Sport
Muriqi të hënën e luan ndeshjen jubilare në La Liga
Sulmuesi Vedat Muriqi të hënën do ta luajë ndeshjen e 100-të në La Liga me fanellën e Mallorcas. Mallorca nga ora 21:00 luan në stadiumin “Ramon Sanchez Pizjuan” ndaj Sevillas, në kuadër të xhiros së 25-të të kampionatit spanjoll.
Muriqi në edicionin aktual ka pasur formë të luhatshme me skuadrën spanjolle, por së fundmi e ka gjetur ritmin e duhur. Ai ka realizuar tri gola në dy ndeshjet e fundit, ndërsa gjashtë i ka në total në 19 ndeshje të zhvilluara në elitën spanjolle. Lojtari kryesor i Kosovës ka kontribuuar edhe me dy asistime.
Sulmuesi shtatlartë është titullar i padiskutueshëm te Mallorca dhe shumë i dashur nga tifozët e skuadrës për përkushtimin dhe ndihmën e madhe që jep në fazën e mbrojtjes. “Pirati” ka prezencë të dukshme edhe në fazën sulmuese. 30-vjeçari iu bashkua Mallorcas në fillim të vitit 2022.
Që nga ajo kohë ai është bërë prej sulmuesve me më së shumti gola në elitën spanjolle për Mallorcan. Vetëm Samuel Eto’o, Juan Arango dhe Victor Casadesus kanë më shumë gola se Muriqi në elitë. Sulmuesi i Kosovës ka shënuar 33 gola në 99 paraqitje kampionale për Mallorcan. Është shumë afër që ta kalojë në renditje Casadesusin, i cili kishte realizuar 37 gola. Kamerunasi Eto’o i prin listës me 54 gola, ndërsa venezuelasi Arango i ka 46 gola.
Nëse merren për bazë statistikat e tjera, Muriqi është vetëm prapa Eto’os. Eto’o, 54 gola i realizoi në 133 ndeshje, Arango 46 gola i pati në 183 ndeshje, ndërsa 37 gola Casadesus i shënoi për 197 ballafaqime. Muriqi në gjysmën e dytë të edicionit 2021/22 i kishte pesë gola ndërsa e bëri diferencën falë lojës së fortë në ajër.
Ai kishte arritur në ishull nga skuadra e Lazios në formë huazimi, ndërsa transferimi ishte kompletuar në verën e vitit 2022. Mallorca i shpenzoi mbi 9 milionë euro për sulmuesin kosovar, duke e bërë blerjen më të shtrenjtë në histori të klubit. Edicionin 2022/23 e pati më të mirin kur i shënoi 15 gola.
Në edicionin e kaluar i pati shtatë gola. Muriqi me Mallorcan ishte afër që të fitonte trofe, por u mposht në finale në edicionin e kaluar të Kupës së Mbretit.
Synim i tij dhe skuadrës është që ta përfundojnë kampionatin në njërin prej vendeve që dërgojnë në kupat evropiane.
Mallorca pas 24 ndeshjeve të luajtura ka grumbulluar 34 pikë.
“Jam i vetëdijshëm se pesëshja e parë në tabelë është tregim tjetër. Por nga pozita e gjashtë deri në pozitën e 14-të, nuk ka diferencë të madhe të pikëve. Ajo që duhet të bëjmë ne është t’i përsërisim gjërat që i bëmë në dy ndeshjet e fundit. Për të qëndruar sipër në tabelë duhet të punojmë fort, për të qenë të gatshëm për ndeshjet si ajo e së hënës”, ka deklaruar të dielën në konferencën për shtyp trajneri Jagoba Arrasate.
Muriqi kishte oferta në verë, por vendosi të vazhdojë me Mallorcan.
Kanye West mbledh mbi 100 mijë fansa në koncert në Stamboll, mes polemikave globale
Këngëtari legjendar Peabo Bryson pëson goditje në tru në moshën 75-vjeçare
The Guardian: Mbi 1 miliard dollarë kontrata energjetike në Ballkan po i jepen një kompanie të lidhur me Trumpin
Profesori Alfred Marleku dhe studenti Valon Ismaili publikojnë studim shkencor mbi rivalitetin narrativ në raportet Kosovë–Serbi
Marina franceze bllokon anijen ruse të dyshuar për shmangie të sanksioneve
1 Qershori – Dita Ndërkombëtare e Fëmijëve, theksohen sfidat globale dhe organizohet aktivitet në Prishtinë
Sulm ndaj zyrtarit policor në Vushtrri, i dyshuari në kërkim
Arrestohet një person në Mitrovicën e Veriut për veshje të paautorizuar të uniformës së Policisë së Kosovës
Shtatë raste të dhunës në familje brenda një dite në Kosovë
-
Vendi3 months agoKoordinatorja e projektit AKIL-EU në UBT, prof. Manjola Zaçellari, referon në University of Oxford
-
Opinione3 months agoAvdimetaj: Ekonomia e Kosovës e rrezikuar nga luhatjet në tregut ndërkombëtar
-
Vendi3 months agoProf. Dr. Marigona Bekteshi Ferati, recensuese e 20 punimeve shkencore në revista ndërkombëtare të indeksuara në Web of Science dhe Scopus (Q1)
-
Live2 months agoUji dhe Gjinia” – Shtytës i Zhvillimit të Qëndrueshëm