Sport

Messi flet për Ronaldon

Messi ka dhënë mendimin e tij për rikthimin e Cristiano Ronaldos në Manchester United.

Published

4 years ago

on

Lionel Messi, lojtari i cili gjatë verës e braktisi Barcelonën për të kaluar në PSG ka folur për shumë gjëra në intervistën e tij ku gjithashtu ka diskutuar fillimin e jo të mirë të “Djajve të Kuq” në sezonin 2021-2022.

Superylli i Paris Saint-Germain, ka dhënë mendimin e tij për rikthimin e Cristiano Ronaldos në Manchester United, ndërsa ka reflektuar për rivalitetin e tij me portugezin.

Ronaldo u rikthye në United pas 11 vitesh në ditën e fundit të afatit kalimtar veror, me Juventusin që e la atë të largohet për 20 milionë funte.

36-vjeçari ka qenë i efektshëm si kurrë më parë para portës për “Djajtë e Kuq” në gjysmën e parë të sezonit 2021-21, dhe Messi, i cili gjithashtu bëri një lëvizje të madhe në verë, është i impresionuar nga performancat portugezit.

“Që nga fillimi, ai ka shënuar gola si gjithmonë dhe nuk ka pasur probleme me përshtatjen nëpër klube”, tha ylli argjentinas.

Sulmuesi i PSG-së është i bindur se performanca e “Djajve të Kuq” do të përmirësohet me zhvillimin e sezonit duke pasur parasysh cilësinë individuale në radhët e tyre, teksa shtoi: “United është një ekip shumë i fortë me lojtarë të mëdhenj. Premier Liga është një kompeticion shumë i vështirë dhe i barabartë, dhe gjërat mund të ndryshojnë shumë herë. Pas dhjetorit, shumë gjëra ndryshojnë dhe gjithçka mund të ndodhë”, tha Messi.

I pyetur nëse i mungon përballja me portugezin në skenën vendase, Messi u përgjigj: “Ka kaluar kohë që kur kemi konkurruar në të njëjtën ligë. Ne jo vetëm që konkurruam në nivel individual, por edhe në nivel ekipor për të njëjtat qëllime. Ishte një skenë shumë e bukur për ne dhe për njerëzit sepse ata e shijuan shumë. Është një kujtim i bukur që do të mbetet në historinë e futbollit”, tha në fund sulmuesi i PSG-së.

Related Topics:
Continue Reading

Sport

Sportet dhe origjina e tyre

Published

8 hours ago

on

January 14, 2026

By

Sporti mbetet gjithnjë një fushë me shumë interes. Historikisht, e deri në ditët e sotme. Një formë e pazëvendësueshme e garës, luftës dhe argëtimit.

Në përcjellim shumë gara sportive, por a jemi ndalur ndonjëherë të mendojmë ku e kanë origjinën këto sporte:

Lojërat olimpike: Greqia

Kriketi: Anglia

Futbolli: Anglia

Tekvondo: Koreja e Jugut

Xhudo: Japonia

Shahu: Indi

Atletika: Greqia

Volejbolli: SHBA

Basketbolli: SHBA

Kabadi: Indi

Bilardo: Indi

Softball: SHBA

Ragbi: SHBA

Continue Reading

Sport

Rivaliteti më i madh në sport

Published

8 hours ago

on

January 14, 2026

By

Bota e sportit njeh rivalitete të mëdha. Kundërshtarë me cilësi të përafërta, që një kohë të gjatë maten mes vete kush është më i mirë se tjetri.

Le të shohim cilat janë rivalitetet më të mëdha:

1. Joe Frazier & Muhammad Ali (boks)

2. Ohio State Buckeyes & Michigan Wolverines (futboll i kolegjeve universitare)

3. Montreal Canadiens & Toronto Maple Leafs (hokej mbi akull)

4. Finlanda & Suedia (hokej mbi akull)

5. Real Madrid & Barcelona (futboll)

6. Seltik & Reinxhers (futboll, Skoci)

7. India & Pakistani (krikët)

8. Boston & New York Jankes (ragbi)

9. Detroid Red Wings & Chicago Blackhawks (hokej mbi akull)

10. Duke Blue Devils & North Carolina (futboll i kolegjeve universitare)

11. Los Angales Dodgers & San Francisko Giants (ragbi)

12. Edmonton Oliers & Calgari Flames (hokej mbi akull)

13. River Plate & Boca Juniors (futboll)

14. Alabama Crimson & Auburn Tigers (futboll i kolegjeve universitare)

15. Joe Luis & Max Schmeling (boks)

16. Neë York Knicks & Miami Heat (NBA basketboll)

17. Green Bay Backers & Chicago Bears (hokej mbi akull)

18. Jack Johnson & Society (boks, historikisht)

19. Los Angeles Lakers & Boston Celstics (NBA basketboll)

20. Cris Evert & Martina Navratillova (tenis)

Continue Reading

Sport

Ronaldo i frustruar, akuzon Al-Hilalin pas humbjes në derbi

Published

9 hours ago

on

January 14, 2026

By

Cristiano Ronaldo u bë protagonist i një momenti të diskutueshëm pas humbjes 3-1 të Al Nassr, të vulosur nga penalltia e shënuar nga Ruben Neves në minutën e 92-të.

Menjëherë pas golit, ylli portugez u kthye nga kamera që po e filmonte dhe bëri një gjest me dorën e djathtë, i cili u interpretua gjerësisht si shenjë që nënkupton “vjedhje”, i shoqëruar edhe me një buzëqeshje ironike.

Ky veprim shkaktoi reagime të shumta në rrjetet sociale, ndërsa disa e interpretuan ndryshe, duke pretenduar se Ronaldo kishte treguar pesë gishta për të kujtuar pesë titujt e Champions League të fituar gjatë karrierës së tij.

Në fushë, Al Hilal i drejtuar nga Simone Inzaghi triumfoi 3-1 ndaj rivalëve, duke u shkëputur në +7 pikë në krye të renditjes, pas një serie rezultatesh pozitive edhe në javët e fundit.

Cristiano Ronaldo kishte kaluar Al Nassr në avantazh të përkohshëm 1-0 në minutën e 42-të, duke realizuar golin e tij të 959-të në karrierë dhe duke iu afruar edhe më shumë shifrës simbolike prej 1000 golash. Megjithatë, ky gol nuk mjaftoi për të shmangur humbjen. Penalltia e akorduar në minutat shtesë largoi edhe më shumë Al Nassr nga objektivi i titullit kampion, duke lënë hije polemikash mbi ndeshjen.

Continue Reading

Lajmet

Stadiumi Nacional përfshihet në buxhetin 2026, ndahen 4 milionë euro

Published

1 day ago

on

January 13, 2026

By

Sekretari i Përgjithshëm i Ministrisë së Sportit, Bislim Bislimi, ka bërë të ditur se ndërtimi i Stadiumit Nacional të Kosovës është përfshirë në projektbuxhetin e vitit 2026, me një fond fillestar prej 4 milionë eurosh.

Sipas Bislimit, ky projekt do të vazhdojë edhe në vitet pasuese dhe vlera totale e investimit pritet të tejkalojë 20 milionë euro.

Ai theksoi se ndërtimi i Stadiumit Nacional konsiderohet një domosdoshmëri për zhvillimin e infrastrukturës sportive dhe për përmbushjen e standardeve ndërkombëtare.

Megjithatë, ende nuk është përcaktuar lokacioni ku do të ndërtohet stadiumi, ndërsa autoritetet kompetente pritet të dalin me vendim në fazat e ardhshme të projektit.

Continue Reading

Të kërkuara