Kulturë

Mike Tyson kundër serialit të ardhshëm që është bazuar në jetën e tij

Sipas tij, Hulu nuk e ka paguar dhe i ka vjedhur historinë.

Published

on

Mike Tyson është një emër i njohur në komunitetin e boksit në mbarë botën dhe ndonëse disa do ta konsideronin nder prodhimin e një seriali për të arriturat e tyre, Tyson u trondit kur pa “Mike” të prodhuar nga Hulu, një serial i bazuar në karrierën e tij.

56-vjeçari gjithashtu pretendoi se shërbimi i transmetimit u përpoq që të bind presidentin e UFC, Dana White, i cili është një mik i ngushtë i Tyson, për të promovuar serialin.

Tyson ka qenë gjithmonë një personazh i zëshëm në rrjetet sociale, megjithatë, shpërthimi i tij kundër serialit të ri i bëri fansat mjaft kurioz për të zbuluar se çfarë ndodhi saktësisht. Sipas ish-boksierit, Hulu nuk e pagoi atë dhe i akuzoi ata se i kishin vjedhur ‘historinë’.

Seriali do të shfaqet premierë më 25 gusht të këtij viti, ndërsa Tyson do të portretizohet nga aktori Trevante Rhodes.

“Hulu u përpoq të paguante vëllain tim @danawhite miliona pa më ofruar mua një dollar për të promovuar [filmin] që zotëria e tyre skllav (Trevante Rhodes) mori përsipër historinë për jetën time. Ai e hodhi poshtë sepse nderon miqësinë dhe trajtimin e njerëzve me dinjitet. Nuk do ta harroj kurrë atë që bëri për mua, ashtu si nuk do ta harroj kurrë atë që më vodhi Hulu”, shkroi Tyson llogarinë e tij në Instagram.

Ai gjithashtu u bëri thirrje fansave të tij të mos mashtrohen nga Hulu ndërsa tha se ai nuk e mbështet historinë e karrierës së tij të cilën ata kanë portretizuar në serial.

Dana White zbuloi poashtu se kreu i tij i prodhimit Craig Borsari i tha atij se Mike Tyson nuk është i kënaqur me serialin. Kjo e shtyu atë të telefononte boksierin për ta njoftuar për marrëveshjen. Megjithatë, pasi dëgjoi versionin e ngjarjeve të Tyson, ai u tërhoq nga marrëveshja./UBTNews/

Lajmet

54 vjet nga Kongresi i Drejtshkrimit të Gjuhës Shqipe

Published

on

Sot shënohen 54 vjet nga hapja e punimeve të Kongresit të Drejtshkrimit të Gjuhës Shqipe, i cili nisi më 20 nëntor 1972 në Tiranë, me pjesëmarrjen e albanologëve nga të gjitha trevat shqiptare.

Në Kongres morën pjesë 87 delegatë nga Shqipëria, Kosova, Maqedonia e Veriut, Mali i Zi dhe arbëreshët e Italisë.

Qëllimi i këtij tubimi ishte përcaktimi i parimeve dhe drejtimeve kryesore për hartimin e një sistemi të njësuar të drejtshkrimit, me synimin e krijimit të një standardi të përbashkët të gjuhës shqipe.

Në këtë proces, rol të rëndësishëm luajti edhe delegacioni nga Prishtina. Kongresi u parapri nga një takim me rëndësi i mbajtur në Prishtinë, ku ishin diskutuar dhe përcaktuar disa nga standardet gjuhësore.

Kongresi i vitit 1972 shënoi një moment të rëndësishëm në historinë e gjuhës shqipe dhe në përpjekjet për njësimin e saj në të gjitha trevat shqiptare./A.K/

Continue Reading

Lajmet

Reka dhe Çitaku diskutojnë promovimin e filmave kosovarë në garën për Oscar

Published

on

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/

Continue Reading

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Të kërkuara