Lajmet

Ministrat e jashtëm të BE-së takohen mes tensioneve për paketën e gjashtë të sanksioneve

Komisioni Evropian paraqiti dy javë më parë propozimin e tij për paketën e gjashtë.

Published

4 years ago

on

Takimi i ministrave të punëve të jashtme të BE-së filloi të hënën mes tensioneve rreth propozimit për një embargo të naftës si pjesë e paketës së gjashtë të sanksioneve të bllokut kundër Rusisë.

“Fatkeqësisht, i gjithë Bashkimi (Europian) mbahet peng nga një vend i cili nuk mund të na ndihmojë të gjejmë konsensus”, u tha gazetarëve kryediplomati i Lituanisë Gabrelius Landsbergis në rrugën e tij drejt takimit.

Ai iu referua Hungarisë, e cila ka kundërshtuar miratimin e paketës së re të sanksioneve.

“Vendimet, që Evropa ka marrë gjatë dy muajve e gjysmë të fundit dhe ato që do të marrim sot dhe në të ardhmen e afërt, do ta përcaktojnë Evropën për dekadat në vijim”, tha Landsbergis.

Shefi i politikës së jashtme të BE-së, Josep Borrell theksoi rëndësinë e diskutimeve dhe të kuptuarit e arsyeve të secilës palë, por shprehu dyshimin nëse situata do të zhvillohet sepse pozicionet janë mjaft të forta.

“Është një situatë objektive që disa shtete anëtare të përballen me më shumë vështirësi sepse janë më të varura, pa dalje në det ose nuk kanë mundësi të marrin cisternat”, shpjegoi ai.

Në të njëjtën kohë, ai premtoi se do të bënte përpjekje për të paraqitur një front të bashkuar kundër Rusisë.

Ministri i Jashtëm hungarez, Peter Szijjarto nuk foli me gazetarët përpara takimit, por ai kishte shpjeguar më herët se qeveria e tij nuk mund të lejojë rritjen e madhe të çmimeve të naftës dhe të përballojë koston e ndërtimit të infrastrukturës së re për të zëvendësuar naftën ruse pa mbështetjen financiare të BE-së.

BE-ja deri më tani ka miratuar pesë grupe sanksionesh për luftën e Rusisë kundër Ukrainës, e cila filloi në shkurt. Dënimet synojnë individë, duke përfshirë presidentin rus Vladimir Putin, ministrin e Jashtëm Sergej Lavrov, si dhe ndalojnë eksportin e mallrave luksoze dhe importet e qymyrit dhe përjashtojnë bankat ruse dhe bjelloruse nga përdorimi i sistemit të pagesave ndërkombëtare SWIFT.

Komisioni Evropian paraqiti dy javë më parë propozimin e tij për paketën e gjashtë. Përveç ndalimit të importeve të naftës ruse, ajo ka sugjeruar përjashtimin e Sberbank nga SWIFT, si dhe vendosjen e ngrirjes së aseteve dhe ndalimin e udhëtimit për më shumë individë, duke përfshirë Patriarkun e Kishës Ortodokse Ruse, Kirill.

Në mars, organi ekzekutiv i BE-së zbuloi gjithashtu planet për të ulur importet e gazit me dy të tretat deri në fund të këtij viti, duke përshpejtuar tranzicionin e gjelbër në burimet e rinovueshme dhe duke siguruar furnizimin me karburant fosile nga partnerë të rinj, duke përfshirë SHBA-në dhe Lindjen e Mesme./UBTNews/

Related Topics:
Continue Reading

Vendi

Tensione te Kuvendi për ndryshimet në ligjin për Specialen

Published

11 hours ago

on

October 5, 2026

By

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Continue Reading

Aktualitet

Përfundon takimi mes Kurtit dhe Hamzës

Published

12 hours ago

on

October 5, 2026

By

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Continue Reading

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

12 hours ago

on

October 5, 2026

By

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/

Continue Reading

Lajmet

Kurti dhe Hamza takohen në Kuvend

Published

13 hours ago

on

October 5, 2026

By

Ka filluar takimi mes kryetarit të Lëvizjes Vetëvendosje, Albin Kurti, dhe kryetarit të PDK-së, Bedri Hamza, raporton Ekonomia Online.

Takimi mes dy liderëve politikë po zhvillohet në objektin e Kuvendit të Kosovës.

Takimi vjen në një kohë kur në Kuvend po zhvillohen diskutime për çështje të rëndësishme politike dhe institucionale./EO/A.K/

 

Continue Reading

Të kërkuara