Sport

Medaljet e ditës së gjashtë, Ariarne Titmus ul nga froni Katie Ledecky-n

Tokio vijon të dhurojë emocione me disiplinat e Olimpiadës që evidentojnë më të mirët e çdo kategorie.

Published

5 years ago

July 27, 2021

Betim Gashi

Tokio vijon të dhurojë emocione me disiplinat e Olimpiadës që evidentojnë më të mirët e çdo kategorie. Adam Peaty u bë i pari notar britanik që mbrojti një titull olimpik, duke fituar medaljen e artë në stilin 100m bretkosë për meshkuj, me kohën e pestë më të shpejtë në gjithë historinë.

26-vjeçari konsiderohej favorit dhe justifikoi pritshmëritë, duke ndalur kronometrin në 57 sekonda e 37 të qindtat, para holandezit Arno Kamminga, që realizoi distancën për 58 sekonda, ndërsa medalja e bronzit shkoi për Italinë, e fituar nga Nicolo Martinenghi, që u rendit i treti.

Kanadezja Margaret MacNeil shpërtheu në garën e femrave 100 metra stil flutur, për të fituar medaljen e artë me kohën e tretë më të shpejtë në histori, duke rrëzuar nga froni suedezen Sarah Stjorsom, që ishte kampionia në fuqi dhe mbajtësja e rekordit botëror. MacNeil dhuroi një paraqitje fantastike me një shpejtësi mbresëlënëse në 50 metrat e fundit, për të arritur në finish me kohën 55 sekonda e 59 të qindtat, duke lënë pas kinezen Zhang Youfei me kohën 55 sekonda e 64 të qindtat, ndërsa australiania emma McKeon mori medaljen e bronzit.

Ariarne Titmus e bëri ditën më të bukur për britanikët pas triumfit të Adam Peaty, pasi triumfoi ndaj notares së madhe amerikane, Katie Ledecky, duke fituar medaljen e artë në garën e 400 metrave stil i lirë për femra. Ledecky vinte në Japoni pasi kishte fituar 4 medalje të arta dhe një argjendi në “Rio 2016”, por Titmus e ka sfiduar gjatë gjithë këtyre viteve pasi i rrëmbeu titullin botëror në 2019, ndërsa tani dhe medaljen e artë në Olimpiadë.

Ylli amerikan, Caeleb Dresel, bëri debutimin e tij në Tokio me një nisje fantastike të garës 4 X 100 metra stafetë për meshkuj, duke udhëhequr skuadrën e tij në fitimin e medaljes së artë me një paraqitje e denjë për stilin e Michael Phelps. Dressel, 13 titujt botërorë të të cilit kanë sjellë krahasimet e paevitueshme me Phelps, fitues i 8 medaljeve të arta dhe 23 medaljeve në total, në këtë Olimpiadë synon 7 medalje.

Kristian Blummenfelt i Norvegjisë fitoi medaljen e artë në triathlon në një garë të trazuar nga një start fals. 27-vjeçari, i pari Norvegjez që fiton një medalje në Triathlon, arriti në finish me kohën 1 orë, 45 minuta dhe 4 sekonda, para se të shpërthente në festime, edhe pse i sfilitur, për këtë arritje fantastike.

Japonezja Momiji Nishiua u bë një nga medalistet më të reja olimpike në histori, pasi fitoi medaljen e artë në garën inauguruese të skateboardit për femra në moshën 13 vjeç e 330 ditë. Nishiya fitoi ndaj rivales braziliane Rayssa Leal, e cila në moshën 13 vjeç e 203 ditë, mund të bëhej medalistja më e re olimpike në histori, ndërsa në vend të tretë u rendit japonezja tjetër, Funa Nakayama, 16-vjeçare.

Favoritja e shtëpisë, Naomi Osaka, vazhdon rrugëtimin e saj në kërkim të arit olimpik, pasi kaloi në raundin e tretë të tenisit në Lojërat e Tokios me një fitore në shifrat 6-3, 6-2 ndaj Zviceranes Viktorija Golubic. Fiji nisi mbrojtjen e titullit të 7 olimpik në regbi për meshkuj me një ndeshje ku për pak u eliminua nga dy lojtarë nga Fiji, por që përfaqësojnë Japoninë në Olimpiadën e Tokios.

Dy atletët e lindur në Fixhi, Lote Tuqiri dhe Kameli Soejima çuan Japoninë në avantazh 19-12, duke i rënë kambanave të alarmit për favoritët e mëdhenj, por më pas Ishujt Fixhi u rikthyen fuqishëm edhe falë përpjekjeve të Waisea Nacuqu rimorën kryesimin për ta fituar ndeshjen me rezultatin 24-19.

Sport

Paris Saint-Germain fiton 5-2 ndaj Chelsea

Published

4 hours ago

March 12, 2026

UBT News

Paris Saint – Germain mori një fitore të madhe 5-2 kundër Chelsea dhe ka një avantazh të madh para ndeshjes së kthimit në Londër.

Bradley Barcola hapi rezultatin për Parisin me një gjysmë-vole të bukur, por Malo Gusto barazoi për Chelsean. Më pas Ousmane Dembélé riktheu epërsinë për PSG.

Chelsea barazoi përsëri me golin e Enzo Fernández, por Vitinha e bëri 3-2 për parisienët.

Në fund, zëvendësuesi Khvicha Kvaratskhelia shënoi dy gola dhe vulosi fitoren 5-2 për ekipin e trajnerit Luis Enrique, duke i afruar shumë me çerekfinalen.

Sport

Real Madrid mposht Manchester City 3-0

Published

4 hours ago

March 12, 2026

UBT News

Real Madrid fitoi bindshëm 3-0 ndaj Manchester City, me një paraqitje të shkëlqyer të kapitenit Federico Valverde.

Goli i parë erdhi pas një pasimi të gjatë nga portieri Thibaut Courtois, ku Valverde kaloi portierin dhe shënoi. Më pas ai realizoi edhe dy herë të tjera, duke kompletuar hat-trick para pushimit.

Në pjesën e dytë, Vinícius Júnior pati mundësinë të shtojë rezultatin nga penalltia, por goditja e tij u prit nga portieri i Cityt. Real Madridi mbajti epërsinë dhe siguroi një fitore të rëndësishme.

Sport

Infantino zbulon bisedën me Donald Trump për Iranin dhe Botërorin

Published

22 hours ago

March 11, 2026

UBTNews

Presidenti i FIFA-s, Gianni Infantino, ka deklaruar se është takuar me presidentin e SHBA-së, Donald Trump, me të cilin kanë diskutuar edhe për pjesëmarrjen e Iranit në Kupën e Botës 2026.

Sipas Infantinos, Trump ka theksuar se kombëtarja e Iranit është e mirëseardhur të marrë pjesë në turneun që do të organizohet nga Shtetet e Bashkuara të Amerikës, Meksika dhe Kanadaja.

Irani ishte i vetmi shtet që mungoi në samitin planifikues të FIFA-s të mbajtur javën e kaluar në Atlanta, gjë që ngriti pikëpyetje nëse përfaqësuesja e tij do të mund të luante ndeshjet në territorin amerikan.

Megjithatë, Infantino bëri të ditur se gjatë diskutimit me Trumpin është konfirmuar se ekipi iranian është i mirëpritur të marrë pjesë në Botëror. “Ne folëm edhe për situatën në Iran dhe për faktin që ekipi i tyre është kualifikuar për Kupën e Botës.

Presidenti Trump përsëriti se Irani është i mirëseardhur të garojë në turne. Të gjithëve na duhet një ngjarje si Kupa e Botës për të bashkuar njerëzit, tani më shumë se kurrë”, ka deklaruar Infantino.

Sport

Rilindja e “Piratit”: Vedat Muriqi po kalon sezonin e jetës te Mallorca

Published

1 day ago

March 11, 2026

UBTNews

Vedat Muriqi ka vërtetuar se është një nga investimet më të mençura në historinë e RCD Mallorca.

Pas një periudhe sfiduese në Itali te Lazio, sulmuesi i Kosovës gjeti qetësinë dhe formën e tij më të mirë në ishujt spanjollë, duke u shndërruar në heroin e padiskutueshëm të tifozëve.

Transferimi i tij për vetëm 8 milionë euro në vitin 2021 tashmë konsiderohet si një “vjedhje” e vërtetë në tregun e transferimeve, duke parë kontributin e tij kolosal në fushë.

Sezoni aktual 2025-26 po rezulton të jetë kulmi i karrierës së tij në La Liga. Me 18 gola të shënuar në vetëm 26 ndeshje, Muriqi ka thyer çdo parashikim, duke treguar një saktësi vrastare para portës dhe duke u renditur lart në listën e golashënuesve më të mirë në Spanjë.

Ky shpërthim vjen pas disa sezoneve stabiliteti, ku ai kishte dëshmuar veten si një pikë referimi në sulm, sidomos në sezonin 2022-23 ku shënoi 13 gola.

Përveç golave, ndikimi i Muriqit te Mallorca shkon përtej statistikave. Ai njihet si lideri shpirtëror i skuadrës, ku forca e tij në lojën ajrore dhe sakrifica për ekipin e kanë bërë atë makthin e mbrojtësve në Spanjë.

Me 18 golat e këtij sezoni, “Piratin” po e kërkojnë sërish klubet e mëdha evropiane, por lidhja e tij e fortë me qytetin dhe klubin e Mallorcës e bën atë një ikonë që vështirë se do të largohet pa lënë një gjurmë edhe më të thellë në historinë e futbollit spanjoll.