Magazinë

Mesazhet e Blake Lively-t me Taylor Swift mund të dorëzohen si prova në çështjen ligjore me Baldoni

Published

4 months ago

on

Mesazhet mes Blake Lively dhe Taylor Swift mund t’i dorëzohen Justin Baldoni-t si pjesë e betejës së tij ligjore në vazhdim me aktoren, ka vendosur një gjyqtar.

Sipas Variety, gjyqtari i Gjykatës Federale të SHBA, Lewis Liman, vendosi të mërkurën se komunikimet mes Lively dhe mikes së saj, Taylor Swift, lidhur me atmosferën në setin e filmit It Ends With Us janë të rëndësishme për rastin në fjalë, shkruan BBC.

Ekipi ligjor i Lively kishte kërkuar që Baldoni të mos lejohej t’i merrte këto mesazhe, duke argumentuar se ato nuk kishin lidhje me çështjen.

Lively e paditi Baldoni-n dhe studion e tij në dhjetor, duke e akuzuar për ngacmim seksual në set dhe për udhëheqjen e një fushate për të “shkatërruar” reputacionin e saj. Baldoni ngriti një padi kundër saj për shpifje, por kjo padi u rrëzua nga një gjyqtar javën e kaluar.

Në maj, avokatët e Baldoni-t tentuan të siguronin mesazhet nga Taylor Swift, duke i dërguar asaj dhe ekipit ligjor thirrje zyrtare. Ato u tërhoqën pasi avokatët e Swift kundërshtuan duke i cilësuar si një “gjueti e pajustifikuar për prova”.

Pas kësaj, Lively tentoi të ndalonte marrjen e mesazheve edhe nëpërmjet rrugës normale të procesit të zbulimit në gjyq.

Por gjyqtari Liman vendosi të mërkurën:

“Duke qenë se Lively ka pohuar që Swift kishte dijeni për ankesa apo diskutime në lidhje me ambientin e punës në set, ndër të tjera, kërkesa për komunikime me Swift lidhur me filmin dhe këtë çështje është e arsyeshme dhe e përshtatur për të zbuluar informacione që mund të provojnë ose hedhin poshtë pretendimet e Lively për ngacmim dhe hakmarrje”.

Në një deklaratë për Billboard, një zëdhënës i Lively u shpreh se aktorja ka “dorëzuar shumë dokumente në këtë rast” se sa Baldoni.

Ata shtuan se Baldoni dhe ekipi i marrëdhënieve me publikun kanë tentuar që “të përfshijnë Taylor Swift në këtë histori që nga vera e kaluar”.

“Do vazhdojmë të denoncojmë përpjekjet e pandalshme të Baldoni-t për të shfrytëzuar famën e zonjës Swift, që nga dita e parë ka qenë vetëm mënyrë për të devijuar vëmendjen nga akuzat serioze për ngacmim seksual e hakmarrje, për të cilat kompania Wayfarer Studios po përballen,” – thuhet në deklaratë.

Gjyqtari Liman theksoi se pretendimi i Lively se Baldoni po përfshin Swift-in për qëllime publiciteti “nuk është arsye e mjaftueshme për të mohuar palës tjetër të drejtën për të kërkuar prova të rëndësishme për çështjen”.

Një përfaqësues i Baldoni-t nuk pranoi të komentojë vendimin, ndërsa përfaqësuesit e Taylor Swift nuk janë përgjigjur ende ndaj kërkesave për koment.

Related Topics:
Continue Reading

Magazinë

McConaughey zbulon arsyen e vërtetë pse humbi rolin e Jack në “Titanic”

Published

16 minutes ago

on

October 21, 2025

By

Matthew McConaughey ka sqaruar së fundmi arsyen pse nuk mori rolin e Jack Dawson në filmin legjendar “Titanic” — dhe, sipas tij, kjo nuk kishte të bënte fare me aksentin e tij.

“Ai është thjesht një thashethem,” tha aktori gjatë një interviste në The Bright Side nga Hello Sunshine.  “Nuk ka pasur asnjëherë diskutim për aksentin apo ndonjë gjë të tillë.”

McConaughey, i cili në atë kohë ishte në ngritje të karrierës, ishte në garë për rolin që përfundimisht shkoi tek Leonardo DiCaprio, në krah të Kate Winslet, nën regjinë e James Cameron. “Arsyeja ishte e thjeshtë — thjesht nuk e mora rolin,” tha ai me humor.

Megjithatë, një version tjetër i ngjarjes vjen nga libri i ardhshëm i kujtimeve të ndjerit Jon Landau, bashkëprodhues i filmit. Sipas tij, McConaughey e humbi rolin pikërisht për shkak të aksentit të tij jugor.

Landau kujton se gjatë provave, Cameron i kishte kërkuar aktorit nga Teksasi të provonte linjat me një theks më neutral. Por McConaughey kishte refuzuar me fjalët: “Jo, kjo ishte mirë. Faleminderit.”

Sipas producentit, pas këtij momenti, mundësitë e McConaughey-t për të luajtur në Titanic morën fund.

