Aktualitet

Nagavci ndan çmimet e garës “Shkencëtar i ri”, u garanton mbështetje për studime jashtë vendit

Published

on

Ministria e Arsimit, Shkencës dhe Inovacionit ka bërë ndarjen e çmimeve të garës “Shkencëtar i ri” për nxënësit e gjimnazeve të shkencave natyrore, raporton Ekonomia Online.

Ministrja Nagavci ua ka ndarë këto çmime nxënësve:  Blendi Grapci mori vendin e parë, Yllka Zeqiri vendin e dytë, dy vende e treta Anjesa Elezaj, Biant Shkololli, Tringa Begu, Besiana Rama, Viola Maksuti, ndërsa çmimin kryesor e fiton Emira Karahoda nga Prizren.

Nagavci me këtë rast tha se aktivitetet e tilla u shërbejnë sukseseve të nxënësve. Ajo ka paralajmëruar udhëzues administrativ që të përfshihen nxënësit edhe në gara ndërkombëtare.

Ministrja i ka garantuar nxënësit se do t’i përkrahin për studime jashtë vendit me ndarjen e 1 000 bursave, duke sqaruar se 100 mijë euro janë destinuar veç për këtë çështje.

“Është kënaqësi të ndajmë edhe mirënjohje dhe çmime. Në vitin 2016 në drejtorinë komunale patëm filluar garën shkencëtari i ri. Mësimdhënësit ishin të përkushtuar me nxënës. Me mbështetjen e ministrisë së Arsimit organizohet për çdo vit edhe në komuna tjera ku kanë qenë Gjilani, Ferizaj Prizreni”.

“Ne në ministri kemi planifikuar ta hartojmë edhe një udhëzim administrativ që të përfshifshihen nxënësit edhe në gara ndërkombëtare. Dy grupe të trive që kemi përkrah në matematikë dhe fizikë në gara ndërkombëtare. Si ministre do t’i mbështesë të gjithë nxënësit natyrisht ata që na përfaqësojnë. Motivimi i nxënësve është ndër sfidat më të mëdha që po përballen nxënësit. Organizimi i kësaj gare është motivimi i nxënësve në gara, por edhe motivimin e mësimdhënësve”.

“Të gjitha vajzave djemve ju dëshiroj suksese. Mbështetjen tonë do ta keni në vazhdimësi. Kanë qenë 100 mijë euro për mi nda për vajza dhe djem që studiojnë jashtë vendit. Dhe do të vazhdojmë përkrahjen për ndarjen e 1 000 bursave. Besoj që kemi mundësi me organizuar mbrëmjen e maturës në ambiente të hapura”.

Drejtoresha e Arsimit, në Prishtinë Shpresa Shala përgëzoi nxënësit dhe u uroi suksese më tutje duke thënë që shpresojmë të na përfaqësojnë më mënyrën më të mirë edhe në garat e tjera.

Drejtoresha e Arsimit së Prizrenit, Gjemile Thaqi- Veskishi u ka uruar suksese të gjithë nxënëse siç ka thënë ajo në rrugën e tyre të diturisë.

Emira Karahoda falënderoi ministren dhe tha se ndihet shumë e lumtur që ka fituar çmimin e parë “Shkencëtari i ri”.

Edhe Yllka Zeqiri, ka falënderuar ministren e Arsimit dhe shkollën për mundësinë për të marrë pjesë në këto gara.

Nxënësja Viola Maksuti, tha se shpreson që gara të tilla do të organizohen sërish, raporton EO.

“Tash planifikojë t’i vazhdojë studimet në ShBA dhe kam pasur vështirësi mi gjet aplikimet dhe ju kisha kërkuar me marr parasysh më shumë qendra të këshillimit që na me shkuar me studiuar jashtë”.

