Kulturë

Mbledhja e përbashkët e redaksive të “Enciklopedisë Shqiptare” në Tiranë

Published

2 years ago

on

Në mjediset e Akademisë së Shkencave të Shqipërisë, u zhvillua një mbledhje e përbashkët e dy redaksive vendore të “Enciklopedisë Shqiptare”. Në këtë ngjarje morën pjesë kryetari i Akademisë së Shkencave të Shqipërisë, akad. Skënder Gjinushi, dhe kreu i Akademisë së Shkencave dhe Arteve të Kosovës, akad. Mehmet Kraja.

Gjatë mbledhjes, akad. Mehmet Kraja bëri një parashtresë të rezultateve dhe problemeve që kanë dalë në procesin e deritashëm të realizimit të projektit “Enciklopedia Shqiptare”. Ai foli për sfidat dhe arritjet kryesore në këtë projekt ambicioz, shkruan Agjencia Telegrafike Shqiptare.

Akademik, Shaban Sinani prezantoi një relacion mbi arritjet, problemet dhe zgjidhjet e rekomanduara, duke iu referuar takimeve të redaksive të fushave me njëra-tjetrën dhe në grupfusha në Tiranë gjatë muajit maj. Relacioni përfshiu një analizë të thelluar të bashkëpunimit mes redaksive dhe propozimet për përmirësime të mëtejshme.

Dr. Arian Leka, përgjegjës i sektorit të botimeve enciklopedike në Qendrën e Botimeve Enciklopedike dhe Arkeologjike (QBEA), paraqiti statistika rreth procesit të kalimit prej fjalësit paraprak në fjalësin e përbashkët të “Enciklopedisë Shqiptare”. Ai theksoi progresin e bërë dhe sfidat që ende duhet të përballohen.

Prof. dr. Azis Pollozhani informoi mbi rezultatet e punës së redaksisë së posaçme për trashëgiminë shqiptare në Maqedoninë e Veriut. Prezantimi i tij theksoi rëndësinë e integrimit të trashëgimisë shqiptare nga të gjitha trojet në këtë enciklopedi kombëtare.

Pas prezantimeve, u zhvillua një bisedë me diskutime dhe pyetje mes pjesëmarrësve. Diskutimet u fokusuan në sfidat specifike dhe mundësitë për përmirësimin e mëtejshëm të procesit.

Në përfundim të takimit, u miratuan disa rekomandime të rëndësishme për përfundimin e punës për fjalësin e përbashkët dhe kalimin në fjalësin e stabilizuar. Këto rekomandime synojnë të sigurojnë një përfundim të suksesshëm dhe cilësor të “Enciklopedisë Shqiptare”, një projekt kyç për dokumentimin dhe promovimin e kulturës dhe historisë shqiptare./UBTNews/

Related Topics:
Continue Reading

Lajmet

Galeria Lumi91 hap dyert me një ekspozitë të rrallë fotografike për Prishtinën

Published

21 hours ago

on

August 31, 2026

By

Galeria e re Lumi91 hapet në Prishtinë me ekspozitën “1928 – Rexhep Rakovica, Portrete”, e cila sjell para publikut një përzgjedhje të fotografive të fotografit Rexhep Rakovica (1909–1988).

Ekspozita përfshin portrete individuale, familjare dhe grupore, duke ofruar një pasqyrë të rrallë të jetës dhe kujtesës së Prishtinës së dikurshme. Rakovica nisi të merrej me fotografinë në vitin 1928 dhe gjatë veprimtarisë së tij dokumentoi momente të rëndësishme të jetës së qytetit.

Hapja e galerisë dhe ekspozitës synon të sjellë një hapësirë të re për artin dhe kulturën në kryeqytet, ndërsa fotografitë e Rakovicës rikthejnë për publikun një pjesë të rëndësishme të trashëgimisë vizuale të Prishtinës./A.K/

Continue Reading

Lajmet

Inspektorati nis kontrollet, udhërrëfyesit turistikë duhet të jenë të licencuar

Published

23 hours ago

on

August 31, 2026

By

Inspektorati Qendror i Mbikëqyrjes së Tregut ka nisur inspektimet në terren për të kontrolluar ushtrimin e veprimtarisë së udhërrëfyesve turistikë në Kosovë.

Sipas njoftimit, rastet e ushtrimit të kësaj veprimtarie pa licencë po ndëshkohen me gjoba, në përputhje me legjislacionin në fuqi.

Inspektorati u ka bërë thirrje të gjithë personave që ushtrojnë këtë veprimtari pa licencë që të kryejnë procedurat e licencimit dhe të vazhdojnë punën në mënyrë të rregullt dhe profesionale.

Sipas autoriteteve, licencimi përbën një detyrim ligjor, por njëkohësisht edhe një garanci për ofrimin e shërbimeve më profesionale dhe cilësore për turistët.

“Një turizëm i zhvilluar kërkon rregulla të qarta, zbatim të ligjit dhe shërbime cilësore për vizitorët”, thuhet në njoftim./A.K/

Continue Reading

Lajmet

Përvjetori i lindjes së Ali Podrimjes, një prej zërave më të fuqishëm të poezisë shqiptare

Published

4 days ago

on

August 28, 2026

By

Sot shënohet përvjetori i lindjes së poetit të madh shqiptar, Ali Podrimja, një prej figurave më të shquara të letërsisë shqipe bashkëkohore.

Ali Podrimja lindi më 28 gusht 1942 në Gjakovë dhe gjatë karrierës së tij letrare ndërtoi një prej opuseve më të rëndësishme të poezisë shqiptare.

Ndër veprat më të njohura të tij është “Lum Lumi”, një vepër e fuqishme dhe e ndjeshme që është bërë pjesë e rëndësishme e trashëgimisë së letërsisë shqipe.

Poezia e Podrimjes u dallua për gjuhën e veçantë, figuracionin e pasur dhe temat që lidhen me jetën, humbjen, dashurinë, atdheun dhe identitetin.

Ai u nda nga jeta më 21 korrik 2012, por vargjet dhe krijimtaria e tij vazhdojnë të lexohen dhe të vlerësohen nga breza të ndryshëm.

Emri i Ali Podrimjes mbetet i lidhur ngushtë me poezinë moderne shqiptare dhe me një trashëgimi letrare që vazhdon të ketë ndikim edhe sot./A.K/

Continue Reading

Lajmet

Nisin xhirimet e filmit të shkurtër “Deltar” me regji të Ibër Dearit

Published

5 days ago

on

August 27, 2026

By

Kanë nisur xhirimet e filmit me metrazh të shkurtër “Deltar”, me regji të Ibër Dearit, ndërsa producent dhe skenarist është Afrim Muçaj. Filmi është i subvencionuar nga Qendra Kinematografike e Kosovës.

“Deltar” sjell historinë e një djaloshi i cili detyrohet të largohet nga shtëpia së bashku me familjen, ndërsa qeni i tij mbetet pas, i lidhur në zinxhir.

Filmi trajton tema si lufta, braktisja, humbja, ikja dhe ndarja nga gjithçka që një fëmijë njeh dhe do, duke e sjellë luftën dhe pasojat e saj përmes përjetimit të një fëmije.

Në kastin e filmit janë Ledion Mulaki, Afrim Muçaj, Gentrit Shala, Mia Muçaj dhe Valon Nuhiu, së bashku me aktorë të tjerë./A.K/

Continue Reading

Të kërkuara