Angeles FC do të zhvillojë paraqitjen e tij të 137-të me fanellën e përfaqësueses, duke kaluar kështu ish-mbrojtësin Hong Myung-bo dhe ish-sulmuesin legjendar Cha Bum-kun, me të cilët aktualisht ndan kuotën e 136 ndeshjeve.

Ndeshja kundër Brazilit, e drejtuar nga Carlo Ancelotti, shërben si përgatitje për Kupën e Botës 2026 në Amerikën e Veriut, ku Koreja e Jugut tashmë është kualifikuar.

Nëse Son nuk aktivizohet në këtë përballje, ai do ta ketë mundësinë të thyejë rekordin në sfidën ndaj Paraguait të martën, e cila do të shoqërohet edhe me një ceremoni përkujtimore për këtë arritje të veçantë.

Son, i cili debutoi me kombëtaren në dhjetor të vitit 2010, ka shënuar deri më tani 53 gola.

Gjithashtu, ai është në Kupën e Botës së katërt të karrierës, ndërsa me kalimin në MLS këtë verë, ish-kapiteni i Tottenhamit ka filluar një kapitull të ri në karrierën e tij.

Në përballjen e fundit mes dy ekipeve, Brazili kishte triumfuar 4-1 ndaj Koresë së Jugut në fazën e 1/8 së finales të Botërorit “Katar 2022”./S.K/KP/

Continue Reading

Lajmet

Foda flet sot para mediave për ndeshjen me Slloveninë

Published

on

Federata e Futbollit e Kosovës ka njoftuar për aktivitetet zyrtare të Kombëtares së Kosovës dhe asaj të Sllovenisë për ditën sotme në kuadër të përgatitjeve për ndeshjen mes dy përfaqësueseve.

Në orën 16:30 do të mbahet konferenca për media e Kombëtares së Kosovës, ku para gazetarëve do të dalë përzgjedhësi Franco Foda.

Ndërkaq, në orën 17:00 “Dardanët” do të zhvillojnë stërvitjen zyrtare në stadiumin “Fadil Vokrri” në Prishtinë.

Më vonë, në orën 20:00, do të mbahet edhe konferenca për media e Kombëtares së Sllovenisë, po ashtu në të njëjtin stadium./S.K/KP/FFK/

Continue Reading

Të kërkuara