Kronikë e zezë

Martirët e komunizmit: Dom Sirdani dhe Dom Çuni nderohen për shkëlqimin dhe sakrificën e tyre në histori

Published

1 year ago

on

Arkivi i Shtetit i kushtoi sot një ceremoni përkujtimore dom Aleksandër Sirdanit dhe dom Pjetër Çunit, dy klerikëve të njohur të Kishës Katolike që u bënë viktima të përndjekjes dhe dhunës gjatë periudhës komuniste në Shqipëri. Ky përvjetor shënon një moment të rëndësishëm për reflektim mbi vuajtjet dhe sakrificat e bëra nga ata që ndihmuan në ruajtjen e besimit dhe kulturës në kohëra të errëta. 

Nga viti 1944, Shqipëria u përball me një valë të madhe spastrimesh ndaj klerikëve dhe besimtarëve, që ishte një nga ndjekjet më të ashpra ndaj institucioneve fetare në historinë e vendit. Kjo periudhë e errët, e intensifikuar më tej në vitin 1967, solli humbjen e shumë klerikëve dhe besimtarëve të ndershëm që ishin përpjekur të ruanin fenë dhe kulturën e tyre.

Dom Aleksandër Sirdani dhe dom Pjetër Çuni ishin dy nga figurat më të shquara që u përballën me dhunë dhe tortura nga regjimi komunist. Sipas dokumenteve historike, këta klerikë u arrestuan për aktivitet armiqësor dhe u torturuan në një gropë të ujërave të zeza në Koplik. Ata u hodhën në një pus ku përjetuan vuajtje të jashtëzakonshme deri në fundin e tyre, që përkonte me ditën e fundit të korrikut të vitit 1948.

Dom Aleksandër Sirdani dhe dom Pjetër Çuni ishin më shumë se thjesht klerikë; ata ishin kontribuues të shquar të kulturës dhe përhapës të fesë katolike në Shqipëri. Sirdani, në veçanti, ishte një figurë e njohur për kontributet e tij në shtypin e kohës dhe në revistën e jezuitëve “Leka”, ku kontribuoi me artikuj dhe publikime të ndryshme.

Ceremonia përkujtimore sot u fokusua në nderimin e kujtimit të tyre dhe të të gjithë atyre që dhanë jetën për të mbrojtur dhe ruajtur besimin dhe kulturën në një kohë të vështirë për Shqipërinë. Ky përvjetor është një mundësi për të reflektuar mbi sakrificat e të kaluarës dhe për të ruajtur kujtimin e këtyre martirëve që dhanë jetën për parimet e tyre./UBTNews/

Related Topics:
Continue Reading

Kronikë e zezë

Pesë raste të dhunës në familje në raportin 24 orësh të Policisë

Published

1 week ago

on

January 5, 2026

By

Pesë raste të dhunës në familje janë raportuar në raportin 24 orësh të Policisë së Kosovës.

Në Prishtinë një burrë e ka sulmuar fizikisht vëllain e tij. I dyshuari gjendet në arrati.

“Raportohet se pas një mosmarrëveshje ankuesi m/k është sulmuar fizikisht nga vëllai i tij i dyshuari mashkull kosovar. Viktima nuk ka pranuar tretman mjekësor, ndërsa i dyshuari gjendet në arrati.”

Ndërsa, në Deçan një grua është sulmuar nga bashkëshorti i saj. Ai është arrestuar dhe pas intervistimit është dërguar në mbajtje.

“Raportohet se pas një mosmarrëveshje viktima f/k, është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt.”

Një burrë tjetër në Malishevë dyshohet se ka ushtruar dhunë fizike dhe psikike ndaj gruas së tij. Ai është dërguar në mbajtje.

“Raportohet  se pas një mosmarrëveshje verbale, bashkëshorti i saj i dyshuari m/k ka ushtruar dhunë fizike dhe psikike ndaj viktimës femër me nënshtetësi të huaj. Viktima ka pranuar tretman mjekësor ndërsa i dyshuari është arrestuar dhe pas intervistimit me vendim të prokurorit është dërguar në mbajtje.”

Në Malishevë, një person me probleme mendore ka thyer dhe demoluar gjësende në shtëpi. Ai është ndaluar për 48 orë.

“Raportohet se i dyshuari mashkull kosovar me probleme mentale ka thyer dhe demoluar gjësende të ndryshme në shtëpi. I dyshuari është arrestuar dhe me vendim të prokurorit është dërguar për tretman mjekësor nën masën e ndalimit prej 48 orësh.”

Një grua në Rahovec ka raportuar se është kanosur nga ish bashkëshorti i saj.

“Raportohet se ish bashkëshorti i ankueses f/k ,i dyshuari mashkull kosovar (m/k) e kishte kanosur përmes rrjeteve sociale. Rasti nën hetime.”

Continue Reading

Lajmet

Njëzet shtete me burgjet më të stërmbushura

Published

1 week ago

on

January 3, 2026

By

Statistikat janë gjithnjë interesante. I pëlqejnë publikut, i cili mëson prej tyre gjëra interesante, të cilat mund të mos i ketë ditur, apo nuk ka pasur interes të shtuar për to.

Një nga statistikat interesante ka të bëjë me numrin e personave të burgosur në shtete të ndryshme. Dhe habitesh nga shifrat milionëshe, qindar e dhjetëra mijëshe.

Le t’i shohim në vazhdim 20 shtetet që kanë më së shumti persona të burgosur:

  1. SHBA – 1.808.100
  2. Kina – 1.690.000
  3. Brazili – 850.577
  4. India – 573.220
  5. Rusia – 433.006
  6. Turqia – 362.422
  7. Tajlanda – 274.277
  8. Indonezia – 273.541
  9. Meksiko – 233.687
  10. Irani – 189.000
  11. Afrika e Jugut – 157.054
  12. Egjipti – 120.000
  13. Argjentina – 117.680
  14. El Salvadori – 109.579
  15. Pakistani – 87.712
  16. Bangladesh – 74.851
  17. Nigeria – 84.767
  18. Franca – 78.509
  19. Polonia – 70.927
  20. Arabia Saudite – 68.056

Continue Reading

Lajmet

Aksioni i Policisë me AKI-në, arrestohen dy të huaj për kontrabandim me migrantë

Published

3 weeks ago

on

December 24, 2025

By

Policia e Kosovës më saktë Sektori i Hetimeve të Departamentit për Kufi, në bashkëpunim dhe në asistencë edhe të Agjencisë së Kosovës për Inteligjencë (AKI), pas një periudhe disa mujore monitorimi nga institucionet kompetente, ka arrestuar një shtetas jordanez dhe një shtetase turke, nën dyshimin për kryerje të veprës penale “Kontrabandim me migrantë”.

Policia njofton se sipas të dhënave hetimore, i lartcekuri dyshohet se ka organizuar ardhjen e shtetasve të huaj, kryesisht nga shtetet e Lindjes së Mesme dhe Azia, me qëllim të hyrjes së tyre në Republikën e Kosovës, prej nga më pas dyshohet se bëhej kontrabandimi i tyre në drejtim të vendeve të Bashkimit Evropian.

“Po ashtu ndaj të njëjtit egziston dyshimi se ka udhëhequr një grup të mirë organizuar kriminal, të cilët dyshohet se kanë përfituar mjete të konsiderueshme financiare nga kjo veprimtari e paligjshme”, thuhet në njoftimin e Policisë.

Lidhur me rastin është realizuar kontrolli tek personi i dyshuar ku janë gjetur dhe konfiskuar gjithsej 53 (pesëdhjetë e tre) pasaporta të shtetasve jordanezë.

Policia në fund tha se për veprimet e ndërmarra është konsultuar edhe prokuroria kompetente, me vendimin e së cilës dy të dyshuarit dërgohen në ndalim për 48 orë./S.K/KP/PK/

Continue Reading

Lajmet

Aksion i madh kundër korrupsionit në Prishtinë, arrestohen 7 persona

Published

3 weeks ago

on

December 19, 2025

By

Një aksion i gjerë kundër korrupsionit është zhvilluar më 18 dhjetor 2025 në rajonin e Prishtinës, nën udhëheqjen e Prokurorisë Speciale të Republikës së Kosovës, ku janë arrestuar disa persona të dyshuar për vepra të rënda penale.

Sipas njoftimit zyrtar, operacioni është realizuar nga Drejtoria për Hetimin e Krimeve Ekonomike, pas një periudhe monitorimi dhe hetimi, përfshirë edhe zbatimin e masave të veçanta hetimore.

Aksioni lidhet me dyshimet për përfshirje në vepra penale si korrupsioni, keqpërdorimi i detyrës zyrtare, dhënia dhe marrja e ryshfetit, ushtrimi i ndikimit, mashtrimi si dhe armëmbajtja pa leje.

Gjatë këtij aksioni policor janë arrestuar shtatë persona me inicialet: F.I., J.M., N.K., M.D., B.D., Sh.T. dhe G.L. Të dyshuarit, sipas autoriteteve, janë kapur në flagrancë gjatë shkëmbimit të parave.

Me vendim të Prokurorisë Speciale, shtatë të arrestuarit janë ndaluar për 48 orë. Gjatë kontrolleve të zhvilluara në kuadër të operacionit janë sekuestruar rreth 20 mijë euro para të gatshme, armë, bizhuteri, dokumente të ndryshme, pajisje elektronike si dhe tri automjete.

Autoritetet kanë bërë të ditur se hetimet lidhur me këtë rast janë duke vazhduar, në koordinim të plotë ndërmjet Policisë së Kosovës dhe Prokurorisë Speciale të Republikës së Kosovës./S.K/KP/

Continue Reading

Të kërkuara