Sport

Man City ul ofertën për Leo Messin

Published

6 years ago

February 19, 2021

Betim Gashi

Manchester City provoi të bindë Lionel Messin të transferohet në “Etihad Stadium” që gjatë verës së kaluar dhe mediat angleze raportuan se ylli argjentinas mori një ofertë vërtetë joshëse prej 600 milionë paundësh për një periudhë 4-vjeçare.

Bëhej fjalë për një ofertë për të luajtur dy sezone me fanellën e “citizens’ dhe dy të tjera në Shtetet e Bashkuara të Amerikës, me klubin tjetër në pronësi të shoqërisë nga Katari, New York City.

Megjithatë kriza ekonomike ka dhënë efektin e vet edhe te klubet më të pasura dhe “The Sun” raporton se Manchester City ka ulur ofertën në drejtim të Messit me plot 170 milionë paundë, duke njoftuar menaxherët e tij se nuk mund të shkojnë përtej shifrës së 430 milionë paundëve.

Kjo lëvizje e skuadrës nga Manchesteri mund të ndikojë jo pak në garën për të marrë shërbimet e yllit argjentinas, pasi “citizens” do të duhet të duelojnë deri në fund me Paris Saint Germain, që gjithashtu ka shprehur hapur interesin për Messin.

Vetë ylli argjentinas duket gjithmonë e më i bindur për të lënë Barcelonën, duke qenë se klubi katalan po përjeton një periudhë kaosi dhe vështirësish ekonomike dhe rikthimi në garën për trofe do të kërkonte disa vite.

Kontrata e Lionel Messit me Barcelonën skadon në fund të këtij sezoni dhe deri tani nuk është bërë asnjë përpjekje për rinovim, ndaj klubi që do të bindë argjentinasin, do të marrë falas kartonin e tij.

Up Next

Akil Gjakova fiton me ippon

Don't Miss

Legjenda e Arsenalit i kërkon atyre ta bëjnë permanente transferimin e Odegaard

Vendi

Akil Gjakova mbyll garën pa medalje në Abu Dhabi

Published

17 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

17 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

19 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/