Sport

Mposhtet nga Golden Eagle Ylli, mbyllet seria e Trepçës prej 20 fitoreve radhazi

Ndeshja e luajtur në kuadër të xhiros së 28-të përfundoi me rezultat 81:79 (19:18, 20:23, 20:15, 22:23) në favor të therandasve.

Published

on

Golden Eagle Ylli ndalon sërish Trepçën, kështu duke e mbyllur edicionin e rregullt të Prince Caffe Superligës me fitore.

Ndeshja e luajtur në kuadër të xhiros së 28-të përfundoi me rezultat 81:79 (19:18, 20:23, 20:15, 22:23) në favor të therandasve.

Kjo ishte humbja e parë për mitrovicasit pas 20 ndeshjeve të fituara, teksa edhe herën e fundit kur u mundën në kampionat u mposhtën pikërisht nga Golden Eagle Ylli, në javën e shtatë.

Ndeshja e djeshme ishte njëkohësisht edhe ndeshja e fundit për garat e rregullta, ndërsa “Play-off” nis të dielën. Trepça tanimë ka siguruar kualifikimin në gjysmëfinale nga vendi i parë me 25 fitore e tri humbje, derisa Peja zë vendin dytë me 19 fitore e nëntë humbje.

Golden Eagle Ylli me 19 fitore e nëntë humbje u rendit e treta dhe në çerekfinale do të ndeshet me Bashkimin, derisa çifti tjetër çerekfinal është Sigal Prishtina-Vëllaznimi.

Në çerekun e parë, vendasit kishin epërsinë, mirëpo mitrovicasit nuk lejuan të shkëputeshin, ku edhe përfundoi 19:18. Për më ndryshe nga çereku i parë, tani më ata që kishin marrë iniciativën ishin ‘xehetarët’ me një lojë të bukur ku edhe e mbyllen pjesën e pare me dy pike epërsi, 39:41.

Në periodën e tretë, ishtin therandasit ata që zotëronin përballjen teksa arritën të dilnin mbi mitrovicasit deri në shtatë pikë, 53:46, derisa edhe pas 30 minutash rezultati ishte 59:56. Mirëpo, asgjë nuk kishte përfunduar, me Trepçën që gjithnjë ishin këmbëngulës, por që megjithatë nuk arritën ta fitojnë ndeshjen. Kështu Golden Eagle Ylli nuk lëshoi lojën nga duart dhe triumfoi 81:79.

Te vendasit më i miri ishte Alonzo Verge Jr me 35 pikë të grumbulluara dhe shtatë kërcime, derisa te mysafirët, Darnell Edge numëronte 26 pikë./UBTNews/

Sport

​Yakin: Xhaka kërkon ta fitojë çdo ndeshje, kështu do të bëjë edhe ndaj Kosovës

Published

on

By

Përzgjedhësi i Kombëtares së Zvicrës, Murat Yakin, ka folur para ndeshjes kundër Kosovës, e vlefshme për kualifikimet e Kupës së Botës 2026.

Ai fillimisht u ndal te kapiteni Granit Xhaka, për të cilin tha se është lider i padiskutueshëm dhe një lojtar që kërkon fitoren në çdo moment.

Xhaka dëshiron ta fitojë çdo ndeshje, madje edhe ato në stërvitje. Ai është tepër i rëndësishëm për ne dhe kështu do të jetë edhe nesër, pasi po zhvillon paraqitje të jashtëzakonshme,” u shpreh Yakin.

Trajneri zviceran foli edhe për mundësinë e rikthimit të Xherdan Shaqirit në kombëtare. “Shaqiri është lojtar i jashtëzakonshëm, ndaj nuk mund të them se e ka derën e mbyllur. Por aktualisht kemi lojtarë shumë të fortë dhe po shohim drejt së ardhmes,” theksoi ai.

Yakin komentoi edhe ekipin e Kosovës, duke vlerësuar ndryshimet në stilin e lojës. “Kosova ka pasur ndryshime në sistem dhe me lojtarët e rinj ka bërë hapa përpara. E kanë siguruar ‘play-off’-in dhe këtë e kanë merituar plotësisht.”

Ai shtoi se Zvicra do të jetë e përqendruar maksimalisht në të dy fazat e lojës. “Nesër do të jemi të fokusuar në mbrojtje, por njëkohësisht do të kërkojmë të shënojmë gola kundër Kosovës,” përfundoi Yakin./KP

Continue Reading

Sport

Franco Foda: Për ne është shumë e rëndësishme që të paraqitemi mirë, këtë lojë do të shohim ta bëjmë për veti

Published

on

By

Kombëtarja e Kosovës ka mbajtur konferencën për media para ndeshjes së nesërme kundër Zvicrës, që do të zhvillohet në stadiumin “Fadil Vokrri” në Prishtinë.

