Sport

Dalin në shitje biletat për përballjen mes Zvicrës dhe Kosovës

Me fillim nga ora 18:00, “Dardanët” do të zhvillojnë ndeshjen si mysafir ndaj Zvicrës në Fribourg.

Published

3 years ago

July 28, 2023

Betim Gashi

Kombëtarja e Kosovës në basketboll do ta vazhdojë nesër ëndrrën për të siguruar kualifikimin në Eurobasket 2025.

Me fillim nga ora 18:00, “Dardanët” do të zhvillojnë ndeshjen si mysafir ndaj Zvicrës në Fribourg.

Basketbollistët tanë kërkojnë përkrahje në Zvicër, duke ditur se në shtetin helvetik jetojnë një numër i madh i shqiptarëve. Po ashtu, kjo është hera e parë që Kosova luan në Zvicër.

Federata e Basketbollit të Kosovës (FBK) ka bërë të ditur se biletat e ndeshjes kanë dalë në shitje dhe mund të blihen në faqen zyrtare të Federatës së Basketbollit të Zvicrës.

“Biletat kanë dalur në shitje dhe mund të blihen në uebfaqen zyrtare të Federatës zvicerane të basketbollit, ndërsa FBK fton shqiptarët të vijnë në numër sa më të madh për të përkrahur basketbollistët e Kosovës”, shkroi FBK në Facebook.

Në përballjen e parë që u zhvillua mes këtyre dy kombëtareve në Prizren, Kosova e mposhti Zvicrën me rezultat bindës 76:49.

Related Topics:KOSOVA zvicra Dardanet Eurobasket 2025

Up Next

Zyrtare: Mahrez i bashkohet Al Ahlyt

Don't Miss

Kuka lufton për të bronztën në EYOF Maribor 2023

Vendi

Akil Gjakova mbyll garën pa medalje në Abu Dhabi

Published

1 day ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

1 day ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

1 day ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/