Lajmet

Mbi 60 propozime i shtohen listës së barnave esenciale, kritika për monopol

Vitia deklaroi se lista e barnave esenciale ngjason me atë të OBSH-së.

Published

on

Mbi 100 propozime të reja janë dorëzuar sot për listën e barnave esenciale, me ç’rast, 68 prej tyre janë pranuar. Produktet e reja të përfshira në këtë listë janë për të gjitha sëmundjet e organeve të trupit, por edhe atyre që janë rralla. Kështu u tha në diskutimin publik lidhur me listën e re të barnave esenciale, që veç tjerash, pati kritika për monopol.

Ministri i Shëndetësisë, Arben Vitia deklaroi se lista e barnave esenciale ngjason me atë të Organizatës Botërore të Shëndetësisë (OBSh).

“Lista e barnave esenciale paraqet një listë të nevojave esenciale të barnave bazike të sistemit shëndetësor, efikase, të sigurta, por natyrisht edhe kos-efektive. Duke parë nevojat e shumta të pacientëve me rritjen e buxhetit këtë vit për barna dhe pajisje dhe materiale shpenzuese për sistemin shëndetësor në Kosovë në afro 60 milionë euro dhe për grupin kishim mundësi që të bëjmë plotësimet dhe ndryshimet përkatëse ashtu që, sa më shumë pacientë të përfitojnë nga barnat e reja që do t’i shtohen kësaj liste. Komiteti profesional është në përbërje të profesionistëve eminent të fushave të ndryshme specialistike, duke përfshirë mjekë dhe farmacistë”, tha Vitia.

Kryesuesi i Komitetit për Listën e Barnave Esenciale, Driton Vela u shpreh se puna për revidimin e listës esenciale ka nisur në tetor të vitit të kaluar, për çka janë mbajtur rreth 50 takime.

“Një prej caqeve kryesore të komitetit kyç ka qenë që ta zgjerojmë listën aktuale me produkte të reja. Dhe këtë e kemi bërë, kemi pranuar rreth 130 propozime të reja, ku përfshihen rastet e propozimeve individuale. Nga to, 68 propozime të reja janë pranuar. Propozimet nuk nënkuptojnë një bari i ri, por, mund të nënkuptojë edhe një bari aktual që është në listë e që është propozuar të jepet ndonjë dozë e re. Në përgjithësi, barnat e reja përfshijnë të gjitha barnat e koncept-dokumentit për sëmundjet e rralla”, u shpreh ai.

Vela shtoi se gama e produkteve të reja përfshin të gjitha sëmundjet e të gjitha organeve të trupit të njeriut.

“Në listën e re kemi barnat e ri për kancer hematologjik, kemi barna të reja për sëmundjet auto-imune, për terapinë imuno-supresive, për diabetin dhe sëmundje të tjera kronologjike, kemi barna të ri për pamjaftueshmërinë e zemrës dhe sëmundje kardiovaskulare, për sëmundjet e mushkërive, infeksione të ndryshme rezistente, kancerët jo-hematologjik, çrregullimet e koagulimit, çrregullime psikiatrike, dëmtime të rënda të të parit, sëmundjet e veshkave, helmimet, terapi të ndryshme të mjekimit intensiv dhe sëmundjet e rralla. Do të thotë gama e produkteve të reja përfshin pothuajse të gjitha sëmundjet e gjitha organeve të trupit të njeriut”, ka shtoi ai.

Kryetari i Shoqatës së Distributorëve të Kosovës, Milaim Abdullahu tha se e kanë marrë me vonesë draftin e listës për barnat esenciale.

“Në bazë të analizës që kemi bërë ne, atëherë del që disa produkte që kanë qenë në listë esenciale me specifika të caktuara, me apo pa qëllim nuk e di, janë eleminuar. Edhe në bazë të dozës të kubikazhit ju ka dhënë monopol disa kompanive”, tha ai.

Kryesuesi i Komitetit për Listën e Barnave Esenciale, Driton Vela ka shtuar se në të ardhmen duhet të bëhet plotësimi i bazës ligjore për listën esenciale dhe të krijohen mekanizma të kontrollit të zbatimit të saj.

Aktualitet

Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes

Published

on

UBT, përmes Fakultetit të Arkitekturës dhe Planifikimit Hapësinor, ofron një program studimor të avancuar në nivelin master, i cili ka për qëllim të përgatisë arkitektë të aftë për të identifikuar dhe analizuar problemet arkitektonike, për të hartuar e zhvilluar projekte profesionale dhe për të ofruar shërbime cilësore për komunitetin, gjithmonë duke marrë parasysh aspektet shoqërore dhe mjedisore.

Ky program shquhet për qasjen e tij interdisiplinare, duke i pajisur studentët me aftësi të komunikimit, punës ekipore dhe individuale, si dhe me mundësinë për të transferuar dhe kontekstualizuar kompetencat e tyre në fusha të ndryshme të tregut të punës.

Struktura e programit

Programi zgjat dy vjet (katër semestra) dhe përfshin një kombinim të lëndëve teorike, studio praktike dhe projekte kërkimore.

Dy semestrat e parë fokusohen në dizajnin arkitektonik të avancuar, planifikimin urban, restaurimin e trashëgimisë dhe aspektet ligjore të projektimit.

Viti i dytë përfshin lëndë mbi planifikimin hapësinor evropian, infrastrukturën, peizazhin, efiçiencën energjetike dhe metodat e hulumtimit.

Semestri i katërt përmbyllet me një projekt kërkimor dhe tezën e diplomës.

Kjo qasje siguron që studentët të kuptojnë jo vetëm teknikat e projektimit dhe aspektet inxhinierike, por edhe të vlerësojnë ndikimin social, ekonomik dhe hapësinor të mjedisit përmes planifikimit urban dhe arkitektonik.

Rezultatet e të mësuarit

Pas përfundimit me sukses të programit, studentët do të jenë të aftë të:

  • Kuptojnë dhe aplikojnë teknikat e projektimit, planifikimit dhe aspektet inxhinierike të projekteve.
  • Vlerësojnë dimensionet sociale, ekonomike e mjedisore të arkitekturës.
  • Komunikojnë profesionalisht me audienca të ndryshme dhe ofrojnë zgjidhje konkrete për problemet e ndërtimit.
  • Kontribuojnë në kërkime shkencore dhe të vlerësojnë vlerat arkitektonike e urbanistike.

Përvoja studentore dhe karriera

Përveç mësimdhënies, studentët e arkitekturës në UBT përfitojnë nga:

  • Qendra e Karrierës, e cila i lidh me industrinë përmes praktikave profesionale dhe panaireve të punës.
  • Certifikime dhe trajnime shtesë, të cilat rrisin konkurrueshmërinë e tyre në treg.
  • Organizatat studentore, që u japin zë në vendimmarrje dhe u mundësojnë një përvojë të plotë akademike dhe sociale.

Perspektiva profesionale

Të diplomuarit e këtij programi gjejnë mundësi të shumta punësimi në:

  • Firma konsulente të arkitekturës dhe inxhinierisë
  • Institucione publike e private të ndërtimit dhe planifikimit
  • Organizata kombëtare e ndërkombëtare të zhvillimit
  • Institucione akademike dhe kërkimore

UBT thekson se ky program është ndërtuar për të përgatitur arkitektët dhe planifikuesit hapësinorë të së ardhmes, të cilët do të jenë të aftë të përballen me sfidat e zhvillimit urban dhe mjedisor, duke kontribuar njëkohësisht në zhvillimin e qëndrueshëm të vendit dhe rajonit.

APLIKO TANI ONLINE!

Continue Reading

Aktualitet

UBT: Programi i vetëm i Studimeve të Sigurisë në Kosovë, edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin e Studimeve të Sigurisë, i vetmi i këtij profili në Kosovë. Ky program u ofron studentëve mundësinë të bëhen ekspertë në fushën e sigurisë kombëtare, publike dhe ndërkombëtare.

Diploma e këtij programi hap dyert për punësim në institucione shtetërore të sigurisë, organizata ndërkombëtare, agjenci të sigurisë private, si dhe në fusha të lidhura me menaxhimin e krizave dhe sigurinë kibernetike.

UBT thekson se programi është i ndërtuar mbi kurrikula bashkëkohore të universiteteve më prestigjioze të Evropës dhe ShBA-së, duke iu përshtatur nevojave të tregut vendor dhe rajonal. Studentët do të kenë mundësi të marrin njohuri në fusha ndërdisiplinore si ligji, psikologjia, gjeopolitika, marrëdhëniet ndërkombëtare, politika e jashtme, teknologjia e informacionit dhe metodologjia e kërkimit.

Aplikimi për regjistrim është i hapur online në linkun: APLIKO TANI ONLINE!

UBT fton maturantët të shfrytëzojnë këtë mundësi të fundit për t’u bërë pjesë e programit që përgatit liderët e së ardhmes në fushën e sigurisë.

Continue Reading

Lajmet

Basha mbyll seancën konstituive, asnjë deputetë serbë nuk merr votat për nënkryetar

Published

on

By

Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.

Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.

“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.

Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.

Continue Reading

Lajmet

Murati: Sot është dita vendimtare për konstituimin e Kuvendit të Kosovës

Published

on

By

Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.

Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.

“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Continue Reading

Të kërkuara