Lojtarët dhe stafi teknik kanë theksuar rëndësinë e takimit, duke paralajmëruar se synimi kryesor janë tre pikët.

Lojtari Albian Hajdari dhe përzgjedhësi Franco Foda janë shprehur se ekipi do të hyjë në fushë me ambicie të qarta dhe me besim në performancën e tyre, ndërsa kanë vlerësuar se ndeshja me Zvicrën ka karakter të veçantë.

Hajdari tha se çdo ndeshje ka peshën e vet, ndërsa synimi kundër Zvicrës mbetet maksimal.

“Besoj se çdo lojë është e rëndësishme si çdo tjetër, përveç Zvicrës. Momentalisht në gjithë lojët ja kemi fitu ja kemi marrë një pikë. Në lojën e Zvicrës hymë për të fituar 3 pikë. Na e shohim për 3 pikë. Është një ndeshje speciale”, tha ai.

Ndërsa përzgjedhësi Franco Foda u shpreh se ekipi do të përpiqet të shfaqë performancën më të mirë.

Për ne është shumë e rëndësishme që të paraqitemi mirë, këtë lojë do të shohim ta bëjmë për veti. Do ta mbajmë sistemin tonë të lojës, i dimë pikat e forta të Zvicrës, do të bëjmë çmos që taktikat tona t’i zbatojmë në fushë. Do t’i bëjmë shumë presion ndaj kundërshtarit dhe do të bëjmë gjithçka që të fitojmë lojën”, tha ai./EO

Continue Reading

Sport

​Dardanët dalin me njoftim të ri për ndeshjen vendimtare ndaj Zvicrës

Published

on

By

Tifo-grupi “Dardanët” ka njoftuar se sot ka filluar shpërndarja e biletave për anëtarët e saj, për ndeshjen e nesërme kundër Zvicrës, e cila mbyll ciklin historik të këtij grupi kualifikues. Biletat do të ndahen në qendrën kryesore të fanclub-it në kryeqytet, si dhe në qytetet e tjera ku ndodhen përfaqësuesit e grupit.

Para pauzës katërmujore deri te ndeshjet e playoff-it në muajin mars, “Dardanët” u kanë bërë thirrje tifozëve që Kosova ta mbyllë këtë fazë ashtu siç i ka hije, me dinjitet, përkushtim dhe përfaqësim të denjë të popullit që e mbështet.

Armata dardane, që ka pushtuar stadiumet e Evropës gjatë gjithë këtij cikli, pritet edhe nesër të jetë në numër të madh dhe të japë mbështetjen e saj karakteristike për Kombëtaren e Kosovës./KP

Continue Reading

Sport

​Gattuso: Rënia e Italisë është shqetësuese

Published

on

By

Trajneri i Italisë, Gennaro Gattuso, e ka cilësuar “shqetësuese” disfatën 4-1 ndaj Norvegjisë në San Siro, humbjen e parë të tij në drejtimin e Azzurrëve. Italia pësoi një rënie drastike në pjesën e dytë, pas një paraqitjeje të mirë në pjesën e parë, ndërsa Gattuso pranoi se skuadra “u shkatërrua me shenjën e parë të vështirësisë”.

Duhet të marrim përgjegjësi. Nuk mund të humbasim një ndeshje të tillë në këtë mënyrë,” tha ai në konferencë për shtyp. Trajneri theksoi se problemi nuk ishte fizik, por mental, pasi ekipi humbi qartësinë dhe lëvizjet e duhura sapo Norvegjia mori kontrollin.

Gattuso tha se brishtësia psikologjike dhe mungesa e reagimit janë shqetësimi kryesor, sidomos duke pasur parasysh rrezikun që Italia të mungojë për herë të tretë radhazi në një Kupë Bote.

Ai pranoi se tifozët kishin të drejtë të fishkëllenin ekipin pas një performance të tillë: “Njerëzit e duan këtë skuadër, por fjalët nuk mjaftojnë më.”

Sa i përket të ardhmes, Gattuso kërkoi më shumë besim dhe më pak frikë nga gabimet. Për rikthimin e Federico Chiesas në mars, ai tha se do të flasin sërish dhe se gjithçka varet nga gjendja e lojtarit.

Italia duhet të përmirësojë reagimin dhe mentalitetin. Na dhanë një mësim të rëndë sot,” përfundoi trajneri./KP

Continue Reading

Të kërkuara