Bota

Kancelari i ri paralajmëron SHBA-në kundër ndërhyrjes në politikën e brendshme të Gjermanisë

Published

on

By

Kancelari i ri i Gjermanisë, Friedrich Merz ka paralajmëruar SHBA-në kundër ndërhyrjes në politikën e brendshme të vendit të tij.

Do të inkurajoja qeverinë amerikane që ta lërë politikën e brendshme në Gjermani të jetë politikë e brendshme dhe të qëndrojë kryesisht larg këtyre konsideratave partiake“, tha Merz në një intervistë për transmetuesin publik ZDF.

Merz përsëriti se qeveria amerikane duhet të “qëndrojë jashtë” politikës së brendshme gjermane, duke theksuar se planifikon që nesër të ketë një telefonatë me presidentin e SHBA-së, Donald Trump.

Ai tha se ende nuk e njeh personalisht Trumpin, por do të flasë me të “hapur”.

Kancelari gjerman theksoi se ai vetë nuk ka “ndërhyrë kurrë në fushatën zgjedhore amerikane dhe nuk ka mbajtur anë“. Merz akuzoi qeverinë amerikane për përhapjen e “pikëpamjeve absurde të Republikës Federale të Gjermanisë”.

I pyetur në lidhje me mbështetjen e SHBA-së për partinë e ekstremit të djathtë Alternativa për Gjermaninë (AfD), ai tha: “Gjithmonë kam pasur përshtypjen se Amerika mund të bëjë dallimin midis partive ekstremiste dhe partive të qendrës politike“.

Përfaqësuesit e qeverisë amerikane mbështetën vazhdimisht dhe në mënyrë agresive AfD-në gjatë fushatës zgjedhore ndërsa Elon Musk, i besuari i Trumpit, madje intervistoi edhe udhëheqësen e AfD-së, Alice Weidel.

Së fundmi, Shtëpia e Bardhë kritikoi ashpër qeverinë gjermane për klasifikimin e AfD-së si ekstremiste e krahut të djathtë.

Continue Reading

Bota

Vizita e parë e presidentit sirian në Evropë që nga rënia e Bashar al-Assad

Published

on

By

Presidenti sirian Ahmed al-Shara do të mbërrijë sot në Paris, në vizitën e tij të parë në Evropë që nga rënia e ish-presidentit Bashar al-Assad, për të kërkuar mbështetje ndërkombëtare për përpjekjet për të rivendosur stabilitetin në vendin e tij, raportoi Reuters.

Shara, i cili është subjekt i sanksioneve të OKB-së për rolin e tij në të kaluarën në grupin islamist Hayat Tarir al-Sham (HTS), një ish-degë e al-Kaedës, mori leje të jashtëzakonshme nga organizata për të udhëtuar në Francë. Gjatë vizitës, ai do të takohet me presidentin francez, Emmanuel Macron. Sipas zyrtarëve francezë, të dy udhëheqësit do të diskutojnë çështje të tilla si ruajtja e sovranitetit të Sirisë, siguria e komuniteteve minoritare, përfshirë alavitët dhe druzët, lufta kundër Shtetit Islamik dhe koordinimi i ndihmës humanitare, përfshirë lehtësimin e sanksioneve.

Duke pasur parasysh sfidat e mëdha me të cilat përballet Siria, është e qartë se Franca, së bashku me partnerët kryesorë ndërkombëtarë të Sirisë, duhet të ofrojë mbështetje”, tha zyrtari francez, duke theksuar se Parisi “nuk ishte naiv” në lidhje me lidhjet e kaluara të Sharit me grupet xhihadiste dhe mbeti “dyshues” për veprimet e tij.

Në vitin 2012, Franca ndërpreu marrëdhëniet diplomatike me regjimin e Asadit dhe refuzoi të rinovonte kontaktet me qeverinë e tij, edhe pasi forcat rebele pësuan disfata të mëdha dhe u shtynë në pjesët veriore të vendit.

Megjithatë, në muajt e fundit Franca ka ndërmarrë hapa për të hapur një ambasadë në Damask, duke emëruar një diplomat i cili duhet të lehtësojë rivendosjen e marrëdhënieve.

