

Aktualitet
Nagavci: Deklaratat nga SBAShK-u, të çuditshme dhe pa kuptim
Published
4 years agoon
By
Betim GashiMinistrja e Arsimit, Shkencës, Teknologjisë dhe Inovacionit (MAShTI), Arbërie Nagavci ka folur për programin e qeverisë në fushën e arsimit, duke renditur si një prej prioriteteve arsimin gjithëpërfshirës dhe të dixhitalizuar. Në tryezën e organizuar nga Lëvizja FOL, Nagavci ka folur për deklaratat e drejtuesve të SBAShK-ut lidhur me mundësinë e vlerësimit të mësimdhënësve, nevojën urgjente të rishikimit të teksteve mësimore, ndërkohë ka bërë të ditur se në javën e ardhshme në Kuvendin e Kosovës të dërgohen emrat e anëtarëve të rinj të Këshillit Shtetëror të Cilësisë.
Arsimi gjithëpërfshirës dhe i digjitalizuar, harmonizimi i shkollave profesionale me tregun e punës, menaxhimi efektiv i arsimit në të gjitha nivelet, menaxhimi i cilësisë në arsimin e lartë dhe përmirësimi i mjedisit për hulumtim dhe inovacion, janë prioritetet kryesore të Arbërie Nagavcit për mandatin e saj të parë si ministre e arsimit.
Nagavci ka thënë se do të mbështesin të gjithë mësimdhënësit në punën e tyre, duke shtuar se legjislacioni aktual e bënë të qartë mënyrën e vlerësimit të mësimdhënësve.
“SBAShK-u, kanë qenë të çuditshëm deklaratat e tyre kohët e fundit, ka qenë e pakuptimtë për mua që kryetari i SBAShK-ut të dalë me deklarata që kemi dëgjuar fjalë apo thashetheme, këtu po e citoj ‘kemi dëgjuar disa fjalë apo thashetheme se do të veprohet kështu ose ashtu’, personalisht si ministër e arsimit do të kujdesem që të ketë transparencë të plotë në vendimet e mija dhe përpos transparencës do të mundohem që në tërësi të respektoj legjislacionin në fuqi, ndërkaq aty ku ka nevojë të rishikohet legjislacioni do të punojmë në rishikim. Legjislacioni aktual e përcakton mënyrën si bëhet vlerësimi i perfomancës së mësimdhënësve, rol kyç këtu ka inspektorati, vlerësimi i perfomancës nga drejtorët e shkollave dhe vetëvlerësimi”, tha ajo.
Tutje, Nagaci ka thënë se është e nevojshme të ndryshohet ligji për tekstet mësimore, meqë sipas saj, shumë çështje të përcaktuara me udhëzimin administrativ dhe me legjislacionin në fuqi nuk lejojnë të ketë tekste më të mira shkollore. Ajo ka thënë se rishikimi i teksteve shkollore do të bëhet çdo vit.
“Rishikimi i teksteve duhet të ndodh patjetër, më lejoni të ju informoj që aktualisht, në momentin që e kam pranuar punën, detyrën, kam gjetur në proces konkursin për tekste të reja shkollore për tri klasa, mendoj që me urgjencë duhet të rishikohet ligji për tekste mësimore i cili ka qenë të disa qeveri tashmë në shqyrtim mirëpo nuk është finalizuar, ne e kemi paraparë në agjendën legjislative që brenda këtij viti do të përfundojmë ligjin për tekstet mësimore. Krahas kësaj, meqenëse konkursi është në proces ne besojmë që recidentët që do të caktohen kësaj radhe nga komisione që janë përcaktuar në ministri, do të kryejnë punën e tyre me përgjegjësi të madhe dhe do të kërkojmë që secili prej tyre t’i përmbahet jo vetëm deklaratës që bënë në betim por edhe të jap maksimumin në mënyrë që të kemi tekste të cilat jo vetëm nuk do të përmbajnë më pasaktësi shkencore e gabime drejtshkrimore por edhe që nuk do të nxisin paragjykimet dhe stereotipet”, tha ajo.
Ajo ka folur edhe për zgjedhjen e anëtarëve të Këshillit Shtetëror të Cilësisë, duke shtuar se të njëjtit do të jenë persona kredibil.
