Magazinë

Mbreti Charles flet për gjendjen shëndetësore pas diagnostikimit me kancer

Published

on

Mbreti Charles III ka bërë një përditësim për gjendjen e tij shëndetësore, duke u shprehur se është përmirësuar ndjeshëm. Ai bisedoi me Lee Harman, i cili kishte kaluar kancerin, gjatë një shëtitjeje ku ishte prezente edhe mbretëreshë Camilla.

“Jam dhe ndihem shumë mirë. (Kanceri) është thjesht një ndër ato gjërat (shtesë)”, u shpreh mbreti.

Lee Harman, 54 vjeç, tha se kishte ndarë me Charles betejën e tij me kancerin, pasi mbreti, në shkurt të vitit të kaluar, bëri me dije se ishte diagnostikuar me kancer dhe iu nënshtrua një operacioni për të trajtuar prostatën e zmadhuar, por beninje.

“Madhëria e Tij zgjodhi të ndajë diagnozën për të shmangur spekulimet dhe me shpresën se mund të ndihmojë në rritjen e ndërgjegjësimit publik për të gjithë ata në mbarë botën që preken nga kanceri,” thuhej në deklaratën e pallatit Buckingham.

Në mars, Charles u shtrua në spital për shkak të efekteve anësore nga trajtimi kundër kancerit. Si pasojë, mbreti u tërhoq përkohësisht nga angazhimet e tij mbretërore; megjithatë, muajin pasues ai iu rikthye punës. Më 1 prill, Charles u shfaq në humor teksa drejtoi një ceremoni në kalanë Windsor në Angli.

Ndërsa ka folur rrallë për shëndetin e tij që nga diagnoza, në maj, një ndihmës tregoi si Charles po përballonte sëmundjen ndërkohë që vazhdonte të punonte.

“Gjëja që mëson rreth kësaj sëmundjeje është se ti thjesht e menaxhon dhe pikërisht këtë po bën ai,” i tha ndihmësi anonim The Telegraph asokohe.

“Mjekësia ka bërë përparime të jashtëzakonshme dhe unë sinqerisht nuk shoh asnjë ndryshim tek ai. Mjafton të bësh atë që thonë mjekët dhe të jetosh jetën sa më normalisht të jetë e mundur”, shtoi personi anonim.

Charles, pasi u diagnostikua me kancer, bëri një deklaratë publike, ku u shpreh:

“Dua të shpreh falenderimet më të përzemërta për kaq shumë mesazhe mbështetjeje dhe urimet e mira që kam marrë gjatë këtyre ditëve. Siç e dinë të gjithë ata që janë prekur nga kanceri, këto mendime dashamirëse janë mbështetja dhe kurajoja më e madhe”.

Më tej, vijoi:

“Është po aq inkurajuese të dëgjoj se publikimi i diagnozës, ka ndihmuar në promovimin e ndërgjegjësimit publik dhe ka ndriçuar punën e organizatave që mbështesin pacientët e sëmurë me kancer dhe familjet e tyre në Mbretërinë e Bashkuar dhe më gjerë nëpër botë. Admirimi im i përjetshëm për kujdesin dhe përkushtimin e tyre të palodhur është edhe më i madh, si rezultat i përvojës sime personale”.

Kulturë

Disa nga gabimet që bëhen gjatë intervistimit për punë

Published

on

Kërkimi i punës nuk është asnjëherë i lehtë sepse kandidatët mund të kalojnë muaj duke dërguar rezyme dhe duke u lidhur me njerëz për të gjetur pozitën e duhur, shpesh duke bërë intervista të shumta në proces.

Shumë ndërmarrës dhe përfaqësues të Burimeve Njerëzore i frikësohen punësimit sepse e dinë se është i vështirë.

Nëse vazhdimisht zbuloni se kandidatët tuaj idealë refuzojnë punën pas intervistës, mund të jetë arsyeja se procesi juaj i intervistimit po i largon ata. Këtu janë tetë arsye të dëshmuara shkencëtarisht që intervistat e juaja po bëjnë dëm në vend të ndihmës.

Ju hutoheni nga pamja

Shikoni me kujdes kandidatët të cilët i eliminoni sepse ju mund të mos e kuptoni se po e bëni, por studimet kanë treguar se pamja fizike luan një rol domethënës në zgjedhjen e kandidatit.

Ju nuk mund të lexoni gjuhën e trupit

Vendimet e punësimit shpesh bazohen në atë që personi nuk thotë se sa nga ato që thotë, sipas një studimi, por ju mund të bëni supozime bazuar në qëndrimin e dobët ose mungesën e kontaktit me sy.

Ju tregoheni të ngadalshëm

Nëse keni kërkuar punë ndonjëherë, e dini se sa torturuese mund të jetë pritja për të dëgjuar nëse jeni punësuar apo jo. Ajo pritje është më e larta në këto vite, sipas DHI-DHF Mean Vacancy Duration. Në vitin 2016, studimi zbuloi se pritja mesatare për një punë profesionale ishte 26.1 ditë pune, përderisa punëdhënësit kërkonin kandidatin e përsosur.

Edhe pse gjetja e profesionistëve të aftë mund të marrë kohë, është gjithashtu e rëndësishme të kuptoni se kur vonoheni shumë, ju mund të humbisni kandidatin më të mirë nga një konkurrent.

Vetëm biseda me aplikuesin nuk mjafton

Me vite, disa ekspertë kanë thënë se intervistat e punës standarde dhe të pastrukturuara të cilat shumica e bizneseve i përdorin janë të padobishme në identifikimin e kandidatit të duhur për një pozitë. Një studim zbuloi se intervistat e pastrukturuara mund të ndërhyjnë në aftësinë e intervistuesit për të vendosur në mënyrë të saktë se si një kandidat do të performojë në një punë.

Por, provoni diçka të cilën shumë kompani po e bëjnë përderisa vlerësojnë të punësuarit potencialë. Ata po kalojnë në intervista të strukturuara ku kandidatëve iu kërkohet të provojnë detyra specifike për të cilat do të jenë përgjegjës nëse punësohen.

Ju nuk kërkoni mostra të punës

Edhe pse intervistat në përgjithësi dështojnë në parashikimin e performancës së punës, mostrat e punës janë shumë më efikase. Lloji i testit varet në punën që kandidati do të performojë, por mund të ju dërgojë një hap përpara, veçanërisht nëse po punësoni dikë kreativ si një diazjner grafik. Një tjetër mjet i dobishëm është testi kognitiv, ku kandidatët iu përgjigjen pyetjeve të shprehive të cilat ju ndihmojnë të identifikoni proceset e tyre të mendimeve.

Ju po dështoni në rekrutimin në media sociale

Kërkuesit e punës kanë ndryshuar mënyrën se si ata kërkojnë punë, por ende disa punëdhënës po dështojnë në përpjekjet e tyre të rekrutimit. Një studim zbuloi se edhe pse 92 përqind e bizneseve përdorin mediat sociale për të gjetur punonjës të ri, 51 përqind e atyre postimeve shkojnë në Twitter, ku punonjësit nuk shikojnë. Shumë kërkues të punës përmendën LinkedIn si faqen ku ata presin më së shumti të shohin njoftime të punës, por ende vetëm 23 përqind të punëve të postuara në media sociale janë në LinkedIn, sipas studimit.

Procesi juaj është i papërcaktuar

Një studim i vitit 2015 zbuloi se 52 për qind e punëdhënësve përdorin rrjetet sociale për të mësuar më shumë për kandidatët, një numër i cili është rritur që nga viti 2013. Përdorni çfarë të mundeni për të krijuar një stil të intervistës i cili përshtatet me personalitetin unik të kandidatit.

Ju po e paraqisni ndryshe kulturën e kompanisë

Studimet kanë zbuluar se punonjësit të cilët përshtaten me kulturën e kompanisë kanë nivel më të lartë të kënaqësisë në punë se sa ata të cilët nuk përshtaten. Por ende nëse nuk e paraqisni kulturën gjatë intervistës, ju mund të humbisni punonjës të cilët mund të përshtaten shumë mirë. P.sh., nëse biznesi juaj është jo formal, por ju shfaqeni duke veshur kostum, kandidati mund të supozojë se ju keni një kod strikt të veshjes. Përveç përmendjes së aspekteve të veçanta të kulturës tuaj gjatë procesit, gjithashtu sigurohuni se po e përçoni atë në gjuhën tuaj trupore dhe në stilin e intervistës.

Intervista mund të jetë e ndërlikuar, por nëse i dini disa nga gabimet më të zakonshme, ju mund të filloni t’i shmangni ato. Vetëm duke mësuar teknikat më të mira të intervistës ju mund të pajisni biznesin tuaj me ekipin e nevojshëm./S.K/EO/

Continue Reading

Magazinë

Lopez dhe Affleck e rikthejnë në shitje rezidencën luksoze në Beverly Hills

Published

on

Jennifer Lopez dhe Ben Affleck duket se janë të vendosur ta shesin rezidencën e tyre madhështore në Beverly Hills, pasi e kanë rikthyer sërish në treg, vetëm dy muaj pasi e kishin hequr nga lista publike, ka raportuar TMZ.

