Lajmet

Mehaj dekoroi me medalje e mirënjohje ushtarakët dhe zyrtarët më të dalluar të vitit 2022

“Mirënjohje e lartë për shërbimin institucional e patriotik!”, ka shkruar mes tjerash Mehaj në Facebook.

Published

on

Ministri i Mbrojtjes, Armend Mehaj sot ka ndarë medaljet dhe mirënjohjet për ushtarakët dhe zyrtarët më të dalluar të FSK-së dhe të Ministrisë së Mbrojtjes gjatë vitit 2022.

Me medalje “Shërbim i Shquar”, të cilët janë dalluar për shërbim të shquar dhe të merituar në detyrë me përgjegjësi të lartë, Mehaj ka dekoruar: nënkolonel Fadil Sahitin, major Remzi Bushin, major Fatmir Lamin, major Manushaqe Nurën, kapiten Arlind Bajramin, kapiten Gëzim Avdiun, toger Nuhi Pronajn, rreshter major Faton Bujupin, rreshter master, Faik Kurtishin, rreshter i klasit të parë, Astrit Bashotën, rreshter shtabor Blerim Terakun, rreshter shtabor, Naim Berishën, rreshter shtabor Nazif Latifin, rreshter Marigona Haxhiun, rreshter Arjan Zogaj, dhe ushtare të klasit të parë, Entrita Brahimin.

Ndërsa, me “Mirënjohje” për kontributin e dalluar të dhënë në realizimin e detyrave dhe përgjegjësive, Mehaj ka dekoruar: zv. Shefin e Kabinetit të Sekretarit të Përgjithshëm, Burim Abazin, zyrtarin për plane dhe analiza buxhetore, Bashkim Asllanin, shefin e sektorit për plane dhe analiza logjistike, Enver Mehmetin, zyrtaren e transformimit, modernizimit dhe standardizimit, Miradie Bajramin, ligjëruesin e QSU-së, Prof.Dr. Durim Abdullahun, zyrtaren ligjore të SHPFSK-së, Albana Çekun dhe zyrtarin e administratës të SHPFSK-së, Luan Trepçën.

“Shumë urime për të gjithë e suksese edhe në të ardhmen në karrierën profesionale e institucionale! Mirënjohje e lartë për shërbimin institucional e patriotik!”, ka shkruar Mehaj në Facebook.

Lajmet

Policia Ushtarake e FSK-së trajnohet nga instruktorët kroatë për kontrollin e turmave

Published

on

By

Ministri i Mbrojtjes, Ejup Maqedonci, ka bërë të ditur se Policia Ushtarake e Forcës së Sigurisë së Kosovës (FSK) ka ngritur kapacitetet e saj operacionale përmes një bashkëpunimi të ngushtë me Policinë Ushtarake të Kroacisë. Përmes një njoftimi zyrtar, ministri theksoi se FSK po vazhdon me sukses avancimin e kapaciteteve profesionale përmes trajnimeve të specializuara me partnerët ndërkombëtarë.

Gjatë javës së kaluar, në bashkëpunim me instruktorët kroatë, është realizuar për herë të parë Kursi për Intervenime dhe Kontrollim të Turmave. Ky trajnim ka integruar module të specializuara për intervenime të shpejta, kontroll të turmave, si dhe luftime në hapësira të mbyllura (CQB).

Sipas ministrit Maqedonci, gjatë këtij trajnimi intensiv, pjesëtarët e Policisë Ushtarake kanë zhvilluar aftësi të avancuara taktike dhe operacionale, duke dëshmuar profesionalizëm, disiplinë dhe gatishmëri të lartë. Ky aktivitet vlerësohet si një tjetër dëshmi e transformimit të vazhdueshëm të Policisë Ushtarake në një njësi moderne, të përgatitur plotësisht për t’u përballur me sfidat bashkëkohore të sigurisë.

Continue Reading

Lajmet

Baleti Kombëtar i Kosovës zhvilloi vizitë kulturore në Medellin

Published

on

Gjatë qëndrimit në Medellín, Baleti Kombëtar i Kosovës zhvilloi një vizitë kulturore në Museo de Antioquia dhe në Palacio de la Cultura Rafael Uribe Uribe, të organizuar nga Secretaría de Cultura Ciudadana de Medellín.

Vizita kishte për qëllim njohjen më të afërt me historinë, artin dhe trashëgiminë kulturore të Kolumbisë dhe rajonit të Antioquia-s.

Kjo përvojë kulturore u përmbyll me një prezantim të veçantë të valleve tradicionale kolumbiane nga Ballet Folclórico Bochica nga Medellín, i dedikuar për ekipin e Baletit Kombëtar të Kosovës, duke krijuar një atmosferë miqësie dhe shkëmbimi kulturor mes artistëve.

Pas kësaj vizite, ekipi vazhdoi qëndrimin në Comuna 13, një nga zonat më simbolike të Medellín-it, e njohur për transformimin social, artin urban dhe historinë e veçantë të qytetit.

Continue Reading

Lajmet

“Ballet2000” i kushton artikull Baletit Kombëtar të Kosovës

Published

on

“Ballet2000”, një nga revistat më prestigjioze ndërkombëtare në botën e baletit dhe artit koreografik, ka publikuar një artikull kushtuar Baletit Kombëtar të Kosovës dhe produksionit “Carmina Burana”, me koreografi nga Toni Candeloro.

Në artikull është prezantuar edhe turneu i Baletit Kombëtar të Kosovës në El Salvador dhe Kolumbi, duke vënë në pah aktivitetin ndërkombëtar të institucionit dhe promovimin e artit e kulturës së Kosovës para publikut të Amerikës Qendrore dhe Latine.

Përmes këtij publikimi, revista ka evidentuar angazhimin artistik dhe zhvillimin e vazhdueshëm të Baletit Kombëtar të Kosovës në skenën ndërkombëtare të vallëzimit dhe baletit bashkëkohor.

Nga institucioni u shprehën mirënjohës për vlerësimin dhe hapësirën e dhënë në një revistë me prestigj të lartë ndërkombëtar në fushën e baletit dhe artit koreografik.

Continue Reading

Lajmet

Filharmonia e Kosovës performoi gjatë vikendit për herë të parë në Korçë

Published

on

Gjatë vikendit, në Teatrin “Andon Zako Çajupi” në Korçë, Orkestra e Filharmonisë së Kosovës shënoi një moment të veçantë, duke u prezantuar për herë të parë para publikut korçar.

Nën dirigjimin e Baki Jasharit, orkestra solli një mbrëmje artistike të nivelit të lartë me një program të pasur që ndërthurte kryevepra të repertorit botëror dhe krijimtari shqiptare nga Verdi, Saint-Saëns, Fahri Beqiri, Rexho Mulliqi, Valton Beqiri, Hajrullah Syla dhe Gridi Kraja.

Në skenë shkëlqeu edhe violinistja e njohur shqiptare, Sihana Badivuku, interpretimi virtuoz i së cilës i dha koncertit një dimension të veçantë artistik.

Filharmonia e Kosovës falënderoi Ministrinë e Kulturës dhe Turizmit të Republikës së Kosovës, Bashkinë Korçë, Këshillin e Qarkut Korçë dhe Qendrën e Kulturës dhe Inovacionit Korçë për mbështetjen në realizimin e këtij koncerti.

Continue Reading

Të kërkuara