“Besoj që gjatë javës së ardhshme, më së largu deri ën javën e ardhshme do të dërgojmë propozimet për shtatë anëtarët e rinj dhe do të kalojnë pastaj për ratifikim në Kuvend. Përveç katër anëtarëve që do të emërohen nga ana ime me rekomandimin e komisioni janë edhe tre anëtarë ndërkombëtar për të cilët tashmë kemi pranuar nominimet apo propozimet që janë bërë nga Ambasada Amerikane, nga Ambasada Austriake dhe nga BE, për miratim në Kuvend do të shkojnë shtatë anëtarë të Këshillit Shtetëror të Cilësisë, katër nga ta janë vendor dhe tre janë ndërkombëtar dhe ne do të sigurohemi që anëtarët e rinj të zgjedhur në Këshillin Shtetëror të cilësisë të jenë persona që i plotësojnë kërkesat dhe kriteret. Do të bëjmë po ashtu ligjin për Agjencinë Kosovare të Akreditimit, edhe këtë ligj e kemi në agjendën legjislative dhe do të jetë deri në fund të vitit”, tha ajo.
Nagavci ka thënë se sfidat në arsim janë të shumta duke theksuar pandeminë si një prej sfidave kryesore.
Aktualitet
ShBA-ja i dhuron Kosovës 50 automjete të blinduara për forcimin e kapaciteteve mbrojtëse
Published
14 minutes agoon
August 16, 2025By
Driton Iseni
Ambasada e Shteteve të Bashkuara të Amerikës në Kosovë ka njoftuar se ShBA-ja ka transferuar 50 Automjete të Blinduar të Sigurisë (ASV) për Qeverinë e Kosovës, në kuadër të Programit të Artikujve të Tepërt të Mbrojtjes (Excess Defense Articles Program).
Këto automjete moderne do të përdoren nga Forca e Sigurisë së Kosovës (FSK), ndërsa, sipas njoftimit zyrtar, Kosova do të shfrytëzojë burimet e saj mbrojtëse për t’i sjellë ato në kapacitet të plotë operacional. Ky hap përbën një zhvillim të rëndësishëm në forcimin e aftësive mbrojtëse të FSK-së dhe në rritjen e gatishmërisë për përballjen me sfida të sigurisë.
Ky donacion i ShBA-së shihet si një tjetër dëshmi e partneritetit të ngushtë mes dy vendeve dhe e përkushtimit të përbashkët për të garantuar sigurinë kombëtare të Kosovës dhe forcimin e stabilitetit rajonal.
“Ky është një hap tjetër në përkushtimin tonë të përbashkët për forcimin e kapaciteteve mbrojtëse të FSK-së dhe për forcimin e sigurisë së të dy vendeve tona”, thuhet në njoftimin e Ambasadës Amerikane.
Aktualitet
UBT përgatit liderët e ardhshëm të fushës paramjekësore
Published
8 hours agoon
August 16, 2025By
Driton Iseni
UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.
Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.
Përgatitje gjithëpërfshirëse dhe praktike
Gjatë studimeve, studentët do të aftësohen në pesë kategori kyçe të fushës së paramedikëve:
- Parandalimi i vdekjes së njerëzve
- Rritja e cilësisë së jetës
- Ndihma në rikuperimin nga sëmundjet apo dëmtimet
- Menaxhimi i pranimeve dhe ri-pranimeve urgjente
- Kujdesi për rastet kronike të ndjeshme (astma, diabeti, epilepsia etj.)
Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.
Misioni dhe vizioni
Misioni i Masterit në Shkenca Paramjekësore është të kontribuojë në arsimin e lartë përmes:
- Kurrikulave bashkëkohore, të bazuara në praktikat më të mira ndërkombëtare
- Hulumtimit shkencor në bashkëpunim me partnerë vendas e ndërkombëtarë
Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.
Përfshirje aktive në kërkim dhe shërbim
Studentët dhe stafi i programit marrin pjesë në:
- Projekte kërkimore kombëtare dhe ndërkombëtare
- Simpoziume dhe forume shkencore