Rolin legjendar e fitoi më pas Leonardo DiCaprio, ndërsa filmi i vitit 1997 u bë një nga më të suksesshmit në historinë e kinemasë, duke fituar 11 çmime Oscar dhe duke e katapultuar DiCaprion në famë botërore. /A.Z/UBT News/

Continue Reading

Magazinë

Jesse Eisenberg tregon cili është roli që e ka pëlqyer më shumë në karrierën e tij

Published

3 hours ago

on

October 21, 2025

By

Aktori amerikan Jesse Eisenberg ka zbuluar së fundmi se cili është roli i tij më i preferuar në karrierën e tij.

Në një intervistë të dhënë për revistën People, 42-vjeçari foli për pjesën e tretë të ardhshme të serisë “Now You See Me”, duke treguar se pikërisht ky film përfaqëson rolin e tij më të dashur.

“Ky është personazhi im i preferuar për ta luajtur. Do të doja të kishte edhe dhjetë filma të tjerë ‘Now You See Me’,” u shpreh Eisenberg.

Ai do të rikthehet si magjistari J. Daniel “Danny” Atlas në vazhdimin e ri të titulluar “Now You See Me: Now You Don’t”, pas suksesit të filmave të mëparshëm të vitit 2013 dhe 2016.

“Personazhi im është interpretues i sigurt që mendon se është i jashtëzakonshëm, kënaqësi e vërtetë të futesh në ato pozicione,” tha aktori.

Filmi i ri, me regji nga Ruben Fleischer, vazhdon historinë e ekipit të iluzionistëve që përdorin performancat e tyre magjike për të realizuar grabitje të sofistikuara.

Në kastë rikthehen Isla Fisher, Woody Harrelson dhe Dave Franco, ndërsa atyre u bashkohen Justice Smith, Dominic Sessa dhe Ariana Greenblatt.

“Now You See Me: Now You Don’t” pritet të shfaqet në kinema më 14 nëntor. /A.Z/UBT News/

Continue Reading

Magazinë

Callum Turner zbulon detaje nga lidhja me Dua Lipën: Takimi i parë ishte si në film

Published

22 hours ago

on

October 20, 2025

By

Aktori britanik Callum Turner ka rrëfyer për herë të parë se si nisi lidhja e tij me këngëtaren shqiptare me famë botërore, Dua Lipa.

Në një intervistë për The Sunday Times Style, Turner tha se para takimit të tyre të parë, kishin pasur disa “takime të humbura” gjatë viteve – në festa, përmes miqve të përbashkët apo në vende të ndryshme – por kurrë nuk ishin përballur realisht.

“Ka pasur dy, tre, katër, pesë raste ku kemi shmangur njëri-tjetrin për pak minuta. Ajo ka shkuar në një festë dhe unë kam ardhur vetëm pak më vonë. Në një rast ajo kishte dalë në 1:45 të mëngjesit, unë mbërrita në 2,” tregoi Turner.

Moment i veçantë ndodhi në Los Anxhelos, kur u ulën pranë njëri-tjetrit e zbuluan se po lexonin të njëjtin libër – “Trust” nga Hernan Diaz.

“I thashë që sapo kisha përfunduar kapitullin e parë, dhe ajo më tha, ‘Edhe unë sapo përfundova kapitullin e parë.’ I thashë, ‘Atëherë jemi në të njëjtën faqe.’ Ishte si në një film. Ishte momenti i parë ku mendova: ‘E kuptoj. Shenjat janë të qarta.’”

Lidhja e tyre u bë publike më herët këtë vit, dhe së fundmi është konfirmuar edhe fejesa mes dyshes.

Pavarësisht orareve të ngjeshura, Turner dhe Dua përpiqen të ruajnë afërsinë përmes vizitave të shkurtra dhe komunikimit të përditshëm. Ai tregoi se kohët e fundit kishte fluturuar drejt Bostonit për vetëm dy ditë, ku kaluan kohë së bashku në një nga restorantet më të mira që kishte provuar ndonjëherë.

Turner njihet për rolet e tij në filma si Fantastic Beasts, ndërsa Dua Lipa vazhdon aktivitetin e saj me projekte muzikore dhe filma, përfshirë rolin në Argylle dhe kolonën zanore të filmit Barbie. /A.Z/UBT News/

 

Continue Reading

Magazinë

Parashqevi Simaku ndan mesazhin emocionues për djalin e saj, Luke

Published

1 day ago

on

October 20, 2025

By

Këngëtarja e njohur shqiptare, Parashqevi Simaku, ka prekur ndjekësit e saj me një postim të ndjerë për djalin e saj, Luke, ku shpreh dashurinë dhe mallin e pafund për të, edhe pse janë larg.

“Luke… largësia nuk e zbeh kurrë dashurinë e një nëne. Çdo ditë të mendoj me mall dhe krenari. Edhe pse nuk je pranë, zemra ime të ndjen gjithmonë afër. Je gjithçka që një nënë mund të ëndërrojë, drita, forca dhe shpresa ime. Të dua pafund, sot dhe gjithmonë,” shkroi artistja, duke e shoqëruar mesazhin me simbole dashurie dhe zemrash.

Postimi ka marrë shumë komente pozitive nga ndjekësit, që janë prekur nga fjalët e saj e kanë vlerësuar lidhjen e fortë mes nënës dhe birit.

Dashuria e nënës, siç tregon Simaku, mbetet një forcë e pakufishme, që nuk shuhet nga largësia dhe pengesat e jetës. /A.Z/UBT News/

Continue Reading

Të kërkuara