Lajmet

Mijëra punëtorë në grevë në Norvegji, kërkojnë paga më të larta

Sektorët e transportit, hoteleve dhe ndërtimit në vendin nordik janë të gjithë të ndikuar nga grevat.

Published

on

Dhjetëra mijëra punëtorë në Norvegji kanë nisur grevën pas ndërprerjes së negociatave mes dy sindikatave kryesore të vendit dhe përfaqësuesve të punëdhënësve mbrëmjen e djeshme.

Sektorët e transportit, hoteleve dhe ndërtimit në vendin nordik janë të gjithë të ndikuar nga grevat, me më shumë se 22 mijë punëtorë nga konfederata kryesore e sindikatave LO që marrin pjesë, së bashku me rreth 1 mijë e 500 nga një sindikatë më e vogël.

“Është për të ardhur keq që ne duhet të hyjmë në grevë”, tha kryetarja e LO, Peggy Hessen, pas ndërmjetësimit të pasuksesshëm të fundjavës.

“LO kërkoi rritje të fuqisë blerëse për të gjithë anëtarët e saj dhe një nxitje për ata me pagë të ulët”, tha ajo në një deklaratë. “Përfaqësuesi i punëdhënësve ka zgjedhur të refuzojë kërkesat tona dhe kështu e dërgon vendin në grevë”.

Sindikatat thonë se në dy vitet e fundit punëtorëve u është dashur të përballen me rritjen e kostove të jetesës, të cilat kanë tejkaluar rritjen e pagave.

Nëse nuk gjendet zgjidhje gjatë kësaj jave, atëherë 16 mijë anëtarë të tjerë të LO do t’i bashkohen grevës të premten e ardhshme. Sindikatat kërkojnë rritje 5% të fuqisë blerëse.

Një valë veprimesh industriale ka përfshirë Evropën muajt e fundit. Mësuesit, hekurudhat dhe punonjësit e shëndetësisë janë goditur për shkak të pagave dhe kushteve në Mbretërinë e Bashkuar, ndërsa Franca është përfshirë nga një grevë e përgjithshme për reformat e diskutueshme të pensioneve.

Lajmet

Del nga shtypi libri “Rezistenca e Materialeve – 2” nga profesori i UBT-së, Naser Morina

Published

on

By

Profesori i Fakultetit të Inxhinierisë së Ndërtimit dhe Infrastrukturës në UBT, Naser Morina, ka botuar librin e ri “Rezistenca e Materialeve – 2”, i cili u dedikohet studentëve dhe profesionistëve të fushës së inxhinierisë së ndërtimit.

Ky botim paraqet një vazhdim të thelluar të koncepteve të rezistencës së materialeve, duke trajtuar në mënyrë të detajuar sjelljen e materialeve dhe elementeve strukturore nën veprimin e ngarkesave të ndryshme. Libri përfshin analizën e avancuar të sforcimeve, deformimeve dhe stabilitetit të strukturave, duke ndërlidhur teorinë me aplikimet praktike në inxhinieri.

Përmes shpjegimeve të qarta dhe shembujve ilustrues, “Rezistenca e Materialeve – 2” synon të ndihmojë studentët në përvetësimin më të lehtë të koncepteve komplekse, si dhe të shërbejë si një udhëzues i vlefshëm për zgjidhjen e problemeve inxhinierike në praktikë.

Ky libër përfaqëson një kontribut të rëndësishëm në pasurimin e literaturës akademike në gjuhën shqipe dhe mbështet zhvillimin profesional të gjeneratave të reja në fushën e inxhinierisë.

Continue Reading

Lajmet

Kthehet në Kosovë ish-ushtari i UÇK-së që po mbahej në Serbi

Published

on

By

Pas disa muajsh qëndrimi në burgjet e Serbisë, sot është liruar dhe është kthyer në Kosovë ish-ushtari i Ushtrisë Çlirimtare të Kosovës, Mit’hat Llozhani. Lajmin e ka bërë të ditur avokati i tij, Arianit Koci, i cili e ka shoqëruar Llozhanin sapo ai ka kaluar kufirin.

Avokati Koci e ka cilësuar këtë si një mision të vështirë dhe të rëndë, duke treguar se i është dashur të udhëtojë disa herë drejt Beogradit për të ndjekur rastin. “A kam pasë probleme dhe rrezik? Nuk është me rëndësi. Me rëndësi është që një qytetar i Kosovës u kthye në shtëpi,” ka deklaruar Koci, duke shtuar se këtë shërbim e ka kryer pa pagesë dhe për ideale kombëtare.

Sipas Kocit, Llozhani ka kaluar nëpër një periudhë jo të lehtë gjatë kohës së burgosjes.

Ai ka paralajmëruar se informata më të detajuara rreth rrethanave të arrestimit dhe mbajtjes në Serbi do të jepen në ditët në vijim, së bashku me vetë Mit’hat Llozhanit.

Continue Reading

Lajmet

Raportohet i zhdukur një person në Leposaviq

Published

on

By

Një grua, shtetase e Serbisë, ka raportuar në polici se ka humbur kontaktet me djalin e saj në komunën e Leposaviqit. Sipas njoftimit, personi i zhdukur është po ashtu shtetas i Serbisë.

Lidhur me këtë rast është njoftuar menjëherë prokurori kompetent, i cili ka lëshuar urdhër për fillimin e hetimeve.

Njësitet policore janë duke punuar për zbardhjen e rrethanave dhe gjetjen e personit të raportuar si i zhdukur.

Continue Reading

Lajmet

Gjashtë raste të dhunës në familje brenda 24 orëve në Kosovë

Published

on

By

Në raportin 24-orësh të Policisë së Kosovës, brenda një dite janë regjistruar gjashtë raste të dhunës në familje në qytete të ndryshme.

Në rastin e parë në Lipjan, një burrë është denoncuar për dhunë ndaj një gruaje, ku pas intervistimit rasti ka vazhduar në procedurë të rregullt.

Në Prishtinë janë shënuar dy incidente; në njërin prej tyre një burrë është arrestuar dhe liruar pas marrjes në pyetje për dhunë ndaj një gruaje, ndërsa në tjetrin, i dyshuari është dërguar në mbajtje për shkak të dhunës së ushtruar.

Edhe në Pejë është raportuar një përleshje mes tri grave, të cilat janë sulmuar mes vete dhe njëra prej tyre ka marrë tretman mjekësor, por të gjitha janë liruar pas procedurave policore.

Ndërkaq, në Gjakovë një burrë është arrestuar dhe dërguar në mbajtje për 48 orë nën dyshimin se ka ushtruar dhunë ndaj një gruaje.

Së fundi, në Mitrovicën e Veriut, dy burra janë shoqëruar në stacion pas një zënke familjare, por me vendim të prokurorit janë liruar në procedurë të rregullt.

Continue Reading

Të kërkuara