Lajmet nga UBT

Me organizim madhështor, UBT mbajti ceremoninë e gradimit të studentëve

Ceremonia u përcoll me disa pika të zgjedhura muzikore nga studentët e Fakultetit Muzikë Moderne.

Published

3 years ago

September 3, 2022

UBT.News

Me një organizim madhështor në sallën “1 tetori” në Prishtinë, UBT shënoi ceremoninë e gradimit të studentëve të gjeneratës së nëntëmbëdhjetë, duke i dhuruar Kosovës profesionistë dhe ekspertë që do të kontribuojnë në fusha të ndryshme të jetës.

Të lumtur dhe të entuziazmuar për arritjen e tyre profesionale, studentët përmbyllën suksesshëm një cikël të rëndësishëm jetësor në drejtimet në nivelin bachelor dhe master të programeve: Arkitekturë dhe Planifikim Hapësinor, Dizajn i Integruar, Shkenca Kompjuterike dhe Inxhinieri, Menaxhim i Mekatronikës, Inxhinieri Ndërtimore dhe Infrastrukturë, Inxhinieri e Energjisë dhe Menaxhment, Sistemet e Informacionit, Art dhe Media Digjitale, Muzikë Moderne, Prodhimi Digjital dhe Menaxhimi.

I gëzuar dhe krenar për gjithë këtë arritje të tyre, rektori i UBT-së, Prof. Dr. Edmond Hajrizi ka përgëzuar secilin student për angazhimin dhe përkushtimin për të kryer një cikël të rëndësishëm të jetës së tyre, siç janë studimet akademike.

“Është një moment shumë i rëndësishëm të japim mesazhe që këtu nuk është fundi i dijes, sepse njeriu gjatë gjithë kohës duhet të mësojë. Është shumë e rëndësishme që ta ndjeni pjesën e përgjegjësisë, meqenëse tani më nuk jeni vetëm studentë që merrni përgjegjësi, por jeni edhe ju dhënës të përgjegjësive të reja dhe duhet të jepni më shumë nga vetja që Kosova të jetë më mirë. Ju keni një mundësi të jashtëzakonshme që të zgjidhni probleme të shumta që ndodhin në vend dhe në botë. Me këtë numër të madh të të rinjve, e ardhmja e Kosovës do të jetë e ndritshme” u shpreh rektori Hajrizi.

Në cilësinë e Alumnit, ish-studenti i UBT-së, Ardian Isufi si një ndërmarrës i suksesshëm në Zvicër, iu drejtua me një mesazh studentëve të sapo diplomuar, duke kërkuar nga ta që asnjëherë të mos ndalin kontributin e tyre për zhvillimin e vendit.

“Ju jeni para një udhëkryqi të madh, por cilëndo rrugë që e zgjedhni do të keni sukses mu për shkak që keni studiuar në UBT. Unë jam njëri prej UBT-së që kam studiuar në një universitet ndërkombëtar. Nëse kërkoni punë, kudo që aplikoni në Kosovë do të jeni të veçantë, meqenëse jeni nga UBT. Guxoni të mësoni, e të punoni që t’i realizoni ëndrrat tuaja”, tha Isufi.

Nën emocione, studenti i cili sot ishte një nga studentët e gjeneratës së nëntëmbëdhjetë të cilët kurorëzuan me sukses studimet akademike, Lend Sylejmani u shpreh i entuziazmuar për rrugëtimin e tij, duke i falënderuar profesorët për angazhimin dhe përkushtimin e tyre në drejtim të nxjerrjes së kuadrove të reja profesionale.

“Fillimi i studimeve ka qenë i mbushur me plot emocione, por mbi të gjitha ka dominuar entuziazmi për të filluar një kapitull të ri. Diçka që vlen të theksohet është fakti se gjatë studimeve pasioni im ndaj profesionit të arkitekturës ka vazhduar duke u rritur, e kjo për shkak të motivimit të vazhdueshëm që më kanë dhënë profesorët në UBT”, potencoi Sylejmani.

Ceremonia e gradimit nuk kishte se si të mos konkretizohej ndryshe pa betimin e studentit, të cilin e udhëhoqi studentja e dalluar e Fakultetit Shkenca Kompjuterike dhe Inxhinieri, Elita Hajrizi, duke bërë kështu që njëzëri studentët të betohen për t’i shërbyer shkencës, edukimit, e vendit, si dhe me vetëdije dhe vullnet të plotë të bëhen pjesë kontribut dhënëse në ndërtimin e shtetit dhe prosperimin e shoqërisë sonë.

Ceremonia u përcoll me disa pika të zgjedhura muzikore nga studentët e Fakultetit Muzikë Moderne, Prodhimi Digjital dhe Menaxhimi, Meriton Heta dhe Auron Deva, teksa kulmoi me momentin shumë madhështor dhe më të rëndësishëm për secilin student, por edhe për UBT-në si institucion i arsimit të lartë, për hedhjen e kapelave, si simbol i përfundimit të një periudhe plot përkushtim dhe sakrificë dedikuar dijes dhe avancimit akademik.