- Konsulencë dhe asistencë teknike për institucione shëndetësore publike e private
- Hartimin e politikave shëndetësore në bashkëpunim me Ministrinë e Shëndetësisë
Aftësitë e të diplomuarve
Pas përfundimit të programit, të diplomuarit do të jenë të aftë:
- Të ofrojnë kujdes shëndetësor holistik në komunitetet urbane, rurale dhe industriale
- Të marrin vendime komplekse në situata emergjente dhe të udhëheqin ekipe paramjekësore
- Të zbatojnë standarde të larta ligjore, etike dhe profesionale në praktikë
- Të përdorin metoda kërkimore për të përmirësuar rezultatet shëndetësore
- Të integrojnë njohuritë ndërdisiplinore në menaxhimin e shërbimeve shëndetësore
Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.
Aktualitet
A janë sëmundjet e zemrës trashëgimore dhe si ndikon diabeti? Flet kardiologu Edis Demiri
Published
9 hours agoon
August 16, 2025By
Driton Iseni
Historia familjare dhe diabeti janë faktorët më të fortë rreziku për sëmundjet kardiovaskulare. Kështu thekson kardiologu invaziv nga United Hospital, Edis Demiri në episodin e podcastit “Shëndeti në rend të parë” në Telegrafi, ku flet si për shkaqet kryesore ashtu edhe për një rast të pazakontë klinik që i shpëtoi jetën një pacienti.
“Faktori më i rëndësishëm është historia familjare për sëmundjet e zemrës”, thotë Demiri, duke shtuar se nëse prindërit ose vëllezërit/motrat kanë pësuar infarkt apo ndërhyrje kardiake në moshë të re, “edhe ai person është i rrezikuar”.
Sipas tij, “diabeti është pothuajse po aq i rëndësishëm sa historia familjare”, ndërsa më pas vijnë faktorë të tjerë si duhani, hipertensioni dhe yndyrnat e larta në gjak.
Mesazhi i mjekut është i qartë: kontrolloni rregullisht shëndetin e zemrës, veçanërisht nëse keni histori familjare apo diabet; ndaloni duhanin, mbani tensionin dhe lipidet nën kontroll dhe kërkoni ndihmë mjekësore urgjentisht në shenja si dhimbje gjoksi, djersitje të ftohta, marramendje ose vështirësi në frymëmarrje.
Për bisedën e plotë me këshilla praktike dhe sqarime të mëtejshme, ndiqni episodin e ri të podcastit “Shëndeti në rend të parë” në Telegrafi.
Bota
Zelensky dhe Macron bien dakord të takohen pas samitit Trump-Putin
Published
1 day agoon
August 15, 2025By
UBTnews
Presidenti ukrainas Volodymyr Zelensky dhe presidenti francez Emmanuel Macron folën sot, sipas Pallatit Élysée.
Të dy udhëheqësit ranë dakord të takohen “në momentin kur do të jetë më i dobishëm dhe efektiv” pas takimit të presidentit të SHBA-së Donald Trump dhe presidentit rus Vladimir Putin, thuhet në deklaratë.
Zelensky u takua këtë javë në Berlin me kancelarin gjerman Friedrich Merz dhe në Londër me kryeministrin britanik Keir Starmer.

ShBA-ja i dhuron Kosovës 50 automjete të blinduara për forcimin e kapaciteteve mbrojtëse

Studimi: Bakteret e zorrëve mund të lidhen me pagjumësi

Studim: Chip i trurit deshifron mendimet me saktësi deri në 74%

E dini kur është koha ideale për të pirë kafe?

Në konferencën e parë te Milani, Jashari: Rrënjët shqiptare më japin forcë, Xhaka mbetet shembull i madh për mua

Shëndeti mendor, praktikat që ndihmojnë në luftën kundër ankthit dhe stresit

Johnny Depp në bisedime për rikthim në filmin “Piratët e Karaibeve”

UBT përgatit liderët e ardhshëm të fushës paramjekësore

Këshilla si të kërkoni rritje page
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit