Lajmet

Mes kaosit të luftës, kërkohen të zhdukurit në Sudan

Trazirat kanë vënë përballë ushtrinë kundër paraushtarakëve të Forcave të Mbështetjes së Shpejtë.

Published

on

Ndërsa luftimet u ndezën në kryeqytetin e Sudanit, Ayman Abu Arki dhe xhaxhai i tij Hossam dolën “për të blerë pak ujë”, por që atëherë ata nuk iu përgjigjën telefonatave të familjeve të tyre.

Familja e tyre në panik, e dëshpëruar për lajme, vazhdoi të telefononte numrat e tyre, por më pas iu drejtua mediave sociale, siç kanë bërë shumë të tjerë për të kërkuar të zhdukurit mes kaosit të përgjakshëm.

Përgjigje më në fund u kthye nga një përdorues i Facebook: një foto tregonte dy trupa të pajetë brenda një makine të mbushur me plumba, targa që përputhej me atë të automjetit të familjes.

Dy burrat vdiqën në ditën e dytë të betejave që kanë tronditur Khartoum që nga 15 prilli, dhe të cilat që atëherë kanë marrë qindra jetë.

Trazirat kanë vënë përballë ushtrinë, të udhëhequr nga Abdel Fattah al-Burhan, kundër paraushtarakëve të Forcave të Mbështetjes së Shpejtë, të komanduara nga zëvendësi i tij i kthyer në rival, Mohamed Hamdan Daglo.

Luftimet zunë në befasi pesë milionë banorët e kryeqytetit dhe shumë prej tyre ishin të papërgatitur për të mbijetuar për javë të tëra me stoqet e ushqimeve dhe mallrave të tjera bazë që kishin në shtëpi.

Disa nga ata që dolën për të blerë ujë dhe ushqim nuk u kthyen më, dhe të afërmit kanë frikë nga më e keqja pasi trupat shtrihen në rrugë, ndërsa përleshjet me armë dhe sulmet ajrore vazhdojnë.

“Ai nuk u kthye kurrë”
Heba, mjeke, është gjithashtu në mesin e atyre që i janë drejtuar platformave online si Facebook dhe Twitter, për të kërkuar lajme për babain e saj, i cili është zhdukur që prej 23 prillit.

Ai u largua atë ditë për të blerë ilaçe jetike “por nuk u kthye më”, tha Heba.

“Unë vetëm shpresoj se ai është i sigurt dhe i shëndetshëm”.

Për të ndihmuar ata që kërkojnë dëshpërimisht për të afërmit dhe miqtë e zhdukur, Komiteti Ndërkombëtar i Kryqit të Kuq njoftoi se kishte krijuar një linjë të posaçme telefonike për të raportuar zhdukjet.

Sipas shifrave zyrtare, më shumë se 500 njerëz janë vrarë që nga fillimi i konfliktit dhe mbi 4,500 janë plagosur, ndonëse numri real dyshohet të jetë shumë më i lartë./UBTNews/

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara