Mësohen kundërshtarët e mundshëm të Kosovës në Eurobasket 2025

Shorti do të mbahet më 25 prill në Munih të Gjermanisë nga ora 14:00.

Published

4 years ago

April 20, 2023

UBT news

Janë ndarë vazot për Rrethin e Tretë parakualifikues për FIBA EuroBasket 2025. Shorti do të mbahet më 25 prill në Munih të Gjermanisë nga ora 14:00.

Kosova është në vazon e tretë së bashku me Norvegjinë, Irlandën, Norvegjinë dhe Shqipërinë.

Vazo 1: Kroacia; Bullgaria; Rumania; Zvicra

Vazo 2: Danimarka; Sllovakia; Austri; Luksemburgu

Vazo 3: Kosova; Norvegjia; Irlanda; Shqipëria

12 kombëtaret do të ndahen në katër grupe me nga tri shtete dhe secila do të luajë në shtëpi dhe jashtë me kundërshtarët.

Raundi i Tretë i Parakualifikuesve do të zhvillohet në gjashtë ditë lojërash nga 19 korriku deri më 5 gusht.

Pra, Kosova do të jetë në grup me njërën shtet nga vazo 1 dhe një nga vazo 2.

Fituesi i secilit grup, gjithsej katër, do të kualifikohen në fazën e dytë të rrethit parakualifikues.

Akil Gjakova mbyll garën pa medalje në Abu Dhabi

Published

4 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

4 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/