Detajet e pronës: Vila që shtrihet në sipërfaqe prej 3,530 metrash katrorë, tani ofrohet për 52 milionë dollarë, zbritje e konsiderueshme nga çmimi fillestar 68 milionë dollarë, sa ishte kërkuar në korrik 2024.

Në të njëjtin muaj, çifti e kishte ulur çmimin në 59,95 milionë dollarë përpara se ta hiqnin nga shitja.

Lopez dhe Affleck e kishin blerë këtë pronë në maj 2023 për 60,85 milionë dollarë.

Çfarë përfshin prona?

Sallon sportiv dhe palestër të kompletuar

Ring boksi dhe fusha për basketboll dhe pickleball

Garazh për 12 automjete

Një penthouse për mysafirë prej 465 metrash katrorë

Shtëpi për kujdestarët dhe godinë roje me dy dhoma gjumi

Pasuria mes ndarjes dhe divorcit

Në maj 2024, revista PEOPLE raportoi se çifti kishte filluar të jetonte veçmas. Affleck kishte larguar sendet e tij nga rezidenca në qershor, ndërsa Lopez ndodhej në një udhëtim në Evropë.

Fillimisht, kishin tentuar shitjen e shtëpisë “off-market”, një praktikë që përdoret nga personazhet publikë për të ruajtur privatësinë. Në gusht 2024, Lopez paraqiti kërkesën për divorc, më shumë se dy vjet pas martesës së tyre në Las Vegas në korrik 2022.

Ceremonia zyrtare ishte mbajtur në Gjeorgji, në prani të familjes dhe miqve të ngushtë.

Pavarësisht ndarjes, burimet kanë treguar se Lopez dhe Affleck kanë bashkëpunuar në mënyrë të koordinuar për menaxhimin e pasurive të përbashkëta, përfshirë edhe vendimin për shitjen e rezidencës. /A.Z/UBT News/

Continue Reading

Magazinë

90 vite elegancë, Sophia Loren ndan sekretin e saj

Published

on

Prej dekadash, emri i Sophia Loren është bërë sinonim i bukurisë së përjetshme dhe elegancës që sfidon kohën.

Ikona italiane, fituese e çmimit “Oscar” dhe një figurë e paharrueshme e stilit, ka ndriçuar tapetet e kuq dhe ka zbukuruar kopertinat e revistave më prestigjioze në botë.

Prandaj, nuk është për t’u habitur që në ditëlindjen e 90-të, pyetja që të gjithë duan t’i bënin ishte: cili është sekreti i pamjes së saj rinore?

Përgjigjja e Loren ishte një përzierje e thjeshtësisë dhe mençurisë, e shoqëruar me dashuri për jetën:

“Asgjë nuk e bën një grua më të bukur sesa besimi se ajo është e bukur”, tha ajo.

Kur u pyet sërish për sekretin e saj, Sophia theksoi rëndësinë e një qëndrimi pozitiv:“E qeshura, gëzimi dhe një sens i mirë humori janë trajtimet më të mira kundër plakjes.” /A.Z/UBT News/

Continue Reading

Magazinë

E shkarkoi menaxherin për shkak të Izraelit? Reagon Dua Lipa

Published

on

Dua Lipa ka hedhur poshtë pretendimet se ka pushuar nga puna agjentin e saj, David Lavy, për shkak të qëndrimeve të tij pro-Izrael.

Këngëtarja sqaroi se nuk mbështet veprimet e Levyt, por theksoi se deklarata e saj ishte manipuluar nga Mail Online.

“Unë nuk mbështes veprimet e David Levy apo të ndonjë drejtuesi tjetër muzikor kundër një artisti që po shpreh të vërtetën e tij. Megjithatë, nuk mund të injoroj mënyrën se si kjo çështje u trajtua në media. Artikulli ishte plotësisht i pavërtetë, ndërsa gjuha e përdorur nga Daily Mail ishte qartësisht nxitëse, e shkruar vetëm për klikime dhe për të krijuar përçarje online. Për mua, gjithmonë është ‘Free Palestine’, por shfrytëzimi i një tragjedie globale vetëm për shitje gazetash është diçka jashtëzakonisht shqetësuese”, ka shkruar Dua Lipa në reagimin e saj. /A.Z/UBT News/

Continue Reading

Të kërkuara