

Lajmet
Mbi 66 mijë lëndë presin zgjidhje në Gjykatën Themelore në Prishtinë
Sfidë mbetet numri i madh i lëndëve dhe numri i vogël i gjyqtarëve.
Published
2 years agoon
By
UBT newsGjykata Themelore në Prishtinë për tre muajt e parë të këtij viti ka pranuar 5308 lëndë të reja dhe ka përfunduar gjithsej janë 3903 lëndë. Megjithatë, janë mbi 66 mijë lëndë që presin zgjidhje.
Kështu ka thënë kryetarja e Gjykatës Themelore të Prishtinës, Albina Shabani-Rama gjatë prezantimit të raportit tremujor të punës së kësaj gjykate, të organizuar nga Qendra për Ndihmë Juridike dhe Zhvillim Regjional (CLARD) dhe Instituti i Kosovës për Drejtësi (IKD).
Shabani-Rama gjatë kësaj konference tha se veprimet e marra nga viti i kaluar kanë prodhuar efekt pozitiv në veprimtarinë e saj, duke sjellë rritje të cilësisë së shërbimeve dhe rritjen e numrit të zgjidhjes së rasteve të tjera.
“Gjatë këtij tremujori gjykata ka arritur standardin e përfundimit të çështjeve duke arritur në një normë prej 74 përqind dhe kjo është një tregues relativisht i mirë i përformancës së gjykatës, edhe pse synimi ynë është që të mbërrijmë mbi 100 përqind. Megjithatë përtej numrit të çështjeve që janë duke shqyrtuar dhe po përfundojnë, gjyqtarët veçanërisht janë të fokusuar te cilësia e vendimmarrjes sepse në fund të fundit, zbatimi i drejtësisë materializohet tek vendimet dhe te zbatimi i drejt i drejt i ligjit. Vinin e fundit fokusi i gjykatës tonë ka qenë ulja e numrit të lëndëve të mbetura të cilat kanë mbetur ndër vite. Kjo ishte dhe po mbetet sfida kryesore e gjykatës. Nga viti 2022 nga Gjykata Themelore e Prishtinës, janë bartur në këtë vit gjithsej 65.410 dosje gjyqësore të papërfunduara. Ndërsa, së bashku me degë ka trashëguar për këtë vit 82.339 dosje gjyqësore. Ndërkohë që numri i lëndëve të përfunduara në vitin 2022 ka qenë 33299“, tha ajo.
Ajo shtoi se gjatë këtij viti ardhja e numrit të lëndëve të reja është gjithmonë në rritje.
“Kemi pas diku deri në 31 mars, lëndë të regjistruara të ardhura 5308 lëndë të reja po flas për të gjitha nivelet. Ndërsa, janë përfunduar 3903 lëndë. E nëse bëjmë një statistikë se sa lëndë janë zgjedhur deri më 1 prill 2023, në Gjykatën Themelore pa degë, do të thotë janë mbi 66 mijë lëndë që presin zgjidhje”, tha ajo.
Ajo foli edhe për lëndët në Gjykatën Themelore në Prishtinë.
“Sa i përket lëndëve penale e krimeve të rënda 25 kanë arritur dhe janë zgjidhur 121, penale për të mitur 98 janë zgjidhur dhe kanë arritur 106, civile 3163 të arritura, 2107 të zgjidhura dhe administrative 737 kanë arritu, 584 janë zgjedhur. Do të thotë në total në të gjitha lëmitë kanë arrit 5308 ,ndërsa, janë zgjidhur 3903. Numri shumë i madh vazhdon të arrijë edhe në kundërvajtje”, tha ajo.
Sipas saj, sfidë mbetet numri i madh i lëndëve dhe numri i vogël i gjyqtarëve, megjithatë, theksoi se këtë vit presin përmirësime pasi kësaj gjykate do t’i shtohen edhe 15 gjyqtarë të rinj.
“Gjithashtu presim që shumë shpejt ta funksionalizojmë degën e gjykatës në Fushë Kosovë, e cila do të ketë kompetencë territoriale për komunën e Fushë Kosovën dhe Obiliqin dhe njëkohësisht presim që do të bartën disa dosje gjyqësore”, tha ajo.
Ajo shtoi se lëndët e Gjykatës Komerciale nuk janë përfshirë në raportin tremujor. Derisa theksoi se njoftimi për orarin e seancave është prioritet dhe se së shpejti pritet që këto njoftime të jenë të rregulla.
Shabani-Rama është pyetur edhe për shkeljet që kanë bërë gjyqtarët
“Për vitin e kaluar nuk i kam marrë statistikat por deri tash unë i kam parashtruar dy kërkesa në Këshillin Gjyqësor për shkelje të procedurës disiplinore ndaj gjyqtarëve”, tha ajo./UBTNews/
Lajmet
Osmani pranoi letrat kredenciale nga ambasadori i ri i Hungarisë në Kosovë
Published
16 hours agoon
May 30, 2025By
UBTnews
Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.
Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.
Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.
Lajmet
Punëtorët e “Pastrimit” në ditën e nëntë të grevës
Published
18 hours agoon
May 30, 2025By
UBTnews
Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.
Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.
Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.
“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.
Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.
Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.
“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.
Lajmet
Ministria e Shëndetësisë paralajmëron 100 inspektorë të rinj për luftën kundër duhanit
Published
20 hours agoon
May 30, 2025By
UBTnews
Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.
Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.
Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.
“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.
Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.
“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.
Lajmet
PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë
Published
21 hours agoon
May 30, 2025By
UBTnews
Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.
Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.
“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Lajm i mirë për pronarët e automjeteve elektrike

“Ëndrra pa kufi, Opera pa mure” – publikohen datat e Ramë Lahaj International Opera Festival

Këto zakone po ju pengojnë të jeni më inteligjent, ja cilat duhen shmangur

UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor

Vitamina D mund të ngadalësojë plakjen

Von der Leyen: Evropa duhet të forcojë mbrojtjen, të pranojë Ukrainën në BE

Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova

Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”

Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur