Forcat e grupeve rezistente në Afganistan janë zotuar të vazhdojnë luftën e tyre kundër talebanëve, pasi janë duke vazhduar stërvitjet e tyre në luginën Panjshir, një pikë strategjike që gjendet në veri të Kabulit.
Qindra luftëtarë që për asnjë moment nuk iu nënshtruan talebanëve që morën nën kontroll Kabulin, janë parë duke u stërvitur me pushkë të ndryshme automatike, transmeton Telegrafi.
Ata janë të veshur me rroba ushtarake dhe vazhdimisht marshojnë rrugëve malore të këtij rajoni. Forcat anti-talebane të njohura ndryshe si Aleanca Veriore, janë zotuar të luftojnë deri në frymën e fundit për t’i mbrojtur 170.000 banorë, shumica prej tyre Tajik që jetojnë në luginën Panjshir që shtrihet në malet Hindu Kush në veri të kryeqytetit afgan.
Intensifikimi i stërvitjeve po ndodh pasi talebanët janë zotuar se do të dërgojnë qindra luftëtarë për ta rrethuar Panjshirin.
Ky rajon konsiderohet bastioni i fundit i grupit që i lufton talebanët dhe udhëhiqet nga Ahmad Massoud, 32-vjeç, që u shkollua në Britani të Madhe dhe është i biri i legjendës që luftoi për liri nga talebanët.
Massoud u trajnua nga ushtria britanike në Sandhurst, dhe është zotuar se këmba e talebanit nuk do të shkel kurrë në rajonin ku ai jeton dhe vepron.
Ahmad Shah Massoud
Ishte vetëm 12-vjeç kur babai i tij Ahmad Shah Massoud i njohur si “Napoleoni afgan” dhe “luani i Panjshirit” u vra nga militantët e Osama Bin Ladenit të Al Qaedas – duke u prezantuar kinse si gazetarë të Al Jazeera – vetëm dy ditë para sulmet të 11 shtatorit.
Massoud ishte detyruar të largohet nga vendlindja, për të ndjekur mësimet në shkollën e mesme në Iran, ku më pas vazhdoi jetën në Sandhurst ku u diplomua në kolegjin King të Londrës.
Tani Massoud është zotuar se do të luftojë deri në frymën e fundit kundër talebanëve dhe të mbroj banorët e Panjshirit. Ai konsiderohet si makthi më i madh i talebanëve.
Kancelari gjerman Friedrich Merz është shprehur optimist se Shtetet e Bashkuara të Amerikës do të rrisin presionin mbi Rusinë në mënyrë që ta bindin vendin të negociojë për t’i dhënë fund luftës në Ukrainë.
Përpara largimit të tij nga samiti në Kananaskis, Merz tha se shpresonte që SHBA-ja do të merrte, së shpejti një vendim për vendosjen e më shumë sanksioneve ndaj Rusisë.
Të hënën, udhëheqësi gjerman theksoi se nuk ishin vendosur sanksione të reja amerikane që kur Trump ishte kthyer në pushtet, në janar.
Trump nuk është treguar i gatshëm për të vendosur më shumë sanksione ndaj Moskës pavarësisht përpjekjeve të Bashkimit Evropian.
“Sanksionet na kushtojnë shumë para. I kushtojnë shumë para SHBA-së”, tha Trump.
Komisioni Evropian propozoi dje një ndalim të plotë të importeve të gazit rus në Bashkimin Evropian deri në fund të vitit 2027.
Deklarata e Merz erdhi pasi presidentja e Komisionit Evropian, Ursula von der Leyen i bëri thirrje SHBA-së të shtrëngonte sanksionet kundër Rusisë.
“Për të sjellë Rusinë në tryezën e negociatave dhe për t’i dhënë fund luftës në Ukrainë, duhet të rritet presioni”, tha Von der Leyen në një konferencë për shtyp./atsh
Ngjarjet argëtuese do të ndalohen në qytet dhe flamujt kombëtarë do të ulen, ka theksuar kryetari i bashkisë së kryeqytetit ukrainas Vitaliy Klitschko , Këshillit Kombëtar të Ukrainës për Televizion dhe Transmetim Radiofonik Këshilli Kombëtar.
“18 qershori është shpallur Ditë Zie në Kiev. Në kujtim të viktimave të sulmit masiv të armikut në kryeqytet. Çdo aktivitet argëtues është i ndaluar në qytet më 18 qershor”, tha kryetari i bashkisë së Kievit në një postim.
Vitaliy Klitschko tha se në këtë ditë do të ulen flamujt në të gjitha ndërtesat komunale të qytetit. Gjithashtu rekomandohet të ulen flamujt kombëtarë në ndërtesat shtetërore dhe private.
Këshilli Kombëtar për Transmetimet Televizive dhe Radiofonike rekomandoi që kanalet televizive dhe stacionet radiofonike të ndryshojnë oraret e tyre të transmetimit, duke hequr përmbajtjen argëtuese.
“Në shenjë zie për të vdekurit, flamujt kombëtarë do të ulen në të gjitha ndërtesat komunale të kryeqytetit. Gjithashtu rekomandohet të ulen flamujt kombëtarë në ndërtesat shtetërore dhe private”, theksoi Këshilli Kombëtar.
Këshilli Kombëtar i Televizionit dhe Radios shprehu ngushëllimet e tij të sinqerta familjeve të viktimave dhe u uroi shërim të shpejtë të plagosurve.
Udhëheqësi suprem i Iranit, Ali Khamenei, ka bërë një deklaratë të ashpër ndaj Izraelit, duke paralajmëruar se udhëheqësit e këtij vendi nuk do të përballen me asnjë mëshirë nga ana e Iranit.
“Ne duhet t’i japim një përgjigje të fortë regjimit terrorist sionist. Nuk do t’u tregojmë mëshirë sionistëve”, shkroi Khamenei këtë të mërkurë në platformën X , duke e cilësuar Izraelin si një “regjim terrorist”.
Deklarata e tij vjen në një moment tensioni të lartë midis dy vendeve, vetëm një ditë pasi ish-presidenti amerikan Donald Trump deklaroi se SHBA mund ta “vriste lehtësisht” Khamenein dhe kërkoi “dorëzimin pa kushte” të Iranit.
Ndërkohë, Irani njoftoi të mërkurën në mëngjes se kishte lëshuar raketa hipersonike drejt Izraelit gjatë raundit të fundit të sulmeve ajrore gjatë natës.
Presidenti amerikan Trump ka këmbëngulur se SHBA nuk është përfshirë në ofensivën ajrore të Izraelit, por paralajmëroi Teheranin se durimi i tij është drejt fundit, ndërsa konflikti mes dy vendeve vijon në ditën e gjashtë.
Mediat iraniane raportuan se numri i të vdekurve nga sulmet ajrore izraelite në Teheran dhe zona të tjera të banuara është rritur në 585, me të paktën 1.326 persona të plagosur që nga fillimi i sulmeve javën e kaluar.
Tensionet rajonale janë përshkallëzuar që nga e premtja, kur Izraeli nisi sulme ajrore në shumë zona në të gjithë Iranin, përfshirë objekte ushtarake dhe bërthamore, duke bërë që Teherani të nisë sulme hakmarrëse.
Autoritetet izraelite thanë se të paktën 24 persona janë vrarë dhe qindra të tjerë janë plagosur që atëherë në sulmet me raketa iraniane në Izrael.