Lajmet

Maska e vjeshtës erdhi! Ja tre përbërësit e kuzhinës që i duhen fytyrës suaj këtë stinë

Këto erëza të shijshme jo vetëm që kanë erë të mahnitshme, por janë natyrisht të mira për lëkurën tuaj.

Publikuar

Me ndërrimin e stinëve, ndryshon edhe moti. Dhe të gjithë e dimë sesi temperaturat e ulëta mund të plasarisin lëkurën tonë. Nuk ka rëndësi gjendja e fytyrës, një maskë natyrale është gjithmonë një alternativë e mirë!

 Arrëmyshk dhe kanellë

Këto erëza të shijshme jo vetëm që kanë erë të mahnitshme, por janë natyrisht të mira për lëkurën tuaj. Arrëmyshku pluhur ka veti anti-inflamatore dhe ndihmon për të zvogëluar madhësinë e poreve, për të zvogëluar njollat dhe plagët e puçrrave. Kanella vepron si një eksfoliant natyral dhe antiseptik. Kur këto erëza kombinohen me mjaltin, ato krijojnë një maskë për shërimin e lëkurës.

Megjithatë, një shënim i rëndësishëm:
Arrëmyshku mund të jetë i ashpër në lëkurë veçanërisht tek lëkurat e ndjeshme.Prandaj sigurohuni që ta provoni maskën në lëkurën e dorës,  përpara se ta aplikoni në fytyrë.

Përbërësit:

  • 1 lugë gjelle mjaltë
  • 1/4 lugë çaji kanellë
  • 1/4 lugë çaji arrëmyshk

Udhëzime:

  • Kombinoni të gjithë përbërësit.
  • Aplikojeni pastën në një fytyrë të pastër shumë butësisht në lëvizje rrethore dhe kini kujdes që të shmangni zonën e syve.
  • Mos e fërkoni pasi mund të shkaktojë acarim  të lehtë, veçanërisht nëse keni lëkurë të ndjeshme.
  • Lëreni maskën të veprojë deri në 20 minuta dhe më pas shpëlajeni me ujë të ngrohtë./neps.al 

Kronika e zezë

Policia konfiskoi mbi 2 mijë patentë shoferë për tre muaj

Derisa 5 mijë e 13 shoferëve u janë vendosur pikët negative.

Publikuar

nga

Policia e Kosovës ka njoftuar se përgjatë periudhës kohore janar – mars të vitit 2024, 2 mijë e 223 shoferëve u është konfiskuar patentë shoferi. Derisa 5 mijë e 13 shoferëve u janë vendosur pikët negative.

Në njoftim thuhet se Policia do të vazhdojë me aktivitete që kanë për qëllim ngritjen e sigurisë në trafikun rrugor si dhe uljen e aksidenteve.

“Policia e Kosovës vazhdon me aktivitete që kanë për qëllim ngritjen e sigurisë në trafikun rrugor si dhe uljen e aksidenteve. Gjatë periudhës kohore janar – mars 2024:• 2,223 shoferëve, iu është ndaluar drejtimi i mjetit me veprim motorik. • 5,013 shoferëve, iu kanë vendosur pikë negative”, thuhet në njoftim.

Vazhdo të lexosh

Lajmet

​Sulmi ndaj Izraelit, G7 përgatit sanksionet ndaj Iranit

“Ne kërkojmë që Irani dhe grupet e lidhura me të të ndërpresin sulmet e tyre”, thuhet në komunikatë.

Publikuar

nga

G7 është gati të vendosë sanksione të reja ndaj Iranit pas sulmit të tij ndaj Izraelit fundjavën e kaluar, thuhet në komunikatën përfundimtare të Takimit të Ministrave të Jashtëm të G7 në Capri të premten.

“Ne kërkojmë që Irani dhe grupet e lidhura me të të ndërpresin sulmet e tyre”, thuhet në komunikatë. “Ne do ta mbajmë qeverinë iraniane përgjegjëse për veprimet e saj të dëmshme dhe destabilizuese dhe jemi të gatshëm të marrim sanksione ose masa të tjera tani dhe në përgjigje të nismave të mëtejshme destabilizuese”.

Një paragraf kushtuar luftës në Ukrainë thoshte se “nëse Irani vazhdon me furnizimin me raketa balistike ose teknologji të lidhura me Rusinë, ne jemi gati të përgjigjemi në një mënyrë të shpejtë dhe të koordinuar, duke përfshirë masa të reja të rëndësishme”.

Në komunikatë iu bë thirrje të gjitha palëve të përfshira që të kërkojnë de-përshkallëzimin. “Në dritën e lajmeve për bastisjet e 19 prillit, ne u bëjmë thirrje të gjitha palëve të punojnë për të parandaluar përshkallëzimin e mëtejshëm”, thuhet në komunikatë. “G7 do të vazhdojë të punojë për këtë qëllim.

Vazhdo të lexosh

Kronika e zezë

​Konfiskohen dy armë zjarri në Suharekë

Armët u konfirmuan në raste të ndara.

Publikuar

nga

Policia e Kosovës në 24 orët e fundit në Suharekë në dy raste të ndara ka konfiskuar dy armë zjarri. Në rastin e parë, gjatë kontrollit në automjetin Audi 4G, me targa vendore të cilin e drejtonte dëshmitari, në ulësen e pasme të automjetit është gjetur dhe konfiskuar një pistoletë me 23 fishekë, në pronësi të dyshuarit S. M. (33).

Ndërsa në rastin e dytë, po ashtu njësia policore në Suharekë i është përgjigjur një rast vetaksident trafiku me lëndime në Terrnje. Policia ka kontaktuar të dyshuarin XH.B. (62), i cili ishte vetaksidentuar me veturë e tij.

Zyrtarët policorë kanë vërejtur se i njëjti mbante në brez një armë pistoletë të tipit, Ekol Special, kalibri 9 mm me karikator me tre fishekë të kalibrit 7.65 mm, të cilën në cilësinë e provave materiale e kanë konfiskuar në vendin e ngjarjes.

Pistoleta duket të ketë qenë me gaz, por e konvertuar në armë zjarri. Pas intrervistimit, me urdhër të prokurorit dy të dyshuarit janë liruar në procedurë të rregullt. Ndaj tyre janë iniciuar raste për veprën penale mbajtje në pronësi, kontroll ose posedim të paautorizuar të armës.

Vazhdo të lexosh

Lajmet

Uglanin: Punë e kryer, votimi në veri nuk do të ketë sukses

Ai thotë se kjo është punë e kryer.

Publikuar

nga

Nexhat Uglanin, kryesues i Kuvendit Komunal në Mitrovicën e Veriut thotë se nuk do të ketë sukses votimi i 21 prillit. Ai thotë se kjo është punë e kryer.

“Jo, jo nuk do të ketë sukses. Ajo punë është e kryer vetëm se është obligative për komunitetin me shumicë serb që të marrin pjesë sepse është thirrja për subjektin politik i cili i përfaqëson me ndikimin nga Serbia, për bojkotimin e atyre zgjedhjeve. Tash është problemi si do të bëhet ai referendumi për shkarkimin sipas udhëzimit administrativ, sepse është problemi që KQZ duhet me zgjedhë këtë përmes KKZ’’, thotë Uglanin.

Ai shprehet i bindur që kryetarët dhe asambletë komunale do të vazhdojnë punën e tyre deri në përfundim të mandatit.

“Kryetarët do të vazhdojnë rrugëtimin bashkërisht me asambletë komunale deri në përfundim të mandatit sepse strategjia e Listës Serbe është gjithmonë me parë pjesën veriore në pension politik”, u shpreh Uglanin.

Vazhdo të lexosh

Të kërkuara