Sport

Superliga e Kosovës, Prishtina regjistron fitoren e parë nën urdhrat e Ibrakoviq

Trajneri i ri i Prishtinës, Abdulah Ibrakoviq ka regjistruar sot fitoren e parë në krye të kampionit aktual të Superligës.

Published

5 years ago

on

Kanë përfunduar dy ndeshjet e programit të sotëm në Superligën e Kosovës, ku kemi disa rezultate interesante.

Trajneri i ri i Prishtinës, Abdulah Ibrakoviq ka regjistruar sot fitoren e parë në krye të kampionit aktual të Superligës, ku e mposhtën skuadrën e Feronikelit me rezultat solid 2:0.

Fillimisht, ishte Leonit Abazi ai i cili e kaloi Prishtinën në epërsi kundër Feronikelit, ku shënoi për 1:0 në minutën e 60’ të ndeshjes, kurse golin e dytë dhe të vulosjes së fitores për prishtinasit e shënoi Bleart Tolaj në minutën e 88’ të ndeshjes.

Krahas ndeshjes mes Prishtinës dhe Feronikelit, u zhvillua edhe takimi mes skuadrës së Dukagjinit dhe asaj të Ulpianës, ku pas 90’ minutave lojë të zhvilluar nuk ka fitues, pasi që rezultati është i barabartë 1:1.

Me pikët e reja, Prishtina tani ngjitet në pozitën e pestë në tabelë me gjithsej 21 pikë, kurse kundërshtari i sotëm Feronikeli zë vendin e fundit në tabelë me vetëm 10 pikë të arkëtuara.

Në anën tjetër, pas barazimit të sotëm, Ulpiana renditet në vendin e shtatë me 17 pikë, një më shumë se skuadra e Dukagjinit që zë vendin e tetë.

Rezultatet e ndeshjeve të sotme në Superligën e Kosovës i gjeni më poshtë.

Dukagjini 1 – 1 Ulpiana

Prishtina 2 – 0 Feronikeli

Related Topics:
Continue Reading

Sport

Briken Calja shkëlqen në Taranto, shpallet kampion dhe thyen rekorde

Published

12 hours ago

on

September 1, 2026

By

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Continue Reading

Lajmet

Islam Selmani i artë, medalja e 7-të për Kosovën

Published

13 hours ago

on

September 1, 2026

By

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Continue Reading

Sport

Briken Calja i artë në “Taranto 2026”, Shqipëria fiton medaljen e dytë të artë

Published

14 hours ago

on

September 1, 2026

By

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Continue Reading

Sport

Sigurohet medalja e shtatë për Kosovën, Islam Selmani në finale

Published

15 hours ago

on

September 1, 2026

By

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L

Continue Reading

Të kërkuara