Për shkak numrit të madh të studentëve që kanë përmbushur kriteret për të qenë pjesë e këtij eventi madhështor, ceremonia e gradimit do të vazhdojë në sesionin e dytë, të shtunën e 10 shtatorit, për të përmbyllur kështu një nga organizimet më madhështore dhe më emocionuese të institucionit më të madh të arsimit të lartë në Kosovë, të UBT-së.

Up Next

Rektori Hajrizi mori pjesë në hapjen e festivalit “Hardh Fest”

Don't Miss

Interesim i madh i të rinjve për t’u bërë pjesë e trajnimit për Java Programming në UBT

Aktualitet

UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia

Published

1 day ago

September 25, 2025

Driton Iseni

Rektori i UBT-së, Prof. Dr. Edmond Hajrizi, së bashku me Prof. Dr. Besnik Qehaja, dekan i Fakultetit të Shkencave Kompjuterike dhe Inxhinierisë, dhe ekipin e UBT-së, po marrin pjesë në aktivitetin përmbyllës të projektit IoT-ECO, pjesë e programit Erasmus-LS, ERASMUS-EDU-2022-CBHE, i cili po mbahet në Technical University of Sofia, në Bullgari.

Ky projekt ndërkombëtar synon zhvillimin e modeleve inovative për Internet of Things (IoT) në fushën e ekonomisë së gjelbër, duke bashkuar ekspertë dhe akademikë nga universitete të ndryshme të rajonit dhe Evropës.

Në këtë aktivitet u prezantua modeli i parë real i Digital Twin Smart City Kampus në UBT, një inovacion unik i zhvilluar mbi infrastrukturën Smart City dhe teknologjitë e avancuara nga ekipi i UBT-së. Ky model digjital funksionon si një pasqyrim virtual i kampusit dhe qytetit, duke mundësuar ndërveprim në kohë reale.

Kjo teknologji rrit ndërveprimin dhe aftësinë për të reaguar shpejt ndaj situatave, si dhe kontribuon në përmirësimin e cilësisë së jetës, efikasitetit dhe sigurisë.

Rektori Hajrizi prezantoi gjithashtu UBT Hub, duke theksuar kontributin dhe avancimet e universitetit në integrimin e IoT në mjedisin akademik dhe industrial. Ai diskutoi rëndësinë e zhvillimit të infrastrukturës digjitale dhe bashkëpunimeve ndërkombëtare për fuqizimin e inovacionit dhe edukimit teknologjik në Kosovë, me theks të veçantë te modelet inovative që janë zhvilluar dhe implementuar në fushat e IoT, inteligjencës artificiale, smart cities, smart education, mjekësisë, etj.

Programi i ngjarjes përfshin prezantime mbi modelet virtuale të IoT, integrimin me cloud, aplikimet praktike në industri, si dhe sfidat e sigurisë kibernetike në rrjetet moderne inteligjente. Përveç pjesës akademike, aktiviteti ofron edhe vizita kulturore dhe ture në Sofia, duke krijuar hapësirë për shkëmbim përvojash dhe rrjetëzim ndërkombëtar.

Aktualitet

Në UBT diplomon ushtaraku i FSK-së, Major Vilson Musaj

Published

2 days ago

September 25, 2025

Driton Iseni

Ushtaraku i FSK-së, Major Vilson Musaj, student në nivelin Master në Fakultetin e Politikave Publike dhe Menaxhimit në UBT, mbrojti me sukses tezën e tij me temë: “Rëndësia e regjimenteve të këmbësorisë në Forcën e Sigurisë së Kosovës – Një perspektivë strukturore: studim krahasimor (FSK, Ushtria Amerikane dhe NATO)”.

Ky punim, i cili u realizua me përkushtim të madh, i siguroi Major Musajt diplomën dhe gradën shkencore “Master në Politika Publike dhe Menaxhim”.

Komisioni vlerësues, i përbërë nga Prof. Dr. Hajdi Xhixha (kryetare), Prof. Dr. Arian Kadriu (anëtar) dhe Prof. Dr. Bahri Gashi (mentor), e vlerësuan këtë hulumtim si të parë në format dhe strukturën e tij në këtë fushë, duke e konsideruar si një punim serioz shkencor dhe mjaft kompleks.

Prezantimi i të gjeturave, argumentimi dhe krahasimi i hipotezave u vlerësuan me performancë të lartë akademike dhe notë maksimale, duke reflektuar një strukturë të qartë operacionale ushtarake dhe qasje profesionale në trajtimin e temës.

Major Vilson Musaj, i cili u gradua në këtë gradë më 1 korrik 2025, është emëruar Oficer për Bashkëpunim me ODC dhe Iowa (Office for Defense Cooperation – Zyra për Bashkëpunim të Mbrojtjes në Ambasadën Amerikane) në Departamentin për Bashkëpunim Ndërkombëtar dhe Integrime Euro-Atlantike në Ministrinë e Mbrojtjes. Ai vazhdon të shërbejë aktualisht në këtë departament të rëndësishëm, duke kontribuar në zhvillimin dhe integrimin e Forcës së Sigurisë së Kosovës.

Aktualitet

Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT

Published

2 days ago

September 25, 2025

Driton Iseni

UBT po ofron bursë 20 për qind në nivelin Master në programet Shkenca Politike dhe Studime të Sigurisë, për të gjithë kandidatët nga Akademia e Policisë, Forca e Sigurisë së Kosovës (FSK) dhe Shërbyesit Civilë.

Programi Master në Shkenca Politike ofron një mjedis akademik të avancuar, të orientuar drejt kërkimit shkencor dhe zhvillimit të mendimit kritik. Studentët pajisen me njohuri dhe aftësi për të adresuar sfidat politike në nivel lokal dhe ndërkombëtar, për të kontribuar në zhvillimin demokratik dhe për të ndikuar në politikëbërjen moderne. Ky program përgatit ekspertë, mendimtarë dhe liderë të rinj që promovojnë qeverisje efektive dhe procese demokratike.

Ndërkaq, programi Master në Studime të Sigurisë është i konceptuar për të përgatitur profesionistë të aftë të përballen me sfidat e sigurisë në kontekste kombëtare dhe ndërkombëtare. Ai trajton tema bashkëkohore si siguria kibernetike, kërcënimet hibride, terrorizmi, migrimi, gjeopolitika dhe siguria energjetike. Studentët zhvillojnë aftësi analitike dhe praktike për të krijuar strategji efikase në fushën e sigurisë dhe për të kontribuar në stabilitetin dhe qëndrueshmërinë e shoqërisë.

Të dy programet ofrojnë orare fleksibile, qasje praktike, staf akademik me eksperiencë ndërkombëtare dhe mundësi për mobilitete studimore në universitete partnere në Evropë dhe më gjerë.

UBT thekson se qëllimi i këtyre programeve është të fuqizojnë kapacitetet akademike dhe profesionale të studentëve, duke i pajisur ata me njohuri multidisiplinare që tejkalojnë standardet e industrisë dhe i përgatisin për karrierë ndërkombëtare, punësim në institucione vendore dhe globale, si dhe për vazhdim studimesh në nivel doktorature.

APLIKO TANI ONLINE për të përfituar bursën 20 për qind dhe për të qenë pjesë e gjeneratës së re të ekspertëve të politikës dhe sigurisë në Kosovë.

Aktualitet

UBT hap thirrjen për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025)

Published

2 days ago

September 24, 2025

Driton Iseni

UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-së.

Kjo konferencë synon të bashkojë profesionistë, studiues, praktikues dhe studentë të psikologjisë, vendorë dhe ndërkombëtarë, për të ndarë përvoja, njohuri dhe ekspertizë mbi faktorët që ndikojnë në përmirësimin e shëndetit mendor, duke kontribuar si në komunitetin akademik ashtu edhe në praktikën profesionale.

Konferenca Ndërkombëtare mbi Shëndetin Mendor dhe Mirëqenien do të mbahet më 23, 24 dhe 25 tetor 2025, ndërsa tema kryesore e këtij viti është: “Shëndeti Mendor dhe Mirëqenia”. Ajo ka për qëllim të bashkojë studiues, edukatorë dhe profesionistë nga fusha të ndryshme, për të eksploruar dhe shkëmbyer ide mbi lidhjen mes shëndetit mendor dhe proceseve të rezistencës që mbështesin qëndrueshmërinë, inovacionin dhe mirëqenien mendore.

UBT mirëpret abstrakte që lidhen (por jo vetëm) me fushat e mëposhtme:

Aftësitë e rezistencës në komunitetet e margjinalizuara
Avancimet në kërkimin mbi sjelljen
Shëndeti mendor dixhital dhe epoka dixhitale
Baza biologjike e sjelljes njerëzore
Shëndeti mendor dhe pabarazia
Strategjitë e përballimit të stresit
Ndërgjegjësimi për shëndetin mendor

Konferenca do të mbahet në format hibrid, duke u lejuar pjesëmarrësve të marrin pjesë fizikisht në Kampusin e UBT-së ose online, duke ofruar fleksibilitet për kontribuesit vendorë dhe ndërkombëtarë. Pjesëmarrës në këtë ngjarje do të jenë hulumtues shkencorë nga SHBA-ja, Republika Çeke, Turqia, Shqipëria dhe Maqedonia e Veriut.

Datat e rëndësishme: