Lajmet

Nagavci vizitoi disa shkolla në Kosovë për të parë nga afër përgatitjet për fillimin e vitit shkollor

Published

5 years ago

on

Për të parë nga afër përgatitjet që janë bërë për fillimin e vitit të ri shkollor, ministrja e Arsimit, Shkencës, Teknologjisë dhe Inovacionit, Arbërie Nagavci gjatë këtyre ditëve ka vizituar disa shkolla në Kosovë.

Pas vizitës që ka pasur në shkollën “Këlmend Rizvanolli” dhe në shkollën “Zekeria Rexha” në Gjakovë, ministrja Nagavci sot ka qëndruar edhe në shkollën “Ismail Qemali” në Prishtinë dhe në atë “Mihal Grameno” në Fushë Kosovë, shkolla të cilat kanë numër të madh të nxënësve.

Me menaxhmentet e shkollave dhe mësimdhënës, ministrja Nagavci ka biseduar për përgatitjet që janë bërë për fillimin e vitit shkollor në këto shkolla, por edhe për vështirësitë dhe sfidat me të cilat janë ballafaquar gjatë pandemisë, e të cilat mbeten sfiduese edhe për këtë vit shkollor.

Ministrja Nagavci falënderoi mësimdhënësit në gjithë Kosovën që me punën dhe përkushtimin e tyre kanë bërë që të arrihen rezultatet më të mira, për aq sa ka qenë e mundur, edhe përkundër shumë vështirësive që kanë hasur.

Në këto takime, ministrja Nagavci ka shprehur shqetësimin e saj për numrin e lartë të të infektuarve me COVID gjatë ditëve të fundit, e në veçanti për variantin Delta që po i prekë edhe moshat e reja.

Duke qenë se janë kontakti më i afërt me nxënësit, Ministrja ka kërkuar nga mësimdhënësit mendimin e tyre për atë se çfarë mund të bëjë MAShTI për të lehtësuar punën e tyre në mësimdhënie dhe mësimnxënie në kushte të pandemisë, pasi që ka theksuar se nxënësit janë ata që kanë humbur më së shumti gjatë kësaj periudhe.

Menaxhmentet e shkollave kanë theksuar se shkollat janë të përgatitura për të pritur nxënësit, por kanë shprehur shqetësimin e tyre për mënyrën se si do të arrijnë ta menaxhojnë procesin mësimor në kushte pandemie, sidomos me moshat e vogla.

Mësimdhënësit në veçanti theksuan vështirësitë që kanë hasur gjatë periudhave të mësimit online për të cilin thanë se është treguar joefektiv në mësimnxënie, ndërsa theksuan se janë të gatshëm të realizojnë procesin mësimor me pjesëmarrje në shkollë.

Gjatë këtyre takimeve, ministrja Nagavci ka biseduar me mësimdhënës edhe për çështje të tjera me rëndësi në sistemin arsimor, siç janë tekstet mësimore dhe trajnimet e mësimdhënësve.

Related Topics:
Continue Reading

Vendi

Tensione te Kuvendi për ndryshimet në ligjin për Specialen

Published

12 hours ago

on

October 5, 2026

By

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Continue Reading

Aktualitet

Përfundon takimi mes Kurtit dhe Hamzës

Published

13 hours ago

on

October 5, 2026

By

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Continue Reading

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

13 hours ago

on

October 5, 2026

By

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/

Continue Reading

Lajmet

Kurti dhe Hamza takohen në Kuvend

Published

14 hours ago

on

October 5, 2026

By

Ka filluar takimi mes kryetarit të Lëvizjes Vetëvendosje, Albin Kurti, dhe kryetarit të PDK-së, Bedri Hamza, raporton Ekonomia Online.

Takimi mes dy liderëve politikë po zhvillohet në objektin e Kuvendit të Kosovës.

Takimi vjen në një kohë kur në Kuvend po zhvillohen diskutime për çështje të rëndësishme politike dhe institucionale./EO/A.K/

 

Continue Reading

Të kërkuara