Lajmet

Vrasja e 18-vjeçarit në Podujevë, ja me sa vite burgim u dënuan dy të miturit në rigjykim

Published

2 years ago

on

Gjykata Themelore në Prishtinë, edhe në rigjykim për vrasjen e 18-vjeçarit në Podujevë, të miturin e parë e ka dënuar me 10 vjet burgim, kurse të miturin e dytë me 9 vjet burgim.

Kështu ka deklaruar avokati i të dëmtuarve, Tomë Gashi, i cili ka thënë se Gjykata sot ka vendosur të njëjtin dënim për të miturit si në muajin maj.

Tomë Gashi, ka thënë se Gjykata dy të miturit i ka shpallur fajtorë për veprën “vrasje e rëndë”.

“Ka vendosur si herën e kaluar, në majin e këtij viti, duke i shqiptuar dënim njërit në kohëzgjatje prej 10 viteve dhe tjetrit prej 9 vitesh. Me këtë vendim të gjykatës i cili është vendim i përsëritur për shkak se Gjykata e Apelit e ka kthyer në rigjykim dhe rivendosje vërtetohet se rasti është kthyer në rigjykim për shkaqe teknike krejtësisht formale dhe jo që ka ndryshuar ndonjë gjendje faktike. Gjykata po ashtu i ka shpallur fajtorë për vrasje të rëndë dhe jo sipas pretendimeve të tyre që kinse diçka ka qenë incident momental, gjë që është vërtetuar edhe me video incizime dhe me prova të tjera që gjithçka faktikisht i ka paraprirë një sulmi të mëhershëm dhe Gjykata në prizmin tim ka vendosur drejtë”, ka thënë Gashi.

Po ashtu, sa i përket njërit prej të miturve që është dënuar për 9 vite si përgjegjës, Gashi ka shtuar se do të paraqesin ankesë.

Ndërsa, për dënimin që parashihet me ligj për të miturit, i cili është deri në 10 vite, avokati Tomë Gashi është shprehur se në të ardhmen duhet të ndryshohet ky ligj dhe të bëhen dënime më të ashpra për ata që kryejnë vepra penale të këtij lloji.

“Sa i përket një të mituri i cili është shpallur përgjegjës i është shqiptuar dënimi prej 9 vitesh, besoj se si përfaqësues juridik i palës së dëmtuar do të paraqesim ankesë, këtë mund ta bëjë edhe Prokuroria e Shtetit dhe besojmë që vendimi ka qenë i drejtë, ndërsa sa i përket maksimumit të dënimeve duhet ta dini se maksimumi është në kohëzgjatje prej 10 vitesh… Duhet të mendohet në të ardhmen që të ndryshohen ligjet dhe të jenë më të ashpra, në raport me secilin që me vetëdije të plotë me qëllim të plotë kryejnë vepra kaq të rënda penale, saqë i merret jeta dikujt, këtë rast jeta e një të riu 18 vjeçar, për arsye të thjeshta. Përveç që ka marrë jetën e një të riu ka shkaktuar pasoja të përjetshme për familjet e tyre”, ka shtuar Gashi.

Për kthimin e rigjykimit, Gashi ka theksuar se kjo është “a,b,c-ja” e drejtësisë, dhe sipas tij duket se Gjykata nuk e ka ditur që nuk mund të jetë në të njëjtën kohë edhe si gjyqtare në procedurën paraprake dhe kryetare e trupit gjykues.

“Arsyeja kryesore që është kthyer në rigjykim ka qenë paksa e çuditshme sepse njëri prej anëtarëve të trupit gjykues që ka vendosur në maj të këtij viti paraprakisht ka vepruar si gjyqtar në procedurën paraprake. Që i bie thjeshtë këto janë ‘a b c’ në drejtësi dhe duket se Gjykata nuk e ka ditur që nuk mund të jetë në të njëjtën kohë edhe si gjyqtare në procedurën paraprake dhe kryetare e trupit gjykues”, ka theksuar ai.

Lulzim Fejzullahu, është rrahur me shkop bejsbolli nga dy të miturit me 15 janar të këtij viti dhe është dërguar në Qendrën Klinike Universitare të Kosovës në Prishtinë.

I njëjti nga plagët e rënda, ka ndërruar jetë me 20 janar në QKUK.

Në gjykimin e parë, Departamenti për të Mitur në Gjykatën Themelore në Prishtinë, më 23 maj 2024 kishte shpallur aktgjykim dënues ndaj dy të miturve lidhur me vrasjen e 18-vjeçarit në Podujevë. I mituri i parë u dënua me 10 vjet burgim, kurse i mituri i dytë u dënua me 9 vjet burgim.

Related Topics:
Continue Reading

Lajmet

Rina Lipa nis bashkëpunimin me ASOS, merr rolin e Drejtoreshës Kreative për Dilemat e Stilit

Published

5 minutes ago

on

July 15, 2026

By

Rina Lipa, motra më e vogël e këngëtares Dua Lipa, ka nisur një bashkëpunim të ri me gjigantin e modës online ASOS, i cili ka publikuar një seri fotografish ku modelja dhe kërcimtarja prezanton kombinime të ndryshme veshjesh.

25-vjeçarja, e cilësuar më parë si një nga “Gen Z It Girls”, vazhdon të tërheqë vëmendjen në botën e modës, ndërsa në kuadër të këtij bashkëpunimi do të mbajë rolin e Drejtoreshës Kreative për Dilemat e Stilit.

Në këtë rol, Rina do t’i ndihmojë ndjekësit të zgjidhin dilemat e përditshme të stilit përmes përmbajtjeve që do të publikohen në TikTok dhe Instagram, duke ofruar ide dhe kombinime të ndryshme mode.

“Drejtoresha jonë e Dilemave të Stilit sapo zbuloi vendin që ka të gjitha përgjigjet. Gardëroba juaj e verës tashmë është gati, e stiluar nga @rinalipa”, thuhet në postimin e ASOS.

Rina pason influenceren irlandeze Olivia O’Neill, e njohur si Out of Office Director e ASOS, e cila ia dorëzon simbolikisht rolin në videon promovuese të bashkëpunimit.

Në fotografitë e publikuara, Rina shfaqet me disa kombinime elegante verore. Në njërën prej tyre ajo vesh një fustan mini me grep në ngjyrë të verdhë, të zbukuruar me thekë argjendi, ndërsa në një tjetër paraqitet me një fustan mini ngjyrë argjendi, të kombinuar me këpucë të zeza dhe flokët e lëshuara.

Në një stil më casual, ajo pozon me një bluzë kafe me lidhje pas qafe, pantallona të shkurtra xhins dhe atlete Nike.

Përzgjedhja e Rinës për këtë rol nuk vjen rastësisht. Revista Tatler e ka cilësuar më parë si një nga emrat më premtues të brezit të ri në modë, ndërsa gjatë karrierës së saj ka modeluar për Red Valentino, ka bashkëpunuar me Nasty Gal dhe së fundmi ka siguruar edhe rolin e saj të parë të rëndësishëm në një film horror./A.K/

Continue Reading

Lajmet

Nis puna për hartimin e Planit të Konservimit dhe Menaxhimit të Integruar të Çarshisë së Madhe në Gjakovë

Published

11 minutes ago

on

July 15, 2026

By

Grupi Konsultativ i Projektit është mbledhur për të diskutuar hartimin e Planit të Konservimit dhe Menaxhimit të Integruar të Çarshisë së Madhe në Gjakovë, ku janë prezantuar rezultatet e para të Studimit Preliminar të Strukturës Urbane.

Studimi, i realizuar nga QRTK Gjakovë me mbështetjen e UN-Habitat në Kosovë dhe Ministrisë së Kulturës dhe Turizmit, në bashkëpunim me Komunën e Gjakovës dhe Institutin e Kosovës për Mbrojtjen e Monumenteve (IKMM), analizon katër elemente kryesore: trashëgiminë kulturore, strukturën urbane, shfrytëzimin e tokës dhe rrjetin rrugor.

Bazuar në këto analiza, është prezantuar edhe propozimi fillestar për përcaktimin e kufijve të perimetrit dhe zonës mbrojtëse të Çarshisë së Madhe, i hartuar në përputhje me legjislacionin në fuqi për trashëgiminë kulturore dhe metodologjinë e UNESCO-s për Peizazhin Urban Historik.

Ky proces përfaqëson një hap të rëndësishëm drejt hartimit të një plani të integruar, i cili synon të mbrojë vlerat unike të Çarshisë së Madhe, duke mbështetur njëkohësisht zhvillimin e saj të qëndrueshëm dhe ruajtjen e trashëgimisë kulturore për brezat e ardhshëm.

Gjatë takimit u vlerësua angazhimi i anëtarëve të Grupit Konsultativ, të cilët kontribuuan me diskutime dhe propozime në avancimin e këtij procesi./A.K/

Continue Reading

Lajmet

Dhunim në Gjilan, viktima dërgohet në QKUK

Published

35 minutes ago

on

July 15, 2026

By

Në Gjilan dyshohet se ka ndodhur një dhunim, sipas raportit 24-orësh të Policisë së Kosovës.

Policia njofton se është duke e trajtuar rastin. Ndërsa, viktima me urdhër të prokurorit është dërguar në QKUK në Prishtinë për ekzaminime më të hollësishme mjekësore. Rasti është nën hetime.

Në raportin e policisë nuk ka më shumë informata nëse ka ndonjë të dyshuar deri më tani.

Continue Reading

Lajmet

Spanja mposht Francën dhe siguron finalen

Published

43 minutes ago

on

July 15, 2026

By

Kampione e Evropës dhe tashmë finaliste e Botërorit 2026. Kombëtarja e Spanjës ka siguruar biletën e madhe për në finalen e Kupës së Botës, pas një fitoreje bindëse dy me zero ndaj Francës të martën mbrëma në Dallas. Spanjollët dominuan plotësisht lojën që nga minuta e parë, duke lënë në hije yjet e Francës si Kylian Mbappe, Ousmane Dembele dhe Michael Olise, të cilët dështuan të gjenin rrugën e rrjetës përballë një Spanje tërësisht superiore.

Rrugën drejt finales e hapi Mikel Oyarzabal në minutën e 22-të, duke u treguar i saktë nga pika e bardhë e penalltisë. Kjo e fundit u sigurua nga talenti Lamine Yamal, i cili u pengua brenda zonës nga Lucas Digne gjatë një tentative për të larguar topin. Ky ishte goli i pestë në këtë kampionat për Oyarzabal, i cili e dërgoi ekipin në pushim me epërsi minimale.

Me të filluar pjesa e dytë, në minutën e 58-të, Pedro Porro vulosi fatin e takimit duke shënuar golin e dytë dhe duke siguruar finalen e parë të Spanjës në një Botëror që nga viti 2010, kur u shpallën kampionë bote.

Në krahun tjetër, kjo humbje shënon një dështim të madh për Francën, e cila humb mundësinë për të luajtur në finalen e saj të tretë radhazi, pas titullit të fituar në vitin 2018 dhe finales dramatike të katër viteve më parë kundër Argjentinës. Pavarësisht eliminimit, ylli francez Kylian Mbappe e mbyll këtë Botëror me tetë gola të shënuar, po aq sa ka realizuar edhe legjenda Lionel Messi. /E.A/

 

Continue Reading

Të kërkuara