Një nga qëllimet kryesore të Sirisë gjatë vizitës është lehtësimi i sanksioneve ndërkombëtare të vendosura gjatë 14 viteve të luftës civile, të cilat vazhdojnë të pengojnë seriozisht rindërtimin ekonomik të vendit.

Continue Reading

Bota

Trump reagon pas sulmit të Indisë ndaj Pakistanit

Published

on

By

Presidenti i SHBA-së, Donald Trump, tha se ishte “turp” që India sulmoi Pakistanin mbrëmë dhe shpresonte që kjo të përfundonte shpejt, ndërsa Sekretari i Shtetit i SHBA-së, Marco Rubio, tha se po e monitoronte nga afër situatën midis Indisë dhe Pakistanit pas sulmit indian.

Është për të ardhur keq. Sapo dëgjuam për këtë”, u tha Trump gazetarëve në Shtëpinë e Bardhë, raportoi Guardian.

Ai shtoi se “njerëzit e dinin se diçka do të ndodhte bazuar në të kaluarën”, sepse të dyja palët kanë luftuar për “shumë, shumë dekada dhe shekuj”.

Shpresoj vetëm që kjo të përfundojë shumë shpejt”, shtoi Trump.

Sekretari i Shtetit i SHBA-së, Marco Rubio, tha mbrëmë se po e monitoron nga afër situatën midis Indisë dhe Pakistanit pas sulmit indian dhe se SHBA-të do të vazhdojnë të angazhohen në mënyrë që të dyja lidershipet, indiane dhe pakistaneze, të ecin drejt një zgjidhjeje paqësore.

Ai përsëriti fjalët e Presidentit të SHBA-së, Donald Trump, se shpresonte që “kjo të mbarojë shpejt”.

Continue Reading

Bota

Të paktën 26 të vrarë nga sulmet raketore të Indisë në territorin pakistanez

Published

on

By

India ka hedhur raketa në disa pjesë të territorit të kontrolluar nga Pakistani në orët e hershme të së mërkurës, duke i vrarë të pakën 26 njerëz. Lideri i Pakistanit i cilësoi sulmet si “akt lufte”.

India tha se e ka goditur infrastrukturën e përdorur nga militantët e lidhur me sulmin e muajit të kaluar në pjesën e kontrolluar nga India në Kashmir, ku u vranë 26 turistë hindu.

Pakistani tha se i ka rrëzuar disa avionë luftarakë indianë në shenjë hakmarrjeje, teksa dy avionë ranë në fshatrat e kontrolluara nga India në Kashmir. Të paktën shtatë civilë u vranë në këtë rajon nga sulmet pakistaneze, thanë policia dhe mjekët indianë.

Tensionet mes Indisë dhe Pakistanit – vende fqinje të armatosura me armë bërthamore – janë rritur ndjeshëm që nga sulmi i muajit të kaluar, për të cilin India i ka fajësuar militantët e mbështetur nga Pakistani. Islamabadi e ka mohuar përfshirjen.

Kryeministri i Pakistanit, Shehbaz Sharif, i dënoi sulmet ajrore të së mërkurës dhe tha se vendi i tij do të hakmerret.

Pakistani ka çdo të drejtë të përgjigjet fuqishëm ndaj këtij akti lufte të imponuar nga India, dhe vërtet jemi duke u përgjigjur fort”, tha Sharif.

Komiteti i Sigurisë Kombëtare i Pakistanit do të mblidhet të mërkurën në mëngjes.

Sulmi ndezi alarmin në Uashington, ku presidenti i Shteteve të Bashkuara, Donald Trump, tha se është njoftuar për sulmin dhe shpreson që përleshjet “të përfundojnë shumë shpejt”.

Në Nju Jork, sekretari i Përgjithshëm i OKB-së, Antonio Guterres, shprehu shqetësim për sulmin dhe bëri thirrje për vetëpërmbajtje maksimale nga të dyja vendet.

Bota nuk mund ta përballojë një përplasje ushtarake midis Indisë dhe Pakistanit”, tha Guterres, sipas zëdhënësit të tij.

Sekretari amerikan i Shtetit, Marco Rubio, kontaktoi këshilltarin për Sigurinë Kombëtare të Pakistanit, Asim Malik, i cili është gjithashtu shef i agjencisë kryesore të inteligjencës së Pakistanit, për të diskutuar situatën.

Rubio foli gjithashtu me homologun e tij nga India dhe tha se do të vazhdojë të angazhohet me të dyja vendet për të arritur një zgjidhje për konfliktin.

“Ai po inkurajon Indinë dhe Pakistanin të hapin sërish një kanal komunikimi midis udhëheqësve të tyre për të zbutur situatën dhe për të parandaluar përshkallëzimin e mëtejshëm”, tha zëdhënësi i Këshillit të Sigurisë Kombëtare, Brian Hughes, në një deklaratë.

Hassan Abbas, profesor i dalluar i marrëdhënieve ndërkombëtare në Qendrën për Studime Strategjike të Lindjes së Afërt dhe Azisë Jugore, i tha Radios Evropa e Lirë se, megjithëse terrorizmi duhet të dënohet gjithmonë, pretendimi i nxituar i Pakistanit se incidenti ishte një operacion i rremë i organizuar nga India – pa hetim – është i papërgjegjshëm.

Po ashtu, nxitimi i Indisë për të fajësuar Pakistanin pa prova të besueshme vetëm sa thellon mosbesimin dhe rrit rrezikun e përshkallëzimit, tha Abbas.

Ushtria indiane goditi gjashtë lokacione në Kashmirin e administruar nga Pakistani dhe në provincën lindore Punjab të Pakistanit – duke i vrarë 26 njerëz, përfshirë gra dhe fëmijë – tha zëdhënësi i ushtrisë pakistaneze, Ahmed Sharif.

Zyrtarët thanë se edhe 38 njerëz të tjerë u plagosën nga sulmet, ndërsa pesë njerëz të tjerë u vranë në Pakistan gjatë shkëmbimeve të zjarrit përgjatë kufirit më vonë gjatë ditës.

Ministria e Mbrojtjes e Indisë theksoi se sulmet kishin në shënjestër të paktën nëntë vende “ku janë planifikuar sulme terroriste kundër Indisë”.

Veprimet tona kanë qenë të përqendruara, të matura dhe të natyrë jopërshkallëzuese. Asnjë objekt ushtarak pakistanez nuk është shënjestruar”, tha Ministria indiane, duke shtuar se “India ka treguar vetëpërmbajtje të madhe”.

Pakistani tha se sulmet goditën të paktën dy vende që më parë ishin të lidhura me grupe të ndaluara militante.

Njëra raketë goditi xhaminë Subhan në qytetin Bahawalpur të Punjabit, duke vrarë 13 njerëz, përfshirë një fëmijë, sipas mjekut Zohaib Ahmed nga një spital i afërt.

Xhamia ndodhet pranë një medreseje që dikur ishte zyra qendrore e Jaish-e-Mohammed, një grup militant i ndaluar në vitin 2002. Zyrtarët thonë se grupi nuk ka pasur prani operacionale në atë vend që nga ndalimi.

Një raketë tjetër goditi një xhami në Muridke, duke dëmtuar strukturën e saj. Një ndërtesë e madhe aty pranë kishte shërbyer si selia e Lashkar-e-Taiba deri në vitin 2013, kur Pakistani e ndaloi grupin dhe arrestoi themeluesin e tij.

Sulmin e muajit të kaluar ndaj turistëve e mori përsipër një grup i panjohur më parë që e quan veten “Qëndresa e Kashmirit”./REL/

Continue Reading

Të kërkuara